كوردستان

kurdish weblog

My Photo
Name:
Location: Melbourne, VIC, Australia

Thursday, March 30, 2006

Xopishandan

له‌ 18 هه‌مین ساڵگه‌ردی ئه‌نفاله‌ شومه‌کاندا
خۆپیشاندان له‌به‌رده‌م باڵوێزخانه‌ی میسر له‌ هۆڵه‌ند

له‌ درێژه‌ی چالاکییه‌ سه‌رانسه‌رییه‌کان بۆ دیاریکردنی چاره‌نووسی ئه‌و 18 کچه‌ی به‌ میسر فرۆشران ، هه‌روه‌ها ناڕه‌زایه‌تی له‌ هاوکاری سه‌ربازی حکومه‌تی میسر به‌ڕژێمی به‌عسی ڕوخاو به‌تایبه‌ت چه‌کی کۆمه‌ڵکوژی کیمیاوی ، خۆپیشاندانێک له‌به‌رده‌م باڵوێزخانه‌ی میسر له‌ شاری لاهای ساز ده‌که‌ین :

کات : کاتژمێر 12،30 نیوه‌ڕۆڕۆژ : پێنج شه‌ممه‌ به‌رواری 13-4-‏2006‏‏

شوێن : Ambassade van EgypteBadhuisweg 922587 CL Den Haag )Den haag CS ba trami 17

بۆ په‌یوه‌ندی : 06478126520616722541 0643224607

ناوه‌ندی هه‌ڵه‌بجه‌ دژ به‌ ئه‌نفالکردن و جینۆسایدی گه‌لی کورد-چاکیانه‌ی کوردی میدیا- ئه‌مستردامنوێنه‌ری گۆڤاری ئه‌نفال که‌ له‌ گه‌رمیان چاپ ئه‌بێت و بڵاو ئه‌بێته‌وه‌یه‌کێتی ژنانی کوردستان له‌ هۆڵه‌ند

ده‌رگا کراوه‌یه‌ بۆ به‌شداریکردنی هه‌ر لایه‌ن و ناوه‌ند و ڕێکخراوێک به‌تایبه‌ت ڕێکخراوه‌کانی ژنان و مافی مرۆڤ ، به‌ به‌شداریکردنت له‌م ناڕه‌زایه‌تییه‌ هه‌نگاوێک ده‌نێیت بۆ ناساندنی ئه‌نفال به‌ بیر و ڕای جیهانی .

Saturday, March 25, 2006

ئه‌نفاڵ -چاک

با یادی ئه‌نفالی ئه‌مساڵ بکه‌ینه‌ ساڵی دیاریکردنی چاره‌نووسی 18 پاکیزه‌که‌ی میسر
خۆپیشاندانی سه‌رانسه‌ری بۆ به‌رده‌م باڵوێزخانه‌کانی میسر له‌ ده‌ره‌وه‌ی کوردستان


پرۆسه‌ی ئۆپه‌راسیۆنی ئه‌نفال ناوی ئه‌و کۆمه‌ڵه‌ هێرشه‌یه‌ له‌ 18-2-1988 ه‌وه‌ ڕژێمی به‌عسی عێڕاقی خه‌ریکی ئه‌نجامدانی بوو له‌ دژی گه‌لی کورد له‌ کوردستانی باشوور ، که‌ له‌ به‌رواری 6-9-1988 کۆتایی پێ هات ، ئه‌م ئۆپه‌راسیۆنه‌ی به‌ 8 قۆناغ ئه‌نجام دا به‌ هه‌موو پێوانه‌کان ، چ له‌ شێوازی نه‌خشه‌ کێشان و ده‌ست نیشانکردنی ئه‌و گرووپه‌ی به‌ر شاڵاوه‌که‌ که‌وتن و چ له‌ ڕووی به‌ربڵاوی کرده‌وه‌که‌ و ژماره‌ی قوربانیانی و زیانه‌ مادی و مرۆییه‌کانی، یاخود له‌ جیاکردنه‌وه‌و قڕکردنی گروپێکی دیاریکراو که‌ به‌ ئه‌نفال ناوی ده‌رکردووه‌ ده‌چێته‌ کرده‌وه‌ی جینۆسایده‌وه‌ . له‌ هێڕشی دڕندانه‌ی ئه‌نفالدا 182000 مرۆڤی کورد شوێن بزر کران و هه‌زاران گوند وێران کران، جگه‌ له‌ زیانه‌ مادییه‌ له‌ ژماره‌ نه‌هاتووه‌کان و گواستنه‌وه‌ی به‌ زۆری پاشماوه‌ی قوربانیان بۆ ئۆردوگا زۆره‌ملێکان ، که‌ ژیان تیایاندا هاوشێوه‌ی ئۆردوگا سه‌ربازییه‌کان بوو .له‌ پرۆسه‌ی ئه‌نفالدا سه‌رباری خاپوور کردنی هه‌زاران گوند و شارۆچکه‌ ، قه‌ده‌غکردنی ژیان له‌ ده‌ره‌وه‌ی ڕێگا سه‌ره‌کییه‌کانی نێوان شاره‌کان ، کۆکردنه‌وه‌ی سه‌دان هه‌زار مرۆڤ له‌ ئۆردوگا زۆره‌ ملێکان ، ده‌یان هه‌زار ژن و مناڵیش زۆر بێ به‌زه‌ییانه‌ به‌ کۆمه‌ڵ کوژران و تا ئێستاش ئیسک و پروسکه‌کانیان نه‌گه‌ڕێنراونه‌ته‌وه‌ بۆ که‌س و کارییان .له‌ هه‌مان پرۆسه‌دا 18 پاکیزه‌ی کوردی گه‌رمیانی به‌ گوێره‌ی به‌ڵگه‌نامه‌یه‌کی ده‌زگای موخابه‌راتی عێراقی نێردراون بۆ مه‌لهاکانی میسر ، ئه‌مه‌ش به‌ هه‌موو پێوه‌رێک بێت بۆ خۆی کۆیله‌دارییه‌ .مه‌خابن تا ئێستا چه‌ندین جار به‌ فه‌رمی داوای چاره‌نووسی ئه‌و که‌س و کارانه‌مان له‌ حکومه‌تی میسر کردووه‌ ، به‌ڵام حکومه‌تی میسر بێ ده‌نگی هه‌ڵبژاردووه‌ و وه‌ڵامی نوسراوی پێمان نه‌داوه‌ته‌وه‌ ، له‌ وه‌ڵامدانه‌وه‌ی نووسراو ترساوه‌ ، ته‌نها به‌ زار هاشای لێ کردووه‌ .سه‌رباری ئه‌م تاوانه‌ حکومه‌تی میسر هاوکاری ڕژێمی به‌عسی کردووه‌ به‌ هه‌موو جۆره‌ چه‌کێک به‌ تایبه‌ت چه‌کی کیمیاوی له‌ سه‌رکووتکرنی گه‌له‌که‌مان ، به‌مه‌ش تاوانباره‌ له‌ هاوبه‌شیکردن له‌ جینۆسایدکردنی گه‌لی کورد .

بۆیه‌ له‌ یادی کاره‌ساتی ئه‌نفالی ئه‌مساڵ ، ئێمه‌ وه‌ک ناوه‌ندی چاک له‌ ده‌ره‌وه‌ی کوردستان کۆمه‌ڵێک چالاکی جۆراوجۆر بۆ به‌رده‌م باڵوێزخانه‌کانی میسر ڕێک ده‌خه‌ین ، وه‌ک به‌شێک له‌ که‌مپینی ژنانی ئه‌نفالکراو که‌ له‌ 8 مارسه‌وه‌ ڕامان گه‌یاندووه‌ .بۆ ئه‌م مه‌به‌سته‌ داواکارین له‌ هه‌موو لایه‌ک به‌ تایبه‌ت ڕێکخراوه‌کانی ژنان و مافی مرۆڤ و ڕۆشنبیران و که‌سانی ئازادیخواز و ژنانی تێکۆشه‌ر و هه‌موو هاووڵاتییانی خۆشه‌ویست و مرۆڤانی ئازادیخواز ، به‌شداری چالاکانه‌ له‌م که‌مپینه‌ جیهانییه‌ بکه‌ن له‌ پێناو دیاریکردنی چاره‌نووسی 18 پاکیزه‌که‌ی میسر و دادگایی ئه‌و وڵات و کۆمپانیایانه‌ی چه‌کیان به‌ ڕژێمی پێشوو فرۆشتووه‌ ، به‌ تایبه‌ت میسر .
بۆیه‌ داواکارین هه‌موو به‌شداری له‌م که‌مپینه‌ بکه‌ن ، چ وه‌ک لایه‌ن یاخود وه‌ک تاک .

ناوه‌ندی هه‌ڵه‌بجه‌ دژ به‌ ئه‌نفالکردن و جینۆسایدی گه‌لی کورد- چاک
22-03-‏2006‏‏
org@yahoo.

تێبینی : زانیاری ته‌واومان له‌به‌ر ده‌ستدایه‌ له‌ به‌شداری حکومه‌تی میسر له‌ پڕۆژه‌ی به‌رهه‌م هێنانی چه‌کی کیمیاوی عێراقی ، له‌به‌ر نهێنی ڕاپۆرته‌که‌و به‌کارهێنانی له‌ دادگادا له‌ ئێستادا بڵاوی ناکه‌ینه‌وه‌.

Sunday, March 19, 2006

نه‌ورۆز و ساڵی نوێی 2706 تان لێ پیرۆزبێ

‌هه‌ڵوێستی چاک سه‌باره‌ به‌ سوتاندنی مینۆمێنتی هه‌ڵه‌بجه‌

هه‌ڵوێستی ناوه‌ندی چاک سه‌باره‌ت به‌ ڕووداوه‌کانی شاری هه‌ڵه‌بجه‌
ته‌قه‌كردن له‌ خۆپيشانده‌ران
و سوتاندنی مۆنمێنته‌كه‌ له‌ لايه‌ن ناوه‌ندی چاکه‌وه‌ مه‌حكوومه‌

كه‌س و كاري قوربانيان
خه ڵكي شاري هه ڵه‌بجه ی شه‌هيد په‌روه‌ر
حيزب و لايه‌نه‌ سياسييه‌كان

هه‌روه‌ك ئاگادارن ئێمه‌ له‌ سه‌ره‌تاوه‌ له‌گه‌ڵ داخوازه‌كاني خه‌ڵكي هه‌ڵه‌بجه‌دا بووين، له‌گه‌ڵ ئه‌و درووشمه‌ی (( هاتنه‌ ژوره‌وه‌ بۆ هه‌ڵه‌بجه‌ له‌ به‌رپرساني گه‌نده‌ڵ قه‌ده‌غه‌ بكرێت ))، به‌ڵام به‌داخه‌وه‌ ڕوداوه‌كه‌ به‌وه‌نده‌وه‌ نه‌وه‌ستا و گه‌یشته‌ سه‌ر سوتاندنی مه‌زاری شه‌هيدان و شه‌هيد و برينداركردنی چه‌ندين هاووڵاتی، ژماره‌ی شه‌هيدانی هه‌ڵه‌بجه‌ به‌ مه‌زاری شه‌هيدانه‌وه‌ گه‌یشته‌ 5003 كه‌س، له‌ ئه‌مڕۆوه‌‌ ئێمه‌ ژماره‌ی قوربانيان به‌ 5003 ده‌ده‌ینه‌ هه‌ژماردن، ئه‌مه‌ش ده‌ربڕی ئه‌وه‌یه، له‌ لايه‌كه‌وه‌ شه‌هيدانی 16-3 دووه‌م خوێنيان تێكه‌ڵ به‌ شه‌هيدانی 16-3-1988 بوو، ئه‌مه‌ش بۆ خۆی تاوانێکی گه‌وره‌یه، له‌ لايه‌كي ديكه‌وه‌ سوتاندني مۆنیومێنته‌که‌ به‌ که‌متر له‌ شه‌هیدکردنی هاووڵاتیان و قوربانیانی هه‌ڵه‌بجه‌ نازانین، ئێمه‌ زۆر به‌ توندی پرۆتستۆی سوتاندنی ده‌كه‌ین، و به‌ كارێكی تێكده‌رانه‌و نا شارستانی ده‌ده‌ینه‌ قه‌ڵه‌م، به‌ تايبه‌تيش كاتێك به‌ نه‌خشه‌وه‌ ئه‌نجامدرابێت.

ئێمه‌ كۆي داخوازه‌كانمان له‌سه‌ر ئه‌و ڕووداوه‌ له‌م خاڵانه‌ ده‌رده‌بڕين:

1- ليژنه‌یه‌ك له‌ پارته‌ سياسييه‌كان، کۆمه‌ڵه‌ جه‌ماوه‌رییه‌کان، و خه‌ڵكی هه‌ڵه‌بجه ‌و خۆپيشانده‌ران پێك بهێنرێن بۆ ئه‌نجامداني لێكۆڵينه‌وه‌ له‌ ڕوداوه‌كه ‌و دادگاييكردني تاوانباران.

2- هه‌ر لايه‌نێكی سياسی له‌ پشت سوتاندنی مۆنیومێنتی هه‌ڵه‌بجه‌وه‌ بێت، شه‌فافانه‌ ناوی ئاشكرا بكرێت و بۆ هه‌تا هه‌تايه‌ ئه‌و لايه‌نه‌ بۆی نه‌بێت کاری سیاسی له‌‌ ناو شاری هه‌ڵه‌بجه‌ ئه‌نجام بدات و باره‌گای هه‌بێت.

3- پاکسازی شاري هه‌ڵه‌بجه‌ له‌ کۆنه‌ به‌عسی و جاش و خاوه‌ن فایله‌کان له‌ دام و ده‌زگای حیزبی و حکومیه‌کان، و پاکسازی له‌ به‌رپرسانی گه‌نده‌ڵ له‌ دام و ده‌زگا فه‌رمیه‌کانی هه‌ڵه‌بجه‌.

4- گرنگیدان به‌ باری په‌روه‌رده‌ و ڕۆشنبیری شاری هه‌ڵه‌بجه‌ وه‌ک قوتابخانه‌ و مه‌ڵبه‌ند و یانه‌ی ڕۆشنبیری و وه‌رزشی.
5- كۆتايیهێنان به‌ بارودۆخی نا ئاسايی له‌ شاری هه‌ڵه‌بجه‌ ، سه‌رجه‌م زيندانه‌كان ده‌ست به‌جێ بێ قه‌ید و شه‌رت ئازاد بكرێن .
6- مۆنمێنته‌كه‌ به‌ زووترين كات چاك بكرێته‌وه، به‌ڕێوه‌بردنی بخرێته‌ ئه‌ستۆی كه‌س و كاري قوربانيان، ئێمه‌ كۆمه‌ڵه‌یه‌کی ناحکومی بۆ به‌ڕێوه‌بردنی ئه‌و مۆنیومێنته‌ به‌ باشتر ده‌زانین تاوه‌کو کارمه‌ندانی حکومی.

ناوه‌ندی هه‌ڵه‌بجه‌ دژ به‌ ئه‌نفالكردن و جينۆسايدی گه‌لی كورد-چاك-
17-3-2006

Saturday, March 18, 2006

له‌ هه‌ڵه‌بجه‌ تاوان!

له‌ یادی هه‌ڵه‌بجه‌ له‌ هه‌ڵه‌بجه‌ تاوان ئه‌نجام درا

پاش ئه‌وه‌ی خه‌ڵکی هه‌ڵه‌بجه‌ بانگه‌وازیان کرد نا بێت به‌رپرسان له‌ ڕۆژی 16-3 بێنه‌ ناو هه‌ڵه‌بجه‌وه‌ به‌هۆی نه‌بووی خزمه‌تگوزاری له‌ شاره‌که‌یان . سه‌ر له‌ به‌یانی ڕۆژی 16-3 کاتێک ده‌یانه‌ویست بۆ ئه‌م مه‌به‌سته‌ خۆپیشاندانی هێمنانه‌ ساز بکه‌ن ، به‌ داخه‌وه‌ له‌ لایه‌ن هێزه‌کانی ئاسایشی ناوچه‌که‌وه‌ که‌ سه‌ر به‌ ده‌سه‌ڵاتداریه‌تی یه‌کێتی نیشتمانی کوردستانه‌ ته‌قه‌ له‌ خه‌ڵک کرا له‌ ئه‌نجامدا یه‌کێک بووه‌ قوربانی به‌ ناوی کورده‌ ئه‌حمه‌د سه‌عید و 11 ی دیکه‌ش بریندار بوون .ئێمه‌ ئه‌م کاره‌ی ده‌سه‌ڵاتدارانی ناوچه‌که‌ شه‌رمه‌زار ده‌که‌ین و داواکارین ئه‌نجامده‌رانی دادگایی بکرێن، هاوکات داواکارین ناڕه‌زایه‌تییه‌کان به‌ شێوه‌ی هێمنانه‌و دوور له‌ تێکدان بچێته‌ پێشه‌وه‌ .

له‌ لایه‌ن چاکه‌وه‌ نامه‌ نووسراوه‌ بۆ:

ئه‌منستی ئه‌نترناسیۆنال .
سۆسیال ئه‌نته‌رناسیۆنال.
په‌رله‌مانی ئه‌وروپی .
ژماره‌یه‌کی زۆر له‌ پارت و ڕێکخراوه‌کان .

Monday, March 13, 2006

پیرانشار خۆپیشاندان و تێکهه‌ڵچوون

له‌ پیرانشار خۆنیشاندان و تێکهه‌ڵچوون

به‌ پێ هه‌واڵه‌کان پێرێ له‌ ئه‌نجامی ته‌قه‌ی هێزه‌ داپڵۆسێنه‌ره‌کانی کۆماری ئیسلامی له‌ سنوی پیرانشار حاجی ئۆمران که‌سێک به‌ناوی سادق ڕه‌جه‌بی گیانی له‌ ده‌ست ده‌دات. ئه‌م تاوانه‌ی به‌کرێگراونی ڕژیم ده‌بێته‌ هۆی توڕه‌یی و بێزاریی خه‌ڵک. دانیشتوانی پیرانشار ده‌ڕژێنه‌ سه‌ر شه‌قام و کۆڵانه‌کان و به‌گژ هێزه‌کانی ڕژیم داده‌چن و داوای سزادانی تاوانباران ده‌که‌ن.
یه‌کیه‌تی شۆڕشگێران و یه‌کیه‌تی دیموکراته‌کان ئه‌م هه‌واڵه‌یان پشت ڕاستکردۆته‌وه ده‌قی هه‌واڵه‌که‌شیان بۆ ئێمه‌ ناردوه‌‌. دوایین ڕاگه‌یاندن له‌و پێوه‌ندییه‌دا که‌ به‌ وێبلاگی کوردستان گه‌یشتوه‌ ڕاگه‌یاندنی یه‌کیه‌تی شۆڕشگێرانه‌ که‌ له‌ خواره‌وه‌ ده‌توانن بیخوێننه‌وه‌

....................................................
راگه‌یه‌ندراوی ژماره‌3
راپه‌ڕێنی دوێنێی خه‌ڵکی پیرانشار رێژیمی تووشی شکست کرد
هێزه‌کانی رێژیم له‌ بنکه‌کانیان خزاون

هه‌روه‌ک له‌ راگه‌یه‌ندراوه‌کانی 1و2 دا رامانگه‌یاند، دوێنێ هه‌زاران که‌س له‌ خه‌ڵکی پیرانشار بۆ ناڕه‌زایه‌تی ده‌ربڕین له‌ کوژرانی هاووڵاتی کورد "سادق ره‌جه‌بی" که‌ له‌ سنووری پیرانشار- حاجی عومران به‌ ده‌ستی هێزه‌کانی رێژیم کوژرا بوو؛ راپه‌ڕین.

خه‌ڵکی راپه‌ڕیوی پیرانشار، و‌ێڕای دانی دروشم دژی ته‌واویه‌تی کۆماری ئیسلامی و دروشمی نه‌ته‌وه‌یی و رزگاریخوازانه‌، خوازیاری سزادانی بکوژانی سادق بوون. هێزه‌کانی رێژیم به‌ گولله‌ وه‌ڵامی خۆپیشانده‌رانیان دایه‌وه‌ و لانیکه‌م 5 که‌س له‌ خۆپیشانده‌رانیان بریندارکرد و که‌وتنه‌ وێزه‌ی خه‌ڵکه‌که‌. بۆیه‌ خۆپیشانده‌ران له‌ وه‌ڵامی ده‌سڕێژ و ده‌سدرێژی هێزه‌کانی رێژیمدا، به‌ به‌رد و له‌تکه‌ خشت به‌ر‌گرییان له‌ خۆیان کرد و جار له‌گه‌ڵ جار هێرشی هێزه‌کانی رێژیمیان ده‌شکان و به‌ره‌و دوایان راو‌ده‌نان هه‌روه‌ها هه‌ڵیانکوتایه‌ سه‌ر بنکه‌ و دامه‌زراوه‌ ده‌وڵه‌تییه‌کان و خه‌ساره‌تیان لێدان. له‌ ئاکامی هه‌ڵمه‌تی رۆڵه‌کانی نه‌ته‌وه‌ی کورد 3 ده‌زگای ماشینی ده‌وڵه‌تی له‌ ئاگردا سووتان و ده‌زگایه‌کیش تێکوپێک درا، بانگی قه‌رزولحه‌سه‌نه‌ی به‌سیج ئاگری تێبه‌ردرا و کیووسکی پۆلیسی فه‌له‌که‌ی سه‌رده‌شت گڕدرا، شیشه‌ی ده‌رگا و په‌نجه‌ره‌کانی "ستادی عه‌مه‌لیاتی"، "ئیداره‌ی ئیتیلاعات"، " هه‌نگی مه‌رزی"، "که‌ڵانته‌ری ژماره‌ 12"، بانکه‌کانی میللی، تجاره‌ت، که‌شاوه‌رزیی، مه‌سکه‌ن و ئیداره‌ی پۆست و ماڵه‌ سازمانییه‌کان (شوێنی نیشته‌جێی بنه‌ماڵه‌کانی کاربه‌ده‌ستانی رێژیم) هێنرانه‌ خوارێ.

شه‌قامی ناسراو به‌ "به‌هه‌شتی"، که‌ زۆربه‌ی ناوه‌ند‌ و ئۆرگانه‌ ئه‌منی و ده‌وڵه‌تییه‌کان له‌وێن، گۆڕه‌پانی تێکهه‌ڵچوونی نێوان هێزه‌کانی رێژیم و خه‌ڵکی راپه‌ڕیو بوو. سه‌ره‌نجام، هێزه‌کانی رێژیم شکان و خۆیان له‌ بنکه‌کانیان هاویشته‌وه‌ و تاکه‌ یه‌ک که‌سیان له‌ نێو شاردا نه‌مان.

ئه‌مڕۆ دۆخی پیرانشار هێمنه‌. تا ئیستا هێزه‌کانی رێژیم نه‌یانوێراوه‌ روو له‌نێو شار بکه‌ن و هه‌ر له‌ بنکه‌کانیاندا ماونه‌ته‌وه‌.
ته‌رمی سادقی شه‌هید هه‌ر دوێنێ بۆ شاری شنۆ به‌ڕێکراوه‌ته‌وه‌، به‌ڵام تا ئێستا هێزی ئینتزامی ده‌ستی به‌سه‌ر ته‌رمه‌که‌دا گرتووه‌.

یه‌کێتی شۆڕشگێڕانی کوردستان
21/ره‌شه‌مه‌ی/2705
12/مارسی/2006

له‌ یادی هه‌ڵه‌بجه‌دا

په‌یامی کۆمیته‌ی یادکردنه‌وه‌ی هه‌ڵه‌بجه‌ له‌ هۆڵه‌ند

پاش ڕووخانی ڕژێمی عێڕاق و دۆزینه‌وه‌ی سه‌دان گۆڕی به‌کۆمه‌ڵ، دڕنده‌یی ڕژێمی به‌عسی گۆڕبه‌گۆڕ بۆ هه‌موو جیهان ئاشکرا بوو. ئه‌و ڕژێمه‌ی که‌ چه‌کی کیمیاوی له‌ دژی هاوڵاتیانی مه‌ده‌نی ئه‌و وڵاته‌ی خۆی به‌ سه‌رداری ده‌زانی به‌کار هێنا. ئه‌و هێڕشه‌ بێ به‌زه‌ییانه‌یه‌ی که‌ له‌ 16ی مارتی 1988 دا له‌ دژی دانیشتووانی سیڤیلی کوردی شاری هه‌ڵه‌بجه‌ی کوردستانی باشوور ئه‌نجام درا و ئاکامه‌که‌ی زیاتر له‌ 5000 قوربانی بوو له‌ ژن و منداڵ و پیر و گه‌نجی کورد و زیاتر له‌ 10000 بریندار، که‌ گه‌لێکیان له‌ ساڵانی دووای ئه‌و کاره‌ساته‌ گیانیان له‌ده‌ست دا و کۆمه‌ڵێکیشیان تاکو ئه‌مڕۆ به‌ ئازاره‌کانی ئه‌و کرده‌وه‌ نا مرۆڤانه‌یه‌وه‌ ژیانێکی پڕ له‌ ئازار و مه‌ینه‌تی ده‌به‌نه‌ سه‌ر و که‌س نییه‌ لایه‌کییان لێ بکاته‌وه‌ .هه‌ر له‌و سه‌روبه‌نده‌دا و له‌ 18-2-1988 ه‌وه‌ ڕژێمی به‌عسی عێڕاقی خه‌ریکی ئه‌نجامدانی کرده‌وه‌یه‌کی تری ڕه‌شه‌کوژی بوو له‌ دژی گه‌لی کورد له‌ کوردستانی باشوور، که‌ به‌ هه‌موو پێوانه‌کان، چ له‌ شێوازی نه‌خشه‌ کێشان و ده‌ست نیشانکردنی ئه‌و گرووپه‌ی به‌ر شاڵاوه‌که‌ که‌وتن و چ له‌ ڕووی به‌ربڵاوی کرده‌وه‌که‌ و ژماره‌ی قوربانییانی و زیانه‌ مادی و مرۆییه‌کانی، ده‌چێته‌ کرده‌وه‌ی جینۆسایده‌وه‌ که‌ به‌ ئه‌نفال ناوی ده‌رکردووه‌. له‌ هێڕشی دڕندانه‌ی ئه‌نفالدا، 182000 مرۆڤی کورد شوێن بزر کران و هه‌زاران گوند وێران کران، جگه‌ له‌ زیانه‌ مادییه‌ له‌ ژمار نه‌هاتووه‌کان و گواستنه‌وه‌ی به‌ زۆری پاشماوه‌ی قوربانییان بۆ ئۆردوگا زۆره‌ملێکان ، هه‌روا له‌ دوو پرۆسه‌ی پێشتردا به‌ شێوه‌یه‌کی دڕندانه‌ ده‌یان هه‌زار فه‌یلی و 8000 بارزانی شوێن بزر کردبوو .خۆشحاڵانه‌ یادی 18 ساڵه‌ی جینۆسایدی گه‌لی کورد ، کاره‌ساته‌کانی هه‌ڵه‌بجه‌ و ئه‌نفال له‌ کاتێکدا ده‌که‌ینه‌وه‌ که‌ ته‌خت و تاجی ئه‌و ڕژێمه‌ شۆفێنییه‌ دڕنده‌یه‌ هه‌ڵته‌کێندراوه‌ و سه‌دامی دیکتاتۆریش ده‌ستگیرکراوه‌و ئێستا له‌گه‌ڵ یارمه‌تیده‌رانی دادگایی ده‌کرێت ، به‌ڵام مه‌خابن ده‌ستپێکی دادگاییه‌که‌ ده‌بوایه‌ به‌ هه‌ردوو تاوانی هه‌ڵه‌بجه‌و ئه‌نفتال ده‌ستی پێ بکردایا ، ئه‌وه‌ به‌دی نه‌هات ، ئه‌مڕۆ ترسی ئه‌وه‌ هه‌یه‌ سه‌دام له‌ به‌رامبه‌ر ئه‌و تاوانانه‌ هه‌ر دادگایی نه‌کرێن .دادگایی فرانس ڤان ئانرات له‌ وڵاتی هۆڵه‌ند و به‌ جینۆسایدناسینی تاوانه‌کانی به‌عس به‌رامبه‌ر به‌ گه‌لی کورد له‌ دادگای شاری لاهای ، بوو به‌ هه‌نگاوێکی گه‌وره‌ بۆ کردنه‌وه‌ی کۆدی نهێنی تاوانباران و ده‌ستنیشانکردنی تاوانه‌که‌ و به‌ فه‌رمی ناسینی جینۆسایدی گه‌لی کورد ،هانگاوێکه‌ بۆ ناسینی له‌ ئاستی جیهانیدا ، ده‌توانیین ئه‌و بڕیاره‌ به‌ یه‌کێک له‌ گه‌وره‌ترین ده‌سکه‌وته‌ سیاسی و یاسایییه‌کانی بزانیین بۆ گه‌لی کورد له‌ ڕابردوودا ، ئه‌و بڕیاره‌ له‌ داهاتوودا پاڵپشتێکی به‌هێز ده‌بێت بۆ پێک هێنانی ده‌وڵه‌تی کوردی ، بۆیه‌ ئه‌م ده‌سکه‌وته‌ دۆسییه‌کی کراوه‌یه‌و پێویسته‌ به‌رده‌وام کاری له‌سه‌ر بکرێت ، تا ئێستاش جینۆسایدکردنی کورد له‌ هه‌موو پارچه‌کانی کوردستان درێژه‌ی هه‌یه‌ ، له‌ماکۆ و سه‌ڵماسه‌وه‌ بۆ مهاباد و سه‌رده‌شت و شه‌مزینان و ئامه‌د و قامشلوو و عامودا ، له‌ کوردستانی باشوریش تیرۆریستان هه‌مان ڕێباز درێژه‌ پێده‌ده‌ن له‌ کوشت و بڕی به‌ کۆمه‌ڵی گه‌له‌که‌مان .

داواکاری ئێمه‌ له‌ یادی 18 ساڵه‌ی جینۆسایدکردنی گه‌لی کورددا، له‌ یادی کاره‌ساته‌کانی هه‌ڵه‌بجه‌ و ئه‌نفالدا ئه‌مانه‌ن:1. -پێویسته‌ سه‌دام حوسێن وه‌ک تاوانباری ئه‌نجامده‌ری جینۆساید به‌رامبه‌ر به‌ گه‌لی کورد دادگایی بکرێت ، بۆ ئه‌م مه‌به‌سته‌ بڕیاره‌کانی دادگای شاری لاهای گرنگی تایبه‌تی هه‌یه‌ ، که‌ له‌ لایه‌ن چاکه‌وه‌ پێشکه‌ش به‌ دادگای تاوانه‌کانی عێراقی کراوه‌ ، هه‌روه‌ها عه‌لی کیمیاوی پێویسته‌ له‌ هه‌ڵه‌بجه‌ دادگایی بکرێت..2. 16-3 به‌ ڕۆژی دژایه‌تیکردنی چه‌کی کیمییاوی له‌ جیهاندا بناسرێت ،3. 16-3 بکرێت به‌ ڕۆژی دژ به‌ جینۆسایدی کورد له‌ هه‌موو پارچه‌کانی کوردستاندا.4. – گرنگی به‌ ژیانی پاشماوه‌ی قوربانییان بدرێت ، جیاوازیان له‌ گه‌ڵدا نه‌کرێت له‌گه‌ڵ شه‌هیدانی پارته‌ سیاسییه‌کان ، 5. -حکومه‌تی عێراقی 16-3 وه‌ک ڕۆژی هه‌ڵه‌بجه‌ و 14-4 وه‌ک ڕۆژی ئه‌نفال به‌ فه‌رمی بناسێت و دان به‌و تاوانانه‌دا وه‌ک کرداری جینۆساید بنێت و داوای لێبوردن له‌ گه‌لی کورد بکات ، پێویسته‌ ئه‌و تاوانانه‌ له‌ پاڵ ته‌عریب و ڕاگواستن له‌ ده‌ستووردا وه‌ک کرده‌ی جینۆساید بچه‌سپێت و په‌یمانی دووباره‌ نه‌بوونه‌وه‌یان بدات.6. -حکومه‌تی عێراقی قه‌ره‌بووی زیانی قوربانییانی کوشتوبڕ و ته‌عریبی کورد بکاته‌وه‌.7. -ئه‌و وڵاتانه‌ی که‌ تاوانبارانیان شاردۆته‌وه‌ ئاشکرای بکه‌ن ، یان دادگاییان بکه‌ن یاخود بیده‌نه‌وه‌ به‌ حکومه‌تی عێراقی بۆ دادگاییکردنیان.8-پێویسته‌ ئه‌و کۆمپانییا چه‌کسازییانه‌ی چه‌کی کیمییاویان به‌ به‌عس فرۆشتووه‌، قه‌ره‌بووی زیانه‌کانی قوربانییان بکه‌نه‌وه‌.8. -پێویسته‌ هه‌موو هه‌وڵه‌کان بخرێنه‌ گه‌ڕ بۆ دۆزینه‌وه‌ی ئه‌نفالکراو و بێ سه‌روشوێنکراوه‌کان و هێنانه‌وه‌ی ڕوفاتیان بۆ کوردستان .9. -قه‌ره‌بووی زیان لێکه‌وتووانی چه‌کی کیمیاوی و کۆمه‌ڵکوژییه‌کانی به‌عس له‌ کوردستانی خۆرهه‌ڵات بکرێته‌وه‌.10. – گرنگی به‌ ناوچه‌ی قوربانییان ( هه‌ڵه‌بجه‌ ، ئه‌نفال) بدرێت ، له‌ هه‌موو بواره‌کاندا ،ئاوه‌دانکردنه‌وه‌ ، خزمه‌تگوزاری ، خوێندن ، پیشه‌سازی ..... پێشکه‌ش بکرێت .11. -باشترین ڕێگه‌ بۆ کۆتایی هێنان به‌ جینۆسایدکردنی کورد، دیاری کردنی چاره‌نوسییه‌تی به‌ ده‌ستی خۆی، ئه‌ویش له‌ ڕێگه‌ی ئه‌نجامدانی ڕاپرسییه‌کی ته‌واو ئازاده‌وه‌ .به‌م هۆیه‌وه‌ داوا له‌ UN ده‌که‌ین گوێ له‌ داخوازی جه‌ماوه‌ری کوردستان بگرێت له‌ ئه‌نجامدانی ڕیفراندۆمێکی ئازادو ته‌واو دیموکراسی له‌ کوردستان.12. – پێویسته‌ هه‌موو قوربانییانیی کوردستان شکایه‌ت له‌ سه‌ر سه‌رانی به‌عس تۆمار بکه‌ن ، چونکه‌ ته‌نها ئه‌وانه‌ی شکایه‌ت ده‌که‌ن ده‌توانن قه‌ره‌بوو وه‌رگرنه‌وه‌ ، سستی نواندن و هاوکاری نه‌کردنی دادگای به‌رزی تاوانه‌کان به‌کارێکی نه‌گه‌تیف و زۆر خراپ ده‌زانیین ، پێویسته‌ هه‌موو پارت و لایه‌ن و که‌س و گروپه‌کان شکایه‌ت له‌سه‌ر سه‌رانی به‌عس و تاوانباران تۆمار بکه‌ن و هاوکاری جدی دادگای به‌رزی تاوانه‌کان بکه‌ن ، 13. -هه‌ر هه‌موو ئه‌وتاوانبارانه‌ی به‌شدارییان له‌ جینۆسایدکردنی گه‌لی کورددا کردووه‌ پێویسته‌ به‌ بێ جیاوازی دادگایی بکرێن .

کۆمیته‌ی یادکردنه‌وه‌ی کاره‌ساتی هه‌ڵه‌بجه‌ له‌ هۆڵه‌ند
7-3-2006

فیدراسیۆنی کۆمه‌ڵه‌ کوردییه‌کان - هۆڵه‌ند یه‌کێتی نیشتمانی کوردستان - کۆمیته‌ی به‌نه‌لۆکسFED-KOM پارتی دیموکراتی کوردستان- ڕێکخراوی ئه‌مستردام تیپی مۆسیقای بێلان یه‌کێتی قوتابیان و لاوانی دیموکراتی کوردستانهونه‌رمه‌ند ڕێناس کۆمه‌ڵه‌ی خوێندکارانی کوردستان کۆمه‌ڵه‌ی کلتوری کورد له‌ ده‌نهاخناوه‌ندی هه‌ڵه‌بجه‌ دژ به‌ ئه‌نفالکردن و جینۆسایدی گه‌لی کورد- چاک
نا بۆ جینۆسایدکردنی کورد نا بۆ هه‌ڵه‌بجه‌یه‌کی تر

************************
با هه‌موومان پێکه‌وه‌ له‌ ژێر جامانه‌که‌ی عومه‌ر خاوه‌ر کۆببینه‌وه‌
بانگه‌وازی ڕه‌وه‌ندی کوردی ده‌که‌ین له‌ هۆڵه‌ندا و ده‌وروبه‌ری ، له‌ پێناو به‌ دادگایی گه‌یاندنی تاوانباران و به‌ جیهانیکردنی ڕۆژی 16-3 ، ڕۆژی 19-3 له‌ شاری ئه‌مستردام گۆڕه‌پانی دام به‌شداری ڕێوڕه‌سمی یادی هه‌ڵه‌بجه‌ بکه‌ن .سه‌ره‌تای یاده‌که‌ به‌ پانۆرامای نمایشی جه‌ماوه‌ری کاره‌ساتی کیمیاباران ده‌ست پێ ده‌کات ، که‌ هه‌موو ئاماده‌بووانی خۆشه‌ویست ده‌بنه‌ به‌شێک له‌ پانۆراماکه‌ ، به‌ دانانی گوڵ له‌سه‌ر وێنه‌ی عومه‌ر خاوه‌ر کۆتایی دێت .پاشان وتاری په‌رله‌مانتار و پارته‌ هۆڵه‌ندییه‌کان ده‌خوێنرێته‌وه‌ .به‌ دوایدا وتار و بروسکه‌ی کۆمیته‌ی ئاماده‌کار و خه‌ڵکی هه‌ڵه‌بجه‌و سه‌رده‌شت و برا یه‌زیدییه‌کان و پارته‌کانی هه‌ر چوار پارچه‌ی کوردستان پێشکه‌ش ده‌کرێت .دواتر به‌رنامه‌ی هونه‌ری درێژه‌ی ده‌بێت ، تیپی مۆسیقای بێلان ، تیپی کاوه‌ که‌رکووکی ، تیپی مۆسیقای به‌دیل له‌ کوردستانی باکوور ، هونه‌رمه‌ندان (( دانیا ، باخان ، شێروان )) و (( کامه‌ران کوردۆ له‌ کوردستانی سوریاوه‌ )) مه‌راسیمه‌که‌مان بۆ ده‌ڕازێننه‌وه‌ .هاوکات به‌رهه‌می هه‌مه‌ڕه‌نگی هونه‌ری له‌ چوارچێوه‌ی مه‌راسیمه‌که‌ پێشکه‌ش ده‌کرێت ، مه‌راسیمه‌که‌ تا کاتژمێر 6 ی ئێواره‌ به‌رده‌وام ده‌بێت .کات : یه‌ک شه‌ممه‌ 19-3-‏2006‏‏کاتژمێر : 1،30پاش نیوه‌ڕۆ .شوێن : شاری ئه‌مستردام ،گۆڕه‌پانی دام .
کۆمیته‌ی یادکردنه‌وه‌ی هه‌ڵه‌بجه‌ ( هۆڵه‌ند ) .تیپی مۆسیقای بێلان کۆمیته‌ی به‌نه‌لۆکسی ی ن کهونه‌رمه‌ند ڕێناس ڕێکخراوی ئه‌مستردام پ د کفدراسیۆنی کۆمه‌ڵه‌ کوردییه‌کان – هۆڵه‌ندی فید کۆمیه‌کێتی قوتابیان و لاوانی کوردستان .کۆمه‌ڵه‌ی خوێندکارانی کوردستان کۆمه‌ڵه‌ی کولتوری کورد له‌ ده‌نهاخ
ناوه‌ندی هه‌لچه‌بجه‌ دژ به‌ ئه‌نفالکردن و جینۆسایدی گه‌لی کورد- چاک
بۆپه‌یوه‌ندی

+31647812652Of mail: khadir8@yahoo.comAlimahmud2001@yahoo.com0152129446kaiwan8@hotmail.com 06463377240640748820

***********************
گوڵاڵه‌ ساڵه‌ح خزمه‌تێکی گه‌وره‌ ده‌کات به‌ دۆزی جینۆسایدی کورد

بڕیار وایه‌ ئه‌مساڵ له‌ ساڵیادی کاره‌ساتی هه‌ڵه‌بجه‌ شاندێکی گه‌وره‌ی ئیتاڵی و ژاپۆنی به‌شداری یادی 18 ساڵه‌ی کاره‌ساتی هه‌ڵه‌بجه‌ بکه‌ن ، ژنه‌ کوردی گه‌رمیانی گوڵاڵه‌ ساڵه‌ح له‌به‌ر ئه‌وه‌ی بۆخۆی تاڵی و سوێری ئه‌نفال و ته‌عریبی چه‌شتووه‌ ، ئه‌م خزمه‌ته‌ گه‌وره‌یه‌ی به‌ کورد گه‌یاند .شانده‌ ئیتاڵییه‌که‌ پێکهاتووه‌ له‌ 3 سه‌رۆکی شاره‌وانی و 2 نوێنه‌ری سه‌رۆک شاره‌وانی و سه‌رۆکی ڕێکخراوی نێو ده‌وڵه‌تی و سکرتێری گشتی ئای پی بی ئیتاڵی که‌ کار ئه‌کات دژ به‌ به‌کارهێنانی چه‌کی کیمیاوی ، جێگیری سه‌رۆکی ڕێکخراوی شاره‌وانی بۆ ئاشتی ، که‌ له‌ فیبریوه‌ری 2005 شاری هه‌ڵه‌بجه‌ وه‌ک یه‌که‌م شاری کوردی بوو به‌ ئه‌ندام تیایدا .شانده‌که‌ نامه‌ی سه‌رۆک کۆماری ئیتاڵیایان پێیه‌ ، تیایدا پشتگیری له‌ هه‌وڵه‌کانی شانده‌که‌ ده‌کات ، له‌گه‌ڵ نامه‌ی سه‌رۆکی شاره‌وانی هیرۆشیما و نامه‌ی چه‌ندین سه‌رۆکی شاره‌وانی دیکه‌ی ئیتاڵیا .هاوکات فلیمی دیکۆمێنتی هه‌ڵه‌بجه‌ که‌ پارساڵ له‌ ئیتاڵیا نمایش کرا له‌ هه‌ڵه‌بجه‌ جارێکی دیکه‌ نمایش ده‌کرێته‌وه‌ ، ئه‌م فلیمه‌ گوڵاڵه‌خان به‌ هاوکاری ناوه‌ندی هه‌ڵه‌بجه‌ دژ به‌ ئه‌نفالکردن و جینۆسایدی گه‌لی کورد -چاک ئاماده‌ی کردووه‌ ، نمایشکردنی له‌ پارساڵدا کاریگه‌ری گه‌وره‌ی له‌ سه‌ر ئاماده‌ بووان دانا و کاره‌ساتی هه‌ڵه‌بجه‌ی به‌ گه‌وره‌یی خۆی ناساند .هه‌روه‌ها شانده‌که‌ دوو ڕۆژنامه‌نووسی ئیتاڵییان له‌گه‌ڵدایه‌ ڕاسته‌وخۆ هه‌واڵه‌کان بۆ ئیتاڵیاو ئه‌وروپا ده‌نێرن ، له‌وانه‌ (( .kanali ASMANI (RAI NWES 24هاوکات جان ئه‌ندریا به‌رتۆنی ته‌مه‌ن 14 ساڵه‌یان له‌ گه‌ڵدایه‌ ، یه‌که‌م مناڵه‌ له‌ جیهان بچێته‌ ناو نه‌ته‌وه‌یه‌کگرتووه‌کان و داوای قه‌ده‌غه‌کردنی چه‌کی کیمیاوی بکات .هه‌روه‌ها میوانه‌کان بۆ مناڵانی هه‌ڵه‌بجه‌ 500 دیارییان پێیه‌ ، سه‌رباری هه‌ڵه‌بجه‌ سه‌ر له‌ شاره‌کانی چه‌مچه‌ماڵ و که‌رکووکیش ده‌ده‌ن .ئێمه‌ وه‌ک ناوه‌ندی چاک ئه‌م هه‌وڵه‌ی گه‌وره‌یه‌ی گوڵاڵه‌ ساڵه‌حی هاوکارمان له‌ ئیتاڵیا زۆر به‌رز ده‌نرخێنین ، مێژووش له‌ لاپه‌ڕه‌ دره‌وشاوه‌کانی هه‌موو ئه‌م شێوه‌ هه‌وڵانه‌ به‌ زێر ده‌نووسێته‌وه‌ ، قه‌تیش گوڵاڵه‌و گوڵاڵه‌کان له‌ یاد ناکات .له‌ کۆتاییدا هیوادارین ساڵی داهاتوو گوڵاڵه‌ به‌ هه‌وڵی خۆی سه‌رده‌شت و گۆپته‌په‌و زه‌رده‌و شێخ وه‌سانانیش له‌ یاد نه‌کات و بیانکان به‌ ئه‌ندامی شاره‌وانی ئاشتی جیهانی . خه‌ڵکی کوردستان به‌ گشتی و شاره‌کانی هه‌ڵه‌بجه‌و که‌رکووک و گه‌رمیان به‌ تایبه‌تی پێویسته‌ پێشوازی ژنێکی پاڵه‌وان و به‌ وه‌فا به‌رامبه‌ر به‌ قوربانییان له‌ گوڵاڵه‌ی دۆست و هاوکارمان بکه‌ن .

Thursday, March 09, 2006

کۆبوونه‌وه‌یه‌ک له‌ پێناو "به‌ره‌ی کوردستانی" دا

کۆبوونه‌وه‌یه‌ک له‌ پێناو "به‌ره‌ی کوردستانی" دا

پاش ماوه‌یه‌ک هاتووچۆ و وتووێژ‌ی به‌ڕێز د.سامان شالی سه‌رۆکی knc له‌گه‌ڵ حیزب و رێکخراوه‌ سیاسییه‌کانی رۆژهه‌ڵاتی کوردستان، به‌ ره‌زامه‌ندیی ئه‌ولایه‌نانه‌ی که‌ به‌ڵێنی به‌شدارییان دابوو کات و شوێن بۆ به‌یه‌کگه‌یشتنی لایه‌نه‌کان و پێکهێنانی کۆبوونه‌وه‌ی چاوه‌ڕوانکراو، دیاریی کرا.

بۆ ئه‌م مه‌به‌سته سه‌عات 11ی پێشنیوه‌ڕۆی رۆژی دووشه‌ممه‌ 15/12/2705 (6/3/2006)، به‌ڕێز د.سامان شالی له‌ شوێنی دیاریکراو له‌ پێشوازیی رێبه‌رایه‌تی حیزب و لایه‌نه‌ سیاسییه‌کاندا بوو.

ئه‌و حیزب و لایه‌نانه‌ی بانگهێشتی کۆبوونه‌وه‌که‌ کرابوون بریتی بوون له‌:

1- کۆمه‌ڵه‌ی شۆڕشگێڕی زه‌حمه‌تکێشانی کوردستانی ئێران
2- کۆمه‌ڵه‌- رێکخراوی کوردستانی حیزبی کۆمۆنیستی ئێران
3- سازمانی خه‌باتی نه‌ته‌وایه‌تی و ئیسلامی کوردستانی ئێران(خه‌بات)
4- حیزبی دیمۆکراتی کوردستانی ئێران
5- یه‌کێتی شۆڕشگێڕانی کوردستان

له‌ کوێ ئه‌و 5 هێزه‌، ته‌نیا شاندی 3 لایه‌ن ئاماده‌ی کۆبوونه‌وه‌که‌ بوون که‌ بریتی بوون له‌:

1- حیزبی دیمۆکراتی کوردستانی ئێران
2- سازمانی خه‌باتی نه‌ته‌وایه‌تی و ئیسلامی کوردستانی ئێران(خه‌بات)
3- یه‌کێتی شۆڕشگێڕانی کوردستان
له‌و کۆبوونه‌وه‌یه‌دا، سه‌رۆکی KNC خۆشحاڵیی خۆی له‌ ئاماده‌بوونی ئه‌و 3 لایه‌نه‌ ده‌ربڕی و ئاماده‌بوونیانی نیشانه‌ی راستگۆیی له‌ به‌ ته‌نگه‌وه‌ هاتن بۆ پرسی هاوکاری و پێکهێنانی به‌ره‌ی کوردستانی دانا. هه‌روه‌ها شاندی ئه‌و هێزه‌ سیاسییانه‌، سوپاس و قه‌درزانییان پێشکه‌شی سه‌رۆکی KNC کرد سه‌باره‌ت به‌ حه‌ول و ته‌قه‌لای بۆ یه‌کخستنی هێز و لایه‌نه‌ سیاسییه‌کانی رۆژهه‌ڵاتی کوردستان.

له‌قسه‌ و باسه‌کانی هه‌رکام له‌ لایه‌نه‌کاندا پێ له‌سه‌ر زه‌روره‌تی هاوکاری و به‌ره‌ی کوردستانی داگیرایه‌وه‌ و داوایان له‌ KNC کرد درێژه‌ به‌ تێکۆشانی خۆی له‌و پێناوه‌دا بدا.
د. سامان شاڵی سه‌رۆکی KNC و رێکخه‌ری کۆبوونه‌وه‌که‌، به‌ ئاماده‌بووان رایگه‌یاند که‌ راپۆرتی چالاکی و ته‌قه‌لای خۆی بۆ پێکنزیک کردنه‌وه‌ی هێزه‌ سیاسیه‌کان و رێکخستنی ئه‌و کۆبوونه‌وه‌یه‌ به‌ بیروڕای گشتی راده‌گه‌یه‌نێ و درێژه‌ به‌ حه‌وله‌کانی خۆی ده‌دا.

یه‌کێتی شۆڕشگێڕانی کوردستان
17/ره‌شه‌مه‌ی/2705

Saturday, March 04, 2006

رۆشنبیر؟ هه‌رخۆم!

له‌رۆژهه‌ڵاتی کوردستان:

رۆشنبیر؟ هه‌رخۆم!
ئه‌وی تر؟ نۆکه‌ری ده‌سه‌ڵات!



نوسینی: دکتۆر روئیا تلوعی

رۆشنبیری چیه‌،رۆشنبیر کێیه‌؟ئه‌م‌ پرسیاره‌ ده‌مێکه‌ نووسه‌ران و چالاکانی رۆژهه‌ڵاتی کوردستانی سه‌رقاڵ کردوه‌ . زۆربه‌یان په‌نا ده‌به‌ن بۆ نووسراوه‌کانی ئێدوارد سه‌عید و سارتر و کێ و کێ و چه‌ند رسته‌ی لێ ده‌ردێنن وده‌یڵێنه‌وه‌ و به‌رده‌وامیش خۆیان له‌و رستانه‌دا ده‌بیننه‌وه‌و ده‌خوێننه‌وه.رۆشنبیر ره‌خنه‌گه‌ره‌،نه‌ترسه‌،چه‌ند هه‌نگاو پێشتره‌ له‌ خه‌ڵکی کۆمه‌ڵگا،داهاتوو و رووداوه‌کان ده‌خوێنێته‌وه‌،به‌ سه‌واد و خوێنده‌واره،دژ به‌ ده‌سه‌ڵاته‌ و خوازیاری قودره‌ت نیه‌ و ...هتد.

پرسیارێکی تر چۆنیه‌تی پێوه‌ندی رۆشنبیر و ده‌سه‌ڵاته‌ و دیاره‌ باسی ده‌سه‌ڵات له‌ رۆژهه‌ڵاتی کوردستان و راده‌ی کارتێکردنی رۆشنبیر و ده‌سه‌ڵات له‌یه‌کتریندا،به‌ هۆی جیاوازی بارودۆخی سیاسی باشوور و رۆژهه‌ڵاتی کوردستان له‌ یه‌ک جیاوازه‌.ئێمه‌ رووبه‌ڕووی ده‌سه‌ڵاتێکی داگیرکه‌ر و تۆتالیتاری ئایینین که‌ دان به‌ مافه‌کانماندا نانێت. ده‌سه‌ڵاتێک که‌ دژ به‌ ئێمه‌یه‌ و له‌ ئێمه‌ نیه‌.ده‌سه‌ڵاتێک که‌ دژ به‌ ژن و دژ به‌ مرۆڤه‌.ده‌سه‌ڵاتێک که‌ به‌م هه‌موو تایبه‌تمه‌ندییه‌ ناحه‌زه‌شه‌وه‌ ،کورد نیه‌ ودژی کوردیشه‌.دیاره‌ شێوه‌ی هه‌ڵسوکه‌وت له‌گه‌ڵ ئه‌م ده‌سه‌ڵاته‌دا جیاوازه‌ له‌ ده‌سه‌ڵاتی کوردی له‌ باشوور که‌ به‌ هه‌موو که‌م و کووڕییه‌کانیه‌وه‌ له‌م چاخه‌دا مه‌زنترین ده‌سکه‌وتی نه‌ته‌وه‌ی کورده‌.ده‌سه‌ڵاتی داگیرکه‌ر و دژه‌ مرۆڤی کۆماری ئیسلامی ئێران پێگه‌ی ژنی زۆر نزم کردوه‌ وبه‌داخه‌وه کاریگه‌رێتی زۆر خراپی له‌سه‌ر رۆشنبیری کوردی ئه‌م ناوچه‌ش بوه‌. باوه‌ که‌ پیوه‌ری گه‌شه‌ی کۆمه‌ڵگاکان له‌ رووی ئاستی گه‌شه‌ی ژنانی ئه‌و کۆمه‌ڵگاوه‌ هه‌ڵده‌سه‌نگێنن.به‌ رای من ده‌شتوانین له‌ هه‌ڵسه‌نگاندنی بارودۆخی ژنان له‌ پانتای رووناکبیری کۆمه‌ڵگایه‌کدا ئاستی رووناکبیری ئه‌و کۆمه‌ڵگا هه‌ڵسه‌نگێنین.پێم وایه‌ له‌م تێڕوانینه‌دا تێبگه‌ین رووناکبیری له‌ رۆژهه‌ڵاتی کوردستان تووشی خه‌سارگه‌لی زۆر جیدییه‌.

‌ که‌ش و هه‌وای رۆشنبیری رۆژهه‌ڵاتی کوردستان به‌ پێی ئه‌زموونێک که‌ بوومه‌ به‌‌ ته‌واوی له‌ ژێر ده‌سه‌ڵاتێکی پیاوسالارانه‌ و دژ به‌ ژنه‌ .ئه‌مه‌ش ده‌گه‌ڕێته‌وه‌‌ بۆ که‌ش و هه‌وای سیاسی و کۆمه‌ڵایه‌تی و فه‌رهه‌نگی گشتی ئێران که‌ کاریگه‌رێتی زۆری له‌سه‌ر کۆمه‌ڵگای کوردی رۆژهه‌ڵات و ته‌نانه‌ت کۆمه‌ڵی رۆشنبیری ئه‌م ناوچه‌ش بوه‌. هه‌روا که‌ له‌ کولتووری مه‌زهه‌بی و یاساکانی ئێراندا ژن به‌ مرۆڤ ناژمێردرێ و به‌ نیوه‌ی پیاو و کۆیله‌یه‌کی جنسی داده‌ندرێ و باوه‌ڕ به‌ ژن نیه‌ - چ له‌ لایه‌ن پیاوانه‌وه‌ و چ له‌ لایه‌ن خودی ژنانیشه‌وه‌- به‌داخه‌وه‌ ئه‌م چه‌شنه‌ بیرکردنه‌وه‌ و کرده‌وه‌ی کاریگه‌ر له‌و جۆره‌ بیر و فکره‌، له‌ رووناکبیرانی رۆژهه‌ڵاتدا زۆر ده‌بیندرێ.به‌ پێچه‌وانه‌ی قسه‌ ره‌نگاوڕه‌نگ وبه‌ رواڵه‌ت جوانه‌کانیان زۆربه‌ی پیاوانی رۆشنبیری ئه‌م ناوچه‌ باوه‌ڕیان به‌ ژن و رۆشنبیری و چالاکی ژنان نیه‌ و ژنان تا ئه‌و کاته‌ بۆیان هه‌یه‌ وه‌ک رووناکبیربناسرێن که‌ به‌ڵێ وێژی پیاوان بن و وا نه‌بێ بێئه‌خڵاقن وبێکارن وبه‌س خۆیان ده‌نوێنن و به‌شوێن ناودا ده‌گه‌ڕێن و بێسه‌وادن و ...هتد.یه‌ک له‌ نموونه‌کانی ئه‌م روانگه‌ هه‌ڵه‌ و ناشرینه‌ ده‌توانن له‌ ئه‌رشیڤی کڵاورۆژنه‌ و له‌ نووسینی یه‌ک له‌و رووناکبیره‌ شۆڕشگێڕانه‌دا ببینن که به‌ مه‌به‌ستی سووکایه‌تی کردن به‌ ژنان داوا له‌ بڕێک ژنی رووناکبیری رۆژهه‌ڵاتی کوردستان ده‌کات بۆ چاره‌سه‌ری کێشه‌ی کورد سێکس به‌ کار بێنن و ماچ به‌ ده‌سه‌ڵاتداران به‌ن!! ئه‌م نووسینه‌ ئاماژه‌ به‌ روانگه‌ی سێکسی ژن به‌ شه‌ره‌ف زانین و،ژن به‌س به‌ شمه‌کێکی جنسی ناسین، ده‌کات. له‌م روانگه‌دا هه‌وڵی ژن و خه‌باتی ژن دیسان له‌ جنسی ژندا ده‌بیندرێته‌وه‌ و که‌واته‌ ژن بۆی نیه‌ بۆ رزگاری نه‌ته‌وه‌که‌ی تێبکۆشێ چونکه‌ پرسی شه‌ره‌ف و سێکسی ژن دێته‌ ئاراوه‌. پیاو پێوه‌ری شه‌ره‌ف نیه‌ که‌واته‌ ده‌توانێ خه‌بات بکات و خه‌بات و تێکۆشانی سیاسی به‌س شایسته‌ی پیاوانه‌!لێره‌دا مه‌به‌ستم کوتان و تێکشکاندنی که‌سایه‌تی ئه‌و براده‌ره‌ نیه-هه‌رچه‌ند ئه‌وه‌نده‌ ئازا نه‌بوه‌ به‌ نووسین دیان به‌ هه‌ڵه‌ی خۆیدا بنێت - ،به‌ڵکو ئاماژه‌یه‌ به‌وه‌ی فه‌رهه‌نگی زاڵ و هه‌ڵه‌ی دژ به‌ ژن‌ له‌ ئێران به‌داخه‌وه‌ له‌سه‌ر فکر و ئه‌ندێشه‌ی تاقمێکی زۆر _ نه‌ به‌ گشتی هه‌موو- له‌چالاکانی بواری رۆشنبیری کوردستانیش کاریگه‌ر بوه‌.گه‌نجی رۆژهه‌ڵاتی هێشتا نه‌یتوانیوه‌ فکری خۆی له‌و کاریگه‌رێتییه‌ رزگار کات.له‌وانه‌یه‌ به‌ خوێندنه‌وه‌ی ئه‌م دێڕانه‌ پیاوانی رووناکبیر هه‌ست به‌ تووڕه‌یی و گرژی بکه‌ن به‌ڵام داوایان لێ ده‌که‌م به‌س بۆ چه‌ند چرکه‌ به‌ خۆیاندا بچنه‌وه‌ و بزانن ئایا چه‌ند باوه‌ڕیان به‌ رۆشنبیری ژنان هه‌یه‌ و ئایا بوونێکی سه‌ربه‌خۆیان بۆ ژنان به‌ ره‌سمی ناسیوه‌ یا چه‌نده‌ دژ به‌وه‌ وێستاونه‌ته‌وه‌؟هێشتا ژن چه‌نده‌ به‌ شمه‌کێکی جنسی ده‌ناسن و ئایا به‌ڕاستی گه‌یشتوونه‌ ئه‌و راده‌ که‌ ژنان له‌ڕووی فکرییانه‌وه‌ هه‌ڵسه‌نگێنن نه‌ک سه‌ره‌تا بڕواننه‌ جوانی و جه‌سته‌ی؟

به‌داخه‌وه‌ کاریگه‌رێتی ئه‌و فه‌رهه‌نگه‌ هه‌ڵه‌یه‌ له‌سه‌ر خودی ژنانیش که‌م نه‌بوه‌ و باوه‌ڕ به‌خۆ له‌ ژناندا زۆر نزم بۆته‌وه‌. زۆر له‌ ژنانی زانا له‌ رۆژهه‌ڵاتی کوردستان ده‌ناسم که‌ خه‌مگین و نائومێد پاشه‌کشه‌ له‌ چالاکی ده‌که‌ن بۆوه‌ی ناتوانن له‌گه‌ڵ ئه‌و فکرییه‌ته‌ له‌ ناوچه‌که‌دا به‌ربه‌ره‌کانێ بکه‌ن بۆ راگرتنی ئابڕوو بێده‌نگی هه‌ڵده‌بژێرن.بڕێک له‌و ژنانه‌ش که‌ له‌ پانتاکه‌دا ماونه‌ته‌وه‌ بوونه‌ته‌ دارده‌ستی پیاوان بۆ شانۆی رۆشنبیرنماییان و،له‌ کرده‌وه‌ دا هه‌رچه‌ند ژنن به‌ڵام دژ به‌ ژن ده‌وێستنه‌وه‌ و به‌ ده‌ستوور و په‌سندی پیاوان هه‌ڵسوکه‌وت ده‌که‌ن.ته‌نانه‌ت ژنی واش شک ده‌به‌م تا کچه‌ چالاکه‌ و هه‌ر شوو ی کرد ئه‌سه‌ری نامێنێت.به‌داخه‌وه‌ پیاوان،ژنان به‌ لاواز و حه‌سوود و به‌خیل ده‌زانن و زۆر جار هه‌وڵ ئه‌ده‌ن هه‌ستی به‌خیلی و حه‌ساده‌تی ژنان دژ به‌ ژنان ببزوێنن و ئه‌م هه‌سته‌ ناشرینه‌ ببێته‌ هۆکاری به‌رهه‌ڵست بوونه‌وه‌ی بڕێک ژن دژ به‌ ژنانی تر و هه‌ڵبه‌ت ژنانی حه‌سوودیش به‌م شیوه‌ به‌ بێ ئه‌وه‌ی ئاگادار بن
به‌داخه‌وه ده‌بنه‌ گاڵته‌جاری پیاوان. ئه‌م ده‌سته‌ ژنانه‌ هه‌مان وشه‌ و ده‌سته‌واژه‌گه‌لی
‌ پیاوانه‌ بۆ کوتانی ره‌قیبه‌کانیان به‌کار دێنن و به‌رده‌وام خۆیانی پێ سووکتر ده‌که‌ن.هۆکاری هه‌موو ئه‌مانه‌ش چ له‌ ژن و چ له‌ پیاوی رۆژهه‌ڵاتیدا ده‌گه‌ڕێته‌وه‌ بۆ ژێر ده‌سته‌ بوون و چه‌وسانه‌وه‌ و بێبه‌شی له‌ گه‌شه‌ی کولتووری که به‌داخه‌وه‌ ده‌سکه‌وته‌که‌ی به‌رته‌سکی فکری و فه‌رهه‌نگییه‌.هه‌ڵبه‌ت پێویسته‌ ئاماژه‌ به‌ ده‌سته‌یه‌ک ژنی رۆژهه‌ڵاتی بکه‌م که‌ هه‌وڵیان دا خۆیان له‌ ده‌سه‌ڵاتی پیاوسالارانه‌ی رۆشنبیری رۆژهه‌ڵاتی کوردستان رزگاربکه‌ن و به‌م بۆنه‌شه‌وه‌ رووبه‌ڕووی گرفت و ئازاری زۆر بوونه‌وه،به‌ڵام توانیان که‌م تا کورتێک رچه‌ بشکێنن و خۆیان له‌ کۆت و به‌ندی ده‌سه‌ڵاتی پیاوان نه‌ختێک رزگار که‌ن.

هه‌روا که‌ له‌ سه‌ره‌تاوه‌ باسم کرد پیاوانی رووناکبیر ژنان به‌ بێسه‌واد و که‌م خوێنده‌وار ده‌زانن و هه‌رکات ژنێک سه‌رکه‌وێ چونکه‌ له‌ روانگه‌ی پیاوسالارانه‌دا ژن به‌
بێ ده‌سه‌ڵاتی پیاو بوونی نیه‌ ،خێرا بۆ پیاوێک ده‌گه‌ڕێن که‌ یارمه‌تی ئه‌و ژنه‌ ده‌دات یان بۆی ده‌نووسێ!! سه‌یره‌ قه‌ت ناپرسن باشه‌ ئه‌و پیاوه‌ باسه‌واد و خوێنده‌واره‌ بۆ ئه‌و بابه‌ته‌ به‌ناوی خۆیه‌وه‌ نانووسێ؟ باوه‌ڕی به‌ خۆی نیه‌ وا له‌ پشت سه‌ری ژنێک خۆی شاردۆته‌وه‌؟ یان چۆن له‌ ناکاو به‌ پێچه‌وانه‌ی نووسینه‌کانی تریه‌وه‌ ،له‌سه‌ر ژنان ده‌نووسێت و به‌ ناو و بۆ ژنێکی تر؟!!جاری واشه‌ بڕێک پیاو خۆیان به‌ ناوبانگی ژنێکی سرکه‌وتوه‌وه‌ هه‌ڵده‌واسن که‌ ناوی خۆیانی پێوه‌ به‌رز که‌ن و ئه‌مه‌ش زیاتر له‌ ناتوانییان هیچی تر ناسه‌لمێنێ. نموونه‌ی ئه‌م کێشه‌ هه‌م بۆ خۆم و هه‌م بۆ خاتوونانی تریش له‌ رۆژهه‌ڵات رووی داوه‌.فڵان خانم که‌ له‌سه‌ر ئه‌ده‌بیاتی فێمینیستی ده‌نووسێ ،هی خۆی نیه‌ و مێرده‌ نووسه‌ره‌که‌ی که‌ ئه‌ندامی ده‌سته‌ی نووسه‌رانی فڵان هه‌فته‌نامه‌یه‌ بۆی ده‌نووسێ! فڵان شاعیر شیعری خۆی نیه‌ و فڵان پیاوی هه‌ورامی بۆی ده‌نووسێ ! فڵان چیرۆک کاری فڵان خانم نیه‌ و فڵان ئاغای چیرۆک نووس بۆی نووسیوه!فڵان خانم شیعری خۆی نیه‌ و مه‌عشووقه‌که‌ی بۆی ده‌نووسێ ووو.

هه‌ڵبه‌ت کێشه‌ی سه‌واد هه‌ر داوێنی ژنان ناگرێته‌وه‌ و پرسی سه‌واد و بێسه‌وادی و خۆبه‌ خوێنده‌وار زانین و خۆ هه‌ڵکێشان به‌ سه‌واده‌وه‌ پیاوان زیاتر ده‌گرێته‌وه‌ و ته‌نانه‌ت ده‌توانم بڵێم کێشه‌کی پیاوانه‌یه‌. زۆر جار دیومه‌ ده‌سته‌یه‌ک له‌ پیاوان ‌ چه‌ند کتێب ده‌خوێننه‌وه‌ و له‌به‌ری ده‌که‌ن و جا له‌ کۆر و دانیشتنه‌کانیاندا کێبه‌رکێی باسه‌وادییان ده‌ست پێ ده‌که‌ن.ئه‌مانه‌ده‌ست ئه‌که‌ن به‌ خۆهه‌ڵکێشان به‌و شتانه‌ی له‌به‌ریان کردوه و خوێنده‌وارییان به‌ چاوی یه‌کتردا ده‌کوتنه‌وه‌ هه‌وڵ ئه‌ده‌ن جۆرێک ناڕوون قسه‌ بکه‌ن و جۆرێک بنووسن که‌س لێیان تێنه‌گات به‌ڵکو به‌م شێوه‌ زاناتر بنوێنن!! وه‌ک بڵێی هه‌رکه‌س زیاتر کتێبی له‌ به‌رکردبێ یا ناڕوونتر بنووسێ رۆشنبیرتره‌!! لێره‌دا مه‌به‌ستم ره‌ت کردنه‌وه‌ی پێویستی به‌ خوێندنه‌وه‌ و به‌ده‌ست هینانی زانیاری نیه‌ به‌ڵکو ده‌مه‌وێ بڵێم خۆ هه‌ڵکێشان به‌ خوێندنه‌وه‌ نیشانه‌ی رووناکبیری نیه‌.زۆر جار ئه‌م که‌سانه‌ تووشی قه‌یرانێک ده‌بن وخۆیان زۆر به‌ گه‌وره‌ ده‌زانن و تووشی دابڕان له‌ خه‌ڵک ده‌بن. پێیان وایه‌ که‌س بایه‌خی ئه‌وان نازانێ و که‌س ده‌رکیان ناگات. که‌س به‌قه‌د ئه‌وان باسه‌واد و خوێنده‌وار نیه‌.جا دیوارێک له‌ نێو خۆیان و خه‌ڵکدا ده‌کێشن و زۆر لوت به‌رزانه‌ هه‌نگاو هه‌ڵده‌گرن و هه‌ڵسوکه‌وت ده‌که‌ن.سه‌یر ئه‌وه‌یه‌ هیچ له‌ زانیارییه‌کانیان هین خۆیان نیه‌ و له‌ راڤه‌و بیری خۆیانه‌وه‌ سه‌رچاوه‌ی نه‌گرتوه‌و بیرۆکه‌ی کۆن و بڕێک نوێی بیرمه‌ندانی رۆژئاواییه‌ که‌ ئه‌مان ته‌نانه‌ت نه‌شیانتوانیوه‌ خۆماڵی بکه‌نه‌وه‌ و ده‌قاوده‌ق بۆ کۆمه‌ڵگای نه‌ریتی و په‌ره‌نه‌سه‌ندوی خۆیان به‌کار دێنن.بڕێکیان ئه‌ده‌بیاتی نووسه‌رانی تر به‌ ئه‌ده‌بیاتی شاخ ده‌زانن و نووسینه‌ شێواوه‌کانی خۆیان به‌ نووسینی پۆست مۆدێڕن ده‌ناسێنن.جا که‌ ئیمه‌ی ژنیش هه‌وڵ ده‌ده‌ین فێمینیزم خۆماڵی که‌ینه‌وه‌ و فێمینیزمی رۆژئاوایی ده‌قاوده‌ق بۆ کۆمه‌ڵگای خۆمان نوسخه‌ نه‌که‌ین لێمان ده‌بنه‌ ده‌مڕاستی فێمینیزم و پێیان وایه‌ فێمینیزم به‌س رۆژئاواییه‌ و هیچی تر.

لێره‌دا پێویسته‌ ئاماژه‌ به‌وه‌ش بکه‌م به‌خیلی و حه‌سوودی رۆشنبیرانه‌ش!!! ته‌نیا تایبه‌ت به‌ ژنان نیه‌ و پیاوان له‌مه‌دا زۆر له‌ ژنان پێشکه‌وتووترن.ئێوه‌ تا ئیستاپیاویکی رۆشنبیری رۆژهه‌ڵاتیتان دیوه‌ دان به‌ ویتردا بنێ؟من که‌ نه‌مدیوه‌. زۆربه‌ی رووناکبیرانی رۆژهه‌ڵات ته‌نیا خۆیان به‌ رۆشنبیر ده‌زانن و ئه‌وانی تر ره‌ت ده‌که‌نه‌وه‌ و ته‌نانه‌ت هه‌رکه‌س له‌خۆیان ئازاتر و باڵاتر بوو بێ هیچ تێفکرینێک سه‌ر به‌ ده‌سه‌ڵاته‌!!!ئه‌گه‌ر زۆر خۆڕاگر بن و خێرا ئه‌وی تر به‌ پیاوی ده‌سه‌ڵات نه‌ناسن ،بیگومان تۆمه‌تی نه‌خوێنده‌واری و بێسه‌وادی لێده‌ده‌ن.بۆ سه‌لماندنی ڕاستی ئه‌م قسه‌ تکایه‌ سه‌یرێکی ئه‌رشیڤی سایته‌کان بکه‌ن و نووسینه‌کانی نووسه‌رانی دانیشتووی رۆژهه‌ڵات ببینن.بزانن له‌ چه‌ن ده‌رسه‌دیاندا تۆمه‌ت و سووکایه‌تی و تاوانبار کردنی یه‌کتر به‌ جاشیه‌تی وخۆفرۆشی ده‌بینن؟ ته‌نانه‌ت بڕێکیان که‌ له‌ کۆمه‌ڵگادا پێگه‌ و جێگه‌یه‌کی ئه‌وتۆ نادۆزنه‌وه‌ سایته‌کان به‌ جێگای خاڵی کردنه‌وه‌ی داخه‌کانی خۆیان ده‌زانن و به‌م شێوه‌ ئینته‌رنێت تراپی ده‌که‌ن.له‌وانه‌یه‌ ره‌خنه‌م لێ بگرن که‌ نووسینی سایته‌کان ناتوانێ هه‌موو شێوازی نووسینه‌کان بگرێته‌وه‌ و هه‌موان ناتوانین به‌م شێوه‌ هه‌ڵسه‌نگێنین،به‌ڵام وه‌ک دانیشتوویه‌کی رۆژهه‌ڵات و به‌ پێی ئه‌زموونی خۆم ده‌ڵێم هه‌رچه‌ند نکووڵی له‌ کاره‌ چاکه‌کان ناکه‌م،به‌ڵام ئه‌و چه‌شنه‌ نووسین و سووکایه‌تی کردنانه‌ ره‌نگدانه‌وه‌یه‌کی کولتووری باوی ئه‌م ناوچه‌یه.‌ به‌داخه‌وه‌ ئیتلاعاتی ئێرانیش له‌م تایبه‌تمه‌ندییه‌ ناحه‌زه‌ زۆر که‌ڵکی وه‌رگرتوه‌ و رۆشنبیرانی کردۆته‌ گیان یه‌ک و یان به‌ شایعه‌ و نووسین ناوخراپی کردوون.ئه‌گه‌ر ئه‌م کاره‌ ناشرینه‌ له‌ کۆمه‌ڵگای ئێمه‌دا بایه‌خی نه‌بوایه‌ و گوێی پێ نه‌درایه‌ ئیتلاعاتیش وه‌ها لێی به‌هره‌مه‌ند نه‌ده‌بوو.که‌واته‌ خۆشمان به‌ قه‌ت ئیتلاعات تاوانبارین. رووناکبیرانی ئێمه‌ ئه‌و هێزه‌ی تاکوو ئیستا بۆ سه‌رکوت کردنی یه‌کتر به‌ کاریان هێناوه‌ بیانخستایه‌ گه‌ر بۆ به‌ره‌وڕوو بوونه‌وه‌ له‌گه‌ل ده‌سه‌ڵاتی ئێران له‌وانه‌یه‌ رۆژهه‌ڵاتی کوردستانیان رزگار کردبایه‌.

به‌هه‌رحاڵ دوای ئه‌م گشته‌ ره‌خنه‌ و گله‌یی و گازنده‌ ده‌مه‌وێ پرسیارێک بێنمه‌ گؤڕێ. ئایا له‌ سه‌رده‌می عه‌وله‌مه‌ یا به‌ جیهانیبوون و ده‌سڕه‌سی به‌رفراوانی کۆمه‌ڵانی خه‌ڵک به‌ زانیاری هه‌مه‌ چه‌شنه،دیسان ده‌توانین هه‌مان پێناسه‌ پێشوه‌کانمان بۆ رۆشنبیر بێت؟ ئایا به‌ڕاستی ده‌توانین بڵێین رۆشنبیر له‌ ئاستی خه‌ڵکانی کۆمه‌ڵگا به‌ره‌وسه‌رتره‌ له‌ حاڵێکدا به‌ هۆی ئامرازه‌کانی پێوه‌ندی گشتی وه‌ک ساته‌لایت و ئینته‌رنێت و هتد ،هه‌موان ده‌توانن چرکه‌ به‌ چرکه‌ ئاگاداری رووداوه‌ نوێکانی جیهان و زانیارییه‌ تازه‌کان بن؟له‌ بیر نه‌که‌ین ئیستا دووکاندارێکی ئاسایی ، کرێکارێک ،کارمه‌ندێک ،ژنێکی کابان ، گه‌نجێک و هه‌ر که‌سێک له‌سه‌ر پرسگه‌لی ده‌ورو به‌ری خۆی راڤه‌ ده‌کات. که‌واته‌ یان له‌م هه‌لومه‌رجه‌دا رووناکبیر ئێجگار زۆر ده‌بن یا ده‌بێ پێوه‌ره‌کانی رووناکبیری بگۆڕن و سه‌ختتریان که‌ن.به‌ ڕای من ئیمڕۆ زۆربه‌ی خه‌ڵکانێک که‌ ده‌سڕه‌سییان به‌ زانیارییه‌کان هه‌یه‌ رووناکبیرن و پێویست ناکا تاقمێک قیافه‌یان بۆ بگرن و ته‌حلیل و راڤه‌یان بۆ بکه‌ن.پێم وایه‌ ئیستا خه‌ڵک ده‌توانن رووناکبیری و رووناکبیران به‌رنه‌ ژێر پرسیار و گومان.ئیمڕۆ ده‌توانین بۆوه‌ی له‌ عه‌قلی گشتی دوا نه‌که‌وین راوێژ به‌ خه‌ڵک بکه‌ین و چۆنییه‌تی بیر و بڕوایان بخوازین.به‌س لێره‌دا گرفتێک دێته‌ ئاراوه‌ و ئه‌وه‌ش کاریگه‌رێتی زۆر زۆری ئیمراتۆری پرۆپاگه‌نده‌ و ره‌کلامه‌ له‌سه‌ر کانالیزه‌ کردنی بیر و رای گشتی که‌ هه‌ڕه‌شه‌ له‌ سه‌ربه‌خۆیی بڕیاره‌کان و بیری گشتی (افکار عمومی) ده‌کات و ئه‌مه‌ش مه‌ترسییه‌کی گه‌وره‌یه‌ بۆ ئازادی.

له‌کۆتایی بابه‌ته‌که‌دا ده‌گه‌ڕێمه‌‌وه‌ سه‌ر باسی ده‌سه‌ڵات .ده‌سه‌ڵاتی کوردی له‌ باشوور به‌رهه‌می خوێنی شه‌هیدان و خه‌بات و تێکۆشانی سه‌رجه‌م شۆڕشگێڕانی گه‌لی کورده‌ و دیاره‌ پاراستنی بۆ هه‌موومان گرنگه‌،به‌ڵام ئه‌مه‌ حاشا له‌ پێویستی ره‌خنه‌گرتن و ریفۆرم ناکات.من ده‌سه‌ڵاتی کوردی به‌ به‌رهه‌می تێکۆشانی رۆشنبیران ده‌زانم و شتێکه‌ که‌ هین خۆیانه‌ نه‌ جیاواز له‌وان.واته‌ رۆشنبیر جیبهه‌یه‌ک نیه‌ و ده‌سه‌ڵاتی کوردی جیبهه‌یه‌کی تر.رۆشنبیری کورد بۆ چاکسازی ده‌سه‌ڵاتی کوردی ده‌بێ له‌ ده‌سه‌ڵاتدا به‌شدار بێت و ده‌بێ ئازادانه‌ ره‌خنه‌ی سازنده‌ی لێ بگرێت.نکووڵی له‌وه‌ش ناکرێ که‌ بۆ مسۆگه‌ر بوونی دیموکراسی له‌ ناوچه‌که‌دا وه‌ک نووسه‌رێکی به‌ڕێز نووسیبووی ته‌نیا ئاڵوگۆڕ له‌ پۆست و به‌رپرسایه‌تیه‌کاندا له‌ نێو رێبه‌رایه‌تی حیزبه‌کاندا ناتوانێ وڵامده‌ر بێت و پێویسته‌ ئاڵوگۆڕ له‌ په‌یکه‌ر‌ی حیزبه‌کانیشدا بکرێت و به‌رپرسایه‌تی به‌ جیلی نوێتری خاوه‌ن فکری نوێتر بسپێردرێ .واته‌ بۆ هه‌ر تاکه‌که‌سێک به‌رده‌وام رێبه‌ری حیزبێک و هه‌موو کاره‌ بێت؟ده‌بێ رێگا بۆ جیلی نوێش بکرێته‌وه‌.هه‌روه‌ها نابێ رێگا له‌ که‌سایه‌تی سه‌ربه‌خۆش بگیردرێ- که‌ به‌داخه‌وه‌ له‌ هه‌ڵبژاردنی لیستیدا که‌سایه‌تی سه‌ر به‌ خۆ زیاترین سته‌می لێ ده‌چێت_دیاره‌ ئه‌م رێگا کردنه‌وه‌ بۆ جیلی نوێ له‌ باشوور به‌داخه‌وه‌ رووبه‌ڕووی راوه‌ستانێکی به‌ هێز له‌ لایه‌ن خاوه‌ن ده‌سه‌ڵاته‌کانه‌وه‌یه‌ و رێگا کردنه‌وه‌ش بۆ جیلی نوێ خه‌باتێکی مه‌ده‌نی و هێمنانه‌ ده‌خوازێ .به‌ش به‌ حاڵی خۆم نایشارمه‌وه‌ نیگه‌رانی حیزبه‌کانی رۆژهه‌ڵاتی کوردستانیشم که‌ زیاتر له‌ بیست ساڵه‌ له‌ باشوور ده‌ژین و داخۆ ئه‌م کولتووره‌ چه‌ند کاریگه‌رێتی له‌سه‌ر ئه‌وانیش بووبێ؟ به‌هه‌رحاڵ پێم وایه‌ جیلی نوێی رۆژهه‌ڵاتیش ده‌بێ زۆر هێمنانه‌ و مه‌ده‌نی فکری نوێیان ته‌زریق بکه‌نه‌ حیزبه‌کانی خۆیانه‌وه‌ که‌ به‌هه‌رحاڵ له‌ ئاڵوگؤڕی سیاسی داهاتوودا خاوه‌ن ده‌سه‌ڵات ده‌بن.لێره‌دا پێویسته‌ ئاماژه‌ش به‌ پێوه‌ندی باشی حیزبه‌کانی رۆژهه‌ڵات و جیلی گه‌نجتر بکه‌م و ئه‌وه‌ی که‌ تا ئیستا به‌ رێز و حورمه‌ته‌وه‌ گوێیان بۆ قسه‌کانیان راگرتوه‌ و له‌ جێی خۆیشیدا به‌ قسه‌یان کردوون ،به‌ڵام ئه‌م پێوه‌ندییانه‌ ده‌بێ به‌ربڵاوترو کاریگه‌رتر ببێ و به‌تایبه‌ت پێگه‌ی ژنان پێویستی به‌ تێڕوانین و کاری جیدیتر هه‌یه‌.

له‌ ناو ئێران و رۆژهه‌ڵاتی کوردستان ده‌سه‌ڵات هه‌موو رێگایه‌کی گفتوگؤی به‌ستۆته‌وه‌ و دوای ئه‌زموونی شکست و هه‌ره‌س هێنانی ریفۆڕمخوازی پێم وایه‌ هه‌وڵ له‌گه‌ڵ کۆماری ئیسلامی به‌س خۆ ماندوو کردنه‌ و هیچ ده‌سکه‌وتی نه‌بوه‌ و نابێ .دیاره‌ جیبهه‌ی رۆشنبیرهه‌ر وه‌ک جیبهه‌ی خه‌ڵک،له‌ جیبهه‌ی ده‌سه‌ڵات جیایه‌ و هه‌ر چه‌شنه‌ نزیکبوونه‌وه‌یه‌ک به‌ چاوی گومانه‌وه‌ سه‌یر ده‌کرێ ته‌نانه‌ت ئه‌گه‌ر نییه‌تی خێریشی له‌ پشته‌وه‌ بێت.ئه‌م نه‌فره‌ته‌ له‌ ده‌سه‌ڵات به‌داخه‌وه‌ بۆته‌ ئامرازی ده‌ستی بڕێک رۆشنبیر نما که‌ نوقمی خۆپه‌رستین و هه‌ر که‌سیان به‌دڵ نه‌بێ یان له‌گه‌ڵ ئه‌وان نه‌بێ به‌خێرایی ده‌یلکێنن به‌ ده‌سه‌ڵاته‌وه‌.هه‌ر وه‌ک فارس ده‌ڵێن هه‌ر که‌س له‌گه‌ڵ ئێمه‌ نیه‌ له‌ ئێمه‌ نیه‌ ،زۆر له‌ تاک و ده‌سته‌ چکۆله‌کانی به‌ ناو رووناکبیری رۆژهه‌ڵاتیش پێیان وایه‌ رۆشنبیر واته‌ خۆیان و ئه‌وی تر واته‌ نۆکه‌ری ده‌سه‌ڵات .هه‌ڵبه‌ت له‌م ئێتیکێته‌شدا خۆشبه‌ختانه‌ یا به‌دبه‌ختانه‌ که‌س بێبه‌ش نه‌بوه‌ و به‌م شێوه‌ هه‌رچی رۆشنبیره‌ جاشه‌ مه‌گه‌ر سبه‌ینه‌ی رزگاری فایله‌کانی دژ به‌مه‌ بسه‌لمێنێ!!به‌ڕاستی مه‌خابن بۆ کۆمه‌ڵگایه‌کی وا که‌ ده‌سه‌ڵات ماوه‌ی 28 ساڵه‌ به‌ که‌ڵک وه‌رگرتن له‌م په‌رته‌وازه‌ بوونه‌ و دژایه‌تییه‌ ده‌یچه‌وسێنێته‌وه‌ و هێشتا نه‌یتوانیوه‌ به‌ سه‌ره‌کی ترین مافه‌کانی بگات. باشتره‌ جگه‌ له‌وه‌ی ده‌سه‌ڵات به‌ تاوانبار ده‌زانین نه‌ختێکیش به‌خۆماندا بچینه‌وه‌.