وه زیری مافی مرؤڤی عێراق:

به ختیار ئه مین وه زیری مافی مرۆڤی عێراق

وه زیری مافی مرؤڤی عێراق:

پێوه ندی به کۆمیته ی پشتیوانی په نابه رانی ڕۆژهه ڵاتی کوردستانه وه گرت.


ئێمه وه ک کۆمیته ی پشتیوانی له په نابه رانی ڕۆژهه ڵاتی کوردستان له ڕێکه وتی 03.2005 24. ئه و هه واڵه مان بڵاو کرده وه که ده رگای هاتوو چؤ له و 191 په نابه ره ی سه ر سنووری عێراق و ئۆردون داخراوه، هه روه ها ئه وه شمان ڕاگه یاند که کۆمیته ی پشتیوانی له گه ڵ جێگری وه زیری مافی مرۆڤی عێراقی به ته له فون پێوه ندی گرتووه و چاوه ڕوانی وڵامی وه زاره تی مافی مرۆڤ ده که ین،

ئه مرؤ 30.03.2005 به ڕێز به ختیار ئه مین وه زیری مافی مرۆڤی عێراقی به ته له فون پێوه ندی له گه ڵ عارف باوه جانی به رپرسی کۆمیته ی پشتیوانی له په نابه رانی ڕۆژهه ڵاتی کوردستان گرت.
به ڕێز: به ختیار ئه مین ڕایگه یاند که ئه وان به رده وام داوایان کردوه له وڵاتانی عێراق و ئۆردون و هه روه ها هێزه کانی ئه مریکا، که مافه کانی ئه و په نابه رانه بپارێزن و ئاسان کاریان بۆ بکه ن،
هه روه ها ڕایگه یاند که چه ندین جار پێوه ندیان به ڕێکخراوی کۆمیساریایی به رزی په نابه رانه وه گرتووه، و داواین لێ کردون که به هانای په نابه رانی ئه لکه رامه و ئه لتاش و 191 نه فه ری سه رسنووره وه بێن. هه روه ها چه ندین جار داوای له‌ وه زیری كؤجی عێراقی خانمی پاسکاڵ ئێشۆ کردوه که ئاسان کاری بۆ ئه و په نابه رانه دروست بکات.
ناو برا و به ڵێنی دا که له م ڕۆه دیسان هه نگاوی نۆیتر هه ڵگرێ بۆ کێشه ی ئه و په نابه رانه،
به تایبه ت ئه و 191 نه فه ره ی سه ر سنووری عێراق و ئۆردون.
له و پێوه ندی یه دا: عارف باوه جانی به درێژی باسی هه ل و مه رجی دژواری ئاواره کانی پاش ماوه ی ئه ڵتاش و سه ربڕین و بێسه رو شۆین کردنی چه ندین ئاواره ی ئه و ئۆردگایه ی بۆ به ڕێز به ختیار ئه مین کرد،به تایبه ت خۆیندکار شاهۆی عه باسی که بۆ ماوه ی 2 مانگه له لایان گرووپێکی نه ناسراودا له شاری ڕۆمادییه ڕفێندرابوو، داوای کرا که به دوای هه واڵی شاهۆ ی عه باسی دا بگه ڕێن.
له کۆتایدا به ڕێز به ختیار ئه مین به ڵێنی به به رپرسی کۆمیته که مان دا، که به رده وام له پێوه ندی دا بێت له گه ڵماندا بۆ هاوکاری کردنی زیاتر سه باره ت به و په نابه رانه.

به پێێ ئاخرین هه واڵ که ئه مڕۆ له لایان کۆمیته ی ئه و 191 په نابه ره ی سه ر سنووری عێراق و ئۆردون به ده ستمان گه ێشتووه، هه ل و مه رجی ئه و 191 په نابه ره زۆر دژوارتر بووه، له به ر
ئه وه ی ڕێگای هاتوو چۆیان لێ داخراوه، به تایبه ت ده ست که وتنی ئاوی خواردنه وه یان زۆر بۆ زه
حمه ته، هۆکاره که شێ ئه وه یه که پۆلیسی سه ر سنووری عێراق. به ته واوی زه ختی خستووه ته سه ریان و هه موو ڕێگایه کیان لێ دژوار ده که ن بۆ ئه وه ی ئه و شۆێنه به جێ بێڵن و بگه ڕێنه وه بۆ
ئه ڵتاش.



کۆمیته ی پشتیوانی له په نابه رانی ڕۆژهه ڵاتی کوردستان له عێراق و ئۆردون،
altash_refugee@yahoo.com. altash_refugee@hotmail.com
tel 00 47 92 81 78 73. fax 00 47 64 87 43 39

هه‌واڵ و وتوێژێکی سه‌رنج ڕاکێش!
نوێکراوه‌ته‌وه‌

سایتی کوردستان پۆست هه‌واڵێکی به‌م جۆره‌ بڵاوکردۆته‌وه‌: " ئه‌مرِۆ 27 / 3 / 2005 ، كاتژمێر10 ی سه‌رله‌به‌یانی به‌ كاتی ئه‌وروپا له‌ په‌یوه‌ندییه‌كی ته‌له‌فۆنیدا، دایكی "نیان جه‌مال رِه‌شید" هه‌واڵی دڵته‌زنێ ده‌ست به‌سه‌رداگرتن و دیلكردنی (نیان)ی 19 ساڵه‌ی كچی به‌ كوردستانپۆست رِاگه‌یاند . كه‌ له‌ لایه‌ن لێپرسراو و ده‌سه‌ڵاتدارێكی پارتیی دیموكراته‌وه‌ ئه‌م كاره‌ ئه‌نجامدراوه‌. گێرِانه‌وه‌ی رِووداوه‌كه‌ زۆر تراژیدیا و دڵته‌زێن و دوورو درێژه‌، ئێمه‌ به‌شێكی ئه‌و رووداوه‌ له‌و گفتوگۆیه‌ی خواره‌وه‌دا بۆ ده‌خه‌ینه‌ روو، هه‌ر لێره‌یشه‌وه‌ بانگه‌وازی هه‌موو رِێكخراوه‌كانی مافی مرۆڤ و ژنان ده‌كه‌ین كه‌ هاوكاری (رِووناك حسین به‌رزنجی)ی دایكی نیان بكه‌ن بۆ رِزگاركردنی گیان و ژیانی كچه‌كه‌ی كه‌ ئێستا له‌ هه‌ولێر به‌ زۆر فرِێندراوه"‌. هه‌ر له‌ کوردستان پۆست تاهیر ساڵح شه‌ریف وتوێژێکی ته‌له‌فوونی له‌گه‌ڵ دایکی نیان ئه‌نجامداوه‌ ورده‌کاری ئه‌و هه‌واڵه‌ی ڕوونکردۆته‌وه‌. گه‌ر به‌وشێوه‌یه‌ی دایکی نیان باسی ده‌کات و نیانی 19ساڵه‌ له‌ژێر پاڵه‌په‌ستۆی باوکی و براکه‌ی درابێته‌ که‌سێکی پیری ساماندار که‌ ته‌مه‌نی 60ساڵه‌، بێگومان ئاکارێکی دزێوو نزمه‌ که‌ تا نوکه‌ش له‌ کۆمه‌ڵگای کورده‌واریدا که‌سانێکی نه‌فس نزمی پاره‌و سامان خۆشه‌ویست ئه‌نجامی ده‌ده‌ن و په‌ڵه‌یه‌کی پڕ له‌ شه‌رمه‌زاریه‌ به‌سه‌ر کۆمه‌ڵگای کورده‌واریه‌وه‌. لێره‌داو بۆ ئه‌م ڕوداوه‌ ڕاتڵه‌کێنه‌ره‌ ئه‌رکێکی گران ده‌که‌وێته‌ سه‌ر ڕێکخراوه‌ داکۆکی که‌ره‌کانی مافی مرۆڤ و ژنان له‌ کوردستان و ڕێکخراوه‌کانی ژنان به‌ تایبه‌تی. ده‌سه‌ڵاتی کوردستانیش ئه‌رکی پاراستینی نیانی له‌ ئه‌ستۆیه‌و پێویسته‌ ده‌سبه‌جێ بۆ ڕزگارکردنی نیان له‌ چنگی باوکو براکه‌ی و ڕفێنه‌ره‌کانی دیکه‌ ده‌ست به‌کار بێت. بێگومان ته‌قاندنه‌وه‌ی ئه‌و هه‌واڵه‌و به‌دواداچونی چاره‌نوسی نیانیش له‌ ئه‌ستۆی هه‌رکه‌سێکه که‌ هۆگری مافی مرۆڤ و ئازادیه‌کانی بێت و له‌وه‌ش زیاتر ڕاگه‌یه‌نه‌ کوردییه‌کان. ده‌با بۆ ڕزگاری نیان و شه‌رمه‌زارکردنی ڕفێنه‌رانی هه‌رکه‌سێک له‌ ئاست خۆی هه‌نگاو هه‌ڵگرێ و له‌کێشه‌ی نیان به‌ خاوه‌ن ده‌رکه‌وێ.

خوێنه‌ری هێژا!

ئه‌وه‌ی له‌سه‌ره‌وه‌ خوێندتانه‌وه‌ هه‌واڵێک بوو که‌ کوردستان پۆست بڵاویکردبوه‌وه‌و لینکی وتووێژێک که‌ کوردستان پۆست له‌گه‌ڵ ڕوناک حسێن دا سه‌باره‌ت به‌و هه‌واڵه‌ی پێی ڕاگه‌یاندوون. ڕۆژی دوای ئه‌و هه‌واڵه‌ کوردستان پۆست نوسیبووی که‌ پاش ماوه‌یه‌کی دیکه‌ وتوێژێکی ڕاسته‌وخۆتان له‌ گه‌ڵ نیانی کچی ڕووناک ڕه‌شید بۆ بڵاوده‌که‌ینه‌وه‌. من له‌به‌ر ئه‌وه‌ی ئه‌و هه‌واڵه‌م لێره‌ بڵاوکردبوه‌وه‌ گوێقوڵاخی بیستنی ڕاستی زیاتر بووم و چاوه‌ڕوانی وتوێژه‌که‌ی نیان بووم که‌ گوایه‌ ڕفێندراوه‌! ڕوون نیه‌ که‌سێکی ڕفێندراو چۆن ده‌توانێ وتوێژ له‌گه‌ڵ مێدیا بکات؟! له‌و نێوه‌دا به‌ ڕێکه‌وت له‌گه‌ڵ دۆستێک له‌ ڕێگای ئینترنێته‌وه‌له‌ شاری هه‌ولێر په‌یڤیم. ئه‌و دۆسته‌ هه‌واڵه‌که‌ی به‌ هه‌ڵبه‌ستراو له‌قه‌ڵه‌مداو گوتی فڕی به‌ڕاستیه‌وه‌ نیه‌. پاش چه‌ند کاتژمێرێک ئه‌وه‌نده‌ی له‌بیرم بێت به‌ڕێوه‌به‌رانی کوردستان پۆست نوسیان که‌ پاش وتوێژه‌که‌ نیان خان داوای لێکردوون که‌ وتوێژه‌که‌ بسڕنه‌وه‌ و هه‌ر له‌سه‌ر داوای ئه‌ویش ئه‌و وێنه‌ که‌ ئێستا ئه‌ز دامناوه‌ و له‌وێم وه‌رگرتوه‌ لابه‌رن. ئه‌وانیش وێرای لابردنی وێنه‌که‌و دانه‌نانی وتوێژه‌که‌، وتوێژی کاک تاهیر شه‌ریفیشیان له‌گه‌ڵ دایکی نیان سڕیوه‌ته‌وه‌.
ئه‌م ئاکاره‌ی کوردستان پۆست جێگای سه‌ر سوڕمان و لێوربوونه‌وه‌یه‌. ئه‌و ئاکاره‌ی ئه‌وان وه‌ک ئه‌وه‌ وایه‌ هه‌واڵ و بابه‌تێک له‌ ڕۆژنامه‌دا بوه‌شێنی و پاشان له‌ به‌ر هه‌ندێک هۆ!! بچی له‌ بازاڕو له‌ خوێنه‌رانی وه‌رگریه‌وه‌. ئه‌و دۆستانه‌ له‌وه‌ی ناهزرن که‌ سایتی ئینترنێتیش هه‌ر ڕۆژنامه‌یه‌و شتێک که‌ وه‌شێنرا له‌ سایتێکدا سڕینه‌وه‌ی وه‌ک ئه‌وه‌ وایه‌ تف ڕۆکه‌ی و هه‌ڵیگریه‌وه‌! ئه‌و ئاکاره‌ی کوردستان پۆست ئاماژه‌ی ئه‌و ڕاستیه‌یه‌ که‌ به‌داخه‌وه‌ ئه‌و به‌ڕێزانه‌ ئاگایان له‌ بنه‌مای ڕۆژنامه‌ڤانی نیه‌و بێبنه‌ما کێشه‌یه‌ک ده‌وروژێنن و پاشان خۆی ناکه‌ن به‌ خاوه‌ن. بێگومان ئه‌و جۆره‌ ئاکارانه‌ که‌ به‌داخه‌وه‌ هه‌ر له‌ کوردستان پۆست ڕوی نه‌داوه،‌ نرخی ئه‌و جۆره‌ سایتانه‌ که‌م ده‌کاته‌وه‌ و متمانه‌ی خوێنه‌ریش ده‌دۆڕێنن. بۆیه‌ش گه‌ره‌که‌ بابه‌تێک پێش ئه‌وه‌ی به‌ته‌واوی نه‌یشێلن و نه‌چنه‌ بنج و بناوانی بڵاوی نه‌که‌نه‌وه.

دوکتۆر روئیا تلوعی بانگ کرا بۆ دادگا

بانگکردنی دوکتور ڕوئیا تلوعی بۆ دادگا

به دوای شکایه تی حیفازه تی ئیتلاعاتی هێزی ئینتیزامی له دوکتۆر روئیا تلوعی له سه‌ر وتووێژه‌‌ کانی له گه ڵ رادیۆ بیانییه‌کان به بیانوی ره تی سه ڵاحییه تی رێکخراوه ی ژنانی کوردی پارێزه ری مافی مرۆڤ و ئاشتی، ناوبراو له لایه ن شوعبه ی چواری دادگای سنه‌وه که له ژێر چاودێری دادگای ئینقلابدایه، بانگ کرا. بڕیار درا دوکتۆر روئیا بۆ رۆژی سێشه‌ممه شانزه ی خاکه‌لێوه‌ له دادگا ئاماده بێ و به بیانوی وتووێژه‌کانی له گه ڵ ئه‌و رادیۆیانه و تێکدانی ئه منییه تی نیزامی کۆماری ئیسلامی دادگایی بکرێ. شایانی باسه "حیفازه تی ئیتلاعات" شکایه‌تێکی تریشی له شوعبه ی یه‌ک له سه‌ر نائیسلامی بوونی نووسینه کان و وێنه کانی لێ کردوه که هێشتا ئیحزارییه‌ی ئه‌ویان بۆ نه ناردوه . ماوێکه زه‌خت و گوشاری کۆماری ئیسلامی له سه ر چالاکانی بزاڤی ژنان له کوردستان ده ستی پێکردوه و ئه مه ش ئاماژه به گه‌شه و په‌ره‌سه‌ندنی بزووتنه‌وه‌ی ژنانی کورد له رۆژهه‌ڵاتی کوردستان و مه‌ترسی ئه‌م بزاڤه بۆ ده سه‌ڵاتداران ده‌ر ده‌خات.

له‌ پێوه‌ندیی له‌گه‌ڵ پاڵه‌په‌ستۆو ڕێگریه‌کانی کۆماری ئیسلامی بۆسه‌ر چالاکان و تێکۆشه‌رانی فه‌رهه‌نگی، کۆمه‌ڵایه‌تی و سیاسی له‌ ڕۆژهه‌ڵاتی کوردستان ماوه‌یه‌ک له‌وه‌ پێش ژماره‌یه‌کی به‌رچاو له‌ چالاکڤانانی بواری سیاسی و که‌لتوری کورد له‌ هه‌ڵوێستێکدا ئه‌و ئاکاره‌ ناره‌واو نابه‌جه‌ێیه‌ی کۆماری ئیسلامی له‌مه‌ڕ ئه‌و تێکۆشه‌رانه‌ ئه‌نجامی ده‌دا به‌ توندی شه‌رمه‌زار کرا. له‌و کاته‌وه‌ تائێستا ژماره‌ی ئه‌وانه‌ی ناوی خۆیان خستۆته‌ بن ئه‌و هه‌ڵوێسته‌ هه‌روا ڕوو له‌ زیاد بوونه‌و تۆش گه‌ر ده‌خوازی ده‌توانی و لێره‌وه‌ هه‌م ده‌کرێ هه‌ڵوێسته‌که‌ ببینی و هه‌میش پشتیوانی خۆت بۆ ئه‌و چالاکانه‌‌ی ناوه‌وه‌ له‌ ڕێگای ئه‌م هه‌ڵوێسته‌وه‌ ده‌رببڕێ. ده‌با هه‌موومان پاڵه‌په‌ستۆو زۆرداریه‌کانی کۆماری ئیسلامی بۆ ڕێگرتن له‌ چالاکڤانانی کورد له‌ ڕۆژهه‌ڵاتی کوردستان به‌ هه‌ر شێوه‌یه‌ک بۆمان ده‌گونجێ، شه‌رمه‌زار بکه‌ین. وه‌ک ده‌بینین نوێترین ئاکاری ده‌سه‌ڵاتدارانی کۆماری ئیسلامی بانگکردنی خاتوو ڕوئیا تلوعی بۆ به‌رده‌می به‌ناو دادگای کۆماری ئیسلامیه‌.

تێرونینێک له‌ شێوازی پیرۆزکردنی نه‌ورۆز و ئه‌رکه‌ هه‌نوکه‌ییه‌کان‎

تێروانینێک له‌ شێوازی پیرۆزکردنی نه‌ورۆز و ئه‌رکه‌ هه‌نوکه‌ییه‌کان‎

ئه‌مساڵیش جه‌ژنی نه‌ورۆز هاته‌وه، ڕوژێکی نوێ و ساڵێکی نوێ و سانی وه‌رزان وه‌رزی به‌هار، وه‌رزی ژیانه‌وه‌ی سروشت و مرۆڤ، وه‌رزی نوێبوونه‌وه،‌ جارێکی دیکه‌ به‌ خۆشی و به‌هاته‌وه‌.

له‌مێژ ساڵه‌ نه‌ورۆز وه‌ک بۆنه‌یه‌کی نه‌ته‌وه‌یی کوردان وه‌ک جه‌ژنی ژیانه‌وه‌ی سروشت، وه‌ک سه‌ره‌تای گه‌ڕانه‌وه‌ی هیوای ژیان بۆ مه‌ڕدارو ئاژه‌ڵدارانی کوردستان، مینا نوێبوونه‌وه‌یا ساڵا نووا کوردی ژلاێین کوردانه‌وه‌ دێته‌ پیرۆز کردن. به‌درێژایی مێژوو هیچ کۆسپێک نه‌یتوانیوه‌ ڕێ له‌ پیرۆزکردنی ئه‌م جه‌ژنه‌ نه‌ته‌وه‌ییه‌ بگرێ و ڕۆڵه‌کانی نه‌ته‌وه‌که‌مان له‌ زاری باوباپیران و پێشینیانه‌وه‌ وه‌چه‌ دوای وه‌چه‌ گه‌وره‌یی و پیرۆزی ئه‌م جه‌ژنه‌و په‌یام و گرنگی ڕۆژی نه‌ورۆزی کورده‌واریان گواستۆته‌وه‌ و نه‌یان هێشتوه‌ بفه‌وتێ و نه‌مێنێ. له‌ پاڵ ئه‌وه‌شدا له‌ کۆنه‌وه‌ دوژمنان و نه‌یارانی ئه‌م نه‌ته‌وه‌ هه‌وڵی ئه‌وه‌یان داوه‌ به‌ فێڵ و ده‌هۆو دروستکردنی مێژوی ناڕاست‌ خاوه‌نداریه‌تی ئه‌م جه‌ژنه‌ له‌ کورد بستێننه‌وه‌ و بیکه‌نه‌ هی خۆیان. گه‌رچی له‌ هێندێک بورادا ئه‌وان توانیبێتیان سه‌رکه‌ون به‌ڵام نه‌یانتوانیوه‌ به‌رزی و پیروزی و خۆشه‌ویستی ئه‌م ڕۆژه‌ له‌ ناو دڵو ده‌روونی تاکی کورددا ده‌ربهێنن و له‌ هزرماندا بیسڕنه‌وه‌. له‌سه‌ده‌ی ڕابردوودا ئه‌م هه‌وڵه‌ نه‌زۆک و دوژمانه‌یه‌ له‌ لایه‌ن داگیرکه‌رانی کوردستانه‌و‌ه گوڕێکی دیکه‌ی پێدراو شێوازێکی دیکه‌یان گرته‌به‌ر بۆ ئه‌وه‌ی کورد له‌ پیرۆزکردنی ئه‌م جه‌ژنه‌ دور بخه‌نه‌وه‌. ئه‌وان که‌ خاکه‌که‌یان داگیر کردبووین، ده‌یان ویست که‌لتوور و زمان و شانازییه‌کانیشمان داگیر بکه‌ن و تاڵانی بکه‌ن و له‌ ئێمه‌شی به‌ربه‌ست بکه‌ن. ڕێگربوون له‌ په‌یڤین به‌زمانی کوردی، ڕێگربوون له‌ پیرۆزکردنی نه‌ورۆز و ڕێگربوون له‌ هه‌ر شتێک که‌ پێوه‌ندی به‌کورده‌و بوو. به‌ شێوه‌یه‌ک که‌ سه‌ده‌ی ڕابردو، سه‌ده‌ی جینۆسایدو قڕکردنی کورد له‌هیچ هه‌وڵێک ته‌نه‌خیان نه‌کردو نه‌پرینگانه‌وه‌. ئه‌وان له‌م هه‌وڵه‌شیاندا شکستیان هێناو ناکام مانه‌وه‌. له‌ ڕاستیدا پیره‌مێرد، هۆنه‌ری مه‌زنی کورد به‌ هۆنینه‌وه‌ی سرودی ئه‌مڕۆژی ساڵی تازه‌یه‌ نه‌ورۆزه‌ هاته‌وه‌- جه‌ژنێکی کۆنی کورده‌ به‌خۆشی و به‌هاته‌وه، گوڕو تینێکی زیاتری دایه‌وه‌ به‌ به‌ره‌نگار بوونه‌وه‌ له‌ ئاست هه‌وڵی نه‌یاراندا و له‌وڕۆژه‌وه‌ ئه‌و سروده‌ بۆته‌ وێردی زمانی پیرو لاوو زارۆکی کورد.

داگیرکه‌ران و دوژمنانی شایی و خۆشی له‌ کوردستان که‌ تا ئه‌وکات نه‌یانتوانیبوو ڕێ له‌ شاییه‌کانی نه‌ورۆز بگرن ده‌هۆو هه‌وڵێکی ترسه‌نۆکانه‌و ڕێبازێکی نامرۆڤانه‌یانه‌ی دیکه‌یان گرته‌به‌ر. ئه‌ویش ئه‌وه‌ بوو که‌ گشت تاوانه‌ نامرۆڤایه‌تیانه‌کانیان له‌ ده‌وروبه‌ری ڕۆژی نه‌وروزو نوێبوونه‌وه‌ی ساڵدا ئه‌نجام بده‌ن و به‌مه‌ش ڕۆژانی نه‌وروزو سه‌ره‌تای ساڵی نوێی کورده‌واری و به‌هاری ڕازاوه‌ی کوردستان بکه‌نه‌ ڕۆژی ماته‌مین و گریان و دۆژدامان‌و واڵاییه‌کی پڕ له‌ بێهیوایی بئافرێنن. ده‌یان تاوانی نامرۆڤانه‌و ترسه‌نۆکانه‌یان دژی ئه‌م نه‌ته‌وه‌ جێبه‌جێکرد بۆ ئه‌وه‌ی سه‌ره‌نجام به‌چۆکماندا بێنن. به‌ڵام ئه‌وان له‌وه‌ی بێ ئاگابوون و هێشتا تێنه‌گیشتبوون که‌ ئه‌م گه‌له‌ نه‌به‌ردو دلێره‌ شایی و خۆشیه‌کانیشی وه‌ک چه‌کێک له‌دژی داگیرکردن به‌کار ده‌هێنێ و به‌مه‌ش ڕاوه‌ستاوی و خۆڕاگری خۆی به‌ ڕووی نه‌یاراندا ده‌داته‌وه. له‌وه‌ش زیاتر جه‌ژنی نه‌ورۆز له‌سه‌ده‌ی ڕابردوودا بوو به‌ ڕۆژی سه‌رهه‌ڵدان و گوتنی نا به‌ داگیرکردن و تواندنه‌وه‌. ڕۆژانی نه‌ورۆز ئه‌و ڕۆژانه‌ بوون و تائێستاش له‌ پارچه‌ داگیرکراوه‌کانی کوردستان هه‌رهه‌ن که‌ دیمه‌نێکی پڕ له‌ خرۆشی جه‌ماوه‌ری و نوێبوونه‌وه‌ی گیانی سه‌ر هه‌ڵدانی به‌شاییه‌کانی نه‌ورۆز به‌خشیوه‌و ئه‌مه‌ش زیاتر داگیرکه‌ران و نه‌یارانی بێهیواو بێ ئاکام کردوه‌.

پاش ڕاپه‌ڕینی باشوری کوردستان، ‌و به‌تایبه‌ت له‌ چوار پێنج ساڵی ڕابردووداو دوای کۆتایی هاتنی شه‌ڕی دزێوی خۆکوژی، نه‌ورۆز ڕه‌نگو بۆنێکی دیکه‌ی پێدراوه‌و ساڵ دوای ساڵیش دیمه‌نه‌کانی به‌ڕێوه چونی ئه‌م جه‌ژنه‌ جوانتر و ڕازاوه‌تر ده‌بن. به‌ڵام ئه‌م نه‌ورۆزه‌ی ئه‌مساڵ جیاوازیه‌کی فره‌ دیاری له‌گه‌ڵ نه‌ورۆزه‌کانی دیکه‌ هه‌یه‌. ئه‌ویش له‌ به‌ر ئه‌وه‌ی خاکی باشوری کوردستان به‌ته‌واوی ئازادو ڕزگاره‌و هه‌رچه‌ند هێشتا هه‌مووی شارو باژێرۆکه‌کان نه‌کوتونه‌ سنوری به‌ڕێوه‌به‌ری ده‌سه‌ڵاتی کوردستانه‌وه،‌ به‌ڵام نه‌مانی دیکتاتۆڕیه‌ت و سه‌رکه‌وتنه‌کانی کوردستان له‌ هه‌ڵبژاردن و که‌شوهه‌وای تاڕاده‌یه‌کی زۆر ئارام و جێی هیوا، جیاوازیه‌کانی ئه‌مساڵی به‌ڕونی خویا کردوه. له‌ پارچه‌ داگیرکراوه‌کانی کوردستانیش کاریگه‌ری سه‌رکه‌وتنه‌کانی باشوریان له‌سه‌ره‌و له‌گه‌ڵ ده‌ربڕینی خۆشی و شایی له‌م ڕۆژه‌دا خۆشی و خرۆشێکی دیار به‌ دیمه‌نه‌کانی به‌ڕێوه‌ بردنی نه‌ورۆزه‌وه‌ ده‌بینرێ و سه‌‌ره‌ڕای زۆرداری و داپڵۆسین و ڕێگرتنه‌کان جه‌ماوه‌ر به‌ گه‌وره‌و بچوک و ژن و مێره‌وه‌، هه‌ر له‌ قامیشلۆو کۆبانه‌وه‌ تاده‌گاته‌ دێرسیم و ئامه‌دو له‌وێشه‌وه‌ بۆ ورمێ و سنه‌و کرماشان گشت شارو گوندێکی کوردستان نه‌ورۆز به‌ شێوازی جۆربه‌جۆر هاتۆته‌ پیرۆز کردن.

له‌ ده‌ره‌وه‌ی کوردستانیش و له‌ هه‌ر شوێنێک کوردێکی لێبووبێت جه‌ژنی نه‌ورۆز پیرۆز کراوه‌. لێ سه‌ره‌ڕای خرۆش و کوڵی ڕۆژانه‌ی ئه‌م جه‌ژنه‌ مه‌زن و نه‌ته‌وه‌ییه،‌ گه‌لێک دیارده‌ی‌ ناشیرین و نابه‌جێ که‌ له‌ ڕۆژگاری ئه‌مڕۆدا ئیتر نابێ جێیان بێته‌وه،‌ تاڕاده‌یه‌ک بوونه‌ هۆی لێڵکردنی واڵایی و دۆخی نه‌ورۆزی کورده‌واری. له‌وه‌ش زێده‌تر ئه‌و گۆڕانکاریانه‌ی ئه‌مڕۆ که‌ کوردستانی گرتۆته‌وه‌و و ئه‌و دۆخه‌ی که‌ بۆ ڕۆڵه‌کانی نه‌ته‌وه‌که‌مان له‌ باشور چێبوه‌ ئه‌رکی نوێ ده‌خاته‌ سه‌ر شانی هه‌موو ڕوناکبیران‌و نوسه‌ران و ڕاگه‌یه‌نه‌ کوردییه‌کان و هه‌روه‌ها داموده‌زگا سیاسی و ڕۆشنبیریه‌کان به‌تایبه‌ت له‌ باشوری کوردستان.

لێره‌دا، سه‌ره‌تا له‌مه‌ڕ دیارده نامۆو ناشیرینه‌كان چه‌ند نموونه‌یه‌ک باس ده‌که‌م و پاشان به‌ کورتیش بێت له‌ ئه‌رکه‌ هه‌نووکه‌ییه‌کان که‌ ده‌که‌وێته‌ ئه‌ستۆمان ده‌‌دوێم. نه‌ورۆز به‌ ئاگره‌وه‌ جوانه‌وه‌ و یه‌کێک له‌ پێناسه‌کانی کوردیبونی ئه‌و ڕۆژه‌ بۆ کورد ئاگره‌که‌یه‌تی. بێگومان ئه‌وه‌ی له‌بیرمانه‌ هه‌موو ساڵێک له‌ نه‌ورۆزدا له‌سه‌ر به‌رزترین لوتکه‌ی چیاکانی کوردستان و له‌ ناو گوندو گه‌ڕه‌که‌کانی شاره‌کاندا، ئاگر کراوه‌ته‌وه‌ و ڕێگرو کۆسپه‌کانیش نه‌یان توانیوه‌ ڕێ له‌م کاره‌ بگرن. ته‌نانه‌ت له‌بیرمانه‌ که‌ که‌مالیسته‌کان نه‌ورۆزو هه‌موو شتێکی کورده‌واریان به‌ربه‌ست کردبوو، به‌ڵام زه‌کیه‌ ئه‌لکان، کیژه‌ کوردی باکوری کوردستان به‌ ئاگر به‌ردانه‌ جه‌سته‌ی خۆی دڕی به‌ تاریکیدا و له‌رزی خسته‌ دڵی داگیرکه‌ران و ته‌زاندنی و له‌ هه‌مانکاتدا له‌ ناودڵ و ده‌روونی هه‌موو کورداندا ئاگری سه‌رهه‌ڵدانی داگیرساندوه‌. له‌ دۆخێکی ناچاری و بۆ به‌رپه‌رچدانه‌وه‌ و به‌ ئامانجی به‌رنگاربوونه‌وه‌ له‌ قۆناخی به‌ره‌نگاریدا ئاگر کردنه‌وه‌ به‌هه‌ر ئامرازێک ڕێیتێده‌چێ و پاساوی هه‌یه‌و تا ڕاده‌یه‌ک ئاساییه‌. به‌ڵام ئه‌مڕۆ به‌تایبه‌ت له‌ باشوری کوردستان، که‌ ئازادی و ئارامی و ته‌بایی تا ڕاده‌یه‌کی زۆر باڵی به‌سه‌ر ئه‌و به‌شه‌دا کێشاوه‌، کردنه‌وه‌ی ئاگر به‌ تایه‌‌ری ماشین، که‌ دوکه‌ڵێکی ڕه‌ش و ڕه‌زا گرانی لێبه‌رزده‌بێته‌وه‌ و بۆن و به‌رامێه‌کی ناخۆش و دژ به‌ سڵامه‌تی زینده‌وه‌رو ژینگه‌ی لێ چێ ده‌بێ، نه‌ک هه‌ر پاساوی نیه‌و ڕێی تێناچێ، به‌ڵکو زیانهێنه‎رو ناشیرینیشه‌. له‌وه‌ش خراپتر له‌یه‌کێک له‌ کلیپه‌کانی گۆرانی نه‌ورۆز تایه‌ری ماشین له‌ یه‌کێک له‌ کاناڵه‌کان، بێده‌ربه‌ستانه‌ نیشان ده‌درێ که‌ بۆ ئاگری نه‌ورۆز کۆیان ده‌که‌نه‌وه‌. سه‌باره‌ت به‌م دیارده‌‌ نامۆو ڕه‌زاگرانه‌ وه‌ک ئه‌رکێکی ئه‌مڕۆیی پێویسته‌ دامۆده‌زگا پێوه‌ندییداره‌کان و به‌تایبه‌ت وه‌زاره‌تی ڕۆشنبیری ڕێنمایی و ڕێنوینی بۆ جوانتر به‌ڕێوه‌بردنی ئه‌و جه‌ژنه‌و وه‌بیرهێنانه‌وه‌ی که‌لتورو نه‌ریته‌ جوانه‌کانی نه‌ورۆز وه‌ئه‌ستۆ بگرێ وه‌بیر بهێنێته‌وه‌و ڕێ له‌و دیارده‌ نامۆیه‌‌ بگرێ. بێگومان گه‌ر به‌شێوه‌یه‌کی جوان ئه‌و ئاگره‌ هه‌ڵبکرێ و له‌و شتانه‌ که‌ڵک وه‌ربگیرێ که‌ که‌مترین زیان به‌ ژینگه‌ ده‌گه‌یه‌نێ، هه‌م خزمه‌تێکه‌ به‌ژینگه‌که‌مان و هه‌میش نه‌ورۆز جوانتر ده‌کات.

دیارده‌یه‌کی ناشیرینی دیکه‌ش، خواردنه‌وه‌ی ئه‌لکولیه‌ له‌ شوێنی ئاهه‌نگی نه‌وروز، به‌تایبه‌ت له‌ ده‌ره‌و‌ی وڵات و به‌ له‌به‌ر چاوگرتنی ئه‌وه‌ی که‌ له‌منداڵی یه‌ک مانگه‌وه‌ هه‌تا گه‌وره‌ساڵان، به‌شداری ئه‌م ئاهه‌نگانه‌ن. هه‌موو ساڵێک له‌ ده‌ره‌وه‌ی وه‌ڵات که‌ خۆمان به‌ تاراوگه‌ی ناو ده‌به‌ین و ڕۆژی نه‌ورۆزیش که‌ یه‌کێک له‌و بۆنه‌ نیشتمانیانه‌یه‌ که‌ هه‌موومان ده‌باته‌ هۆڵێکه‌وه‌ و پێکه‌وه‌ کۆمانده‌کاته‌وه‌ بۆ ئه‌وه‌ێ نه‌ورۆز پیرۆز بکه‌ین و به‌ ڕوی یکدا پێبکه‌نین و گه‌ر ناکۆکی و نا ته‌باییه‌کیش هه‌بوو بێت له‌ بیری بکه‌ین و جه‌ژنه‌ پیرۆزه‌ له‌ یه‌کدی بکه‌ین، که‌چی به‌ داخه‌وه‌ ئه‌و دیارده‌یه‌ زۆرجار بۆته‌ هۆی نانه‌وه‌ی بشێوی و دڵ ڕه‌نجان و ته‌نانه‌ت بێڕێزی به که‌سانی دیکه‌. هه‌ندێک جار هه‌ندێکمان له‌ جیاتی ئه‌وه‌ی توڕه‌یی و دڵگرانیه‌کانمان له‌یه‌كدی له‌ بیر به‌رینه‌وه‌ و به‌ گیانی نه‌ورۆزیه‌وه‌ بێینه‌ ناو ئاهه‌نگی نه‌ورۆزه‌وه، هه‌رچی توڕه‌ییه‌کانمانه‌ کۆیانده‌که‌ینه‌وه‌ و ده‌یهێنینه‌ ناو هۆڵی ئاهه‌نگی نه‌ورۆز و خۆاردنه‌وه‌ی که‌مێک ئه‌لکول ده‌که‌ینه‌ بیانوی هه‌ڵڕشتنی توڕه‌ییه‌کانمان و ئه‌وه‌ی نه‌شیاوه‌ی گوتن و ده‌ربڕینه‌ به‌ زارماندا ده‌ریده‌که‌ین. به‌مجۆره‌ له‌ لایه‌ک ئاهه‌نگه‌که‌ تێکده‌ده‌ین و له‌و لایدیکه‌شه‌وه‌ جگه‌ له‌وه‌ی دیمه‌نی خۆمان وه‌ک کورد له‌به‌ر چاوی میوانه‌ ناکورده‌کان ناشیرین ده‌که‌ین به‌م کاره‌ ده‌بینه‌ هۆی دڵگرانی و بێزاری به‌شداران و ترسان و بێزاری منداڵه‌کانمان. زۆر به‌جێ و پێویسته‌ که‌ له‌و پێوه‌ندییه‌دا به‌خۆداچونه‌وه‌یه‌ک بکه‌ین و بیرێک له‌ چاره‌سه‌ری بکه‌ینه‌وه‌. بۆ وێنه‌ ده‌کرێ بڕیارێکی موکور بده‌ین که‌ ئاهه‌نگه‌کانی نه‌ورۆز به‌ بێ ئه‌لکهول به‌ڕێوه‌ بچێ و ئه‌مه‌ش بکه‌ین به‌ هێڵی سور. من له‌وه‌ی دڵنیام که‌ زۆربه‌ی ئه‌وانه‌ی خواردنه‌وه‌ی ئه‌لکهوولی ده‌خۆنه‌وه خۆیان کۆنترۆڵ ده‌که‌ن و سنورو ڕاده‌ی خۆیان ده‌زانن، به‌ڵام گه‌لێک که‌س هه‌نه‌ که‌ هه‌روه‌ک ئاماژه‌م پێدا خواردنه‌وه‌ی که‌مێک ده‌که‌نه‌ بیانوی هه‌ڵڕشتنی بوغزو توڕه‌یی و .... . بۆ تێکدانی ئاهه‌نگێک یان بێڕێزی و دڵگرانکردنی به‌شدارانیش ئاهه‌نگێکیش، که‌سێک به‌سه!

دیارده‌یه‌کی دیکه‌ که‌می زانیاری له‌سه‌ر نه‌ورۆزو و نه‌ریته‌کانیه‌تی بۆیه‌ش له‌ ڕۆژگاری ئه‌مڕۆدا شاره‌زایانی ئه‌و بواره‌و ده‌زگا په‌یوه‌ندییداره‌کان ئه‌رکی گرانیان له‌ ئه‌ستۆیه‌. له‌ کۆنه‌وه‌ گه‌لێک نه‌ریت و که‌لتوری جوان له‌ کورده‌واریدا هه‌بوون و له‌ ڕۆژه‌کانی پێش و دوای نه‌ورۆزدا له هه‌ر ناوچه‌و ده‌ڤه‌رێک به‌که‌مێک جیاوازیه‌وه‌ به‌ڕێوه‌ چوون. به‌ڵام به‌هۆی دۆخی تایبه‌تی کوردستانه‌وه‌ خه‌ریکن له‌بیر ده‌چنه‌وه‌. له‌ نه‌ورۆزی ئه‌مساڵدا جگه‌ له‌ ئاورکردنه‌وه‌و شایی و سه‌یران که‌ناڵه‌ کوردییه‌کان(کوردستان و کوردسات) شتێکی دیکه‌یان نیشان نه‌دا. که‌ ئه‌وه‌ش شتێکی نه‌شیاوه‌و به‌ زیانی که‌لتورو ناسنامه‌ی نه‌ورۆزی کورده‌واریه‌و گه‌ره‌که‌ نه‌هێڵین له‌ بیربچنه‌وه. ڕه‌نگه‌ باشترین ڕێگا سه‌ره‌تا هه‌ر نوسینه‌وه‌ی ئه‌و نه‌ریتوو که‌لتورانه‌ و بڵاوکردنه‌وه‌یان بێت و تێئاخنینیان له‌ وانه‌کانی خوێندن بێت. له‌وه‌ش زیاتر کۆکردنه‌وه‌ی هه‌موو وته‌و ئه‌فسانه‌و ڕاستیه‌کان و نه‌ریت تایبه‌تیه‌کانی نه‌ورۆز له‌ په‌ڕتوکێکدا به‌ ناوی نه‌ورۆز نامه‌(دیاره‌ ناو‌ هه‌رشتێک بێت گرنگ ئه‌وه‌یه‌ نێوه‌ڕۆکه‌که‌ی ئه‌و مه‌به‌سته‌ بگه‌یه‌نێ) ڕه‌نگه‌ بتوانێ خزمه‌تێکی هێژاو مه‌زن به‌و پێویستیه‌ بکات. له‌م پێوه‌ندییه‌دا زانیاریه‌ مێژووییه‌کان و پێشینه‌ی په‌یدا بوونی نه‌ورۆزو پێوه‌ندیی ئه‌مڕۆژه‌ به‌کورده‌وه‌ گرنگی تایبه‌تی هه‌یه‌. له‌و به‌ستێنه‌دا گه‌لێک زانیاری بڵاوکراونه‌وه‌ که‌ زۆربه‌یان ناکورد نوسیویانن و خۆمان کردوماننه‌وه کوردی و گه‌لێکیشیان له‌ ڕاستیه‌وه‌ دورون. که‌واته‌ گرنگه‌ که‌ شاره‌زایانی بواری مێژوو لاپه‌ڕه‌کانی مێژوو هه‌ڵده‌نه‌وه‌و زانیاریه‌کان شه‌ن و که‌و بکه‌ن و سه‌ره‌نجام ڕاستیه‌کانی پێوه‌ندی کوردو نه‌ورۆز ده‌ربخه‌ن.
‌ ‌
نه‌ورۆز ڕۆژی یه‌که‌می ساڵی نوێی کوردیی و سه‌ره‌تای وه‌رزی به‌هاری ژیانه‌وه‌یه‌‌. ڕۆژ ژمێر یه‌کێک له‌ پێداویستیه‌کانی ساڵی نوێ و نه‌ورۆزه‌. له‌ جیهاندا به‌ شێوه‌ی گشتی له‌ ساڵی زایینی(له‌ دایک بوونی مه‌سیح) پێڕۆ ده‌کرێ. له‌ پاڵ ئه‌ویشدا له‌گه‌لێک ده‌ڤه‌ر و شوێنی جیهان ساڵ و ڕۆژژمێری دیکه‌ پێڕۆ ده‌کرێن. بۆ وێنه‌ عاره‌ب و موسوڵمانانی جیهان ساڵی کۆچی مانگی بۆ ڕۆژ ژماردن به‌کار ده‌هێنن. ئێرانیه‌کان ساڵی هه‌تاویان په‌سه‌ند کردوه‌ هه‌رچه‌ند ئه‌ز نازانم ئه‌وان له‌سه‌ر چ بنچینه‌یه‌ک ئه‌و ساڵه‌یان کردۆته‌ ڕێبازی ڕۆژ ژماردن و لانی که‌م لای من ڕوون نیه‌ پێش ئه‌و ساڵه‌ ده‌وڵه‌تی پارسه‌کان که‌ له‌ دوهه‌زارو پێنجسه‌د ساڵه‌وه‌ ده‌سه‌ڵاتیان له‌ده‌ست دابوه چیان کردۆته‌ پێوه‌ری ساڵ و مانگ و ڕۆژ بۆ خۆیان. ئه‌وه‌ی گرنگه‌ و حه‌وجێ به‌ تێڕامان و وردبوونه‌وه‌یه‌، کورد بۆخۆی ساڵی نوێی هه‌یه‌و ده‌ستپێکه‌که‌شی هه‌ر ڕۆژی نه‌ورۆزه‌. بێگومان ساڵی کوردی زیاتر سه‌لمێنه‌ری کوردیی بوونی نه‌ورۆزه‌. کورد به‌و پێیه‌ی که‌ خاوه‌نی کۆنترین شارستانیه‌ته‌ له‌ ڕۆژهه‌ڵاتی ناڤیندا و تا نوکه‌ش سه‌ره‌ڕای ئه‌وه‌ی ده‌وڵه‌ت و کیانی نه‌ته‌وه‌یی خۆی نه‌بووه‌ به‌ڵام به‌هۆی خۆڕاگری و به‌ پشتیوانی چیاو دۆڵه‌کانی کوردستان، کورد مه‌رگ و له‌ناوچونی ڕه‌تکردۆته‌وه‌و خۆی ڕاگرتوه‌. ئه‌و خۆڕاگری و مانه‌وه‌یه‌ش ته‌نیا له‌ ڕوی فیزیکیه‌وه‌ نه‌بوو به‌ڵکوو له‌بواری خاک و زمان و که‌لتوریشه‌وه‌ بوه‌. ڕاسته‌ خاکه‌که‌مان داگیرکراوه‌ به‌ڵام داگیرکه‌ر نه‌یتوانیوه‌ ده‌رمانپه‌ڕێنێ و له‌ خاکه‌که‌مان بپچڕێنێ. ئێستا که‌ ئه‌و ویسته‌ی داگیرکه‌ر بۆته‌ خه‌ون و به‌ پێچه‌وانه‌ هیوای ژیانه‌وه‌ و بیناکردنه‌وه‌و گه‌شه‌ پێدانی زمان و که‌لتورو ناسنامه‌ی نه‌ته‌وایه‌تیمان بۆته‌ پێداویستی و ئه‌رکی ئه‌مڕۆیی، ده‌بێ کوردستانیان هه‌نگاو به‌ره‌و به‌گشتی کردنی ڕۆژ ژمێری کوردی له‌ هه‌موو کوردستان هه‌ڵێننه‌وه‌.

ڕاگه‌یاندنی کوردی له‌ سه‌رده‌مێکی به‌ته‌واوی نوێی ژیانه‌وه‌دایه‌ و پێیناوه‌ته‌ قۆناخێکی نوێی بنیاتنانه‌وه‌ و گه‌شه‌کردنی خۆی و‌ ڕۆژانه‌ وه‌ک هه‌موو ڕاگه‌یاندن و مێدیای جیهان پێویستی به‌ به‌کار هێنانی ڕۆژ ژمێر هه‌یه‌. گۆمانیشمان له‌وه‌ نیه‌ که‌ ڕاگه‌یاندن ده‌بێ له‌ خزمه‌ت نه‌ته‌وه‌دا بێت و به‌تایبه‌ت له‌ بواریی مێژوویی و ناسنامه‌یی دا ده‌بێ سه‌لمێنه‌رو ناسێنه‌ری مێژووه‌که‌ی بێت له‌ گشت بوارو به‌ستێنه‌کانیه‌وه‌و له‌ بواری نوێخوازی و بنیاتنانه‌وه‌شدا ده‌بێ داهێنانی هه‌بێت و پێشبکه‌وێت. بۆ ئه‌مه‌ش پێویستیمان به‌ مێژوو و ناسنامه‌ی ڕاستینه‌ی نه‌ته‌وه‌یی هه‌یه و کوردیش وه‌ک نه‌ته‌وه‌ خاوه‌نی ناسنامه‌و شوناسی خۆیه‌تی له‌ هه‌موو بوارو ڕویه‌که‌وه‌‌. نامه‌وێ زیاتر له‌م بواره‌دا ڕۆبچم و مه‌به‌ستی من ئه‌وه‌یه‌ که‌ ئه‌مڕۆکه‌ له‌و که‌شو هه‌وای سه‌ره‌تای گه‌شه‌و بنیاتنانه‌وه‌دا یه‌کێک له‌ ئه‌رکه‌کان ڕزگارکردنی ڕاگه‌یاندنی کوردی له‌ پاشاگه‌ردانی ڕۆژژمێره‌ و ناو لێنانی مانگه‌کانه‌. مادام ئێمه‌ وه‌ک نه‌ته‌وه‌ خاوه‌نی ڕۆژژمێری خۆمانین و ڕۆژ ژمێره‌که‌ش تا ڕاداه‌یه‌کی باش له‌سه‌ر بنه‌مایه‌کی لۆجیکی دامه‌زراوه‌ و ڕێتچوه، بۆ ده‌بێ خۆی لێ لاده‌ین و به‌کاری نه‌هێنین. من دڵنیام دره‌نگ یان زوو ده‌بێ ئه‌و چاک سازییه‌ بخه‌ینه‌ ڕۆژه‌ڤی کاری ڕۆژانه‌مانه‌وه‌ چونکه‌ ئه‌وه‌ پێویستیه‌. ڕه‌نگه‌ ئه‌و پرسیاره‌ بێته‌ گۆڕێ که‌ له‌ جیهاندا ڕۆژ ژمێری زاینی بره‌وی هه‌یه‌. به‌ڵام به‌ لای منه‌وه‌ ئه‌وه‌ شتێکی ئاساییه‌و له‌ کوردستان و بۆ کورد پێویسته‌ ڕۆژ ژمێری کوردی به‌ناوی مانگه‌ کوردییه‌کانی و ڕۆژژمێری زاینیش هه‌ر به‌ناوی مانگه‌کانی خۆیه‌وه‌ نه‌ک عاره‌بیه‌کانی له‌ پاڵ یه‌کدا‌ به‌کار بهێنرێن. گه‌لێک ڕۆژنامه‌و ده‌زگای ڕاگه‌یاندنی کوردی هه‌ن که‌ ساڵ و مانگه‌کانی کوردی به‌کار ده‌هێنن و له‌ پاڵیشیدا ساڵی زاینی به‌کار ده‌هێنن به‌ڵام له‌ جیاتی ناوه‌کانی خۆیان ناوه‌ عاره‌بیه‌کان به‌کار ده‌هێنن که‌ ئه‌وه‌ش پاشماوه‌ی که‌لتوری داگیرکردنه‌‌. یانیش ڕۆژنامه‌ و مانگنامه‌ی کوردی هه‌یه‌ که‌ مانگه‌کانی کوردییه‌و زمانه‌که‌شی کوردییه‌و ناوه‌که‌شی کوردستانه‌! که‌چی ساڵی هه‌تاوی له‌سه‌ره‌. وه‌کو ئه‌وه‌ی وایه‌ چاوه‌ڕوانی ئه‌وه‌ بین که‌ له‌ پێشدا ده‌بێ له‌گه‌ڵ ده‌وڵه‌تی ناوه‌ندیی پێک بێین ئه‌وجا له‌گه‌ڵیان ببڕیینه‌وه‌!!. که‌واته‌ یه‌کێک له‌ پێویستیه‌کانی نه‌ورۆز بڵاوکردنه‌وه‌ی ڕۆژ ژمێری کوردی و کار پێکردنیه‌تی له‌ په‌یڤین و نوسین و بنکه‌کانی به‌ڕێوه‌به‌ری و هه‌ر به‌پێ ئه‌و ڕۆژژمێره‌ش موچه‌ی مانگانه‌ بدرێ و ناوی ڕۆژه‌ مێژووییه‌کانیش بۆ وێنه‌ له‌ 21ی ئاداره‌وه‌ بکرێته‌ ناوه‌ ڕاسته‌قینه‌که‌ی خۆی که‌ یه‌کی خاکه‌لێوه‌(ڕۆژی نه‌ورۆز)یه‌و با بۆ هه‌تا هه‌تایه‌ له‌ شوبات و موبات و کانون مانوون ڕزگارمان بێت که‌ تا ئێستاش تێان ناگه‌م و ناشمه‌وێ تێیان بگه‌م! دڵنیام زۆر کوردی دیکه‌ش تێیناگه‌ن.

له‌ کۆتایی دا پێش ئه‌وه‌ی به‌ نه‌ته‌وه‌ په‌ره‌ستیی پاشڤه‌رۆ تاوانبار بکرێم ده‌بێ بێژم مه‌به‌ست له‌م چاکسازیانه‌ هه‌رگیز ئه‌وه‌ نیه‌ که‌ بره‌و به‌ ناسیۆنالیزمی پاشڤه‌رۆ بده‌ین به‌ڵکو ئه‌مه‌ ناسنامه‌و شوناسی کوردین و پێویسته‌ زیندوبکرێنه‌وه‌و کاریان پێبکرێ. هه‌روه‌ها ده‌بێ بڵێم په‌یامی ئه‌م وته‌یه‌ له‌گه‌ڵ وه‌بیر هێنانه‌وه‌ی نه‌ورۆزو دوباره‌ پیرۆز کردنه‌وه‌ی له‌ هه‌موو ئێوه‌ خوێنه‌رانی هێژا، ئه‌وه‌یه‌ که‌ با هه‌موومان پێکه‌وه‌ له‌گشت بواره‌کاندا به‌خۆداچونه‌وه‌ بکه‌ین و له‌مێژووی ڕابردوومان ڕابمێنین بۆ ئه‌وه‌ی داهاتویه‌کی به‌خته‌وه‌رو شیاوی خۆمان دابین بکه‌ین. پێداچونه‌وه‌ و بونیادنانه‌وه‌ چ له‌ واری روناکبیری و زانیاری له‌سه‌ر نه‌ورۆز و که‌لتوری ئه‌مڕۆژه‌ له‌ کورده‌واریدا و چ له‌ بواری سرینه‌وه‌ی دیارده‌ دزێوو زیانهێنه‌ره‌کاندا له‌ پێداویستیه‌کانی ئه‌ڤروکه‌یین.
نه‌ورۆز ڕۆژێکی نه‌ته‌وه‌یی و ده‌ستپێکی ساڵێکی نوێی کورده‌واریه که‌ له‌سه‌ره‌تای وه‌رزی به‌هارو ژیانه‌وه‌یه‌کی نوێدا هه‌ڵکه‌وتوه‌، ڕۆژی ژیانه‌وه‌و نوێبونه‌وه‌و لێبورده‌ییه‌، ڕۆژی شایی و گۆڤه‌ندو دیلانه‌و ڕۆژێکه‌ که‌ هه‌مووان پێکه‌وه‌ ده‌به‌ستێته‌وه. به‌و هیوایه ‌ هه‌موومان هه‌ست به‌ به‌رپرسیاریه‌تی بکه‌ین و گیانی لێبورده‌یی و به‌رپرسیاریه‌تی و ڕێزگرتن په‌ره‌ پێبده‌ین و به‌مه‌ش له‌گه‌ڵ خۆشترکردنی ئاهه‌نگه‌کانی نه‌ورۆز و به‌جێ هێنانی که‌لتوره‌ باشه‌کانی ئه‌مڕۆژه‌ پێوه‌ندییه‌کانمان تۆکمه‌تر بکه‌ین و دیمه‌نێکی جوانیش به‌ ئاهه‌نگه‌کانمان ببه‌خشین.

نه‌ورۆزتان پیرۆز بێت.
05/01/2705

په نابه رانی سه ر سنووری عێراق و ئۆردون ده رگایی هاتوو چۆیان لێ داخرا

په نابه رانی سه ر سنووری عێراق و ئۆردون ده رگایی هاتوو چۆیان لێ داخرا

به پێێ هه واڵێک که ئه مڕۆ له لایان کۆمیته ی ئاواره کانی سه‌ر سنووری عێراق ئۆردون، به ده‌ستمان
گه یشتووه،ئه و 191 کورده ئاواره‌ی ڕۆژهه‌ڵاتی کوردستان که بۆ ماوه‌ی 2 مانگه له پرسگه‌ی سنووری نێوان عێراق و ئۆردون دان. وله لایه‌ن هیچ کام له و دوو ده وڵه ته ڕێگایان پێ نه دراوه خۆیان بگه یه نه نێۆ ئۆردوگای ئه لکه‌رامه.
له و شۆێنه‌دا که به تووندی له ژێر چاوه‌دێری پۆلیسی سنووری هه‌ردوولادان، ته نیا ده‌رگایه‌کیان بۆ واز کرابوو که له و ده رگایه دا هاتوو چۆی ده ره وه بکه ن،بۆ هێنانی ئاو وخواردنێک که له لایان شۆفیره کانی ئه وڕێگایه و ه هه روه ها له لایان خوشک و برایانی ئاواره ی خۆیان له ئۆردوگای ئه لکه رامه بۆیان ده هات وه رگرن، هێزه کانی سه ر سنووری عێراقی بۆ ئه وه ی زیاتر فشار بخه نه سه ریان بۆ تا بگه ڕێنه وه بۆ ئۆردوگای ئه ڵتاش،ئه و ڕێگایه شیان له م ڕۆه وه واته 24.03.2005
لێداخستوون. ئاواره کانی ئه و سنووره به وهه ڵویسته ی به ڕێوه به رانی سنووری عێراق زۆر ناڕه حاتن، به ڵام هه موویان به یه ک ده نگ : بڕیاریان داوه که مه گه ر ته رمه کانیان به ره وه عێراق بگه ڕێننه وه و له هه موو کۆسپێکی سه ر ڕێگایان کۆڵ ناده ن و به ربه ره کانی ده که ن.
هه روه ها له و 191، نه فه ره 97 دانه یان مناڵه و 53 دانه یان ژنن که 3 دانه له و ژنانه، ژنی سک پڕن و کاتی مناڵ بوونیان زۆرنزیک بووه ته وه، چه ندین جار داوایان کردوه که بیانگه یه نه پزشکی ژنان به ڵام هیچ کام له و 2 ده وڵه ته ئاماده نه بوون هاوکاریان بکه ن.
مه ترسیه کی زۆر هه یه بۆ ئه و ژنانه که به سکی پڕه وه ماوه ی دوو مانگه له به رباران وسه رمادان.
ئێمه وه ک کۆمیته ی پشتیوانی له په نابه ڕانی ڕۆژهه ڵاتی کوردستان، له گه ڵ بیستنی ئه و هه واڵه و به په له ، به ر پرسی کۆمیته که مان عارف باوه جانی به ته له فوون پێوه ندی گرت به وه زاره تی مافی مرۆڤی عێراقی له به غدا، به هۆیی ئه وه ی که به ڕێز به ختیار ئه مین له شۆینی کاردا نه بوو، به ڵام له گه ڵ جێگره که ی باسی هه ل و مه رجی دژواری ئه و په نابه رانه کرا، ئه وانیش له وڵامدا به ڵێنیان دا که هه نگاوی پێویستی بۆ هه ڵگرن، هه روه ها به ڵییان دا که وه زیری مافی مرۆڤ به
زووترین کات له گه ڵ کۆمیته که مان پێوه ندی بگرێته وه .

کۆمیته ی پشتیوانی له په نابه رانی ڕۆژهه ڵاتی کوردستان له عێراق و ئۆردون،
altash_refugee@yahoo.com
altash_refugee@hotmail.com
tel 00 47 92 81 78 73
fax 00 47 64 87 43 39

ئۆسڵۆ. 24.03.2005

له‌ ئامه‌د سه‌ر هه‌ڵدانه‌

له‌ ئامه‌د سه‌ر هه‌ڵدانه‌

هیوا گوڵ محه‌ممه‌دی

ئامه‌د باژێڕێكی كوردستانه‌ كه‌ وه‌ك كه‌ركوك و كرماشان ته‌واوكه‌ری وه‌ڵاته‌كه‌مانه‌ . له‌ مێژووی دوور و نێزیكی كورد و كوردستان دا ئامه‌د ڕه‌وڵ و كاریگه‌ریه‌كی به‌رچاوی هه‌بوه‌ و له‌ داهاتوش دا ده‌یبێ . ئامه‌د ( دیاربه‌كر) به‌ سه‌رهه‌ڵدان ناسراوه‌ و له‌وه‌ته‌ی كوردستان داگیر و دابه‌ش كراوه‌ ئه‌م شاره‌ گه‌وره‌یه‌ی كوردان به‌ هه‌مو شێوه‌یه‌كی مومكین ناسنامه‌ی نه‌ته‌وه‌ێی خۆی پاراستوه‌ .

له‌ ساڵی 1980 به‌م لاوه‌ ئامه‌د سه‌رچاوه‌ی به‌رخۆدان و سه‌رهه‌ڵدان و خه‌باتی نه‌ته‌وایه‌تی و چه‌كدارانه‌ی باكوره‌ . ئه‌وه‌ چه‌ندین نه‌وروزێكه‌ كه‌ ئامه‌ و خه‌ڵكی باكوری كوردستان سه‌ره‌نجی گه‌لانی جیهان و سیاسه‌تمه‌داران و ده‌سه‌ڵاتدارانی دنیا بۆ لای خۆیان ڕائه‌كێشن . یه‌كه‌م جار له‌ ساڵی 1992 دا كاتێك به‌ ده‌یان هه‌زار كورد كۆ بونه‌وه‌ و نه‌وروزیان پیروز كرد ، جه‌سته‌ی سارد و سڕی كورد له‌ كوردستانی گه‌وره‌ ڕاچڵه‌كی و كه‌وته‌ جوڵه‌ . ئامه‌د بێجگه‌ له‌ نه‌وروز ناوه‌ندی سه‌رهه‌ڵدانی كۆمه‌ڵایه‌تی و سیاسی و ڕۆشنبیری بوه‌ و له‌ ماوه‌ی ڕابردوو دا به‌ هه‌ڵبژاردنی شاره‌وانی و سه‌روك شاره‌وانی و به‌ڕێوه‌بردنی خۆ به‌ خۆ و هه‌روه‌ها شێوه‌ خه‌باتی نافه‌رمانی مه‌دنی و هه‌مو جوره‌كانی خه‌بات له‌ جوڵانه‌وه‌ی كوردی و جوڵاندنی هه‌ستی نه‌ته‌وه‌ێی كوردان دا ڕه‌وڵی به‌ر چاوی گێڕاوه‌ .

ئه‌م ساڵ له‌ یه‌كی نه‌وروزی دوو هه‌زار و حه‌فسه‌د و پێنجی كوردی به‌رانبه‌ر به‌ 21-3-2005 ئامه‌د ڕژانه‌ سه‌ر شه‌قام و به‌ ملیون له‌ ده‌ور ئاگری نه‌وروز كۆ بونه‌وه‌ و ئاڵای كوردستانیان شه‌كانده‌وه‌ و دروشمی ئازدی و سه‌رهه‌ڵدانیان به‌رز كرده‌وه‌ و په‌یام و داخۆازیه‌كانیان به‌ شێوه‌یه‌كی شارستانیانه‌ و جه‌سورانه‌ به‌ گۆی داگیركه‌رانی تورك و كومه‌ڵگای مروڤایه‌تی گه‌یاند . نه‌روز بۆ كوردان ته‌نیا بو هه‌ڵپه‌ڕین و هه‌ڵبه‌زین و گۆرانی وتن نیه‌ به‌ڵكو نه‌روز ڕوژی ڕاپه‌ڕین و یه‌كگرتن و ده‌نگ هه‌ڵبڕینه‌ ، هه‌ر ڕێك وه‌ك ئه‌وه‌ی كه‌ له‌ ئامد دا ئه‌نجام درا . ئه‌وه‌ی كه‌ له‌ ئامه‌د ڕوی دا جارێكیتر ڕاستی ئه‌و تێوریه‌ ئه‌چه‌سپێنێ كه‌ به‌ یه‌كیه‌تی و یه‌ك گرتن نه‌بێ به‌ هێچ ئانجامێ ناگه‌ین و هه‌ر ئه‌و یه‌كگرتنه‌ ملیونیه‌ش وای كرد كه‌ داگیر كه‌ران ئاڵای كوردستان به‌ شه‌كاوه‌ێی ببینن و جه‌رگیان جه‌رگ بخۆاته‌وه‌ و ده‌سته‌وه‌ستان ته‌ماشاچی بن .جوڵانه‌وه‌ی نوێی باكور به‌ ڕێبه‌رایه‌تی پارتیا كاركه‌ریێن كوردستان له‌ پێشدا به‌ چوار كه‌س ده‌سێ پێ كرد به‌ڵام له‌ ئامه‌د دا بو به‌ ملیون و له‌ كوردستان دا بو به‌ ژیان و ئه‌مڕو له‌ هه‌ر ماڵێك و له‌ هه‌ر گوند و له‌ سه‌ر هه‌ چیاێه‌ك دا ده‌ریای بیری نه‌ته‌وه‌ێی له‌ شه‌پۆل دان دایه‌ .

به‌رز و به‌رده‌وام بێ شوڕشی ملیونی باكوری كوردستان و ئامه‌د.

بانگه وازێک بۆ کورده کانی نه رویج

بانگه وازێک بۆ کورده کانی نه رویج :
تۆش له گه ڵماندا به شدار به!!

ماوه ی زیاد له 2 مانگه که 191 کوردی ڕۆژهه ڵات که له ئۆردوگای ئه ڵتاشه وه له ترسی عه ره به شۆفینیسه کان هه ڵاتوون، ئیستا له سنوری نێوان عێراق وئۆردون، بێ شۆینی مانه وه وخۆراک و ئیمکاناتی پزشکیدا گیریان خواردوه، هیچ لایه نێکی عێراقی و ئۆردونی هاوکاریان ناکه ن .

ماوه ی 2 ساڵ پێش 1054 کورد له ئۆردوگای ئه لتاش، واته 3 ڕۆژ پاش ڕوخانی ڕێژیمی سه دام به ره و وڵاتی ئۆردون هه ڵاتن، به ڵام ڕێاگاین نه دان بچنه ناو خاکی ئۆردون، دوای 5 مانگ به ربه ره کانی له گه ڵ کۆمیساریایی به ررزی په نابه ران، سه رئه نجام ئۆردوگاکه یان کرا به ئۆردوگایه کی ڕه سمی به ناوی ئۆردوگای ئه لکه رامه، ئه لکه رامه ش هه رله و سنووری عێراق و ئۆردوندا هه ڵکه وتووه، ئه و په نابه رانه تا ئیستا نزیکی 400 که سیان گه یشتووه ته وڵاتانی سوید و ئیرله ندا، ئێستا 670 په نابه ر له و ئۆردوگایه دا ماون، چاوه ڕوانی هاتنه ده ره وه بۆ وڵاتی سێه م ده که ن، که 40 % ئه و په نابه رانه خانه واده ی نزیکیان له وڵاتی نه رویجدا هه یه و چاوه ڕوانی قبووڵ بوونیان له نه رویج ده کرد،
هه روه ها ماوه ی 25 ساڵه : کۆمه ڵێک کوردی ئاواره ی ده ستی شه ڕی ماڵ وێرانکه ری نێوان 2 ده وڵه تی کورد کوژی وه ک عێراق و ئێران له ئه ڵتاش ده ژین، که ئیستا نزیکی 2000 که سیان له کامپی ئه ڵتاش ماونه ته وه و له و په ڕی ژیانی دژواردا ده ژین، ڕۆژانه هه واڵی ده یان کاره ساتی جۆراو جۆرمان پێ ده
گات که شۆفینیسته کان وگروپه تروریسته کان به سه ریاندا دێنن .

که چی سه ڕه ڕایی ئه وهه موو کاره ساتانه، وه زیری کۆچ و نیشته جێ نه رویج به ڕه سمی و نووسراوه له کۆبوونه وه ی په رله مانی نه رویجدا ڕای گه یه یاندووه که : وڵاتی نه رویج له په نابه رانی ئه ڵتاش و ئه لکه رامه وه ر ناگرێت و به نه خۆێنه واریان ناو ده بات؟.

کۆمیته ی پشتیوانی له په نابه رانی ڕۆژهه ڵاتی کوردستان له عێراق و ئۆردون، به هاوکاری ڕێکخراوی سوس ڕاسیسمه یSOS Rasisme نه رویجی که ڕێگراوێکه دژ به ڕه گه ز په ره ستی کار ده کات، بڕیاری پێک هێنانی ڕێپێوانێکیان دا له به رده‌م ته لاری په رله مانی نه رویج، به دژی ئه و هه ڵویسته ی وه زیری کۆچ و نیشته جێ، هه روه ها چه ندین ئه ندام په رله مان وپارت وڕێکخراوی دیکه ی نه رویجی به ئاخاوتن و نووسراوه له گه ڵماندا به شدارده بن
له و ڕێپێوانه دا، ئه و ڕێپێوانه له ڕێکه وتی 04.04.2005 که ده بێه ڕۆژی دووشه مه وکاتژمیر 16 پاش نیوه ڕؤ تا18 پاش نیوه ڕۆ به ڕێوه ده چێت، بۆ ئه وه ی ئه ندام په رله مانه کان وڕێکخراوه نه رویجی یه کان بتوانن له گه ڵما ندا به شدار بن، بۆیه ناچارین که ئه و ڕێپێوانه له ڕۆژی کاردا به ڕێوه به رین نه ک له ڕۆژانی پشوودا، هه ر بۆیه داوا له تۆی به ڕێز ده که ین :وه ک کوردستانی یه ک که به هه ستێکی دڵسۆزانه و نه ته وه ییانه وه به رامبه ربه و خوشک وبرایانه ت که له وشۆێنه دژوارانه دا گیریان کردوه به شداری ئه وڕێپێوانه بکه، هه ڵویستی وه زیری کۆچ ونیشته جێی وڵاتی نه رویج سه باره ت به وپه نابه رانه ڕسوا بکه،
ڕۆژی ڕێپێوانکه، دوشه ممه ، 04، 04، 2005 ، کاتژمێر 16ی پاشنیوه ڕۆ تا 18 پاشنیوه ڕۆ.
شۆێنی ڕێپێوانه که : به ر ده رکی په رله مانی نه رویج ، ئۆسڵۆ .

تکایه ئه م خاڵه له به ر چاو بگره : بێجگه له ئاڵای پیرۆزی کوردستان وشوعارو پلاکارتی هه ر دوو کۆمیته ی پێک هێنه‌ر، ڕێگا به پلاکارتی هیچ پارت و ڕێکخراوێکی کوردی نادرێت له وڕۆژه دا هه ڵبکرێت، چوون ڕێپێوانه که تایبه ته به کێشه‌ی ئه وپه نابه رانه. با هه موومان به یه ک ده‌نگ به شدار بین،
بۆ زانیاری زیاتر ده توانن به م ئیمه یل و ته له فوونانه ی خواره وه پێوه ندیمان له گه ڵ بگرن،
کۆمیته ی پشتیوانی له په نابه رانی ڕۆژهه ڵاتی کوردستان له عێراق و ئۆردون،
altash_refugee@yahoo.com . 92 81 78 73 , یا 90 52 94 33 .
92 41 69 20 SOS Rasisme سوس ڕاسیسمه

په نابه رانی ئۆردوگای ئه لکه رامه نه ورۆزیان پیرۆزکرد

به پێێ هه واڵێک که له کۆمیته ی په نابه رانی ئه لکه رامه که به ته له فون به ده ستمان گه یشتووه که شه وی 20.03.2005 کورده ئاواره کانی ڕۆژهه ڵاتی کوردستان له ئۆردوگای ئه لکه رامه له ده ورو به ری ئۆردگاکه یان به کردنه وه ی ئاگرێکی زۆر نه ورۆزیان پیرۆز کرد. به رز بوونه وه ی گڕی ئاگره که له 20 کیلۆمتری سه ره وه و خواره وه ی سنووری عێراق و ئۆردون ده بینرا. هه ر هه مان کات ‌هێزه کانی ئاگر کۆژێنه وه ی ئۆردون و به هێزێکی زۆری نیزامی یه وه خۆیان گه یانده ئۆردوگاکه و وایان زانی له و شۆێنه دا ته قینه وه ڕۆیداوه.
خۆشه ویستی ئاهه نگی نه ورۆز له نێو کورده کاندا له کاته کانی شادی و ناخۆشیدا جێگای تایبه تی خۆی هه یه، هه ربۆیه په نابه رانی هه میشه چاوه ڕوانی چاره نووس له ژیانی ژێر خێوه تدا و به
سه رمای به ناوبانگی ده شتی قات و قڕی نێوان سنووری عێراق وئۆردون ئه و ئه رکه نه ته ویه یان به جێ گه یاند. کۆمیته ی په نابه رانی ئه لکه رامه به رنامه ڕیزیان کردبوو که ڕۆژی 21.03 له نێو ئاواره کان به رنامه یه کی هوونه ری و سه رگه رمی به بۆنه ی نه ورۆزه وه پێشکه ش بکه ن، به ڵام به داخه وه 30 خوله ک پێش ده ست پێ کردنی به رنامه که یان کاره بای ئۆردوگاکه یان لێ داخراو نه یان توانی به رنامه که یان پێشکه ش بکه ن.

شایانی باسه ئاواره کانی ئۆردوگای ئه ڵتاش له کاته تاڵه کانی ژیانیانداله حوکمداری ڕێژیمی دڕنده ی به عسدا تا کاتی ڕوخانی ئه و ڕێژیمه به رده وام ساڵانه یادی ئاهه نگی نه ورۆزو 2 ی ڕێبه ندانیان به ئه رکێکی نه ته وه یی و نیشتمانی پیرۆز ده کرد، هه ر بۆیه دانێشتووانی ئه لکه رامه ش هه ر هه مان ئاواره ن که ساڵانێکی زۆر له ژیانی دوور له نیشتمانی دا له ئۆردگای ئه ڵتاش ئه و یاده یان پیرۆز ده کرد و ئیستاش دیسانه وه له ئۆردوگایه کی نۆیدا ژیانی ئاواره یان ده ست پێ ده که نه وه.
ئافه رین و ده ست خۆشانه بۆ ئێوه کیژان و کوڕانی ئاواره ی دوور له کوردستان ،

به شی ڕاگه یاندنی: کۆمیته ی پشتیوانی له په نابه رانی ڕۆژهه ڵاتی کوردستان له عێراق و ئۆردون altash_refugee@yahoo.com0047 90 52 94 33: 0047 92 81 78 73

نه‌ورۆز و ساڵی نوێ 2705 تان پیرۆز
.

نه‌ورۆز و نوێ بوونه‌وه‌ی ساڵی کوردی له‌ هه‌موو میوانان و دۆستان و گشت ڕۆڵه‌کانی نه‌ته‌ه‌وه‌که‌مان پیرۆز بێت و هیوای ساڵێکی پڕ له‌ ده‌سکه‌وت و سه‌رکه‌وتن و ئاشتی و ئاسوده‌یی بۆ هه‌موو لایه‌ک ده‌خوازم و خۆزگه‌ ساڵی دادێ ساڵی له‌یه‌ک گه‌یشتن و هاوکاریی زیاتر و خۆڕێکستنه‌وه‌و یه‌کیه‌تی کرده‌وه‌و ئامانج بێت بۆ خه‌باتگێڕانی نه‌ته‌وه‌که‌مان هه‌روه‌ها ساڵی نوێبوونه‌وه‌و به‌خۆداچونه‌وه‌ش بێت بۆ هزرو ئاوه‌زو بیرمان و گه‌شه‌دان بێت به‌ هۆشیاری نه‌ته‌وه‌یی، هزریی و سیاسیمان. ئه‌مڕۆ که‌ ماڵ ئاوایی ده‌که‌ین له‌ ساڵی 2704 به‌خۆشیه‌وه‌ خۆزگه‌ به‌ پار نه‌بووین و نه‌ته‌وه‌که‌مان له‌ زۆر ڕوه‌وه‌ پێشکه‌وتنی وه‌ده‌ست هێناوه‌ و له‌گه‌لێک لایه‌نیشه‌وه‌ به‌رچاومان زیاتر ڕوون بۆته‌وه‌. هه‌ربۆیه‌ش هیوا ده‌خوازم که‌ ساڵی دادێ نه‌ته‌وه‌که‌مان له‌ گێچه‌ڵ و ته‌ڵه‌و فێڵی نه‌یاران به‌دوور بێت و گه‌له‌که‌شمان به‌وشیاریه‌وه‌ ڕێ به‌ره‌و سه‌رکه‌وتن و سه‌رخۆبوونی نه‌ته‌وه‌که‌مان ته‌خت بکات و هه‌نگاوی ژیرانه‌ به‌ره‌و نه‌ورۆزی ڕزگاری یه‌کجاری بهاوێژێ. به‌و هیوایه‌

گوردانی شوان لوتكه‌ی فیداكاری شوڕشگێڕانه

گوردانی شوان لوتكه‌ی فیداكاری شوڕشگێڕانه
‌ هیوا گوڵ محه‌مه‌دی

مێژوی كورد و كوردستان مێژوی نه‌ته‌وه‌ و گه‌لێكی فیداكار و نه‌ترسه‌ كه‌ به‌ هه‌زاران مروڤی ئاز و نه‌ترس و فیداكار لاپه‌ڕه‌كانیان ڕازاندوه‌ته‌وه‌.كاتێك كۆماری ئیسلامی ئێران هاته‌ سه‌ر كار ، یه‌كم هه‌نگاوی پێش سه‌قامگیر بونی سه‌ركوت كردنی گه‌لی كورد بو له‌ ڕوژگه‌ڵاتی كوردستان. له‌ به‌رانبه‌ر هێرش و هێزی زور و بۆری داگیركه‌ری ئێرانیش دا شوڕشگێڕانی گه‌لی كورد له‌ شار و گونده‌وه‌ سه‌نگه‌ری به‌رخۆدانیان هه‌ڵبژارد و به‌ پێشكه‌ش كردنی گێانی شیرینیان ئازدیان پاراست و حازر نه‌بون سه‌ر بۆ زوڵم و زور و چه‌وسانه‌وه‌ دانه‌وێنن . له‌ ده‌ورانی شه‌ڕی چوارده‌ ڕوژه‌ی شاری سنه‌ ، ناوێك بۆ به‌ وێردی زمانی كرێكاران و زه‌حمه‌تكێشانی ناوچه‌ و له‌ دڵی گه‌وره‌و چوكه‌ دا جێگای خۆی كرده‌وه‌ و وه‌ك خۆشه‌ویستی هه‌ژارانی كوردستان ده‌ناسرا ئه‌و ناوه‌ و ئه‌و كه‌سه‌ش شوان بو. شوان (محه‌مه‌دی مائی) كه‌سێكی له‌ خۆ بردو و ئازا ، به‌ به‌رنامه‌ و جه‌سور بو ، له‌ به‌رانبه‌ر داگیر كه‌ره‌ كونه‌په‌ره‌سته‌كان دا بۆێرانه‌ ڕاوه‌ستا و وه‌ك فه‌رمانده‌یه‌كی خۆڕسكی شوڕشگێڕ زه‌ربه‌ی كاریگه‌ری له‌ دوژمن ئه‌وه‌شاند . به‌داخه‌وه‌ شوانی فه‌رمانده‌ و ئازا له‌ به‌هاری 1970 له‌ شه‌ڕێكی سه‌خت و دژوار له‌ گه‌ڵ هێزه‌كانی كۆماری ئیسلامی ئێران دا شه‌هید بو . به‌ڵام پاش شه‌هید بونیشی و هه‌تا ئێستا و له‌ داهاتوش دا هه‌ر خۆشه‌ویستی گه‌له‌كه‌یه‌تی و هه‌ر بویه‌ دوای ئه‌وه‌ی كاك شوان گێانی پێشكه‌شی نیشتمان و باوه‌ڕه‌ به‌رزه‌كه‌ی كرد بو به‌ سرودی سه‌ر زمانی لاوانی ناوچه‌ و ئه‌یانوته‌وه‌ و پول پول په‌یوه‌ستی ڕیزه‌كانی شوڕشی ئازیخۆازانه‌ی كوردستان ده‌بون .

شه‌و نه‌بو ته‌قه‌ی تفه‌نگ نیوه‌ی شه‌وی شه‌وه‌ زه‌نگخه‌ڵكی نه‌ڕژێنه‌ كۆڵان به‌وره‌ پیری كاكه‌ شوان
له‌ داوی شه‌هید بونی كاك شوان ڕوژانه‌ گۆیمان لێ ئه‌بو كه‌ ده‌سته‌ی كاك شوان و پاشان هێزی كاك شوان و سه‌رئه‌نجام گوردانی شوان چالاكیێان ئه‌نجام ئه‌داو و دوژمنیان شپرزه‌ ئه‌كرد . گوردانی شوان په‌لی هاویشته‌ ناوچه‌كانی دیكه‌ی كوردستان و له‌ كامیاران و ژاواه‌رو و سنه‌و و چه‌م شار و دیواندوه‌ر و ... شه‌ڕی ئه‌كرد و دوژمنی ڕاو ئه‌نا و خه‌وی له‌ چاوی داگیركه‌ران ئه‌توران . گوردانی شوان وه‌ك شوانی شه‌هید بو بونه‌ خوشه‌ویت و هیوای نه‌ته‌وه‌كه‌یان و چقڵی چاوی دوژمن و كونه‌په‌ره‌سته‌ داگیركه‌ره‌كان . گوردانی شوان له‌ شاره‌ دێی بیاره‌ له‌ پشۆ دان دا بون و چاوڕوانی هاتنی وه‌رزی به‌هاریان ئه‌كرد كه‌ بكه‌ونه‌وه‌ دوژمن ڕاونان و خۆیان بگه‌یه‌نه‌وه‌ ناو باوشی خه‌ڵكی چه‌وساوه‌ی ڕوژهه‌ڵاتی كوردستان ، كه‌ حكومه‌تی ئێرانی هیزه‌كانی باشوری كوردستانی خسته‌ بن تائسیری خۆی و به‌ كاری هێنان و له‌م ڕێگه‌یه‌وه‌ش زه‌ربه‌یه‌كی كاریگه‌ر له‌ سه‌رجه‌م خه‌ڵكی كورد درا و هێزه‌ سیاسیه‌كانی باشور و له‌ سه‌روی هه‌ومویانه‌وه‌ یه‌كیه‌تی نیشتمانی و پارتی دیموكرات به‌رپرسیاری مێژوون و دره‌نگ یان زوو ده‌بێ دان به‌ هه‌ڵه‌ی خۆیان دابنێن .

حكومه‌تی ئێران كه‌ جیاوازی ناخاته‌ نێوان كورده‌وه‌ و له‌ هه‌ر هه‌لێك دا هه‌مومان وه‌ك یه‌ك له‌ به‌ین ده‌با ئه‌مجاره‌یان له‌ پێستی دوسته‌وه‌ ڕوی له‌ شاری هه‌له‌بجه‌ كرد و ئه‌یویست له‌ كوردستانه‌وه‌ به‌ره‌رو قودس بڕوا و ته‌جروبه‌ی سه‌لاحه‌دینی ئه‌یوبی به‌كار بێنێ و له‌ كوردیش ئاماده‌تر بو ئه‌و پیلانه‌ی نه‌بو . كاتێ كه‌ هێزه‌كانی عێراقی نه‌یان توانی خۆ ڕاگرن و تێك شكان و هێزه‌كانی ئێرانی و پێشمه‌رگه‌ی باشور هاتنه‌ ناو شاری هه‌ڵه‌بجه‌وه‌ سه‌دام حسین گه‌یشته‌ لوتكه‌ی شێتی و ده‌ستوری دا كه‌ له‌ ترسناكترین چه‌ك كه‌ڵك وه‌ر گرن و له‌ ئاكام دا به‌ گازی شیمیاێی له‌و شاره‌ جوانه‌ی كوردستان درا و به‌ ده‌یان هه‌زار مروڤ شه‌هید و بریندار بون . له‌و كاته‌ دژواره‌ دا و به‌ شیوه‌یه‌كی چاوه‌ڕوان نه‌كروا گوردانی شوان له‌ نێوان هێزه‌كانی ئێرانی و عێراقی دا گیریان خۆارد ، له‌ به‌ر ئه‌وه‌ پردی زه‌ڵم كه‌ ته‌نێا ڕێگای ده‌ربازبونیان بو له‌ لایه‌ن هێزه‌كانی ئێرانه‌وه‌ گیرا بو و تێك دار بو ئه‌و ڕوڵه‌ شوڕشگێڕانه‌ی كوردستان چاره‌یان نه‌ما له‌وه‌ زیاتر یان خۆ بده‌نه‌ ده‌ست هێزه‌كانی ئێرانی یان به‌ربه‌ركانی بكه‌ن و شه‌هید ببن .

هه‌ر وه‌ك له‌ خه‌سڵه‌تی شوڕشگێڕانه‌یان دا دیار و چاوه‌ڕوان كراو بو بڕیاری خۆ به‌خت كردنیان داو له‌ 78 كه‌س ئه‌ندامی گوردانه‌كه‌ 76یان شه‌هید بون و چونه‌ ناو لاپه‌ڕه‌ی پڕ له‌ شانازی كورد و كوردستان . ئه‌گه‌ر ئه‌م شه‌هیدانه‌ له‌ هه‌ڵه‌بجه‌ و له‌ كاتی مه‌رگی ئه‌و شاره‌ دا و به‌و شیوه‌یه‌ شه‌هید نه‌بونایه‌ بێگومان ده‌بو ساڵانه‌ وه‌ك تراژیدی جوڵانه‌وه‌ی كوردستان بیریان بكرایه‌ته‌وه‌ و له‌ كوردستان دا ماته‌مینی گشتیێان بۆ ڕابگه‌یاندرایه‌ . گوردانی شوان گوردانی ئازایه‌تی ، پێشڕه‌وی و جه‌سوری جوڵانه‌وی كوردستانه‌ و یاد و ناویان هه‌تا هه‌تایه‌ له‌ بیر ناچێته‌وه‌ و سه‌ری ڕێزیان بۆ دائه‌نه‌وێنین و بیریان ئه‌كه‌ینه‌وه‌.( گوردانی شوان پۆله‌ پێشمه‌رگه‌یه‌كی سازمانی كوردستانی حیزبی كومونیستی ئێران كومه‌ڵه‌ ) بون كه‌ سه‌رجه‌م خه‌ڵكی كوردستان و بۆ خۆشیان هه‌ر ئه‌یانوت پێشمه‌رگه‌ی كۆمه‌ڵه‌ . دیاره‌ ئه‌و كاته‌ و له‌و ڕوژانه‌ دا زیاتر له‌ 500 پێشمه‌رگه‌ی حیزبی دیموكراتی كوردستانیش له‌وی بون و چاره‌نوسی گوردانی شوانیان هه‌بو . مه‌ڵبه‌ندی دووی حیزبی دیموكرات توشی گوردانی شوان ئه‌بن و داوایان لێ ئه‌كه‌ن كه‌ پێكه‌وه‌ بن باشتره‌ ، به‌ڵام به‌داخه‌وه‌ له‌به‌ر ئه‌وه‌ی ئه‌وكاته‌ له‌ نێوان حیزب وكومه‌ڵه‌ دا شه‌ڕی خۆ كۆژی هه‌بو گوردانی شوان نه‌یان توانی بو خۆ له‌ قه‌ره‌ی هێزه‌كانی حیزب بده‌ن كه‌ ژماره‌یان زور زیاتر ده‌بوو.

یادی سه‌رجه‌م شه‌هیدانی كاره‌ساتی هه‌ڵه‌بجه‌ به‌خێر و چه‌پكه‌ گۆڵێكی سوور بۆ سه‌ر مه‌زاری شه‌هید شوان و شه‌هیدانی گوردانی شوان .

19.3.2005

كورده‌ ئاواره‌كانی سه‌ر سنوری ئوردن – عێراق مانیان گرتوه‌

كورده‌ ئاواره‌كانی سه‌ر سنوری ئوردن – عێراق مانیان گرتوه‌

ئه‌و كوردانه‌ی كه‌ ماوه‌ی زیاتر له‌ مانگ و نیوێكه‌ له‌ سه‌ر سنوری ئوردن – عێراق گیریان خۆاردوه‌ و له‌ ترسی گیان و نه‌بونی ئه‌منیه‌ت له‌ كه‌مپی ئه‌لتاش هه‌ڵ هاتون و به‌ هیوان كه‌ به‌رو وه‌ڵاتی سیه‌م بڕون یان وه‌ڵاتی سیهه‌م وه‌ریان گرێ و ژیانیان بپارێزرێ له‌ پێشدا 81 كه‌س بون به‌ڵام ئه‌مڕو ژماره‌یان گه‌یشتوه‌ته‌ 190 كه‌س كه‌ له‌وانه‌ 97 یان منداڵ ، 35 ژن 6 كه‌سیان پیر و نه‌خۆشن .له‌به‌ر ئه‌وه‌ی هه‌تا ئێستا هیچ لایه‌نێكی گریدراو به‌ چاره‌نوسی ئه‌م په‌نابه‌ر و ئاواره‌نه‌ وه‌ك وه‌ڵاتی ئوردن و عێراق و كومیته‌ی په‌نابه‌رانی نه‌ته‌وه‌ یه‌كگرتوه‌كان وه‌ڵامی داوا و داخۆازه‌كانیان ناده‌نه‌وه‌.

له‌ ڕوژی 10-3-2005 ه‌وه‌ ده‌ستان داوه‌ته‌ مان گرتنی هێمنانه‌ و به‌ ته‌مان تا وه‌ڵامی پێویست وه‌ر ده‌گرن به‌رده‌وام بن.بێگومان ڕوی قسه‌ و ده‌ستی یارمه‌تی ئێمه‌ له‌ سه‌ره‌تا و ده‌سپێك دا به‌ره‌ولای هاو وه‌ڵاتێانی خۆشه‌ویستمانه‌ و داواكارین بێده‌نگ و بێ هه‌ڵوێست نه‌بن و وه‌رن هه‌مومان پێكه‌وه‌ گۆشار بخه‌ینه‌ سه‌ر ئه‌و لایه‌نه‌ پێوه‌ندی دارانه‌ كه‌ كێشه‌ی ئه‌م خه‌ڵكه‌ هه‌ژار و ده‌ربه‌ده‌ره‌ چاره‌سه‌ر بكه‌ن ، ئه‌م خه‌ڵكه‌ی كه‌ ماوه‌ی 25 ساڵه‌ ئاواره‌ و ده‌ربه‌در و بێ چاره‌نوسن .له‌ ناو ئه‌و خه‌ڵكه‌ دا كه‌سانێك هه‌ن كه‌ له‌ كه‌مپی ئه‌لتاش هاتونه‌ته‌ دنێاوه‌ و هه‌تا ئێستا مانا و ناوه‌روكی ژیانی ئاساێی نازان و ته‌جروبه‌یان نه‌كردوه‌ و ته‌نیا تاوانیشیان كورد بونیانه‌...

به‌داخه‌و ئه‌م په‌نابه‌رانه‌ بونه‌ته‌ قوربانی هه‌ڵوێستی كۆنه‌په‌ره‌ستانه‌ و دژه‌ مروڤانه‌ی ده‌سه‌ڵات دارانی ئوردنی كه‌ نه‌ له‌ مروڤ ده‌گه‌ن و نه‌ مافی مروڤیش ده‌ناسن . نه‌ته‌وه‌یه‌كگرتوه‌كان ده‌ڵێن كه‌ ده‌بێ ئوردن داوای هاوكاری بكا و ڕێگا بدات بێنه‌ ناو خاكی ئه‌و وه‌ڵاته‌ و له‌ لایه‌كی تره‌وه‌ ئوردن ده‌ڵی كه‌ ده‌بێ وه‌ڵاتێك قه‌بوڵیان كات و پاشان به‌ شێوه‌یه‌كی كاتی له‌ خاكی ئێمه‌وه‌ ده‌رباز بن ..ئه‌وه‌ی كه‌ دیار و ڕونه‌ ئه‌وه‌یه‌ كه‌ ئه‌م په‌نابه‌رانه‌ ته‌نیا هیوا و پشتیوانیان ئێمه‌ی هاو ڕه‌گه‌زیانین ، ئێمه‌ كه‌ له‌ وه‌ڵاته‌ پێشكه‌وتوه‌كان دا ژیانمان پارێزراوه‌ و ئه‌وه‌نده‌مان ئیمكان هه‌یه‌ وه‌ڵامی ساده‌ترین داخۆازی لێقه‌وماوانێ بده‌ینه‌وه‌ كه‌ له‌ ئاسته‌م ترین ده‌ورانی ژیانان نه‌ته‌وه‌ و خه‌بات و نیشتمانیان له‌ بیر نه‌كردوه‌ و فیداكریان بۆ كردوه‌.

كومیته‌ی پشتیوانی له‌ په‌نابه‌رانی ئه‌لتاش
050318

پێڤێک بۆ یادی کاره‌ساتی هه‌ڵه‌بجه‌

پێڤێک بۆ یادی کاره‌ساتی هه‌ڵه‌بجه‌

هه‌ڤده‌ساڵ له‌مه‌و پێش له‌ ڕۆژه‌کانی کۆتایی مانگی ڕه‌شه‌مه‌دا، چێشته‌نگاوێک که‌ بۆنی به‌هاروو گوڵه‌نێرگزه‌ هه‌موو که‌لێن و قوژبنێک و شیوو دۆڵ و ده‌رو ده‌شتی وڵاتی مێدیاکانی داگرتبوو، پێشنیوه‌ڕۆیه‌ک که‌ چیاکانی هه‌ورامان و شنروێ و به‌رزاییه‌کانی هه‌ڵه‌بجه‌ به‌رگی سپیان له‌به‌ر داکه‌ندبوو و به‌ره‌و نه‌وروزو خاکه‌لێوه‌ خۆیان ئاماده ‌ده‌کردو به‌رگی نوێ و ئاماڵ سه‌وزو پڕ له‌ گوڵیان به‌ باڵای خۆیان ده‌دروو، به‌ڵێ ڕاست ئه‌و به‌یانیه‌ی که‌ شاره‌زوورو بوکه‌ جوانه‌که‌ی..، هه‌ڵه‌بجه‌، به‌ره‌و جێژنی سه‌رکه‌وتن به‌سه‌ر زستان و دێوه‌زمه‌ی شه‌خته‌و به‌سته‌ڵه‌ک و هاتنی به‌هارو ساڵی نوێی کورده‌واری له‌خۆ ئامده‌کردندا بوون و و هه‌ڵه‌بجه‌ییه‌کان وێڕای چرێنی سیاچه‌مانه‌ پڕ به‌ سینه‌ بۆنی به‌هاریان هه‌ڵده‌مژی، ڕاست له‌و کاته‌دا که‌ مناڵانی نێرگز چنی ئه‌و ده‌ڤه‌ره‌ گوڵه‌ نه‌ورۆزه‌کانیا چه‌پکه‌ چه‌پکه‌ ده‌کردو له‌ سه‌ر کۆڵان و شه‌قامه‌کانی بوکی شاره‌زوردا ڕاده‌ستی ڕێبوارانیان ده‌کرد، به‌ڵێ له‌ دره‌نگانێکی به‌یانی دا چه‌ند داڵاشی باڵ ڕه‌شی چنگ و ده‌م به‌خوێن له‌ د‌‌ه‌شته‌ قاقڕه‌کانی هه‌رێمی تۆزو تاریکیه‌وه‌ به‌ نوێنه‌رایه‌تی سه‌ردارانی بیر گه‌نیوی مێشک پووت و خه‌ون ئاڵۆزه‌کانی کۆشکه‌ به‌رزه‌کانی عروبه‌وه‌، ئه‌وانه‌ی خه‌ونی له‌ناو بردنی کوردو به‌ سوتمانکردنی کوردستانیان ده‌بینی، به‌ره‌و هه‌رێمی ژیان و شارستانیه‌تی مێدیا به‌ڕێکه‌وتن و له‌ کاتێکدا ژیان گوڵه‌ نێرگز بوو به‌ ده‌ستی مناڵانی کورده‌وه، ئه‌و داڵاشه‌ چنگ به‌خوێنانه‌ چه‌ندی توانیان ژاریان پژاند بۆ ئه‌وه‌ی ژیان نه‌هێڵن، ژیان بخنکێنن و خۆشه‌ویستی بکوژن و گوڵه‌ نێرگزه‌کانی ئاماژه‌ی نوێبوونه‌وه‌ی ژیان و هه‌رچی جوانیه‌ نه‌یهێڵن و بیژاکێنن.

****
به‌ڵێ ئه‌و به‌یانیه‌ جوان‌ و نه‌شه‌ بزوێنه‌ی ده‌ڤه‌ری هه‌ڵه‌بجه‌و شاره‌زور له‌ لایه‌ن فڕۆکه‌کانی ڕژیمی فاشیستی به‌عسه‌وه‌ ژه‌هر بارانکراو له‌ چه‌ند چرکه‌دا به‌ هه‌زاران مرۆڤ خنکان و بیناییان له‌ده‌ستدا و به‌ره‌و هه‌ڵدێری مردن بران.
ده‌یان و سه‌دان زارۆک و مناڵی شیره‌خۆره‌، ژن و پیاوی گه‌نج و پیرو سه‌دان و هه‌زاران زینده‌وه‌ر و ئه‌وه‌ی ناوی ژیانه‌ به‌ ژانی دژواری ژه‌هری ژه‌هر پژێنانه‌وه‌ ده‌تلانه‌وه‌ و چاوه‌ڕوانی مردنیان ده‌کرد. ڕاست له‌ به‌یانیه‌کی جوان و ڕازاوه‌ی شاری هه‌ڵه‌بجه‌دا هه‌ڵه‌بجه‌ له‌خاجدرا و بوه‌ قوربانی بیری ڕه‌گه‌ز په‌رستانه‌ی شۆڤێنیسته‌کان و زیاتر له‌ پێنج هه‌زار که‌س به‌تاوانی کورد بوون له‌سه‌ر خاو وڵاتی خۆیان و له‌ ناو ژینگه‌و هێلانه‌ی خۆیان گیانیان لێسه‌ندراو به‌ هه‌زرانیش تا ئێستا هه‌روا به‌ ئازاری ئاسه‌واره‌کانی ئه‌و تاوانه‌ نامرۆڤانه‌و وحشیانه‌وه‌ ده‌تلێنه‌وه‌.
ئێستا که‌ هه‌ڤده‌ساڵ به‌سه‌ر ئه‌و تاوانه‌دا تێپه‌ڕیوه‌، به‌ خۆشیه‌وه‌ تاوانبارن له‌ به‌ندی تاوانه‌کانی خۆیاندان و گه‌لی کوردو هه‌ڵه‌بجه‌ییه‌کان چاوه‌ڕوانی به‌سزا گه‌یاندن ئه‌وتاوانبارانه‌ن و ده‌خوازن له‌ شاری هه‌‌ڵه‌بجه‌و له‌ به‌رچاوی پاشماوه‌کانی قوربانیه‌کانی ئه‌وشاره‌دا دادگایی بکرێن.
له‌و کاته‌وه‌ هه‌موو ساڵێک و له‌ ڕۆژی تاوانه‌که‌ی هه‌ڵبجه‌دا له‌ هه‌موو کوردستان و له‌ هه‌ر شوێنێک کوردێک هه‌بێ ئه‌و ڕۆژه‌ و ئه‌و تاوانه‌ی تێیدا ئه‌نجامدرا وه‌بیر ده‌هێنرێته‌وه‌ و جارێکی دیکه‌ش نفره‌ت له‌ بکوژانی هه‌ڵبجه‌ ده‌کرێته‌وه‌ و له‌ پێناوی نه‌هێشتنی تاوانی له‌و جۆره‌دا جیهان وشیار ده‌کرێته‌وه‌.
****
پاش ئه‌وه‌ی ڕژیمی تاوانباری به‌عس فڕێدرایه‌ ناو زبڵدانه‌وه‌و سه‌رانی تاوانباری گیران، پاش ئه‌وه‌ی کوردستان و هه‌ڵه‌بجه‌ له‌ ژێر حوکمی خۆماڵی کورد خۆیدایه‌و ئه‌وه‌ نزیک پانزه‌ ساڵه‌ ئازادکراوه‌و هه‌مووشمان ده‌زانین که‌ ئه‌وه‌ی وه‌ده‌ست هاتووه‌ به‌رهه‌می خوێن و قوربانی کوردستانیه‌کان و به‌ تایبه‌ت هه‌ڵه‌بجه‌ییه‌کانه، پرسیار ئه‌وه‌یه‌ چ پاداشتێکی هه‌ڵه‌بجه‌ و گشت قوربانیه‌کانی ده‌سه‌ڵاتی وه‌حشیانه‌ی ڕژیمی ڕه‌گه‌ز په‌ره‌ست و فاشیستی به‌عس دراوه‌ته‌وه‌.
هه‌موو ساڵێک یادی هه‌ڵه‌بجه‌ به‌ شکۆوه‌ ده‌کرێته‌وه‌ لێ له‌ هه‌مانکاتدا هه‌ڵه‌بجه‌ییه‌کان و قوربانیه‌کانی ئه‌نفال و کیمیایی و گشت تاوانه‌کانی دیکه‌‌ی به‌عس که‌ به‌رامبه‌ر کورد کراوه‌ ،‌ نوقمی ئازارو یادی ئازیزانیان ده‌بنه‌وه‌ و به‌ سێلاو فرمێسک ده‌وه‌رێنن و ژانی تاڵی ئاسه‌واره‌کانیان زیندوو ده‌بێته‌وه‌و ده‌چنه‌وه‌ ناخی ڕۆژه‌کانی کاره‌ساته‌که‌ و له‌ گه‌ڵ ئه‌وانیش هه‌موو تاکێکی کورد له‌و ڕۆژه‌دا فرمێسکی پڕ له‌ ناسۆر بۆ ئه‌و نه‌هامه‌تی و کاره‌ساته‌ و گشت کاره‌ساته‌کانی دیکه‌ ده‌وه‌رێنن و ئه‌و ڕۆژانه‌ی که‌ هه‌ێنده‌ بێکه‌س بووین که‌ ده‌نگمان جگه‌ له‌‌ چیاکان به‌ هێچ شوێنک نه‌ده‌گه‌یشت و که‌س گوێی بۆ ئازارو ژان و هاواری ژێر چه‌پۆکه‌یمان نه‌ده‌گرت، ده‌وه‌رێنن.
گه‌لی خوێنه‌ران، له‌ ڕۆژێکی وه‌ک 26ی ڕه‌شه‌ممه‌دا بۆ هه‌موو لایه‌ک پرسیاره‌ که‌ تۆ بڵێ ده‌سه‌ڵاتدارانی هه‌رێمی کوردستان چیان بۆ هه‌ڵه‌بجه‌ کردبێت؟. ئه‌و هه‌ڵه‌بجه‌یه‌ی که‌ بۆته‌ هێمای ناسینه‌وه‌ی گه‌له‌که‌مانه‌ له‌ م جیهانه‌دا تا چه‌نده‌ ئاوڕی لێدراوه‌ته‌وه؟. ئایا به‌ ڕاده‌ی باڵای به‌رزی قوربانی و نه‌هامه‌تیه‌کانیان هه‌وڵی ساڕێژکردنه‌وه‌ی برینه‌کانیان دراوه‌؟. به‌داخه‌وه‌ ده‌بێ بڵێم چاوه‌ی ته‌له‌فزیۆنه‌کان و لاپه‌ڕه‌ی سایت و ڕۆژنامه‌کان پێمان ده‌ڵێن که‌ جگه‌ له‌ چه‌ند پڕۆژه‌ی ڕواڵه‌تی هیچیان بۆ نه‌کراوه‌ و هه‌ڵه‌بجه‌ له‌سه‌رده‌می ئازادیدا هه‌روا بێنازو بێکه‌س دیاره‌. بۆیه‌ش له‌ یادی ئه‌و کاره‌ساته‌ ویژدان هه‌ژێنه‌دا وێڕای سڵاو له‌ هه‌ڵه‌بجه‌و گیانی قوربانیه‌کانی ئه‌و کاره‌ساته‌و به‌جێماوه‌کانیان، ده‌ڵێین با هه‌موو لایه‌ک هه‌وڵ بده‌ن هه‌ڵه‌بجه‌ ئاوه‌دانبکرێته‌وه‌و‌ که‌شێکی وا بۆ هه‌ڵه‌بجه‌ییه‌کان بئافرێنرێ که‌ هه‌ست به‌وه‌ بکه‌ن که‌ هه‌ست به‌ ژان و ئازاره‌کانیان کراوه‌ و دروشمه‌کان هه‌ر په‌یڤی ڕوت نین و مه‌به‌ست لێنا بازرگانی و خۆڕانان نیه‌. هه‌ڵه‌بجه‌ پێویستی به‌ ئاوڕدانه‌وه‌ و ساڕێژکردنه‌وه‌ی برینه‌کانیه‌تی، پێویستی به‌وه‌یه‌ ململانێی ده‌سه‌ڵات و به‌رژه‌وه‌ند خوازی ئازاره‌کانی قوڵ نه‌کاته‌وه و زامه‌کانی له‌بیر نه‌برێته‌وه‌،‌ گه‌ره‌کیه‌تی به‌ یه‌کیه‌تی هه‌ڵوێست و کرده‌وه‌ هه‌وڵی وه‌ستهێنان و مسۆگه‌ر کردنی داهاتووی ئاشتی و ئاسوده‌یی بدرێت و به‌مه‌ش لانی که‌می زامه‌کانیان ساڕێژ بکرێته‌وه‌‌.

نفره‌ت له‌ داگیرکه‌ره‌ تاوانباره‌کان و گشت ئه‌وانه‌ی له‌ ڕۆژ ڕه‌شی و کاره‌ساته‌کانی ئه‌م نه‌ته‌وه‌دا پشکیان هه‌یه‌.‌به‌رزو به‌ڕێز بێت یادی کاره‌ساتی جه‌رگبڕو ویژدان هه‌ژێنی هه‌ڵه‌بجه‌ی کوردستان

تێبینی: ئه‌م نوسراوه‌ له‌ ڕۆژی 26ی ڕه‌شه‌ممه‌ نوسراوه‌ بۆ ڕادیۆی کوردی باشوری ئوسترالیا

هه‌ڵه‌بجه‌ له‌ كلیسه‌ گه‌وره‌تره‌ به‌ڵام ...
هیوا گوڵ محه‌مه‌دی

هه‌ڵه‌بجه‌ شاری قوربانی و به‌ڵگه‌ی جیایی كورد و داگیر كه‌رانه‌ و له‌ ساڵ وه‌گه‌ڕی شه‌هید كردنی دا ده‌بێ كوردی هه‌ر چوار پارچه‌ی كوردستان و كورده‌كانی سه‌رتاسه‌ری دنیا له‌ كار و هه‌ڵپه‌ی ژیانی تاكه‌كه‌سی ڕاوه‌ستن و ده‌نگ هه‌ڵبڕن كه‌ كورد قوربانی داگیركاری چوار ده‌سه‌ڵاتی بێگانه‌یه‌ و ئه‌وه‌ی مروڤایه‌تی بێزی لێ ئه‌كا ده‌رحه‌ق به‌ ئێمه‌ ئه‌نجام ئه‌درێ .
به‌ڵام به‌داخه‌وه‌ هه‌ڵه‌بجه‌ ئێستا ته‌نێا بۆ بازرگانی پێوه‌ كردن باس ئه‌كرێ و له‌ گه‌وره‌ێی و پیروزی 16ی3ی1988 تێ ناگه‌ن و به‌ڵكو هه‌وڵی بچوك كردنه‌وه‌شی ئه‌ده‌ن.

له‌ شه‌هید كردنی هه‌ڵه‌بجه‌ دا زور ده‌سه‌ڵات و لایه‌ن به‌شدارن و ده‌بێ وه‌ڵامده‌ر بن و له‌ یه‌كه‌م هه‌نگاو دا خه‌ڵكی شیمیاێی لێدراوی هه‌ڵه‌بجه‌ قه‌ره‌بو وه‌رگرنه‌وه‌ و لانی كه‌م له‌ ده‌س ڕوخاوی سه‌رده‌می ده‌سه‌ڵاتی سه‌دام حسێن ڕزگاریان بێ و ده‌رمانی پێویست بۆ نه‌خوشیه‌ جوراو جوره‌كانیان وه‌رگرن. هه‌ڵه‌بجه‌ ته‌نیا شارێكی بناری شنروێی و ده‌شتی شاره‌زور نیه‌ به‌ڵكو هه‌ڵه‌بجه‌ برینی نه‌ته‌وه‌یه‌كی له‌ت و په‌ت كراوه‌، هه‌ڵه‌بجه‌ ئازاری سه‌دان ساڵ بنده‌ستی و سه‌ركوت كردنه‌ و هه‌ڵه‌بجه‌ منداڵێكی نازبڕاوی سه‌رجه‌م نیشتمانه‌. كه‌وابو ده‌بێ له‌ ساڵ ڕوژی شه‌هید كردنی ئه‌م شاره‌ دا ده‌نگی ئه‌نفال كراوه‌كان ، هاواری له‌ سیداره‌ دراوه‌كان و ئاه‌ و ناڵه‌ی دایكانی جه‌رگ سوتاو بگه‌نه‌ گۆێی دنێا و كومه‌ڵگای مروڤایه‌تی تێبگه‌ن كه‌ كورد چی ده‌وێ و جیاوازیه‌كانی چین و له‌ پێناو ڕزگاریدا چ ئازارێك ئه‌چێژن.

ئێستاش به‌ ده‌یان منداڵی هه‌ڵه‌بجه‌ێی بێ دایك و باوكن و ده‌یان دایك و باوك بێ منداڵن و ده‌یان بنه‌ماڵه‌ ئاسه‌واریان نه‌ماوه‌ ، نابێ ئێمه‌ هه‌ڵه‌بجه‌ وه‌ك كاره‌ساتێكی ئاساێی سه‌یر بكه‌ین و لێی تێ بگه‌ین.به‌داخه‌وه‌ له‌ كوردستان ده‌سه‌ڵاتی كوردی وه‌ك پێویست نه‌ هه‌ڵه‌بجه‌ ونه‌ ئه‌نفال و نه‌ وێران كردنی چوار هه‌زار گوند و بێ سه‌رو شوێن كردنی دووسه‌د هه‌زار كوردی هه‌ژار و ... به‌ر جه‌سته‌ ناكه‌نه‌وه‌ ، و به‌ڵكو هه‌وڵی ئه‌وه‌ش ئه‌ده‌ن كه‌ تاوانبارانی ئه‌و كرده‌وانه‌ له‌ بیر خه‌ڵكی كورد بچنه‌وه‌.

كاتێك نه‌زار خزرجی تاوانباری كوشتاری كوردان له‌ دانمارك ده‌س به‌سه‌ر كرابو حیزبه‌ كوردیه‌كان پشتیان ئه‌گرت.
لایه‌نێكی تر كه‌ هه‌مو ساڵێ له‌ گه‌وره‌ێی هه‌ڵه‌بجه‌ كه‌م ئه‌كاته‌وه‌ و وه‌ك مردنێكی ئاساێی سه‌ره‌خۆشی بۆ دائه‌نێن و له‌ پێته‌ختی سوید له‌ كلیسه‌یه‌كا خه‌ڵك كۆ ئه‌كه‌نه‌وه‌ و فاتێحا ئه‌خۆێنن فدراسیونی كومه‌ڵه‌ كوردیه‌كانه‌ له‌ سوید...دیاره‌ فدراسیونی كومه‌ڵه‌ كوردیه‌كان ئه‌و كاره‌ ته‌نێا بۆ ئه‌وه‌ ئه‌كات كه‌ له‌ ڕاپورتی ساڵانه‌ی كاری خۆیان دا بینوسن و پاره‌ی زه‌حمه‌ته‌كه‌یان وه‌رگرن و له‌ لایه‌كی تره‌وه‌ ڕێگر بن له‌وه‌ی كه‌ كورده‌كان به‌ ژماره‌یه‌كی زوره‌وه‌ بڕژێنه‌ شه‌قامه‌كانی سوید و باسی شیمیایی بارانی كوردستان و ...بكه‌ن.

جێگای داخه‌ كه‌ حیزب حیزبانێ و سیاسه‌تاوی كردنی كێشه‌ نه‌ته‌وه‌ێیه‌كانمان وای كردوه‌ كه‌ له‌ 40 هه‌زار كوردی دانیشتوی ئه‌م وه‌ڵاته‌ 400كه‌سیان به‌ ده‌نگ شه‌هیدانی هه‌ڵه‌بجه‌وه‌ نه‌یه‌ن و ته‌نیا له‌ كلیسه‌یه‌كی سارد و سڕا چه‌ند خوله‌كێك له‌ گه‌وره‌ترین تراژیدیای نه‌ته‌وه‌ و گه‌وره‌ترین تاوان ده‌ر حه‌ق به‌ مروڤایه‌تی یاد بكرێته‌وه‌...
بێگومان هه‌ڵه‌بجه‌ له‌ كلیسه‌ و مزگه‌وتا جێگه‌ی نابێته‌وه‌ له‌به‌ر ئه‌وه‌ هه‌ڵه‌بجه‌ ئه‌وه‌نده‌ گه‌وره‌یه‌ ته‌نێا له‌ شاره‌زورا ئه‌حه‌وێته‌وه‌ و ده‌بێ ئێمه‌ سه‌ری ڕێز و خۆشه‌ویستی بۆ دانه‌وێنین .
له‌ كۆتاێی دا ته‌نێا پرسێارێكم هه‌یه‌:

ئه‌ری گه‌لو له‌م دنێایه‌ دا گه‌لێكی دیكه‌ هه‌یه‌ وه‌ك ئێمه‌ی كورد به‌ ئێش و ئازار و كومه‌ڵ كوژی و بن ده‌ستی ڕاهاتبێ و خۆی پێوه‌ گرتبێ و بێده‌نگ بێ و ...؟

16.03.2005

شانزه‌ی مانگه‌ یان مه‌رگه‌سات

شانزه‌ی مانگه‌ یان مه‌رگه‌سات

هیوا گوڵ محه‌مه‌دی

شانزه‌ی مانگه‌ و كه‌ چی هێشتا مانگ و ڕۆژ له‌ شه‌رمانا خۆێان حه‌شار داوه‌ ، بۆنی گوڵ و ڕێحان و سه‌وزاێی ناێه‌.

شانزه‌ی مانگه‌ له‌ به‌یانا ، به‌یان په‌له‌قاژه‌ی ژیانیه‌تی و كراسه‌كه‌ی سه‌ر سینگی دائه‌دڕێ و ده‌ست ئه‌كێشێ و په‌ل ئه‌هاوێ ، نه‌ له‌قی داربه‌ڕوه‌كه‌ی به‌ر ماڵیانی پێ ئه‌گیرێ و نه‌ هێزی تێایه‌ كه‌ جامێ ئاو هه‌ڵگرێ و هه‌ناوی پێ فێنك بكاته‌وه‌.

شانزه‌ی مانگه‌ و شار به‌ تێكڕا له‌ باوه‌شی ڕه‌شی مه‌رگا په‌له‌قاژه‌ی مان و نه‌مانیه‌تی...
شانزه‌ی مانگه‌ و هێشتا هیوا ده‌ستی نه‌گیشتوه‌ته‌ داوێنی بوكی حه‌زی و له‌ ڕێگای جێژوانا وه‌ك دیواری ماڵی كه‌ژاڵ وشك و بێده‌نگ چاوی له‌ درگای ماڵی یاره‌، نازداره‌كه‌شی له‌ خه‌نه‌به‌ندانی
شاێی به‌ره‌و هه‌واری دوور و سوور به‌ ئاسته‌مێ هه‌ناسه‌یه‌ك هه‌ڵ ئه‌كێشێ و پێلوی چاوه‌ كاڵه‌كانی ئه‌تروكێنێ ...

شانزه‌ی مانگه‌ و خاڵو حه‌مه‌ له‌ سه‌ر ڕێگای مزگه‌وتا خۆی داوه‌ته‌ سه‌ر دار عه‌ساكه‌ی دا نه‌ ئه‌توانی سوجده‌ بۆ باره‌گای یه‌زدانی بێ بارگه‌ و بنه‌ به‌رێ و نه‌ ئه‌زانێ بۆچی هه‌نگاوه‌كانی له‌ دوو نایه‌ ، سه‌ر به‌رز ئه‌كاته‌وه‌ كه‌ له‌ خۆای ئاسمانه‌كان بپاڕێته‌وه‌ ئه‌مجاره‌ش یارمه‌تی بدات ، به‌ڵام تۆزقاڵه‌ هه‌ورێكی ڕه‌ش و قۆرس تێكه‌ڵ به‌ هه‌ناسه‌كانی ئه‌بێ ، دوو دڵوپ فرمێسك له‌ چاوه‌ سوما له‌ ده‌س داوه‌كانیه‌وه‌ به‌ سه‌ر ڕومه‌تی له‌ ڕه‌نگ هه‌ڵگه‌ڕاوی گلور ئه‌بنه‌وه‌ و ئیتر نه‌ مزگه‌وت و نه‌ ئاسمان و نه‌ یه‌زدان گۆیان لێ نه‌بو كه‌ بپاڕێته‌وه‌ له‌ گۆناحه‌ نه‌ كردوه‌كانی خۆش بن....

شانزه‌ی مانگه‌ ، تریفه‌ و تارا له‌ حه‌وشه‌ دا له‌گه‌ڵ یاری كردنا چاویان له‌ سه‌ر ڕومه‌تی یه‌كتره‌ و چاو ناتروكینن . توپی یاری كردنه‌كه‌یان له‌ نێوانیانه‌ ، نه‌ تریفه‌ بۆی ئه‌ڕوا و نه‌ تارا ده‌ستی بۆ ڕاده‌دێرێ ، ئاخر ئه‌وانیش وه‌ك توپه‌كه‌ بێ گێان و بێ هه‌ناسه‌ چاوه‌ڕوانی ده‌ستێكن هه‌ڵێانگرێ...
شانزه‌ی مانگه‌ و شنه‌ی شه‌ماڵی ئێواره‌ ڕێگای ون كردوه‌ و له‌ باوه‌شی زریانا به‌ دوای هه‌ناسه‌ی هه‌ڵ هاتوا ئه‌گه‌ڕێ...

شانزه‌ی مانگه‌ ، گوڵی سووری بناری شاخ سه‌ری له‌ كۆشی خۆی ناوه‌ ، ئاخر نه‌ نالی بۆ لای ئه‌چێ و نه‌ حه‌بیبه‌ له‌ یه‌خه‌ی ئه‌دا ، نه‌مه‌ بارانێكش له‌ داوێنی هه‌وره‌كانی سه‌ر ئه‌م شاره‌وه‌ به‌ر نابێته‌وه‌ و نایشواته‌وه‌ ...

شانزه‌ی مانگه‌ ، پوره‌ شنۆ له‌ سه‌ر سفره‌ی نان خۆاردنی به‌یانیا چاوی ، چاوه‌ڕوانی كردنه‌وه‌ی درگای حه‌وشه‌یه‌ ، له‌ به‌ر ئه‌وه‌ شانزه‌ شانزه‌ی مانگ به‌ر له‌ ئێستا كۆڕه‌كه‌یان كه‌له‌بچه‌ كرد و بردیان ...
چاوه‌كانی پوره‌ شنۆ واق وڕماون ، پێلوه‌كانی لێك نانی نه‌وه‌ك چركه‌یه‌كی چاوه‌ڕوانی له‌ كیس بچێ ، ئێستا ئیتر نیگا ماندوه‌كانی وه‌ك بهارێكی نه‌هاتو به‌ڕێوه‌ن ...

پوره‌ شنوش وشك بووه‌ ، وه‌ك گه‌ڵای دار هه‌ناری به‌ر گونده‌كه‌ی عه‌بابه‌یلێ ، به‌ڵام چاوه‌كانی له‌ سه‌ر درگای حه‌وشه‌ چاوه‌ڕوانی هاتنه‌وه‌ی فه‌رهاد ئه‌كه‌ن ..

شانزه‌ی مانگه‌ ، به‌هار ڕاونراوه‌ و له‌ لای ئێمه‌ خه‌زانه‌ ... پایزێكی زوور ته‌ماوی له‌م دیاره‌ ، دیاری هێناوه‌ ، مه‌رگی سروشت ، مه‌رگی مروڤ و مه‌رگی گیانله‌به‌رانی له‌ كۆڵ ناوه‌ و دابه‌شی ئه‌كاته‌ و حه‌ز و خۆزگه‌ و خۆشه‌ویستی ڕاپێچی تاریكستانی نه‌مان كردوه‌...

هه‌ژار له‌ به‌ر په‌نجه‌ره‌ی ژوره‌كه‌یانا وه‌ستاوه‌ ، ده‌فته‌رێكی له‌ سه‌ر كۆشی داناوه‌ و پێنوسه‌كه‌ی له‌ به‌ین په‌نجه‌كانی توند ، توند به‌ سینگی ده‌ستیه‌وه‌ ئه‌گۆشێ و توماری مردن ئه‌كا...

باوكم گریا ، هه‌ر زور گریا له‌ ناخه‌وه‌ ئه‌قۆڵا ، قه‌ت نه‌م دیبو باوكم بگری ، كه‌چی ئێستا بێده‌نگ و بێ فرمێسك هه‌مو جه‌سته‌ی وه‌ك له‌ سه‌ر ئاور بیسوتێنن بۆكروزی لێ ئه‌هات ، له‌ ناكاوا له‌ جوڵه‌ كه‌وت ، به‌ڵام بزه‌یه‌كی منداڵانه‌ له‌ سه‌ر لێوه‌كانی بو .....

دایكم ئه‌هات و ئه‌چو ، سه‌رتا ته‌نیا ئه‌یوت : هه‌یڕۆ ، هه‌یڕۆ.. ڕۆژی حه‌شره‌ ، دنێا ئاخره‌ ، كه‌س ده‌ر ناچێ ... پاش تۆزێ له‌ هات و هاوار كه‌وت...

له‌ ناو حه‌وشه‌كه‌مان چاوم له‌ ژیانی خۆشكمه‌ ، چو به‌ په‌له‌ ئاو بۆ دایكم بێنێ به‌ڵام خۆی هاواری لێ هه‌ستا و بۆ دڵۆپه‌ بارانێ له‌ ئاسمان ئه‌پاڕایه‌وه‌...

له‌م لاوه‌تر ڕێبواری برامه‌ ، ئه‌و كه‌سه‌ی كه‌ هه‌مومان خۆشمان ئه‌ویست ، قسه‌ خۆش ، تێكۆشه‌ر و هه‌ست ناسك ...

له‌ به‌یانیه‌وه‌ پرسیار له‌ دوای پرسیار ئه‌یه‌وێ وه‌ڵام وه‌رگرێ : ئه‌توت منداڵێكی بچكوله‌یه‌ و تازه‌ زمانی گرتوه‌..

كاكه‌ بۆچی گه‌ڕه‌كی شاریان ڕوخان ؟

كامه‌ گه‌ڕره‌ك ئازیزه‌كه‌م؟

كانی ئاشقان ....

كاكه‌ بۆ چی گۆنده‌كانیان ڕوخان ؟

كامه‌ گۆند چاوه‌كانم ؟

گونده‌كانی هه‌ورامان . شاره‌زور ، گه‌رمیان ، بادینان و ...

كاكه‌ بۆ چی ئێعدامیان كردن ؟

كێیان ئێعدام كرد برای شیرینم ؟

شوڕشی هه‌ڤاڵت ، خه‌باتی پورزامان ، ڕه‌شادی دراوسێمان ، ڕه‌فێقی چایچی...

سه‌ر ئه‌نجام به‌ ده‌م پرسیار كردنه‌وه‌ خه‌وی لێ كه‌وت ، نا خه‌وی لێ نه‌كه‌وت ماڵ ئاواێی لێ ژیان كردن ، یان باشتر بڵێم له‌ ژیانیان دابڕی .

وه‌ڵامی شرسیاره‌كانی وه‌ر نه‌گرت ، كه‌س نه‌گه‌یشت وه‌ڵامی بۆ بێنێته‌وه‌ ، تاوه‌كونی خۆی ئێستاكه‌ له‌ ناو حه‌وشه‌كه‌ دا ڕاكشاوه‌ و پرسێارێكه‌..

ده‌بێ تاوانمان چی بێ كه‌ وامان لێ ئه‌كه‌ن ؟

15.03.2005

زهخت و زۆری حکوومهتی ئێران دژی چالاکانی فهرههنگی - کۆمهڵایهتیی کورد مهحکوومه

هه‌ڵوێستی ژماره‌یه‌ک چالاکی سیاسی فه‌رهه‌نگیی کورد له‌ ئاست کرداری نا ڕه‌وای حکوومه‌تی ئێران دژی چالاکانی فه‌رهه‌نگی کۆمه‌ڵایه‌تیی کورد

زه‌خت و زۆری حکوومه‌تی ئێران دژی چالاکانی فه‌رهه‌نگی - کۆمه‌ڵایه‌تیی کورد مه‌حکوومه‌

ئازادیی بێ‌مه‌رجی تێکۆشانی سیاسی و کۆمه‌ڵایه‌تی مافی هه‌ر ئینسانێکه‌ له‌ کۆمه‌ڵگه‌دا . مافێک که‌ له‌ ژێر سێبه‌ری ده‌سه‌ڵاتی حکوومه‌تی ئیسلامیی ئێراندا نه‌ک هه‌ر له‌به‌رچاو ناگیرێت به‌ڵکه‌ به‌ بوونی یاسا کۆن و کۆنه‌په‌رستانه‌کانی و شێوه‌ی‌ ده‌سه‌ڵاتداریی ده‌ورانی به‌رد،‌ باسکردنیان تاوانه‌. ئه‌م حکوومه‌ته‌ سه‌ره‌ڕای نه‌سه‌لماندنی بوونی ئێران وه‌ک وڵاتێکی فره‌ نه‌ته‌وه‌ ، پێش به‌ چالاکی و چالاکانی دامه‌زراوه‌ مه‌ده‌نی و ناحکومه‌تییه‌کانی وه‌ک بواری رۆژنامه‌وانی ، مافه‌کانی منداڵ ، مافی ژن و مافی مرۆڤ و ... ده‌گرێ . به‌ شێوه‌ی جۆربه‌جۆری وه‌ک داخستنی بڵاوکراوه‌ ، بانگکردن بۆ ناوه‌نده‌ ئه‌منییه‌تی و ئیتڵاعاتییه‌کان ، دادگاییکردن و بڕینه‌وه‌ی حوکمی ناعادڵانه‌ و سه‌ره‌نجام مۆله‌ت نه‌دان به‌ چالاکی به‌ شێوه‌ی "قانوونی" و ره‌دکردنه‌وه‌ی " سه‌ڵاحییه‌تی" !! داواکاران ، هه‌وڵ بۆ ترساندن و دامرکان و بێده‌نگ‌کردنیان ده‌دات.نه‌وه‌ک ئارامشی ئه‌منییه‌ته‌ " گۆڕستانی"یه‌که‌ی تێک‌بچێت .
له‌م بواره‌دا حکوومه‌تی ئێران له‌ کوردستان به‌ ده‌ستێکی ئاواڵه‌تر له‌ به‌شه‌کانی دیکه‌ی ژێر ده‌سه‌ڵاتی هاتووه‌ته‌ مه‌یدان و به‌مه‌به‌ستی ترساندن و پاشه‌کشه‌کردن به‌ چالاکانی رۆشنبیر و پێشره‌وانی هه‌ڵسووڕی کۆمه‌ڵگه‌ی کورده‌واری، و هه‌روه‌ها چاوه‌ترسێن‌کردنی جه‌ماوه‌ر ،ئه‌وه‌ ماوه‌یه‌که‌ به‌شێوه‌یه‌کی به‌ربڵاو قۆڵی له‌ سه‌رکوت و ده‌مکوت‌کردنی که‌سانی چالاکی بواره‌جۆربه‌جۆره‌کانی فه‌رهه‌نگی و کۆمه‌ڵایه‌تی هه‌ڵماڵیوه‌ . که‌ داخستنی بڵاوکراوه‌‌کانی خوێندکاران ، بڵاوکراوه‌ی په‌یامی مه‌ردوم (کوردستان) و بانگ‌کردنی به‌رێوه‌به‌ر و نووسه‌رانی ئه‌م بڵاوکراوانه‌ بۆ دادگا، بانگکردنی چالاکانی بواری مافه‌کانی ژن ،مافی منداڵ و مافه‌کانی مرۆڤ بۆ دادگا یا ناوه‌نده ئیتڵاعاتییه‌کان ‌و ئه‌گه‌ری گرتن و زیندانیکردنیان له‌ داهاتوویه‌کی نزیکدا و ره‌د کردنه‌وه‌ی داخوازی موڵه‌ت بۆ ڕێکخراوی ژنانی کوردی پارێزه‌ری ئاشتی و مافی مرۆڤ و بانگکردنی خاتوو رویا تلووعی (ئه‌ندامی ئه‌م رێکخراوه‌) له‌ لایه‌ن ناوه‌ندێکی ئیتڵاعاتییه‌وه‌، نموونه‌ی ئه‌م هه‌ڵس‌وکه‌وته‌ن.
ئێمه‌ چالاکانی سیاسی –فه‌رهه‌نگیی کورد سه‌رنجی هه‌موو خه‌ڵکی کوردستان، هێزه‌ سیاسییه‌کان ، ناوه‌نده‌کانی جیهانیی مافی مرۆڤ و گشت ئازادیخوازان بۆ ئه‌م پێشێل کردنه‌ی سه‌ره‌تایی‌ترین مافی ئه‌ندامانی کۆمه‌ڵ و تاوانه‌کانی دیکه‌ی ده‌سه‌ڵاتدارانی ئێران ڕاده‌کێشین و وێرای مه‌حکووم کردنی حکوومه‌ت و کرداره‌‌کانی ، هاوده‌نگیی خۆمان له‌گه‌ل هه‌موو ئه‌وکه‌سانه‌ی که‌ به‌هۆی هه‌وڵدان بۆ ئامانجێکی ئینسانی و مه‌ده‌نی به‌چه‌شنێک له‌ ژێر گیر وگازی ده‌سه‌ڵاتی ئیسلامی‌دان ده‌رده‌بڕین .
ئێمه‌ سه‌رنجی ئیسڵاح‌ته‌ڵه‌به‌ کورده‌کانی ناو ده‌سه‌ڵاتی ئیسلامی بۆ ئه‌و راستییه‌ راده‌کێشین که‌ به‌ بێده‌نگیی خۆیان له‌ ئاست سه‌رکوتگه‌ریه‌کانی حکوومه‌ت و به‌تایبه‌ت کردار‌ی ئه‌م‌دوایانه‌ی‌ ، نیشان ده‌ده‌ن که‌ هیچ پێوه‌ندیه‌کیان به‌ گه‌لی کورد و به‌رژه‌وه‌ندیه‌کانییه‌وه‌ نییه‌ و "به‌رژه‌وه‌ندیه‌کانی نیزام" له‌ پێشه‌وه‌ی ئامانجه‌کانیاندایه‌. بۆیه‌ دڵنیایان ده‌که‌ینه‌وه‌ که‌ له‌ هه‌ڵبژاردنه‌کانی سه‌رۆک‌کۆماریدا وه‌ڵامی شیاوی خۆیان له‌ جه‌ماوه‌ری کوردستان وه‌رده‌گرنه‌وه‌.
به‌ بڕوای ئێمه‌هه‌لومه‌رجی ناوچه‌ و به‌تایبه‌ت باشووری کوردستان ،ترسی خستووه‌ته‌ دڵی هه‌موو داگیرکه‌ران و له‌وانه‌ ده‌سه‌ڵاتی ئیسلامیی ئێرانه‌وه‌ و توند و تیژیه‌کانی ئه‌م‌دوایانه‌ش ده‌بێ هه‌ر له‌و بواره‌دا پێناسه‌ بکرێن. که‌ بیگومان هیچ ده‌سکه‌وتێکی ( بێجگه‌ له‌ بێ‌ئابروویی زۆرتر) بۆ حاکمانی ئێران نابێ .و ناتوانن پێش به‌ ره‌وندی رووله‌گه‌شه‌ی وشیاریی کۆمه‌ڵانی خه‌ڵک و بێداریی نه‌ته‌وه‌یی بگرن .
له‌ هه‌لومه‌رجی ئیمرۆی جیهاندا ، ده‌ورانی سه‌ره‌رۆیی و کێشانی دیواری بێخه‌به‌ری به‌ده‌وری وڵاتاندا له‌ لایه‌ن حاکمانی دیکتاتۆره‌وه‌ تێپه‌ڕیوه‌ . ئیمرۆ هه‌ر ئه‌ندامێکی کۆمه‌ڵگه‌ بۆی هه‌یه‌ و ده‌توانی دادی خۆی دژی بێدادگه‌ران ،بباته‌ به‌ر ناوه‌نده‌ نێونه‌ته‌وه‌ییه‌کانه‌وه‌. کارێک که‌ که‌مترن کاردانه‌وه‌ی زه‌ختی زۆرتری کۆمه‌ڵگه‌ی جیهانی و ناوه‌نده‌کانی مافی مرۆڤ و کۆڕ وکۆمه‌ڵه‌ ئینساندۆسته‌کان بۆ سه‌ر حاکمانی ئازادی کوژی ئێران ده‌بێ‌ .
باهه‌موومان به‌ پشتیوانی‌کردن له‌ چالاکانی فه‌رهه‌نگی- کۆمه‌ڵایه‌تی و له‌قاودانی تاوانکاریه‌کانی ده‌سه‌ڵاتی ئیسلامی له‌ ئاستی ناوخۆ و نیونه‌ته‌وه‌ییدا ، به‌ حاکمانی ئێران نیشان بده‌ین که‌ چی‌دیکه‌ ناتوانن به‌ خواستی خۆیان درێژه‌ به‌ سته‌م و تاوان بده‌ن.

دوکتۆر گوڵمورادی مورادی (ئاڵمان ) نووسه‌ر وتوێژه‌ر و ئه‌ندامی "کانوون نووسه‌ران له‌ تاراوگه‌"
دوکتور حوسێن خه‌لیقی ( سوید) چالاکی سیاسی ،نووسه‌ر وتوێژه‌ و به‌رپرسی ئه‌نستیتوی کورد له‌ سوید
سه‌عیدی کاوه‌ (کوێستانی) (سوید) نووسه‌ر و چالاکی سیاسی فه‌رهه‌نگی
فایه‌ق به‌همه‌نی (سوید) چالاکی سیاسی
هیوا گۆڵموحه‌مه‌دی (سوید) رۆشنبیر و چالاکی سیاسی
عه‌لی مه‌حموود موحه‌ممه‌د(هوله‌ند) نووسه‌ر و چالاکی مافی مرۆڤ
ره‌حمه‌تی ئیبراهیمی (سویس) چالاکی سیاسی فه‌رهه‌نگی
سه‌لام عه‌بدوڵا ئیبراهیم (ئاڵمان) چالاکی سیاسی ، نووسه‌ر و وه‌رگێڕ
حه‌مید به‌هرامی (ئامریکا) چالاکی سیاسی فه‌رهه‌نگی
مریه‌م عه‌لی‌پوور ( نورو‌ێژ) چالاکی سیاسی و تێکۆشه‌ری مافی ژن
شێرکۆ عاله‌می (کوردستان) چالاکی فه‌رهه‌نگی ، چیرۆک نووس
ئیبراهیمی کووشا (تاران) خوێندکار و چالاکی کۆمه‌ڵایه‌تی
قادر ئه‌لیاسی (نوروێژ) گۆرانی بێژ و چالاکی سیاسی فه‌رهه‌نگی
فه‌ریبا ساله‌ح‌زاده‌ ( کرماشان‌) خوێندکار و چالاکی کۆمه‌ڵایه‌تی
ره‌حیمی په‌روا (ئاڵمان) چالاکی سیاسی
حێشمه‌ت خوسره‌وی ( سوید) چالاکی سیاسی فه‌رهه‌نگی
ڕه‌سوول عه‌بدوڵا (باشووری کوردستان-ڕانیه‌‌) چالاکی فه‌رهه‌نگی کۆمه‌ڵایه‌تی
گۆران عه‌لی (سوید) چالاکی سیاسی فه‌رهه‌نگی
عه‌بدولواحێدی خه‌نده‌ڕه‌ ( نیوزله‌ند) خوێندکار و چالاکی سیاسی فه‌رهه‌نگی
که‌ماڵی عیزه‌تی (نوروێژ) چالاکی سیاسی فه‌رهه‌نگی
شه‌هاب گوڵاڵان (سوید) چالاکی سیاسی فه‌رهه‌نگی
موحه‌مه‌د حوسێن (باشووری کوردستان-که‌لار) چالاکی سیاسی فه‌رهه‌نگی
خالید عه‌زیزی ( ئوسترالیا) چالاکی سیاسی فه‌رهه‌نگی
موحه‌ممه‌د خادمیانی ( کانادا) رۆژنامه‌وان و چالاکی سیاسی
قاسم ره‌یانی ( سوئێد) چالاکی سیاسی ، فه‌رهه‌نگی‌ نووسه‌ر
موحه‌مه‌دی جه‌هانگیری (سوئێد) چالاکی سیاسی

ئاکامی ئه‌حمدی ( کانادا) چالاکی سیاسی ، فه‌رهه‌نگی
شه‌ریفی بێهروز ( کانادا) چالاکی سیاسی ، فه‌رهه‌نگی
ئیبراهیم فه‌رشی (ئالمان) چالاکی سیاسی ، ده‌رهێنه‌ر(تاتر) ونووسه‌ر
نادری فه‌تحی (ئالمان) چالاکی سیاسی - فه‌رهه‌نگی
هێمن عه‌بدوڵا (هوله‌ند) نووسه‌ر و رۆژنامه‌وانی سه‌ربه‌خۆ
خه‌لیل غه‌زه‌ڵی (هوله‌ند) چالاکی سیاسی فه‌رهه‌نگی

مه‌نسووری سۆفی (نروێژ) چالاکی سیاسی ، فه‌رهه‌نگی
که‌یوانی فه‌تحی (نروێژ) چالاکی سیاسی ، فه‌رهه‌نگی
هووشه‌نگ یووسفی (نروێژ) چالاکی سیاسی ، فه‌رهه‌نگی
مه‌جید حه‌قی ( فێنلاند) چالاکی سیاسی و توێژه‌ر
دوکتور کامران ئه‌میناو- چالاکی سیاسی ، نووسه‌ر و وه‌رگێڕ
شۆڕش وره‌مه‌ ( ئیتالیا) رۆژنامه‌وان و چالاکی سیاسی ، فه‌رهه‌نگی
عارف باوه‌جانی ( نورو‌ێژ) نووسه‌ر و چالاکی سیاسی ،هه‌ڵوسووڕی بواری مافی مر‌ۆڤ
بورهان رۆحانی( سوید) چالاکی سیاسی
گۆواری کورد (وانکۆڤر- کانادا) گۆڤارێ سیاسی – فه‌رهه‌نگی

ماڵپه‌ڕی ( سیاسی - ئه‌ده‌بی) کوردستانز

ماڵپه‌ڕی ( سیاسی خه‌به‌ری ) برووسکه‌
ماڵپه‌ڕی ( سیاسی خه‌به‌ری ) کاک هیوا

ماڵپه‌ڕی ( سیاسی خه‌به‌ری) خانه‌ په‌ناهجوو

وێبلاگی کوردستان

وێبلاگی هێمن عبدوڵا

ماڵپه‌ڕی (سیاسی خه‌به‌ری) کوردستان سایت
ماڵپه‌ڕی(سیاسی ئه‌ده‌بی) بۆکان- ڕۆژهه‌ڵات

ماڵپه‌ڕی (سیاسی خه‌به‌ری) هه‌ڵوێست

ڕادیو زریان رادیویه‌کی سیاسی فه‌رهه‌نگیی ئینتێرنێتی

ماڵپه‌ڕی ( سیاسی خه‌به‌ری) ده‌نگی کورد

ماڵپه‌ڕی ( سیاسی خه‌به‌ری) کوردستان میدیا

ماڵپه‌ڕی ( سیاسی خه‌به‌ری) هه‌تاوی کوردستان

نامه‌ی پشتیوانیی ژماره‌یه‌ک خوێندکار له‌ کوردستانه‌وه‌:

ئێمه جه‌ند که‌س‌ خوێندکار له‌ رۆژهه‌ڵاتی کوردستان ، له‌ هه‌ڵوێستی به‌جێگه‌ و ئوسولیتان له‌سه‌ر فشار و شه‌ڕی ره‌وانی حکوومه‌تی ئێران دژی گه‌لی کورد و به‌تایبه‌ت چالاکانی مه‌تبووعاتی و کۆمه‌ڵایه‌تی ، و هه‌روه‌ها ئیشاره‌ی واقعیتان به‌ نه‌خشی ئیسڵاح ته‌ڵه‌به‌کانی سه‌ر به‌ حکوومه‌ت ، پشتیوانی ئه‌که‌ین . دڵنیاشتان ئه‌که‌ین ئه‌م کارانه‌ی ده‌سه‌ڵتداران ،هیچکه‌س ناترسێنێ .
سه‌رکه‌وتووبن له‌ رێگه‌ی خزمه‌ت به‌ گه‌له‌ ژێرده‌سته‌که‌ماندا‌ ‌ .

ئازاد . ش ، سیروس . م ، دڵشاد . ک ، ره‌حمان . ح ، علی . گ ، هیوا .ع ، به‌هرام . د ، بێستوون . ق

بۆ پشتیوانی له‌م هه‌نگاوه‌ په‌یوه‌ندیی به‌م ئادره‌سه‌وه‌ بکه‌:

pshtiwani@yahoo.com

مانگه‌کانی ڕه‌شه‌ممه‌و خاکه‌لێوه‌ دوو مانگی پڕ له‌ ڕوداو

مانگه‌کانی ڕه‌شه‌ممه‌و خاکه‌لێوه‌ دوو مانگی پڕ له‌ ڕوداو
(یادێک له‌ ڕوداوه‌کانی ڕه‌شه‌ممه‌ی 2703)

مانگی ڕه‌شه‌ممه‌و خاكه‌لێوه‌وه‌ دو مانگن كه‌ له‌ مێژووی گه‌لی كوردستاندا پڕن له‌ ڕووداوی خۆش و ناخۆش. كه‌م ساڵ هه‌یه‌ به‌ تایبه‌ت له‌و چه‌ند ده‌یه‌ی ڕابردوودا كه‌ ڕوداوێك له‌و دو مانگه‌دا ڕووی نه‌دا بێت و خۆش یا ناخۆش لاپه‌ڕه‌یه‌كی مێژووی كوردستانی بۆ خۆی ته‌رخان نه‌كردبێت. ڕووداوه‌كانی ساڵی پاریش له‌م دوومانگه‌دا نه‌خشی خۆیان له‌ مێژووی نوێ كوردستاندا دا، خۆش و ناخۆش جارێكی دیكه‌ ئاوێته‌ی یه‌كدی بوونه‌وه‌‌و له‌ باڵای مێژووی پڕ له‌ كاره‌سات و كه‌متر سه‌ركه‌وتن و زۆرتر به‌رخوه‌دانی به‌رده‌وامی نه‌ته‌وه‌ییمان ئاڵان. جیاوازی ئه‌و دومانگه‌ به‌ره‌و به‌هاره‌ی پار ساڵ له‌گه‌ڵ ساڵه‌كانی دیكه‌ زۆره‌. بۆ یه‌كه‌م جار له‌ مێژووی گه‌لی كوردا له‌ ناو ده‌ستوری وڵاتێكدا ددان به‌ فیدراڵی جوگرافیی مێژوویی بۆ كوردستان و به‌ فه‌رمی كردنی زمانی كوردی هاوشان له‌گه‌ڵ زمانی عاره‌بی له‌ ئێراق و ناسینی حكومه‌تی كوردستان و گه‌لێك شتی دیكه‌دا نرا . ئه‌گه‌رچی ئه‌وه‌ی له‌و ده‌ستوره‌دا هاتبوو و تا ئه‌مڕۆژانه‌ش که‌ دوارۆژه‌کانی ده‌سه‌ڵاتی حکومه‌تی کاتی ئێراقن جێبه‌جێ نه‌کراون و مافه‌ گونجێنراوه‌کانیش له‌و یاسایه‌دا له‌ ڕاستیدا‌ پڕ به‌ پێستی داخوازییه‌كانی گه‌لی مه‌ نین‌و له‌گه‌ڵ باڵای به‌رزی قوربانیه‌ بێ ئه‌ژماره‌كانی نه‌ته‌وه‌كه‌مان ته‌بانین،‌ به‌ڵام نكۆلی له‌وه‌ش ناكرێ كه‌ زۆر له‌ ویسته‌كانی ئه‌وکاتی سه‌ركردایه‌تی سیاسی باشوری كوردستانی تێدا مسوه‌گه‌ر بوو‌. هه‌ر ئه‌و ڕوداوه‌ش له‌ ڕۆژی هه‌شتی مارچدا بوه‌ بیانوییه‌ك كه‌ ڕۆڵه‌كانی گه‌لی كورد له‌ په‌نای ده‌ربڕینی شادی و خۆشی خۆیان بۆ ئه‌و ڕوداوه‌، ڕقی پنگخواردووی ده‌یان ساڵه‌ی خۆشیان له‌ به‌شه‌کانی دیکه‌ی کوردستان جارێكی دیكه‌ ده‌رببڕن و هاواری باشور، باكور ڕۆژهه‌ڵات یه‌ك ده‌وڵه‌ت و یه‌ك وڵات به‌گوێ داگیركه‌رانی كوردستاندا بده‌ن و ڕایانچڵه‌كێنن. ئه‌و ڕابوونه‌ی پارساڵ ‌ به‌ته‌واوی ڕابوونێكی نه‌ته‌وه‌یی و كوردستانی بوو. مڕۆڤ كاتێك دروشمه‌كانی ده‌بیست و له‌ ڕێبازی خۆنیشاندانه‌كانی ده‌ڕوانی و به‌ چاكی لێیان ڕاده‌ما‌، له‌وه‌ی دڵنیا ده‌بوو كه‌ وشیاری و ڕاده‌ی تێگه‌یشتنی جه‌ماوه‌ری گه‌له‌كه‌مان گه‌لێك به‌رز ببووه‌و به‌بێ ئه‌وه‌ی ڕێبه‌ری و ڕێكخستنێكیان هه‌بوو بێت دروشمه‌كانی ڕۆژی خۆیان دیاری كردوه‌و له‌گه‌ڵ دروشمی ستراتیژییه‌كان و ئامانجه‌ ڕاستینه‌كه‌یان یه‌كیان خستوه‌و به‌ده‌نگی به‌رز ڕایانگه‌یاندوه‌. له‌ نێو خۆ نیشانده‌انه‌كاندا دیارده‌یه‌كی نوێ كه‌ ئه‌ویش وه‌ك دروشمه‌كانی خۆ نیشانده‌ران سه‌لمێنه‌ری ڕاده‌ی وشیاری گه‌ل و نه‌ته‌وه‌یی بوونی داخوازیه‌كانیان بوو هه‌ڵگرتنی ئاڵای كوردستان كه‌ ته‌نانه‌ت ڕاگه‌یه‌ندنه‌كانی سه‌ر به‌ڕژیمیش نه‌یانتوانی حاشای لێبكه‌ن(هه‌روه‌ك چۆن ڕاگه‌یاندنه‌کانی ڕژیمی داگیرکه‌ری کۆماری ئیسلامی به‌وه‌ دڵی خۆیان ده‌دایه‌وه‌ كه‌ بڵێن ئاڵای كوردستانی عێراقیان له‌ ده‌ست دابوه!). له‌وه‌ش سه‌رنج ڕاکێشتر ئه‌وه‌ بوو که‌ خۆنیشانده‌ران له‌ مه‌هاباد ئاڵای كوردستانیان له‌ شوێنێكدا چه‌قاندوو شه‌کانده‌وه‌ كه‌ پێشتر یه‌كه‌مین سه‌رۆ‌ك كۆماری كوردستانی لێ له‌دار درابووو‌. هه‌ر ئه‌وان به‌ مه‌شێكی مه‌زن و به‌ دروشمی پێشه‌وا پێشه‌وا ڕێگات درێژه‌ی هه‌یه‌ به‌ره‌و گڵكۆیی پێشه‌وای كوردستان چوون و پیرۆزبایی سه‌ركه‌وتن و ده‌سكه‌وتی نوێیان لێده‌كرد و مژده‌ی نزیكبونه‌وه‌ی وه‌دی هاتنی ئاواته‌كه‌یان پێدا كه‌ له‌ به‌ناو دادگایی كردنه‌كه‌یی به‌رانبه‌ر به‌ جه‌للاده‌كانی ڕژیمی شا گوتبووی: دڵنیام ڕۆژێك دادێ ڕۆڵه‌كانی كورد ئاڵای پیرۆزی كوردستان له‌سه‌ر ئه‌و بینایه‌ی كه‌منی تێیدا دادگایی ده‌كرێ هه‌ڵبده‌ن. ئه‌مه‌ ناكرێ له‌ خۆڕا بێت. گه‌ل ده‌زانێ چده‌كات و ده‌زانێ كه‌ ئامانجی پێشه‌وا و یه‌كه‌م سه‌ركۆماره‌كه‌یان چی بوه‌. بۆیه‌ش ده‌چنه‌ سه‌ر گڵكۆكه‌ی‌و ئه‌و ئاڵایه‌ی پێشه‌وا سوێندی پێخوارد له‌سه‌ر سه‌ریان داده‌نێن و هاواری یه‌ك وه‌ڵات و یه‌ك ده‌وڵه‌ت ده‌كه‌ن. له‌ شاری مه‌ریوانیش خه‌ڵك له‌گه‌ڵ گوتنه‌وه‌ی ئه‌و دروشمانه‌ به‌ هه‌ڵگرتنی ئاڵای كوردستانه‌وه‌ ده‌چنه‌ گۆڕه‌پانی شارو په‌یكه‌رێك كه‌ سومبولی ڕژیمی داگیركه‌ری كۆماری ئیسلامیه‌ ده‌هێننه‌ خوار و به‌ مه‌ش په‌یامی خۆیان به‌ داگیركه‌ران ده‌گه‌‌یه‌نن. له‌م ڕوداوانه‌دا ده‌ورو نه‌خشی ڕێكخراوه‌ سیاسیه‌كانی ڕۆژهه‌ڵات زۆركه‌م یان هه‌ر نه‌بوو. گه‌ل پێش حزبه‌كان كه‌وتن و دروشمیان بۆ دیاری ده‌كردن و ئاڵای كوردستانیان به‌ چاودا دا‌ن. ئه‌و خۆ نیشاندانانه‌ له‌گه‌ڵ ئه‌وه‌ی په‌یامێكی ڕاچڵه‌كێنه‌ر بوو بۆ ڕژیمه‌ داگیركه‌ره‌كان، په‌یامێكی گرنگیش بوو بۆ ڕێكخراوه‌ سیاسیه‌كانی كوردستان كه‌ هه‌ركامه‌ به‌نۆبه‌ی خۆی، خۆی به‌ نوێنه‌ر و ڕێبه‌ری خه‌بات و داخوازیه‌كانی كورد ده‌زانێ. ئه‌و خۆنیشاندانانه‌ له‌ ڕۆژهه‌ڵاتی كوردستان ئه‌وه‌ی نیشاندا كه‌‌ ئه‌گه‌رچی ڕێكخراوه ‌سیاسیه‌كان به‌ خشكانی و به‌پێی كیسه‌ڵ بۆ خۆ گۆڕین هه‌نگاو هه‌ڵده‌گرن و هه‌ندێکجاریش خۆگۆڕین و نیمچه‌ گۆڕانه‌کانیشیان وه‌ک‌ شتێکی ڕواڵه‌تی نه‌ک بناخه‌یی و جه‌وهه‌ری ده‌چێ، لێ به‌لێ گه‌ل گه‌لێك له‌ پێش ئه‌وانه‌وه‌یه‌ و له‌ ڕێی خۆ گۆڕینی ئه‌وان كڕ دانه‌نیشتوه‌. به‌ بێ چاوه‌ڕوانی لێیان دروشمی ڕۆژو ئامانجی ڕاستینه‌یان دیاریده‌که‌ن.

یه‌کێکی دیکه‌ له‌و ڕوداوانه‌ی که‌ ساڵی پار له‌مانگی ڕه‌شه‌ممه‌دا ڕویدا و په‌رده‌ی شه‌وه‌زه‌نگی دیكتاتوڕی ڕژیمی به‌عسی سوری هه‌ڵدڕی و نه‌تره‌ی عروبه‌ی برد، سه‌رهه‌ڵدانی شاری دیرۆکی قامیشلۆی ده‌لال بوو‌. گه‌لی باشوری ڕۆژئاوای كوردستان ساڵانێکی زۆره‌ کڕ وه‌ك ژیله‌مۆ له‌بن خۆڵه‌مێش ده‌بریساكانه‌وه‌. ساڵانێكی زۆر بوو له‌گه‌ڵ ئه‌وه‌ی ده‌وڵه‌تی سوری بێڕێزی به‌وان ده‌كرد، ده‌یگرتن و ده‌یکوژتن و حاشای له‌بوونیان ده‌کرد‌، به‌ڵام گه‌ل هه‌روا خۆی ده‌خوارده‌وه‌و پنگی خواردبوه‌وه‌و له‌ده‌رفه‌ت ده‌گه‌ڕا تا كوڵووكۆی هه‌ڵڕێژێ. گه‌لی باشوری ڕۆژئاڤای کوردستان له‌به‌ر هه‌ڵکه‌وتی جوگرافی ئه‌و پارچه‌یه‌ له‌ دۆخێکی وه‌هادا نه‌بوون که‌ وه‌ک پارچه‌کانی دیکه‌ خه‌باتی چه‌کداری دژی ڕژیمی داگیرکه‌ری سوری بدۆمێنن و هه‌ڵیگیرسێنن بۆیه‌ش به‌هیوای سه‌رکه‌وتن و به‌ ئاکام گه‌یشتنی بزاڤی نه‌ته‌وه‌یی له‌ پارچه‌کانی دیکه‌ی کوردستان به‌شداری تێکۆشان و خه‌باتی ئه‌و به‌شانه‌یان ده‌کردو پشتگیریان ده‌کرد. له‌گه‌ڵ ئه‌وه‌شدا به‌داخه‌وه‌ چ هێزه‌كانی باكور و چ هێزه‌كانی باشوور بۆ ئه‌وه‌ی بتوانن له‌ كه‌ره‌م و ڕه‌حمه‌تی حكومه‌تی سوریه‌ بێبه‌ش نه‌بن، له‌ ناوهێنانی ڕۆژئاوای كوردستان خۆیان ده‌پاراست و په‌ره‌یان‌ به‌و هزره‌ی كه‌ كوردی ئه‌وێنده‌رێ شوێنه‌كه‌یان بۆ ئه‌وه‌ی نابێت كه‌ كێشه‌ له‌گه‌ڵ ده‌وڵه‌تی سوری دروست بكه‌ن، ده‌داو به‌مه‌ش هه‌وڵی دامركاندنه‌وه‌ی گیانی سه‌رهه‌ڵدانیان له‌و به‌شه‌ی كوردستان ده‌دا. هه‌مو هێزه‌كانی كوردستانیش ده‌زانن كه‌ گه‌لی مه‌ له‌و به‌شه‌ی كوردستان هه‌رده‌م وه‌ك پاڵپشت و وزه‌ی ڕۆژی ته‌نگانه‌ فریای به‌شه‌كانی دیكه‌ی كوردستان به‌ تایبه‌ت باشوورو باكور كه‌وتوون. به‌ هه‌زاران ڕۆڵه‌ی ئه‌وبه‌شه‌ی كوردستان له‌ ڕیزی بزاڤی كوردایه‌تیدا گیانیان به‌ختكردوه‌و هه‌ر ئێستاش خه‌ریكی تێكۆشانن. گیانی به‌رخۆدان و هه‌ستی نیشتمانپه‌روه‌ریش نه‌ک هه‌ر لاواز نه‌بوو به‌ڵکوو فره‌ به‌هێزیش بوو. ڕاپه‌ڕینی ڕۆژی 22ی ڕه‌شه‌ممه‌2703 له‌ قامیشلۆ که‌ له‌ ئاكامی به‌رپه‌رچدانه‌وه‌ی پیلانێكی دارێژراوی عروبه‌ی (دێرازۆرێ) و به‌ هاوكاری عروبه‌ی هاورده‌ی قامیشلۆ له‌گه‌ڵ كاربه‌ده‌ستانی ئه‌و ده‌ڤه‌ره‌ی ده‌وڵه‌تی دیكتاتۆری ئه‌سه‌ده‌كان سه‌ری هه‌ڵدا سه‌لمێنه‌ری ئه‌و ڕاستیه‌ن. له‌و ڕۆژه‌دا ژماره‌یه‌كی زۆر له‌ عرووبه‌ به‌ بیانوی پشتگیری تیمی تۆپیپێی فتوا‌ی دێرازۆرێ، به‌ ئاماده‌یی و خۆ ته‌یاركردنه‌وه‌ دێنه‌ قامیشلۆ. له‌وێ له‌ ناو بازاڕدا دروشمی دژی كوردان ده‌ده‌ن و لایه‌نگری له‌ سه‌ددام و فه‌لوجه‌ییه‌كان ده‌كه‌ن. پاشان له‌ گۆڕه‌پانی یارییش درێژه‌ به‌و كاره‌ ده‌ده‌ن و له‌ به‌رامبه‌ردا گه‌لیش به‌ دروشمی كوردستانی وه‌ڵامی عروبه‌ی ڕه‌گه‌زپه‌ره‌ست و لایه‌نگرانی سه‌ددامی گۆڕكراو ده‌ده‌نه‌وه. سه‌ره‌نجام عروبه‌ی پیلانگێڕ به‌گژ جه‌ماوه‌ری كوردا ده‌چن و به‌دارو به‌ردو ده‌مانچه‌‌وه‌ هێرش ده‌كه‌نه‌ سه‌ر‌یان. هه‌ر له‌وێدا چه‌ند كه‌س ده‌كوژرێن و ژماره‌یه‌كی زۆر بریندار ده‌بن. كاتێك جه‌ماوه‌ری كوردستانی ده‌زانن ئه‌وه پۆلیس و له‌شكری سوری به‌ هه‌ڤڕا له‌ كوردان ده‌ده‌ن، بریسكه‌ی ناو ژیله‌مۆ ده‌بێته‌ گڕو، كڵپه ‌ده‌ستێنێ. به‌ڵێ جه‌ماوه‌ری وشیاری گه‌ل به‌ یه‌كگرتوویی به‌گژ عروبه‌و جه‌لاده‌كانی به‌عسی ئه‌سه‌دی دا ده‌چن. دروشمه‌كانی ئه‌وێنده‌رێش دروشمی نه‌ته‌وه‌یی بوون‌ و ئاڵای كوردان له‌ باشوری ڕۆژئاڤاش ده‌بێته‌ ڕه‌مزی ڕاپه‌ڕین و به‌رز به‌رز ڕایده‌گرن. جه‌ماوه‌ری گه‌ل به‌ پیرو جوان، ژن و منداڵ پێكه‌وه‌ ده‌بنه‌ هێزێكی له‌بن نه‌هاتوو به‌گژ داموو ده‌زگا و هێزه‌ سه‌ركوتكه‌ره‌كانی به‌عس و عروبه‌دا ده‌چنه‌وه‌. هه‌ر شوێنێك داموده‌زگای ده‌وڵه‌تی داگیركه‌ری عروبه‌ی لێبوو‌ گه‌لی ڕاپه‌ریویش له‌وێبوو هێرشیان بۆده‌کردو ده‌سوتێنران و وێرانده‌کرا. به‌ڵێ لێره‌ش گه‌ل له‌پێشه‌وه‌ی حزبه‌ زۆره‌كانی باشوری ڕۆژئاواوه‌ بوون و ئه‌وانیان له‌ خه‌وی بێ ئاگایی هه‌ستاند. بۆ یه‌كه‌م جار له‌شاری قامیشلی ڕقی په‌نگخواردووی گه‌ل په‌یكه‌ری ڕه‌زاقورسی ئه‌سه‌دی له‌زه‌ویدا و وێنه‌و هێماكانی به‌عسیان هه‌پرۆن به‌ هه‌پرۆن كرد. ڕاپه‌ڕین و سه‌رهه‌ڵدان له‌ماوه‌ی سێ ڕۆژدا پارێزگای حه‌سه‌كه‌ و حه‌له‌ب و ناوچه‌كانی عه‌فرین و كۆبان و گه‌ڕه‌كه‌ كوردیه‌كانی شامیشی گرته‌وه‌‌و به‌ ده‌یان كه‌س گیانیان به‌خت كردوو به‌سه‌دان كه‌س بریندار بوو، زیاتر له‌ هه‌زار که‌سیش ‌ گیران.
بێگومان ئه‌و ڕاپه‌رین و سه‌ر هه‌ڵدانه‌ی باشوری ڕۆژئاڤای وڵات وه‌رچه‌رخان و ڕاتڵه‌کانێکی گه‌وره‌بوو له‌ مێژوویی خه‌بات و به‌رخۆدانی نه‌ته‌وه‌که‌مان له‌و پارچه‌ی کوردستان. گه‌لی خه‌باتکاری باشوری ڕۆژئاوای وڵات سه‌ره‌ڕای ئه‌وه‌ی خاوه‌نی ڕێبه‌ڕایه‌تیه‌کی تۆکمه‌و یه‌کگرتوو نه‌بوون، به‌ڵام له‌ ڕاپه‌ڕیندا به‌یه‌کگرتوویی به‌گژ به‌عسیه‌ ڕه‌گه‌زپه‌رسته‌کاندا چونه‌وه‌ و ته‌نانه‌ت به‌م کاره‌یان پارت و هێزه‌ سیاسیه‌کانی ئه‌و پارچه‌یان له‌خه‌و هه‌ستاند.

ڕوداوه‌کانی باشوری ڕۆژئاوای کوردستان و خۆپیشاندانی جه‌ماوه‌ری تێکۆشه‌ر له‌ ڕۆژهه‌ڵاتی کوردستان به‌بۆنه‌ی په‌سه‌ندکردنی فیدراڵی له‌ یاسای کاتی بۆ کۆناخی گواستنه‌وه‌ی ئێراق و پشتگیری گه‌لی باکوری کوردستان و پێکهێنانی ده‌یان خۆپیشاندان له‌ وه‌ڵاتانی ده‌ره‌وه‌ی کوردستان له‌ ڕه‌شه‌ممه‌و خاکه‌لێوه‌ى ساڵی پاردا به‌گشتی ئاماژه‌ی‌ وشیاری و سوربوونی گه‌له‌که‌مان بۆ وه‌ده‌ستهێنانی خۆزگه‌کانی له‌لایه‌ک و له‌و لایتریشه‌وه‌ گرێدانه‌وه‌ و به‌ستراوه‌یی گشت پارچه‌ دابڕاوه‌کانی کوردستانی هه‌زار پات کرده‌وه‌. له‌وه‌ش زیاتر پارت و ڕێکخراوو هێزه‌ سیاسیه‌کانی کوردستانی وشیارکرده‌وه‌ که‌ په‌له‌ له‌ به‌خۆدا چونه‌وه بکه‌ن و دروشم و ئامانجه‌کانیان له‌گه‌ڵ ئامانجه‌کانی ئه‌مرۆیی کوردستانیه‌کان نزیک بکه‌نه‌وه‌. ئه‌گه‌رچی به‌داخه‌وه‌ هێزه‌کانی ئه‌و به‌شانه‌(باکور، ڕۆژهه‌ڵات، باشوری ڕۆژئاڤا) هێشتا له‌ ژێر سێبه‌ری خۆ به‌زلزانین و خۆ به‌ڕاست زانیندا کاس بوون و ئاماده‌نین هه‌ڤدوو په‌سند بکه‌ن و هه‌روا ئه‌سپی به‌رژه‌وه‌ندخوازی و تاکه‌سواری لینگده‌ده‌ن، به‌ڵام، گرنگه‌ ئه‌وه‌ی بزانن که‌ ئه‌گه‌ر له‌ گه‌ل و به‌رژه‌وه‌ندییه‌کانی به‌خاوه‌ن ده‌ر نه‌که‌ون و چاری نه‌خۆشی خۆ په‌سه‌ندی خۆیان نه‌که‌ن ئه‌وا هه‌روه‌ک له‌سه‌ره‌وه‌ ئاماژه‌ی پێکرا گه‌ل له‌ پێشه‌وه‌یه‌ و ئه‌وان ده‌بنه‌ هه‌ژگه‌ڵ و به‌دوای جه‌ماوه‌ردا ده‌خشێن!.

ئه‌م دو هه‌یڤه‌ له‌ مێژووی پڕ له‌ کاره‌سات و هه‌ورازوو نشێوی نه‌ته‌وه‌که‌ماندا ته‌نێ ئه‌و ڕوداوه‌ ئاماژه‌ پێکراوانه‌ی تێدا ڕووی نه‌داوه‌و ده‌یان ڕوداوی وه‌ک: نه‌وروۆزی خوێناوی سنه‌، کاره‌ساتی هه‌ڵه‌بجه‌، سێی ڕه‌شه‌ممه‌ی سنه‌، له‌داردانی پێشه‌وای کوردستان، ڕاپه‌ڕینه‌کانی باشوری کوردستان، کۆڕه‌وو ئه‌نفال و به‌یانی یازده‌ ئادارو ده‌یان ڕوداوی دیکه‌ تێیاندا ڕویانداوه‌ و بوونه‌ به‌شێک له‌ مێژووی نه‌ته‌وه‌که‌مان‌. پێیده‌چێ مانگی ڕه‌شه‌مه‌ و خاکه‌لێوه‌ بۆ کورد به‌ ئه‌نقه‌ست کرابێته‌ مانگی ڕوداوه‌ تاڵ و ناخۆشه‌کان و داگیرکه‌ران هه‌وڵیان داوه‌ له‌و دومانگه‌دا که‌ لای کوردان مانگی تێکشکانی دێوه‌زمه‌ی زستان و نوێبوونه‌وه‌ی ساڵ و به‌هاری کورده‌واریه‌ هه‌موو تاوانه‌کانیان ئه‌نجام بده‌ن بۆ ئه‌وه‌ی سه‌ره‌ڕای داگیرکردنی خاکو وڵاته‌که‌مان ڕێگه‌ نه‌ده‌ن خۆشی له‌ خۆمان ببینین و ئاوه‌دانی و ژیانی ئاسایی ڕوو له‌و هه‌رێمه‌ بکات. زانینی ئه‌و ڕاستیه‌ش وای له‌ نه‌ته‌وه‌ی دلێری کورد کردوه‌ که‌ به‌گژیاندا بچێته‌وه‌و له‌ جیاتی تێکشکان و خۆبه‌ده‌سته‌وه‌دان سه‌رکه‌وتنی تۆمار کردوه‌و سه‌ره‌نجام به‌هاری هه‌روا به‌به‌هاری خۆڕاگری و نوێبوونه‌وه‌و ژیانه‌وه‌ هێشتۆته‌وه‌. ئه‌مساڵیش هه‌روه‌ک ساڵانی به‌رێ له‌گه‌ڵ ئه‌وه‌ی یادی ڕۆژه‌ تاڵ و ناخۆشه‌کانی ئه‌م مانگه‌ ده‌کرێته‌وه‌ ڕۆژانی ڕاپه‌ڕین و سه‌رکه‌وتنه‌کان پیرۆز ده‌کرێن و به‌مه‌ش مێژووی پڕ له‌ تراژیدی و ناخۆشیه‌کان تێکه‌ڵ به‌ ڕۆژانی سه‌رکه‌وتن ده‌بنه‌وه‌و به‌ هه‌موویان له‌ باڵای به‌رزی هیواکانمان ده‌ئاڵێن و به‌ره‌و پیلی به‌هارو سه‌رکه‌وتنی نوێ ملده‌نێن.

له‌ کۆتاییدا له‌ گه‌ڵ پیرۆزکردنی یه‌که‌مین ساڵڕۆژی سه‌ر هه‌ڵادنی باشوری ڕۆژئاوای کوردستان که‌ له‌ قامیشلۆی ده‌لاله‌وه‌ سه‌ری هه‌ڵدا سڵاویش بۆ قوربانیه‌کانی ئه‌و ڕاپه‌ڕینه‌ به‌عس تۆقێنه ده‌نێرم و هیوای ئه‌وه‌ش ده‌خوازم که‌ گشت ڕۆڵه‌کانی گه‌له‌که‌مان به‌ یه‌کگرتووییه‌وه‌ هه‌وڵی ئه‌وه‌ بده‌ین که‌ ئه‌م مانگه‌ پڕ له‌ ڕوداوانه‌ که‌ تا نوکه‌ زۆرتر تراژیدی و قوربانیدان بوون بکه‌ینه‌ مانگ و هه‌یڤ و ڕۆژانی سه‌رکه‌وتن و به‌ده‌ست هێنانی سه‌رکه‌وتنی نوێ.

كومیته‌ی پشتیوانی له‌ په‌نابه‌رانی ئه‌لتاش به‌رده‌وامه‌

كومیته‌ی پشتیوانی له‌ په‌نابه‌رانی ئه‌لتاش به‌رده‌وامه‌

كومیه‌ته‌ی پشتیوانی له‌ په‌نابه‌رانی ئه‌لتاش له‌ وه‌ڵاتی سوید به‌ هه‌وڵی چه‌ند وه‌ڵاتپارێزێكی نه‌وته‌وێی و ته‌نیا به‌ مه‌به‌ستی ئاوڕدانه‌وه‌ له‌ ئاواره‌كانی كه‌مپی ئه‌لتاش و ئه‌لكه‌رامه‌ و سنوری ئوردن و عێراق دامه‌زراوه‌ و هه‌وڵه‌كانیشمان له‌و پێناوه‌ دا بوه‌ و داوای هاوكاریشمان له‌ هه‌مو حیزبه‌ كوردیه‌كان كردوه‌. هه‌ر له‌گه‌ڵ ده‌س به‌ كار بونمانه‌وه‌ به‌ ده‌یان كوردی دڵسوز له‌ هه‌مو گوشه‌یه‌كی ئه‌م جیهانه‌وه‌ پێوه‌دنیان له‌گه‌گه‌ڵ گرتین و ئاماده‌ی هاوكاری بون ، ئێمه‌ش بۆ ئه‌وه‌ كاره‌كان به‌ باشی پێش بچن هه‌وڵمان دا هاوكاری و هاوده‌نگی وكوردیناسێونێكمان هه‌بێ . كاری ئه‌م كومیته‌یه‌ دوره‌ له‌ هه‌ڵوێستی سیاسی و حیزبیانه‌ و ته‌نیا وه‌ك ئه‌ركێكی نه‌ته‌وه‌ێی خزمه‌تی ئاواره‌ كورده‌كان ئه‌كا. یه‌كێك له‌و كه‌سانه‌ كه‌ له‌گه‌ڵ ئێمه‌ پێوه‌ندی گرت كاك عارف باوه‌جانی بو كه‌ دانیشتوی وه‌ڵاتی نروێژه‌ و ئێمه‌ش به‌ خۆشحاڵیه‌وه‌ له‌گه‌ڵی ده‌ستمان كرده‌ كار كردن، به‌ڵام ناوبراو نه‌خۆشی خۆ ده‌رخستن و خۆ مه‌ترح كردنی هه‌یه‌ و هه‌ر له‌ یه‌كه‌م ڕوژه‌وه‌ هه‌وڵی ئه‌وه‌ی ئه‌دا كه‌ له‌م كاره‌ی ئێمه‌ به‌ قازانجی خۆی و ئه‌و لایه‌نه‌ی ئه‌و ئه‌ندامیانه‌ كێشه‌ بۆ ئێمه‌ دروست بكا، به‌ڵام وتمان وا باشتره‌ كه‌ كار بۆ ئه‌و په‌نابه‌رانه‌ بكه‌ین نه‌ك كێشه‌ دروست كردن . كه‌چی له‌ كوت و پڕێكا كاك عارف ڕاگه‌یاندراوێكی بڵاو كردوه‌ته‌وه‌ و ناوی كومیته‌كه‌ی گۆڕیوه‌ و خۆشی كردوه‌ته‌ سه‌روكی كومیته‌ی نۆێ.. بێگومان كاك عارف و هه‌ر كه‌سێكی تر حه‌قی خۆیانه‌ كومیته‌ پێك بێنن و له‌ ده‌ور هه‌ر بیر و باوه‌ڕێك پێیان خۆشه‌ و باشه‌ كۆ بنه‌وه‌ ، به‌ڵام حه‌قیان نیه‌ بی پرینسیبانه‌ هه‌ل بقوزنه‌وه‌ و به‌ بێ ئه‌وه‌ی له‌گه‌ڵ ئێمه‌ كه‌ كومیته‌مان پێك هێناوه‌ و ده‌س به‌كار و مێكانیزمی حه‌ره‌كه‌ته‌كه‌ بوه‌ین هه‌ڵمان بوه‌شێنێته‌وه‌ ناوه‌كه‌شمان بگۆڕێ.. زور جێگای داخه‌ كه‌ له‌كاتێك دا ژن و منداڵ و په‌ك كه‌وته‌ی كورد له‌ سه‌ر سنوری وه‌ڵاتان گیریان خۆاردوه‌ و پێویستێان به‌ یارمه‌تی هه‌یه‌ ، كه‌سانێكی ئاوا بازرگانیێان به‌ سه‌روه‌ بكه‌ن و به‌ قازانجی خۆیان له‌ ئاوی لێڵ ماسی بگرن... ئێمه‌ به‌ هه‌مو هاو نیشتمانانی خۆشه‌ویست ڕاده‌گه‌یه‌نین كه‌ كومیته‌ی پشتیوانی له‌ په‌نابه‌رانی ئه‌لتاش و كه‌رامه‌ و سه‌ر سنوری ئوردن و عێراق به‌رده‌وامه‌ له‌ كاره‌كانی خۆی دا و هه‌تا چاره‌نوسی ئه‌و خه‌ڵكه‌ ڕون ده‌بێته‌وه‌ له‌ تێكۆشان نا وه‌ستێ و ناش هێڵی كه‌ حیزبه‌كان به‌ چاره‌نوسی ئه‌و خه‌ڵكه‌ بازرگانی بكه‌ن. ئه‌و كومیته‌یه‌ش كه‌ كاك عارف دایمه‌زراندوه‌ پیروزه‌ و ئێمه‌ ئاماده‌ی هاوكاری كردنیانین ، به‌ڵام له‌ ڕاستی دا ئه‌وه‌ كومیته‌ی ئێمه‌ نه‌بوه‌ ، به‌ڵكو كاك عارف وه‌ك ئه‌ندامێكی ئێمه‌ بووه‌ و ئێستا كه‌ كومیته‌ی دیكه‌ی دامه‌زراندوه‌ ئێمه‌ داوای سه‌ركه‌وتنی بۆ ده‌كه‌ین و هیوادارین سه‌ربه‌خۆێی خۆی بپارێزێ و به‌ كه‌وچكه‌ ئاوی نه‌كه‌وێته‌ مه‌له‌ و خێرا ، خێرا كۆمیته‌ دانه‌مه‌زرێنێ ، مه‌رج ناوی كۆمیته‌ و سه‌روكایه‌تی نیه‌، مه‌حه‌ك كاره‌ و ئاوڕ دانه‌وه‌ له‌و خه‌ڵكه‌ هه‌ژاره‌ ... ئێمه‌ به‌م زوانه‌ ڕاپورتێكی تایبه‌تی له‌ سه‌ر كاری كومیته‌كه‌مان پێشكه‌شی جه‌ماوه‌ری كورد ئه‌كه‌ین ، و هیوادارین كه‌ هه‌مومان پێكه‌وه‌ یارمه‌تی هاو وڵاتیه‌ لێقه‌وماوه‌كانمان بده‌ین.

كومیته‌ی پشتیوانی له‌ ئاواره‌كانی كه‌مپی ئه‌لتاش ، ئه‌لكه‌رامه‌ و سه‌ر سنوری ئوردن و عێراق .

050308

بۆ هه‌موو قوربانییانی چه‌كی كیمیاوی له‌ هۆڵه‌نده
‌بۆ سه‌رجه‌م هاووڵاتییانی كوردستانی دانیشتوی هۆڵه‌نده‌

وه‌كو ئاگادارن كۆمیته‌ی به‌ دادگایی گه‌یاندنی فرانس ڤان ئه‌نرات , زیاتر له‌ 16 مانگی ته‌واوه‌و به‌ پولی گیرفانی ئه‌ندامانی و دۆستانی گه‌له‌كه‌مان له‌ پیَشییانه‌وه‌ پارتی سۆسیالستی هۆڵه‌ندی توانی فرانس ڤان ئه‌نرات به‌ گرتن بداو برِیار وایه‌ تا نۆڤه‌مبه‌ری داهاتوو ئه‌و كیَسه‌ كۆتایی پیَ بیَت .بۆ پشتگیری له‌ كاره‌كانی ئه‌و كۆمیته‌یه‌و پشتگیری له‌ هه‌وڵه‌كانی دادگایی فرانس ڤان ئه‌نرات , داواتان لیَ ده‌كه‌ین له‌ به‌رواری 13-3 له‌ مه‌راسیمی یاداوه‌ری كاره‌ساتی هه‌ڵه‌بجه‌ له‌ شاری ئه‌مستردام به‌شداری بكه‌ن , به‌شیَكیشی ته‌رخانه‌ بۆ یاداوه‌ری كاره‌ساتی قامشلو . له‌و رِۆژه‌دا پاریَزه‌ری كۆمیته‌ی دادگایی و ئه‌ندامانی كۆمیته‌كه‌ كه‌ له‌ چه‌ند كه‌سایه‌تی و رِیَكخراوی كوردی و هۆڵه‌ندی پیَك هاتوو ئاماده‌ ده‌بن , له‌هه‌مان رِۆژدا ئه‌گه‌ر ده‌تانه‌ویَت شكایه‌ت بكه‌ن له‌ ناوبراو ده‌توانن فۆرم پرِ بكه‌نه‌وه‌.

ئه‌وانه‌شی ده‌یانه‌ویَت فۆرمی شكایه‌ت پرِ كه‌نه‌وه‌ و زیان لیَكه‌وتوویی چه‌كی كیمییاویین وه‌ك پیَشتریش بانگه‌وازمان بۆی كردووه‌ ده‌توانن له‌ ئیَستاوه‌ په‌یوه‌ندی بكه‌ن به‌م ژماره‌ تیَله‌وه:

ته‌له‌فۆن-0626946619

یاخود به‌ www.chak.info

كات : 1,30 پاش نیوه‌رِۆ

رِۆژی یه‌ك شه‌ممه‌ به‌رواری 13-3-2005

شوێن : گۆرِه‌پانی Leidseplein - ئه‌مستردام

بۆ په‌یوه‌ندی : chak_org@yahoo.com

پیرۆز بێت ساڵڕۆژی ڕاپه‌ڕینی باشوری کوردستان

پیرۆز بێت ساڵڕۆژی ڕاپه‌ڕینی باشوری کوردستان

پاش ساڵانێکی زۆری حاشاکردن، کوشتن و وێرانکردن، ئه‌نفال و جینۆسایدی نه‌ته‌وه‌ی چه‌وسێنراوه‌ی کورد، ساڵانێکی پڕ له‌ خه‌بات و نه‌وه‌ستان و به‌رخوه‌دان، سه‌رده‌مێکی پڕ له‌ ئازارو مه‌ینه‌تی و ڕۆژڕه‌شی، دوای سه‌رده‌م و ده‌ورانێکی فره‌ی به‌که‌م گرتن و سوکایه‌تی و پێخوستکردن، ڕۆژگارێکی مه‌ودا درێژی پڕ له‌ که‌ندوو کۆسپ و خاپورکردن و کاولکردنی سه‌ره‌تاکانی ژیان له‌ کوردستان، ڕۆژانێکی پڕ له‌ دژورای و هه‌ڵه‌تی خه‌باتی شاخ و ناو ئه‌شکه‌وت و شه‌ونخونیه‌کان، دژواری و ئه‌شکه‌نجه‌و ئازاری ناو به‌ندیخانه‌ زۆردارانه‌کانی ڕژیمی به‌عسی عاره‌بی و سه‌ره‌نجام ساڵ و ڕۆژگارو سه‌رده‌مانێکی پڕ له‌دژواری دورودرێژی خنکاندنی هه‌ناسه و هاواره‌‌کانی بێبه‌شانی کوردستان به‌ لێدانی یه‌که‌م چه‌خماخه‌ی ڕاپه‌ڕینی ڕۆڵه‌کانی گه‌له‌که‌مان له‌ ئوردوگای زۆره‌ملی خه‌بات که‌ خه‌ڵکی ڕاگوێزراوی قه‌ڵادزێی تیا جێگیر کرابوو، ده‌ستپێکی سه‌ره‌تای کۆتایی ئه‌و ڕۆژگارو سه‌رده‌مانه‌ ڕاگه‌یاند. ئه‌و چه‌خماخه‌ی که‌ کڵپه‌ی له‌ ڕانیه‌ ده‌روازه‌ی ڕاپه‌ڕین هه‌ستا و ڕاپه‌ڕینی باشوری کوردستانی لێکه‌وته‌وه‌و له‌ماوه‌ی 20 ڕۆژدا باشوری کوردستان به‌ شاری که‌رکوکیشه‌وه‌ له‌ ژێرچه‌پۆکی ڕژیمی داگیرکه‌ری به‌عس ڕزگاری بوو.

بێگومان، ئه‌و ڕاپه‌ڕینه‌ شکۆداره سه‌ره‌تای ده‌ستپێکی قۆناخێکی نوێ بۆ خه‌باتی ڕزگاری خوازانه‌ی نه‌ته‌ویی کورد بوو. به‌واتایه‌کی دیکه‌ وه‌رچه‌رخانێکی دیارو سه‌ره‌تای ڕاتڵه‌کانێکی گۆڕێنه‌رو هه‌ڵته‌کێنه‌ری مێتود و شێوازه‌کانی به‌ره‌نگار بوونه‌وه‌ی‌ ئه‌م خه‌باته‌ بوو. حاشا له‌وه‌‌ ناکرێ که‌ ڕه‌خسانی ده‌رفه‌تی ڕاپه‌ڕینی باشوری کوردستان ده‌ره‌نجام و به‌رهه‌می گۆڕانکاریه‌کانی ناوچه‌و ئاکامێکی ڕاسته‌وخۆی داگیرکردنی میرنشینی کوه‌یت و هێرشی هاوپه‌یمانان به‌ سه‌رۆکایه‌تی ئه‌مریکا بۆ ڕزگار کردنی ئه‌و میرنشینه‌ عاره‌بیه‌ له‌چنگی دیکتاتۆڕێکی وه‌ک سه‌ددام بوو. ئه‌مه‌ش بۆخۆی ڕه‌هه‌ند و پێشینه‌ی تایبه‌ت به‌خۆی هه‌یه‌و گه‌ره‌کی ڕۆچوون و خوێندنه‌وه‌ی ورده. به‌ڵام ئه‌و دۆخه‌ی ئه‌م ده‌رفه‌ته‌‌ی ڕه‌خساند که‌ ڕکوو بێزاری لێوڕێژبووی ده‌یانساڵه‌ی کورد له‌به‌رامبه‌ر ئه‌و داگیرکه‌ره‌ دڵڕه‌که‌ی‌ لێ بڕژێ و بوه‌ هۆکاری قڵپ بوونه‌وه‌ی ده‌یانساڵ خۆخۆاردنه‌وه‌و بێزاری له‌ ڕاده‌به‌ری خه‌ڵکی کوردستان و ده‌ربڕینی هاواری له‌ گه‌رودا ڕاگیراوی نه‌ته‌وه‌یه‌کی ماف پێشێلکاروی وڵات کاولکراوو داگیرکراوی وه‌ک کورد ده‌کرێ بگوترێ له‌بارترین دۆخ بوو و گه‌لیش بێباکانه‌ قۆستیه‌وه‌. هه‌ر له‌و کاته‌وه‌و پاش تێکشکانی ڕژیم و ڕزگار بوونی باشوری وڵات له‌ ڕاپه‌ڕینی یه‌که‌مدا گه‌ل هه‌ناسه‌یه‌کی وه‌به‌ر هاته‌وه‌و هیوا و خه‌ونه‌کانی نه‌ته‌وه‌که‌مان زیندوو بوونه‌وه‌و له‌ ڕاستیدا ده‌رگای ده‌رفه‌تێکی مێژوویی و که‌م وێنه‌ له‌سه‌ر داهاتووی نه‌ته‌وه‌که‌مان که‌وته‌ سه‌ر گازه‌ره‌ی پشت. دۆخ و ده‌رفه‌تێک که‌ بۆ گه‌لی دابه‌شکراوو وڵات داگیرکراوی کورد ده‌گمه‌ن بوو.

گه‌رچی ڕاپه‌ڕینی یه‌كه‌م ڕاپه‌ڕینی دوهه‌م و کۆڕه‌ویشی لێکه‌وته‌وه‌ و نه‌ته‌وه‌که‌مان تووشی گه‌لێک نه‌هامه‌تی هات، به‌ڵام ئه‌و درگایه‌ی که‌ به‌ ڕاپه‌ڕین و بارودۆخی پێش و پاش ڕاپه‌ڕین له‌سه‌ر کورد کرایه‌وه‌ هه‌روا کراوه‌ بوو پێویستی به‌ سه‌رکرده‌و سه‌رکردایه‌تی سیاسی و لێزان و هوشیارو تیژبین هه‌بوو. به‌داخه‌وه‌ سه‌ره‌تا سه‌رکردایه‌تی کوردستانی و هێزه‌ وزه‌داره‌کانی گۆڕه‌پانی کوردستان به‌رژه‌وه‌ندی خۆیان زۆر له‌ پێش به‌رژه‌وه‌ندیی و ستراتیژی نه‌ته‌وه‌که‌یانه‌وه‌ داده‌ناو هه‌ر ئه‌مه‌ش گه‌لێک نه‌هامه‌تی له‌گه‌ڵ خۆی هێناو پاش ڕاپه‌ڕینیش نه‌ته‌وه‌ی ئێمه‌ له‌ باشوری کوردستان به‌ سه‌ر گه‌لێک قۆناخی دژواردا تێپه‌ڕی و ڕوداوی فره‌ تاڵ و کاره‌ساتی خوێناوی زۆری به‌سه‌ر هات و ته‌نانه‌ت ته‌می نائومێدیش بۆ ماوه‌یه‌ک به‌سه‌ریدا کشاو بۆوێنه‌ ئه‌زموونی شه‌ڕی خۆکوژی و وڵاتجێهێشتن و ده‌سته‌وداوێنی داگیرکه‌ر بوون و په‌نابردنه‌ به‌ر به‌عسیه‌کانیشی تاقیکرده‌وه‌و‌ پێیاندا تێپه‌ڕی. ئه‌زموونگه‌لێک که‌ حه‌وجێ به‌ په‌ند لێوه‌رگرتنن و هێنده‌ تاڵ و ڕه‌زاقورس و ناشیرین بوون ده‌یان ساڵی ده‌وێ که‌ ئاسه‌واریان نه‌مێنێ و کاریگه‌ریه‌کانیان بسڕدرێته‌وه‌. ئه‌وه‌ی جێ خۆشی و دڵپێخۆشکردنه‌ ئه‌وه‌یه‌ که‌ ئه‌مڕۆ پاش نزیک به‌ چوارده‌ساڵ و له‌ناوچوونی هه‌میشه‌یی ڕژیمی دیکتاتۆڕو فاشیستی عروبه‌ی ئێراق، ده‌سکه‌وته‌کانی ڕاپه‌ڕین بۆ خۆیان ده‌دوێن و چاوچاوێنمان له‌گه‌ڵ ده‌که‌ن.

ڕه‌نگه‌ به‌ سێنایی نه‌بێ که‌ هه‌موو ده‌ستکه‌وته‌کانی ئه‌و ڕاپه‌ڕینه‌و ئاکامه‌ ئه‌رێنیه‌كان بژمێرین و له‌ ڕاستیدا کاری نوسینێکی واش نیه‌. ده‌سکه‌وته‌کانی ڕاپه‌ڕین گه‌لێک له‌وه‌ زیاترن که‌ ئاماژه‌ به‌هه‌موویان بکرێ. ئه‌وه‌نده‌ به‌سه‌ که‌ بێژین نه‌ته‌وه‌ی کورد له‌ هه‌موو به‌شه‌کانی کوردستان له‌ ئاکامی ڕاپه‌ڕین و ده‌ستکه‌وته‌کانی هیچ که‌ له‌ بێهیوایی ڕزگاریان بوو به‌ڵکوو گیانێکی بیناکردنه‌وه‌و دروستکردنه‌وه‌ی که‌سایه‌تی کوردی و خه‌باتی خۆ ناسینه‌وه‌و گه‌ڕانه‌وه‌ بۆناسنامه‌ی ڕاستینه‌ی خۆیان له‌ ناویاندا گه‌شه‌ی کردوه‌و ئه‌مه‌یان کردۆته‌ دروشم و ڕۆژانه‌ کاری بۆده‌کرێ. له‌وه‌ش زیاتر که‌م ڕه‌نگ بوونی خۆگرێدان به‌ خه‌باتی چه‌کداری و به‌ پێچه‌وانه‌ موکوربوون و جه‌ختکردنه‌سه‌ر خه‌باتی دیموکراتیانه‌و شارستانیانه‌ ئه‌مڕۆ بۆته‌ شێوه‌‌یه‌کی سه‌ره‌کی خه‌بات و له‌ هه‌موو به‌شه‌کانی کوردستان و به‌تایبه‌تیش له‌ باشوری کوردستان کاری پێده‌کرێ. له‌وانه‌ش بترازێ ئاوه‌دان کردنه‌وه‌ی شارو گونده‌کانی کوردستان، تاڕاده‌یه‌کی باش جێکه‌وتنی دامووده‌زگا دیموکراتیه‌کان، گه‌شه‌و پێشکه‌وتنی هوشیاری دیموکراتی و نه‌ته‌وه‌یی وێڕای په‌ره‌سه‌ندنی ڕۆژ له‌گه‌ڵ ڕۆژ زیاتری کاری ڕۆژنامه‌گه‌ری و ڕاگه‌یاندن و گه‌شه‌پێدان به‌ بواری خوێندن له‌ ڕووی چۆنایه‌تی و له‌وانیش گرنگتر په‌ره‌گرتنی گیانی پێکه‌وه‌ژیان و یه‌کتر سه‌لماندنی سیاسی و گه‌لێک ده‌ستکه‌وتی دیکه‌ له‌ به‌رهه‌مه‌کانی ڕاپه‌ڕینی باشوری کوردستانن و ڕه‌نگه‌ یه‌کێکی دیکه‌ له‌ده‌سکه‌وته‌کانی ئه‌و ڕاپه‌ڕینه‌ ڕوخانی ڕژیمی سه‌ددام بێت. ئه‌زموونی خۆ به‌ڕێوه‌به‌ری گه‌له‌که‌مان له‌ باشوری وڵات ئه‌گه‌رچی پاش ڕاوه‌ستانی شه‌ڕی خۆکوژی به‌ ئه‌زموونی بیناکردنه‌وه‌و گه‌شه‌کردن ده‌ژمێردرێ و پێش شه‌ڕ وێستانه‌که‌ جگه‌ له‌ هه‌ڵبژاردنی پارلمان و دروستکردنی حکومه‌تی کوردستان زۆرتر کاودانه‌که‌ ڕووه‌و هه‌ڵدێر بردنی ده‌سکه‌وت و ئامانجه‌کانی ڕاپه‌ڕین و له‌باربردنی ده‌رفه‌ت و دۆخه‌ مێژووییه‌ ڕه‌خساوه‌که‌بوو، به‌و حاڵه‌ش له‌و چه‌ند ساڵه‌ی دوای ڕاوه‌ستانی ئه‌و شه‌ڕه‌ بێزراوو دژی خۆییه‌، ئاوه‌دانکردنه‌وه‌و هه‌نگاونان به‌ره‌و دروستکردنی کۆمه‌ڵگایه‌کی شارستانی و ئاماڵ دیموکراتی و گه‌شه‌ و هه‌ڵدانی هه‌موو ئه‌و بوارانه‌ی که‌ له‌ خزمه‌تی کۆمه‌ڵگایه‌کی شایانی مرۆڤدان، له‌ لایه‌ک چاوی هیوای کوردو نه‌ته‌وه‌ ژێرده‌سته‌کان و دیموکراتخوازه‌کانی ناوچه‌که‌و جیهانی تێچه‌قیوه‌و له‌و لای دیکه‌شه‌وه‌ بۆته‌ چه‌قڵی چاوی ڕژیمه‌ تۆتالیتێره‌و دیکتاتۆڕه‌کانی ناوچه‌و نه‌تره‌ی بردوون. هه‌ربۆیه‌ ڕاپه‌ڕین و ده‌سکه‌وته‌کانی سه‌ره‌ڕای دۆست و پشتیوان و لایه‌نگر دوژمنی فره‌ی هه‌یه‌و به‌تایبه‌ت له‌ ڕۆژهه‌ڵاتی ناڤیندا که‌ زۆربه‌ی ده‌وڵه‌ته‌کان نادیموکراتی و دوژمن به‌ ئازادینو به‌تایبه‌تیش له‌ هه‌مووان دوژمنتر به‌ کوردو ده‌ستکه‌وته‌کانی ده‌وڵه‌تانی داگیرکه‌ری کوردستانن که‌ به‌رده‌وام له‌ بۆسه‌دان بۆ ئه‌وه‌ی ده‌سکه‌وته‌کانی کورد و ڕه‌وتی گه‌شه‌ی دیموکراسی له‌ ناوچه‌که‌دا په‌کبخه‌ن و به‌ره‌و هه‌ڵدێری به‌رن.

پێیده‌چی که‌ سه‌رده‌م و ڕۆژگاره‌‌که‌ له‌ شانسی نه‌یارانی دیموکراسی و ئازادی و پێشێلکه‌رانی مافه‌کانی مرۆڤ نه‌بێت و گڕۆڵه‌ی ئه‌و جۆره‌ ڕژیم و سیسته‌مانه‌ له‌ لێژی بێت. له‌وه‌ش گرنگتر وا ده‌رده‌که‌وێ که‌ جارێکی دیکه‌ دۆخی نه‌ته‌وه‌ی ماف زه‌وتکراوی کورد ناگه‌ڕێته‌وه‌ بۆ پێش ڕاپه‌ڕین و ئه‌و خه‌ون و هه‌وڵانه‌ی که‌ ده‌یانویست کورد نه‌مێنێ و نه‌خشه‌ی کوردستان له‌سه‌ر زه‌وی بسڕنه‌وه‌ و ئاسه‌وارێک له‌ زمان و که‌لتوره‌که‌ی له‌ سه‌ر زه‌وی نه‌هێڵن بۆ هه‌میشه‌ بوونه‌ بلۆقی سه‌ر ئاوو تێکشکان.

له‌ کۆتاییدا باسکردن له‌سه‌ر ڕاپه‌ڕین و شیکردنه‌وه‌ی هۆکارو تایبه‌تمه‌ندییه‌کانی ڕاپه‌ڕین و وڵامدانه‌وه‌ی ئه‌و پرسیارانه‌ی که‌ سه‌باره‌ت به‌ڕاپه‌ڕین و ده‌ستکه‌وته‌کانی ده‌کرێ بێنه‌گۆڕێ له‌وته‌یه‌کی کورتی ئاوادا ناگونجێ و له‌ ده‌سه‌ڵاتی ئه‌م وتاره‌دا نیه‌و و پێویستی به‌ قوڵبوونه‌وه‌و ڕۆچوونه ناو گشت لایه‌ن و ڕه‌هه‌نده‌کانی هه‌یه‌. ئه‌وه‌ی پێویسته‌ بگوترێ و به‌رده‌وام دووپاتبکرێته‌وه‌و له‌سه‌ریشی موکورو پێداگربین ئه‌وه‌یه‌ که‌ بێژین: ئه‌وه‌ی ئه‌مڕۆکه‌ له‌ ئاکامی ڕاپه‌ڕینه‌و‌ه‌ وه‌ده‌ست هاتوه‌ به‌رهه‌می ماندوو بوون و قوربانیه‌کی زۆرو زه‌وه‌ندیی ساڵانێکی زۆری به‌رخوه‌دان و خه‌باته‌و پاراستن و په‌ره‌پێدان و سوربوون له‌سه‌ر به‌ کۆتایی گه‌یاندنی ڕاپه‌ڕین ئه‌رکی هه‌موو تاکێکی نه‌ته‌و‌ه‌که‌مان و به‌تایبه‌ت سه‌رکردایه‌تی سیاسی ئه‌وبه‌شه‌ی کوردستانه‌. ڕه‌نگه‌ بیناکردن و هه‌ڵچنینی بینای ده‌سکه‌وته‌کان کارێکی زه‌حمه‌ت بوو بێت و ئه‌مه‌ش شتێکی سروشتیه‌و هیچ ده‌سکه‌وتێک به‌ بێ تێکۆشان و ماندو بوون وه‌چه‌نگ ناکه‌وێ، به‌ڵام ئه‌وه‌ی که‌ زۆر سێناییه‌و ڕه‌نگه‌ ماندووبوونێکی فره‌ی نه‌وێ له‌بار بردن و ڕوخاندنی باڵاخانه‌ی ده‌سکه‌وته‌کان و کۆشکی هیوای نه‌ته‌وه‌که‌مانه‌. گه‌ر یه‌کگرتن و یه‌کیه‌تی نه‌ته‌وه‌یی باشترین گه‌ره‌نتی مانه‌وه‌و په‌ره‌پێدانی ئه‌وه‌ی ئه‌مڕۆ کورد وه‌ده‌ستی هێناوه‌ بێ ئه‌وه‌ به‌ پێچه‌وانه‌ یه‌کنه‌گرتن و پارچه‌بوون ته‌نیا دوژمن و نه‌یاری ده‌سکه‌وته‌کانه‌ و هه‌موو تاکێکی کوردو کوردستانی له‌سه‌ریه‌تی که‌ یه‌کیه‌تی و یه‌کگرتنی نه‌ته‌وه‌یی به‌هه‌ند بگرێ و خه‌باتی بۆ بکاو له‌ دژی هه‌ر هه‌وڵێک که‌مه‌به‌ستی تێکدانی یه‌کیه‌تی ڕیزه‌کانی بێت ڕاوه‌ستێ.

له‌م ڕۆداو له‌ یادی ڕاپه‌ڕینی به‌شکۆی باشوری وڵاتدا له‌ گه‌ڵ هیوای سه‌رکه‌وتن بۆ نه‌ته‌وه‌که‌مان به گشتی و گه‌له‌که‌مان له‌ باشوری وڵات به‌تایبه‌تی له‌ پێناوی هه‌نگاونان و گه‌یشتن به‌ ماف و ئازادی زیاترو ده‌سکه‌وت و سه‌رکه‌وتنی مه‌زنتر خۆزگه‌ی یه‌کیه‌تی و یه‌کگرتووی وه‌ک تاکه‌ زامنی پاراستینی ده‌ستکه‌وته‌کان و وه‌ده‌ستهێنانی ده‌ستکه‌وتی زیاتر ده‌خوازم و له‌ ناخی دڵیشه‌وه‌‌ له‌ هه‌موو تاکه‌کانی نه‌ته‌وه‌که‌مان پیرۆزبایی ده‌که‌م و هیوادارم له‌ داهاتویه‌کی نزیکدا نه‌ته‌وه‌که‌مان به‌خه‌باتی ژیرانه‌ی خۆی بتوانێ ده‌ستکه‌وتی زیاترو سه‌رکه‌وتنی گه‌وره‌تر وه‌ده‌ست بێنێ و سه‌ره‌نجام بگه‌ینه‌ لوتکه‌ی هه‌موو سه‌رکه‌وتنه‌کان که‌ گه‌یشتن به‌ ئاسۆی ڕزگاری و سه‌ربه‌خۆیی کوردستانه‌‌.

ڕۆژانی ڕاپه‌ڕینیش ئه‌و ڕۆژانه‌ن که‌ هیچکات له‌یاد ناچنه‌وه‌

15ی ڕه‌شه‌ممه‌ 2704
5ی مارچی 2005

له‌ یادی کاره‌ساتی کیمیابارانی هه‌ڵه‌بجه‌و سه‌رده‌شت