نامه‌یه‌ک سه‌باره‌ت به‌ ڕوونکردنه‌وه‌یه‌ک!

نامه‌یه‌ک سه‌باره‌ت به‌ ڕوونکردنه‌وه‌یه‌ک!

له‌ چه‌ند ڕۆژی ڕابردوودا و پاش بڵاوكردنه‌وه‌ی بابه‌تی "كێشه‌ی ناو؛ په‌یڤێك له‌سه‌رڕونكردنه‌وه‌‌یه‌ك" چه‌ند په‌یامم بۆ هاتوه‌. كه‌ ئه‌وه‌ی له‌ خواره‌وه‌ ده‌یخوێننه‌وه‌ وێنه‌ی یه‌كێك له‌و په‌یامانه‌یه‌. له‌گه‌ڵ سپاس و ڕێز بۆ هه‌موو دۆستان.
*****************
برای به‌ڕیزم كاك خالید عه‌زیزی
ئاگاداریه‌كه‌ی كاك خالید عه‌زیزی نوینه‌ری حیزبی دیموكراتم خوینده‌وه‌ كه‌ له‌ سایتی www.pdki-s.se بڵاو كراوه‌ته‌وه‌.
له‌ پیشدا پیم سه‌یر نه‌بو ، به‌ڵام، پاشان هیندی بیر كردنه‌وه‌ی له‌ لا دروست كردم...پیم سه‌یره‌ كه‌ خه‌ڵك نوسینی به‌ڕیزتان ئه‌خوینه‌وه‌ و وا ئه‌زانن كه‌ كاك خالیدی ئاوه‌ڵ ناوه‌، دوایش سه‌یرتر له‌وه‌ هه‌ڵویستی خودی كاك خالیده‌، له‌به‌ر ئه‌وه‌ داوا ئه‌كا كه‌ به‌ڕیزتان پیشگر و پاشگری له‌ سه‌ر ناوه‌كه‌ی خوتان دانین، من كه‌وتمه‌وه‌ بیری ئه‌وكاته‌ی كه‌ حیزبی دیموكرات دوبه‌ش ببو، ئه‌وانه‌ی سه‌ری، كه‌ ئه‌وكاته‌ كاك خالیدی نوینه‌ری ئیستایان دژیان بو ، ئه‌یان وت كه‌ نابی ناوی حیزب له‌ خو بنین، واته‌ جیا بوه‌وه‌كان ده‌كوژران له‌به‌ر ئه‌وه‌ی ناوی حیزبیان له‌ خو نابو، هه‌رچه‌ند پاشگریشیان له‌ سه‌ر پیشنیاری كاك خالید له‌ خو نابو...
كاك خالید عه‌زیزی نوینه‌ری حیزبی دیموكرات له‌ وه‌ڵاتی سوید ئه‌ژی و ده‌زانی كه‌ سه‌ره‌ك وه‌زیرانی سوید ناوی یوران په‌رشونه‌ و زور كه‌سی دیكه‌ش هه‌ن كه‌ هه‌ر هه‌مان ناویان هه‌یه‌ به‌ بی پاش و پیشگر.
زور جار كه‌سیك یان یوران په‌رشون ناویك له‌گه‌ل ڕادیو، ته‌له‌فزیون یان ڕوژنامه‌یه‌ك دا قسه‌ و چاوپیكه‌وتن ئه‌كا و هه‌رچی پی خوش بی ده‌یڵی..هه‌تا ئیستاش نه‌ كه‌س ته‌له‌فونی بۆ سه‌روك وه‌زیران كردوه‌ كه‌ پی وابو بی ئه‌وه‌ قسه‌ یان نوسراوه‌ی ئه‌وه‌ و نه‌ یورانیش به‌ كه‌سی وتوه‌ و ڕاگه‌یاندراوی له‌سه‌ر داوه‌ كه‌ شتی به‌ ناوه‌كه‌ی زیاد بكات...
له‌وانه‌ش گه‌ڕین، كاك خالیدی عه‌زیزی نوینه‌ری حیزبی دیموكرات ، ئیرانیه‌كی توخ و تونده‌ و مه‌گه‌ر كه‌سیك له‌ خه‌ودا بی كه‌ ئه‌وه‌ نه‌زانی و ئه‌وه‌ی به‌لای كاك خالیده‌وه‌ گرینگ نیه‌ كیشه‌ نه‌ته‌وایه‌تیه‌كانی نه‌ته‌وه‌كه‌مانه‌ و نه‌ بڕوای به‌ كوردستانی گه‌وره‌ هه‌یه‌ و نه‌ ئاماده‌شه‌ له‌وباره‌وه‌ شت بنوسی، بویه‌ من به‌لامه‌وه‌ سه‌یره‌ كه‌ ئه‌م داخویانیه‌ی داوه‌... داخوا ده‌بی ئه‌وانه‌ كی بن كه‌ ته‌له‌فونی بو ده‌كه‌ن و لی تی ناگه‌ن و نه‌گه‌یشتون....
به‌ هه‌ر حال وه‌ڵامه‌كه‌تم گه‌لی به‌ لاوه‌ به‌جی و جوانه‌ و هیوادارم كاك خالید بیخوینیته‌وه‌ و قه‌بوڵی بكات كه‌ له‌ ناو 40 میلیون مروڤا ناكری ته‌نیا یه‌ك كه‌س هاو ناو و پاش ناویان وه‌ك یه‌ك بن..
برات هیوا گه‌ڵ محه‌مه‌دی 040729

کێشه‌ی ناو؛ په‌یڤێک له‌سه‌ر ڕونکردنه‌وه‌یه‌ک!

کێشه‌ی ناو؛ په‌یڤێک له‌سه‌ر ڕونکردنه‌وه‌یه‌ک!
خالید عه‌زیزی

ڕونکردنه‌وه‌یه‌ک! له‌ ڕێکه‌وتی16ی جولای2004 به‌ناوی هێژایه‌که‌وه‌ له‌ سایتی کۆمیته‌ی سویدی حزبی دیموکراتی کوردستان بڵاوکراوه‌ته‌وه‌، که‌ ناوو ناسناوه‌که‌ی وه‌ک ناوو ناسناوی منه‌. ئه‌و هێژایه، به‌و پێیه‌ که‌ له‌ سایتێکی سه‌ر به‌ حزبی دیموکراتدا ڕوونکردنه‌وه‌که‌ی بڵاوکردۆته‌وه‌، ئه‌ندامی ئه‌و حزبه‌یه‌و هه‌روه‌ک له‌ ڕوونکردنه‌وه‌که‌دا نوسیویه‌تی "زۆرجار وه‌ک نوێنه‌ری حیزبی دیموکراتی کوردستانی ئێران له‌گه‌ڵ مێدیا وتووێژم هه‌بووه‌"نوێنه‌ر یان په‌یڤبێژی حزبی دیموکراته‌.
له‌ ڕاستیدا له‌وکاته‌وه‌ ئه‌و به‌ڕێزه‌ بۆته‌ په‌یڤبێژی حدکا ڕووبه‌ڕووی گه‌لێک پرسیار بوومه‌وه، جا‌ چ له‌ڕێگای ئیمه‌یل یان ته‌له‌فوونه‌وه بێت‌. دیاره‌ بۆ ڕه‌وینه‌وه‌ی گومان هه‌موو جارێک بۆ ئه‌و دۆستانه‌ی له‌و پێوه‌ندییه‌دا پرسیاریان هه‌بوو بێت، ڕوونکردنه‌وه‌ی پێویستم داوه‌و سه‌ره‌نجام گومانه‌که‌ ڕه‌ویوه‌ته‌وه. ‌ بۆیه‌ش پێشه‌کی ده‌بێ ده‌ست خۆشانه‌ی پێ بڵێم بۆ ڕوونکردنه‌وه‌که‌ی و  بێگومان ده‌توانێ لانیکه‌م ئه‌و هێژایانه‌ی له‌نزیکیه‌وه‌ن و ته‌نانه‌ت له‌ یه‌ک شاریش له‌ وڵاتی سوید ده‌ژین بزانن من که‌ نوسه‌ری ئه‌و بابه‌تانه‌م هاوڕێی حزبی! و هاوشاریه‌که‌یان نیم. بۆیه‌ ئه‌مه‌ی  ده‌بێژم چونکه‌ چه‌ندین جار له‌ لایه‌ن هاوڕێیانی هاوناوی هێژاوه‌ به‌ هه‌ڵه‌ په‌یام بۆ من هاتوه‌و هه‌رچه‌ند ئاگادارم کردوون به‌‌ڵام هه‌روا به‌رده‌وامن!.‌
له‌گه‌ڵ ئه‌وه‌شدا له‌سه‌ر ڕونکردنه‌وه‌که‌ی به‌ڕێزیان چه‌ند تێ‌بینی به‌ پێویست ده‌زانم.
من له‌ مێژه‌ به‌و ناوه‌وه‌ ده‌نوسم و وه‌ک ئه‌و هێژایه‌ ئاماژه‌ی پێداوه‌ ته‌نیا له‌ یه‌ک ساڵی ڕابردوه‌وه‌ نیه‌ که‌ بابه‌تم به‌و ناوه‌وه‌ بڵاو بۆته‌وه‌ به‌ڵکو لانیکه‌م پانزده‌ ساڵه‌1 به‌و ناوه‌ نوسراوه‌‌م بڵاو ده‌بێته‌وه. له‌وه‌ش زیاتر له‌ ساڵی 97 به‌ملاوه‌ که‌ له‌ ئوسترالیا ده‌ژیم که‌م و زۆر بابه‌ت و نوسراوه‌م هه‌ر به‌و ناوه‌ بڵاوکردۆته‌وه‌.
هاوناوی هێژا نوسیویه‌تی که" هێندیك وتاری جۆراوجۆری هه‌ر به‌و ناوه و بێ پێشگر و پاشگر له سایتی "دیمانه" و هێندێك سایتی دیكه دا بڵاو كردۆته‌وه". له‌و پێوه‌ندییه‌دا ده‌بێ بێژم که‌ من بابه‌تم به‌ناوی خۆم نوسیوه‌و ناوی خۆشم ئه‌وه‌ بوه‌ که‌ هه‌یه‌، نه‌ک خودای نه‌کرده‌! له‌ که‌سێکی دیکه‌م داگیرکردبێت. پێشم سه‌یره‌ که‌ ئه‌و به‌ڕێزه‌ من ده‌خاته‌ ژێر پرسیار که‌ گوایه‌ ئه‌ز"بێ پێشگر و پاشگر" بابه‌تی جواروجۆرم "هه‌ر به‌و ناوه‌"! بڵاوکردۆته‌وه‌. ناوی ئه‌ز خالید عه‌زیزی‌یه‌ و هیچ پاشگرو پێشگرێکی نیه‌و هه‌ربۆیه‌ش سروشتیه‌ که‌ به‌ناوی خۆمه‌وه‌ بنوسم و بپه‌یڤم.  
من له‌گه‌ڵ بابه‌ته‌کانم ئه‌دره‌سی ئینترنێتیم داندراوه‌ و له‌وانه‌ی دێمانه‌ش هه‌روا. ئه‌وکه‌سه‌ی پرسیاری هه‌بوو بێت ڕاسته‌وخۆ ڕووبه‌ڕووی کردومه‌وه‌و منیش ڕونکردنه‌وه‌م داوه‌ بۆ ئه‌وه‌ی گومان بڕه‌وێته‌وه. ئه‌و ئازیزه‌ ده‌بێژێ" تا ئێستا زۆر كه‌س و لایه‌نی سیاسی پێوه‌ندی‌یان به منه‌وه گرتوه و پێیان وا بووه كه من ئه‌و وتارانه‌م نووسیوه". تا ڕاده‌یه‌ک جێی پێکه‌نینه‌ و مرۆڤ ناهه‌قی نیه‌ که‌ سه‌ریشی سوڕ بمێنێ. ئه‌و بابه‌تانه‌ی من نوسیومن له‌گه‌ڵ سیاسه‌تی حزبی هاوناوی هیژا جیاوازیان هه‌یه‌و زۆر جاریش ڕه‌خنه‌ی له‌سه‌ر ئه‌و حزبه‌ تێدا بوه‌. نوسراوه‌کانی من له‌ ڕووی سیاسیه‌وه‌ له‌ سیاسه‌تی حزبی دیموکرات دوورن یان لانیکه‌م یه‌ک ناگرنه‌وه‌. سه‌یره‌ حزب  یان لایه‌نی سیاسی له‌سه‌ر بابه‌تێکی سیاسی که‌ ناوو ئه‌دره‌سی له‌سه‌ره‌ پێوه‌ندیی به‌که‌سێکه‌وه‌ ده‌کات که‌ نوێنه‌ری حزبێکه‌وه‌ و حزبه‌که‌ش سیاسه‌ت و ئه‌ده‌بیاتی له‌گه‌ڵ ئه‌و نوسراوه‌ پرسیارهێنه‌‌ره‌ یه‌کانگیر نیه‌و یان لێی دوره‌. ئه‌مه‌ بۆخۆی بۆ قوڕ پێوان ده‌بێ نه‌ک پێکه‌نین. خۆزگه‌ کاکی هاوناو نمونه‌یه‌کی ناوی ئه‌و وتارانه‌ی بنوسیبایه‌ که‌ بۆته‌ هۆی ئه‌وه‌‌ی" زۆر که‌س و لایه‌ن" ی سیاسی پێوه‌ندیی پێوه‌ بکه‌ن و منیش بۆ ئێوه‌ی خوێنه‌ری هێژام ڕوونکردایه‌وه‌ که‌ ئه‌و بابه‌تانه‌‌ له‌گه‌‌ڵ هزرو ڕوانینی کاکی هاوناوو حزبه‌که‌ی چه‌نده‌ ناته‌بان و ناکرێ که‌سێک نوێنه‌ر یان په‌یڤبێژی حزبێک بێت و نوسراوه‌و وتاره‌کانی پێچه‌وانه‌ی سیاسه‌تی حزبه‌که‌ی بێت. به‌ تایبه‌ت لایه‌نه‌كان ئه‌وه‌ی ده‌زانن که‌ نوێنه‌ر ده‌توانێ له‌ چوارچێوه‌ی سیاسه‌تی حزبه‌که‌یدا بپه‌یڤێ و هه‌ر ده‌بێ په‌سند بێژی حزبه‌که‌ی بێت، جا ئه‌و حزبه‌ ئه‌گه‌ر دایکی دیموکراسی و کانیاوی جیاوازی هزریش بێت. پێم وایه‌ ئه‌گه‌ر وه‌ک ئه‌و به‌ڕێزه‌ ئێژێ پاشگرو پێشگریشم بۆ ناوه‌که‌م دانه‌ناوه‌ نێوه‌ڕۆکی نوسراوه‌کان ناسێنه‌ری خاوه‌نه‌که‌یانن!.
سه‌ره‌ڕای ئه‌وه‌ش ئه‌و لایه‌ن و که‌سانه‌ که‌ پرسیاریان ئاراسته‌ی ئه‌و هیژایه‌‌ کردوه‌ بێگومان ئینترنێت به‌کار دهێنن. باشه‌ پرسیار ئه‌وه‌یه‌ ئه‌و لایه‌ن و که‌سه‌ به‌ڕێزانه‌ بۆ له ‌ڕێگای ئه‌دره‌سی نوسه‌ره‌وه‌ پرسیاره‌کانیان ئاراسته‌ی خاوه‌ن و نوسه‌ری بابه‌ته‌که‌ نه‌ده‌کرد. ئه‌وانه‌ی به‌کارهێنه‌ری ئینترنێتن ده‌زانن بۆ نموونه‌(هۆت مایڵ) یان هه‌ر سێرڤه‌یه‌کی دیکه‌ یه‌کجار به‌ ناوێکه‌وه‌ ده‌رفه‌تی ئه‌وه‌ت ده‌داتێ ئه‌دره‌ست له‌گه‌ڵیان هه‌بێت. که‌سی دیکه‌ ناتوانێ به‌ هه‌مان ناو ببێته‌ خاوه‌نی ئه‌دره‌س. که‌واته‌ ئه‌و ئه‌دره‌سه‌ش که‌ له‌سه‌ر وتاره‌کان بوون هه‌ر ئه‌دره‌سی من بوون. ناکرێ ئه‌و هێژایه‌ش ئه‌دره‌سی وه‌ک هی منی هه‌بێت. بۆیه‌ش بۆ ئاگادرای هاوناوی هێژاو به‌و ئه‌دره‌سه‌ هه‌ر پرسیارێک ڕووبه‌ڕووم کرابيته‌وه‌ وڵامم داوه‌ته‌وه‌، به‌ڵام قه‌ت لایه‌نێک بۆ ئه‌و مه‌به‌سته‌ پێوه‌ندی پێوه‌ نه‌گرتووم. من ده‌زانم ئێو پێوه‌ندیتان پێوه ‌کراوه‌!! و هه‌ر ئه‌وه‌ش ناچاریکردوون ئه‌و ڕوونکردنه‌وه‌ بوه‌شێنن. به‌ڵام سه‌ر سوڕمان و قوڕپێوانه‌که‌ بۆ ئه‌وه‌یه‌ که‌ ئه‌و هێژایانه‌ی پێوه‌ندییان به‌ جه‌نابته‌وه‌ گرتوه‌ پێان وایه‌ ده‌بێ له‌ هه‌موو دنیا که‌سێک به‌و ناوه‌وه‌ هه‌‌بێت و ئه‌و که‌سه‌ش ئه‌وه‌یه‌ که‌ بۆخۆیان ده‌یناسن و ناوی له‌ په‌ڕاوی ته‌لێفونه‌که‌یان دا هه‌یه‌و هه‌ر شتێکیش کراو ڕوویدا به‌و ناوه‌وه‌، خراپ یان چاک، ئه‌وه‌ ئه‌وه‌یه‌ که‌ بۆ خۆیان ده‌یناسن. ئه‌و بابه‌تانه‌ که‌ ئه‌و پرسیارانه‌ی به‌ره‌وڕووی هاوناوی هێژا کردۆته‌وه‌ هه‌موویان له‌ سایته‌کانی ئینترنێتدا بڵاوکراونه‌وه‌. خوێنه‌ری هێژا گه‌ر لایه‌ن بێت یان ده‌زگایه‌کی ڕاگه‌یاندن یان که‌سێک، ده‌بێ له‌ ڕێگای ئه‌دره‌سی نوسه‌ره‌وه‌ پێوه‌ندی به‌ خاوه‌ن بابه‌ته‌که‌وه‌ بکات و بیخاته‌ به‌ر نه‌شته‌ری پرسیار نه‌ک شتێکی دیکه‌. ئه‌و هێژایه‌ش‌ تا په‌یڤبێژی حزبی دیموکرات بێت ئه‌و‌ پاشگره‌ی پێوه‌ نوساوه‌و  ده‌توانێ یارمه‌تی ده‌ر بيت. ‌ چونکه‌ هه‌موو په‌یڤینه‌کانی به‌ناوی نوێنه‌ری ئه‌و حزبه‌وه‌یه‌.
هه‌روه‌ک ئه‌و هێژایه‌ ئاماژه‌ی پێداوه‌، ئه‌ز وێبلاگێکم هه‌یه‌ به‌ناوی کوردستان و له‌وێش ئه‌دره‌سی پێوه‌ندیم هه‌یه‌و جێگای نوسینی تێڕوانینیش هه‌یه‌. هه‌روه‌ها بۆ ئاگاداری ئه‌و هێژایه‌ بلاگێکی تریشم هه‌یه‌ که‌ ناوی هه‌واره‌ و ته‌نیا نوسراوه‌کانی خۆمی تێدایه‌ و بۆ ئه‌وه‌م چێکرد که‌ هه‌موو بابه‌ته‌کانی پێشوم که‌ به‌تایبه‌ت له‌ دوازده‌ ژماره‌ی گۆڤاری وه‌رزانه‌ی هه‌وار( گۆڤارێکی وه‌رزانه‌ی سیاسی ئه‌ده‌بی ڕۆشنبیری بوو که‌ من و چه‌ند که‌سێکی دیکه‌ له‌ ئوستڕالیا ده‌رمان ده‌کرد)دا بڵاوم کردونه‌وه له‌وێدا بیان نوسمه‌وه‌.

من زیاتر له‌و به‌ڕیزه‌ مه‌به‌ستمه‌ که‌ نوسراوه‌کانم هی خۆم بن و نه‌کرێنه‌ هی که‌سێکی دیکه‌. به‌ڵام هه‌روه‌ک چه‌ند مانگ به‌ر له‌ ئێستا هاوناوی هێژا بۆ چاره‌ی ئه‌و کێشه‌یه‌ به‌ته‌له‌‌فوون پێوه‌ندیی پێوه‌کردم و گه‌لێک له‌و باره‌وه‌ په‌یڤین، ڕێگه‌چاره‌یه‌کی ئه‌وتۆ نیه‌ که‌ ئه‌و کيشه‌یه‌ بن بڕ بکات. بۆ وێنه‌ من له‌ نوسراوه‌کاندا زۆرتر و به‌تایبه‌ت پاش پێکه‌وه‌ په‌یڤینه‌که‌ ئاماژه‌م به‌وه‌کردوه‌ که‌ ئه‌و بابه‌ته‌ که‌سێک نوسیویه‌تی که‌ له‌ ئوسترالیا ده‌ژی. به‌ڵام دیسان ڕووبه‌ڕووی پرسیار بوومه‌وه‌. هیوادارم هه‌م ڕوونکردنه‌وه‌که‌ی هاوناوی هێژاو هه‌م ئه‌م په‌یڤه‌ی ئه‌ز بتوانێ کۆتایی به‌و کێشه‌یه‌ بێنێت. دیاره‌ هه‌روه‌ک له‌ په‌یوه‌ندییه‌ ته‌له‌فوونیه‌که‌ی ئه‌و هێژایه‌دا پێشنیارم کرد بریا هه‌ر ئه‌وکات پێکه‌وه‌ ڕوونکردنه‌وه‌یه‌‌کمان بوه‌شاندایه‌ به‌ ناوی هه‌ردووکمان و باشتر و زووتر ته‌می گومانی ده‌ڕه‌وانده‌وه‌، به‌ڵام ئه‌و هێژایه‌ به‌ باشی نه‌زانی و دواتر وه‌ک ده‌بینین بۆخۆی به‌ ته‌نێ ئه‌و کاره‌ی کردوه‌، که‌ هێشتاش ئه‌ز به‌ ئه‌رێنی ده‌بینم.
هه‌روه‌ک له‌سه‌ره‌وه‌ ڕوونمکرده‌وه‌ من ناوم (خالید عه‌زیزی)‌یه‌و ئه‌وه‌ ناوی ته‌واوی منه‌و هه‌ر به‌و ناوه‌شه‌وه‌ ناسراوم و له‌وه‌تی خۆم ناسیوه‌و و به‌بیرم دێت به‌و ناوه‌ بانگکراوم. کاتێکیش خۆم ناسی و له‌خۆم ڕوانی منداڵێکی دوانزه‌ سێزده‌ ساڵه، که‌‌ قالۆرێکی به‌ شانیه‌وه‌ بوو، بانگیان ده‌کرد خالید عه‌زیزی!! له‌ جارێک زیاتر ناوم به‌ شه‌هید بوو؟! بڵاوکراوه‌ته‌وه و هه‌روه‌ها به‌ برینداریش. نزیک پانزده‌ ساڵ له‌ حزبی دیموکراتدا تێکۆشانم هه‌بووه‌ هه‌ر به‌و ناوه‌ ناسراوم به‌بێ پاشگرو پێشگر. له‌ ڕاستیدا بۆخۆم ئه‌م ناوه‌م هه‌ڵنه‌بژاردوه‌و زۆریشم حه‌ز ده‌کرد ئه‌و ناوه‌ عاره‌بیه‌م له‌سه‌ر نه‌بایه‌. ئه‌م حه‌زه‌ش ناگه‌ڕێته‌وه‌ بۆ پاش ڕوداوی یازده‌ی سپتێمبه‌ر!!.
له‌گه‌ڵ ئه‌و په‌ڕی ڕێزو خۆشه‌ویستیم
8ی گه‌لاوێژی 2704

په‌ڕاوێز:
1- ئێستاش که‌ ئێستایه‌ باوه‌ڕناکه‌م و دڵنیا نیم، گۆڤاری 26ی سه‌رماوه‌ز، ژماره‌سێ، سیاسی ئه‌ده‌بی، ده‌وره‌ی دووهه‌م، بڵاوکراوه‌ی حداکا، ڕێبه‌رایه‌تی شۆڕشگێڕ.

تێ‌بینی: گه‌ر ده‌خوازی په‌یوه‌ندیم پێوه‌ بکه‌ی:
Tel & fax: 0061 8 82891849

ڕونكردنه‌وه‌یه‌ك له‌ سایتی كۆمیته‌ی سویدی حدكاله‌سه‌ر كێشه‌ی هاوناویه‌تی له‌ لایه‌ن هاوناوێكی منه‌وه‌ بڵاو كراوه‌ته‌وه، ‌. له‌و په‌یوه‌ندییه‌دا ئه‌زیش په‌یڤێكم هه‌یه‌ كه‌ له‌ چه‌ند ڕۆژی داهاتوودا بڵاوی ده‌كه‌مه‌وه‌.

له‌گه‌ڵ ڕیزو خۆشه‌ویستیدا

ڕاگه‌یاندنی چه‌ند حزبی سیاسی

گیانی سه‌دان په‌نابه‌ری كوردستانی له توركیا له‌ ‌مه‌ترسیدایه‌!!‌

له‌م چه‌ند ڕۆژه‌ی ڕابردوودا  ده‌وڵه‌تانی ئێران و سوریه‌و توركیه‌ به‌شێوه‌یه‌كی به‌رده‌وام خه‌ریكی كۆبوونه‌وه‌ و پیلانگێڕان و ساتووسه‌ودان له‌ دژی بزوتنه‌وه‌ی ڕزگاری خوازی كوردستان و به‌ تایبه‌ت هه‌وڵدان بۆ شكان و پاشه‌كشه‌ پێكردنی گه‌لی كورد و ده‌ست هه‌ڵگرتن له‌ داخوازو مافه‌‌ڕه‌واكانی له‌ باشوری كوردستان بۆته‌ ئامانجیان. هه‌ر له‌وكاته‌دا له‌ كۆبوونه‌وه‌كانیاندا له‌سه‌ر پاراستنی سنوره‌كانی یه‌كدی ولێدانی ئۆپۆزیسیۆنه‌كانی یه‌كدی ڕێككه‌وتوون، به‌تایبه‌ت له‌ بابه‌ت لێدانی هێزه‌ كوردییه‌كانه‌وه‌ پیلانی دوژمنانه‌یانه‌ داڕشتوه‌و وا خه‌ریكی جێبه‌جێكردنیانن. له‌ لایه‌ك كۆماری ئیسلامی و سوریه‌ ده‌ستیان به‌ ڕاده‌ست كرنه‌وه‌ی ئه‌ندامانی پارتی كۆنگره‌ی گه‌ل كردوه‌و له‌و پێوه‌ندییه‌دا ئێران هه‌نگاوێك زیاتریش چۆته‌ پێشه‌وه‌و به‌ هێزی چه‌كداریش هێرشی كردۆته‌ سه‌ر باره‌گاكانی كۆنگره‌ی گه‌ل له‌سه‌ر هێڵه‌ سنورییه‌كان و چه‌ندین شه‌ڕو تێكهه‌ڵچوون ڕوویان داوه‌. بۆ به‌جێگه‌یاندنی به‌ڵێنیه‌كان توركیه‌ش سه‌ره‌ڕای دژایه‌تی ده‌سكه‌وته‌كانی كورد له‌ باشوری كوردستان و هه‌وڵدان بۆ ئاڵۆزكردنی كێشه‌ی كه‌ركوك و هه‌ڕه‌شه‌و گوڕه‌شه‌كردن، له‌ چه‌‌ند ڕۆژی ڕابردوودا پاڵه‌په‌ستۆی زۆری خستۆته‌ سه‌ر په‌نابه‌رانی كوردستانی له‌ توركیه‌. به‌جۆرێك كه‌ مه‌ترسی دیپۆرتكردنه‌وه‌ی ژماره‌یه‌كی زۆر له‌و په‌نابه‌رانه‌ له‌ گۆڕێدایه‌. شه‌ش ڕێكخراوی سیاسی كه‌ سیانیان كوردستانین له‌ دژی ئه‌و ئاكاره‌ی توركیه‌و له‌ پێناوی به‌ده‌نگه‌وه‌هاتنی گشت ڕێكخراوه‌وه‌كانی به‌رگری له‌ مافی په‌نابه‌ران ومافی مرۆڤ ڕاگه‌یاندنێكیان بڵاوكردۆته‌وه‌. ده‌قی ڕاگه‌یاندنه‌كه‌ ده‌توانی لێره‌ بخوێنیه‌وه

لینكی چه‌ند بابه‌ت

لینكی چه‌ند بابه‌تێك:

دێمانه‌:‌ هاواری مردن - بێده‌نگی له‌ به‌رانبه‌ر خۆسووتاندنی ژنانی كوردستان
دێمانه‌: كۆنگره‌ی سێزده‌ی حزبی دیمۆكرات و هه‌ندێك ئاكامی ئه‌رێنی ‌و چه‌ند سه‌رنجێك‌
هه‌وار: تێڕوانینێك له‌ باسه‌كانی ده‌وروبه‌ری كۆنگره‌ی سێزده‌ی حزبی دیموكڕاتی كوردستان
هه‌وار: ئایا بیانیه‌كان هه‌ڵكردنی ئاڵای كوردستانیه‌كانیان پێناخۆشه‌؟ 
دێمانه‌: په‌یڤێك له‌سه‌ر په‌یڤه‌كه‌ی په‌یڤ

ئاڵای كوردستان، پێش دامه‌زرانی كۆماری كوردستان هه‌بووه‌!

 ئاڵای كوردستان، پێش دامه‌زرانی كۆماری كوردستان هه‌بووه‌!

ئه‌م كۆمێنته‌ له‌سه‌ر بابه‌تێكی كاك سامڕه‌ند له‌ سایتی دێمانه‌ دا داندراوه له‌ژێر ناوی "ئاڵای كوردستان و پاراستنی ئه‌مانه‌ت"‌.

كاك سامڕه‌ندی هێژا! له‌ بابه‌ت ئاڵای كوردستانه‌وه‌، پێم وایه‌ ئاڵای كوردستان ئه‌وه‌یه‌ كه‌ ڕۆژه‌كه‌ی به‌ته‌نیا تێدایه‌ نه‌ك ئه‌وه‌ی كه‌ به‌گوته‌ی ئێوه‌ و هه‌ندێك كه‌س و لایه‌ن(یدكا) گوایه‌ ئاڵای كوردستان گوڵه‌گه‌نم و پێنوس و ... تێدایه‌. ئه‌و هێمایانه‌ی ئێوه‌ ئاماژه‌تان پێداون هێمای (حدك)بوون و ئه‌وان له‌ سه‌رده‌می كۆماری كوردستاندا خستبوویانه‌ سه‌ر ئاڵاكه‌. ئه‌وه‌نده‌ی من له‌بیرم بێت پێشه‌وا ئاڵای كوردستانی داوه‌ به‌ بارزانی و له‌ په‌یڤینه‌كه‌شیدا ئاماژه‌ی به‌وه‌ نه‌كردوه‌ كه‌ ئاڵای كۆماری كوردستانی دابێته‌ ده‌ست بارزانی به‌ڵكو ئێژێ ئاڵای كوردستان. وه‌بیر دێنمه‌وه‌ كه‌مه‌لیكی كوردستانیش ئاڵای خۆی هه‌بوو. ئاڵای كوردستانیش زۆر له‌ پێش  حكۆمه‌تی مه‌لیك مه‌حموود و كۆماری كوردستان هه‌بووه‌. له‌وه‌ش بترازێ حدكای دامه‌زرێنه‌ری كۆماریش ئه‌مڕۆ و پاش نزیك به‌ 60 سال له‌بیربردنه‌وه‌ی ئاڵا كوردستان سه‌ره‌نجام جارێكی دیكه‌ ئاڵای كوردستانی وه‌بیر هاته‌وه‌ و وه‌ك ئاڵای كوردستان ناسیه‌وه‌.  یه‌كه‌م جار ئه‌و ئاڵایه‌ له‌ لایه‌ن زینه‌لعابدین له‌ سه‌رده‌می كۆمه‌ڵه‌ی ته‌عالی كوردستان له‌سه‌ده‌ی ڕابردودا دروستكراوه‌.  ئێحسان نوری پاشا 1927 له‌ شۆڕشی ئاگریدا له‌سه‌ر به‌رزترین لوتكه‌ی چیای ئاگری هه‌ڵی داوه‌. ژ- ك یش هه‌ر هه‌مان ئاڵای له‌ چه‌ندین بۆنه،‌ بۆ وێنه‌ سه‌ركه‌وتن به‌سه‌ر فاشیزمدا له‌ گۆڕه‌پانی چوارچرای مهاباددا هه‌ڵیداوه‌. به‌ دوای كۆماریش گه‌لێك پارت و گروپ و ڕێكخراوی  كوردستانی ئه‌و ئاڵایه‌یان وه‌ك ئاڵای نه‌ته‌وه‌یی په‌سه‌ند كردوه‌و به‌ هێمای یه‌كیه‌تی نه‌ته‌وه‌یی سه‌یریان كردوه‌.

له‌ كۆتاییدا ده‌بێ بێژم، به‌داخه‌وه‌ بابه‌ته‌كه‌ت پڕه‌ له‌ وشه‌ی ناكوردی و عاره‌بی فارسێندراو. بۆ تۆیه‌ك كه‌ ساڵانێكی دورودرێژ له‌ گۆڕه‌پانی كوردایه‌تی و له‌ ناویشیدا له‌ ناو به‌شه‌كانی ڕاگه‌یاندندا كارت كردبوو، بۆم جێ سه‌رسوڕمان بوو. سه‌ركه‌وتووبیت.

 

خه‌نده‌ی سه‌ر لێوی مهاباد كوردی!

خه‌نده‌ی سه‌ر لێوی مهاباد كوردی!

به‌ڕێز مهاباد كوردی له‌ بابه‌تێكدا له‌ژێر ناوی "خه‌نده‌ی سه‌ر لێوی له‌یلا زانا" له‌ ژماره‌ی یه‌كه‌می دووهه‌فتانه‌ی" نێوه‌ند"دا، پاش پێدا هه‌ڵگوتن به‌ بوێری و ئازایی له‌یلازانای ژنه‌ تێكۆشه‌ری باكوری كوردستاندا بابه‌ته‌كه‌ ئاوا كۆتایی پێده‌هێنێ:( زێده‌ ڕۆییم نه‌كردووه‌ گه‌ر بڵێم: سه‌دی وه‌ك عه‌بدوڵڵا ئۆجه‌لان به‌ قوربانی خه‌نده‌ی سه‌ر لێوی له‌یلا زانا بێت). هه‌ر ویستم ئه‌وه‌نده‌ وه‌بیر كاك مهابادی خۆشه‌ویست بهێنمه‌وه‌ كه‌ ئه‌گه‌رچی به‌ڕێزتان ئاوا بیر ده‌كه‌نه‌وه‌ و عه‌وڵای به‌ قوربانی له‌یلای ده‌كه‌ن. به‌ڵام بۆ خۆی خاتوو له‌یلا زانا چ له‌ به‌ندیخانه‌و چ له‌ دوای كۆتایی هاتن به‌ به‌ندكرانه‌كه‌ی ئه‌وه‌ی دووپات كردۆته‌وه‌ كه‌ خۆی قوربانی عه‌بدوڵا ئۆجه‌لان ده‌كات و ئه‌و به‌سه‌رۆكی خۆی ده‌قه‌بڵێنێ و نه‌شی شاردۆته‌وه‌ كه‌ ده‌بێژێ: ڕێگای ئاشتی و چاره‌سه‌ری له‌ توركیه‌ لای ئۆجه‌لانه‌. ‌جا نازانم كاك مهاباد هه‌ر ویستویه‌تی خه‌شی دڵی خۆی به‌ ئۆجه‌لان ئاوا بڕێژێ و به‌مه‌ش گوایه‌ په‌سه‌نی له‌یلا زانا بدات. پێیده‌چێ پاش ئازاد بوونی خاتوو زانا، هه‌ر كه‌سه‌ به‌ جۆرێك و هه‌ر گروپ و ده‌سته‌و تاقمێك به‌ شێوه‌یه‌ك گیرفانیان بۆ هه‌ڵوێسته‌كانی زانا له‌ به‌رژه‌وه‌ندی و هاوخه‌تی خۆیاندا هه‌ڵدروبێ و هه‌ندێكیش خه‌ریكی ئامۆژگاریكردن و لاتاو پیادان و وریاكردنه‌وه‌ی ناوبراو بن. به‌ڵام پێیناچێ له‌یلازانا بچێته‌ گیرفانی هیچ كه‌س و لایه‌نێكه‌وه‌ چونكه‌ له‌یلا بۆ خۆی خاوه‌نی جێ و شوێنی خۆیه‌تی و خاوه‌نی ڕێبازێكه‌ كه ده‌ساڵ له‌ پێناویدا كه‌وته‌ به‌ندیخانه‌وه‌. جا تازه‌ ناوبراو نه‌به‌ په‌خشانه‌ ئامۆژگاریه‌كانی مامۆستا شێركۆ بێكه‌س و نه‌به‌ ڕێنوێنیه‌كانی به‌هرۆز گه‌ڵاڵی دانه‌خۆری توركان وا به‌ سێنایی له‌ ڕێگه‌ی خۆی لاده‌درێ. كاكه‌ مهابادیش باشتره‌ كه‌س نه‌كاته‌ قوربانی كه‌س، چونكه‌ دوێنێ بۆ خۆتان پێدا هه‌ڵده‌ری ئۆجه‌لان بوون و ئه‌مڕۆش ده‌یكه‌نه‌ قوربانی كه‌سێك كه‌ بۆ خۆی به‌ پێشه‌نگی ده‌زانێ و له‌ قوتابخانه‌ی هزری ئه‌ودا پێگه‌یشت.
وادیاره‌ هه‌موو بابه‌ته‌كه‌تان بۆ ئه‌و پاڕاگرافه‌ نوسیوه‌. گه‌رنا بابه‌ته‌كه‌ت بێ ئه‌و پاڕاگرافه‌ش مه‌به‌سته‌كه‌ی خۆی پێكا بوو!.

ئه‌رێ كورده‌كانی ئیراك به‌ مافه‌كانی خۆیان ده‌گه‌ن؟

كۆمێنتێك له‌ وه‌ڵامی ئه‌و پرسیاره سایتی بی‌بی‌سی‌دا:
ئه‌رێ كورده‌كانی ئیراك به‌ مافه‌كانی خۆیان ده‌گه‌ن؟

من فكر می‌كنم كه دیر یا زود باید دولتهای عراق، تركیه‌، ایران و سوریه‌(عتاس)یا به‌ معنی دیگر ملتهای اعراب، اتراك و فارس باید این حقیقت را قبول كنند كه‌ كوردها ملتی با زبان و تاریخ و فرهنگ غنی و كهن در خاكی زندگی می‌كنند كه‌ نامش كوردستان است. ملتی كه‌ سالهاست برای ازادی و استقلال خود مبارزه‌ میكند و شكی نیست تا رسیدن به‌ این حق مشروع و انسانی به‌ ان، ادامه‌ میدهد.
از زمان ایجاد شدن عراق تا بحال كورد در این كشور برای احقاق حقوق خود از هیچ تلاشی دریغ نكرده. دولتهای حاكم بر عراق دست ساز كولونیالیزم هم از هیچ رفتاری وحشیانه‌ای برای نابودی و از بین بردن كورد و ویرانكردن كوردستان دریغ نكرداند.
امروز جنوب كوردستان كه‌ به‌ ناحق به‌ خاك عراق از هشتاد سال پیش چسبانده‌ شد دیگر مسل هشتاد سال پیش نیست. 12 سال حاكمیت مستقل(دیفاكتو) نسلی را پروه‌رانده‌ است كه‌ دیگر عراقی نیستند. ولی كوردها با در نه‌زه‌ر گرفتن وزعیت میخواهند با اتحاد ارزومندانه‌ با عربها در كشوری فدرال زندگی كنند. خوب اگر عربها این اتحاد را قبول نكنند، كوردها راه دیگر كه‌ راه استقلال ان بخش كوردستان است را میگیرند. معادلات هم بنفع كوردها كه‌ همیشه ازادی و حقوق انسانی خودرا خواسته‌اند، است. به‌ هرحال كوردها دست از مبارزه برای ازادی واستقلال كشور خود یعنی كوردستان بر نمیدارند. كشورهای دیكتاتورو شوینیست كه‌ چشم دیدن ازادی چهل ملیون كورد را ندارند باید بدانند كه‌ پیروزی برای كوردهاست. ملتی كه‌ به‌ درازای تاریخ از مبارزه‌ برای بقای خود خسته‌ نشده‌است.
پیروزی كوردها در جنوب كوردستان، برای رسیدن به‌ یك اتحاد فدرال راه را برای حل مشكل بخشهای دیگر كوردستان باز میكند. شكی نیست كه‌ اتحاد ارزومندانه‌ تنها راه حفظ تمامیت جوگرافیای كشورهای موجود عتاس است.
من كه‌ یك كوردستانی هستم هیچ احترامی برای مرزهای جوگرافیای این كشورها كه‌ حقوقهای ملی و انسانی مارا لگدمال میكنند، ندارم و ترجیح میدهم كه‌ برای از میان برداشتن این مرزهای كولونیالیسی مبارزه كنم. ملتها هم باید حقوق مساوی یكدیگر را قبول كنند. این تنها راه حفظ صلح در خاورمیانه‌ است.

تۆش گه‌ر ده‌توانی بڕۆ شتێكی بێژه‌

كۆنگره‌ی سێزده‌ی حزبی دیموكرات كۆتایی پێهات!

كۆنگره‌ی سێزده‌ حزبی دیموكرات كۆتایی هات

چه‌ند خوله‌ك پێش ئێستا له‌ ڕێگای هاوڕێیه‌كه‌وه‌ هه‌واڵی كۆتایی كۆنگره‌ی سێزده‌ی حزبی دیموكراتم
پێگه‌یشت. بۆ به‌ دوادا چوون سه‌ردانی سایتی كوردستان مێدیام كرد و تیایدا ڕاگه‌یاندراوی كۆمیته‌ی ناوه‌ندی ئه‌و حزبه‌ به‌ بۆنه‌ كۆتایی هاتنی كۆنگره‌13 بڵاوكراوه‌ته‌وه‌. به‌ پێی ڕاگه‌یاندنه‌كه‌ كۆنگره‌ سه‌ركه‌وتوانه‌ كۆتایی پێهاتوه‌!!؟؟. دیاره‌ ئه‌مه‌ نه‌ریته‌ سه‌ركه‌وتوو یان سه‌رنه‌كه‌وتوو ڕاگه‌یه‌ندراوه‌كان هه‌ر ئه‌وه‌ی ده‌ڵێن. له‌ ڕاگه‌یاندنه‌كه‌دا سه‌ره‌ڕای باسی چۆنیه‌تی و به‌رنامه‌و باسه‌كانی كۆنگره‌ی حزبی دیموكڕات، ئاماژه‌ به‌ گۆڕانی دروشمی ستراتیژی حزب به‌ فیدراڵی پلۆڕالیستی و هه‌روه‌ها به‌ هه‌ڵبژاردنی مسته‌فا هیجری وه‌ك سكرتێری ئه‌و حزبه‌ ده‌كا و ده‌گوترێ كه‌ هه‌واڵه‌كه‌ پاش كۆبوونه‌وه‌یه‌كی كورتی كۆمیته‌ی ناوه‌ندی له‌ لایه‌ن عه‌بدوڵاحه‌سه‌نزاده سكرتێری پێشوی حزبی دیموكراته‌وه‌ به‌ ئه‌ندامانی كۆنگره‌ ڕاگه‌یه‌ندراوه‌ و له‌ گه‌ڵ پێشوازی ئه‌ندامانی كۆنگره‌ ڕووبه‌ڕوو بوه‌.
دواترین هه‌واڵه‌كان ئاماژه‌ بۆ ئه‌وه‌ ده‌كه‌ن ژماره‌یه‌ك له‌ ئه‌ندامانی پێشوی كۆمیته‌ی ناوه‌ندی وه‌ك: جه‌لیل گادانی، عه‌بدوڵڵه‌ حه‌سه‌نزاده‌، فه‌تاح كاویان، قادر وریا و عوسمان ره‌حیمی و .... یان ده‌نگیان نه‌ هێناوه‌ یان یان خۆیان نه‌پاڵاوتوه‌.
پێشتر پێشبینی ئه‌وه‌ ده‌كرا كه‌ به‌هۆی هه‌وڵه‌ ژێربه‌ژێره‌كانی مسته‌فا هیجری له‌ زۆربه‌ی كۆنفرانسه‌كاندا كه‌سانی لایه‌نگری ئه‌و ده‌نگیان بۆ به‌شداری له‌ كۆنگره‌ هێناوه‌ و ته‌نانه‌ت له‌ كۆمیته‌كانی سوید ناره‌زایه‌تی گه‌یشتبوه‌ ئه‌و ڕاده‌یه‌ كه‌ كۆنفرانسی ئه‌و وڵاته‌ به‌ كۆنفرانسێكی شه‌رعی یان نوێنه‌رانی ئه‌و كۆنفرانسه‌یان به‌ نوێنه‌ری ڕاسته‌قینه‌و شه‌ری كۆنفرانس نه‌ده‌زانی.
گۆڕانكاری و نوێكردنه‌وه‌ له‌ پڕۆسه‌یه‌كی دیموكرایه‌تیدا ده‌توانێ چاوه‌ڕوانی داهاتوویه‌كی گه‌شی لێبكرێ. لێ ئه‌و‌ه‌ی ده‌گه‌ڕێته‌وه‌ بۆ كۆنگره‌ی سێزده‌ی حزبی دیموكرات پێش به‌ستنی كۆنگره‌ باسو خواسی ئه‌وه‌ هه‌بوو كه‌ هه‌وڵی خۆسه‌پاندن و د‌‌ه‌سه‌ڵاتخوازی به‌ شێوه‌یه‌ك بووه‌ كه‌ ژێربه‌ژێره‌ ده‌سته‌به‌ندی و هه‌وڵی ده‌نگ مسۆگه‌ركردن درواه‌. له‌به‌ر ئه‌وه‌ دیموكراتیك بوونی ئه‌و كۆنگره‌ ناكرێ نه‌خرێته‌ ژێر گومانه‌وه‌. بۆ وێنه‌ سه‌ره‌ڕای ئه‌وه‌ی عه‌لی مهرپه‌روه‌ر خاوه‌نی به‌رنامه‌ش بوو و گه‌لێك كه‌س پێیاندا هه‌ڵداو به‌شان و باڵیاندا هه‌ڵخوێند كه‌چی ده‌زانرا كه‌ مسته‌فا هیجری مریشكی خۆی به‌ له‌په‌وه‌ لێناوه‌و ده‌بێته‌ سكرتێرو بۆیه‌ ئاماده‌ نیه‌ له‌و پێوه‌ندییه‌دا بێته‌ ئاخافتن.
ده‌گوترا كه‌ مسته‌فا هیجری له‌ هه‌وڵی ئاڵوگۆڕدایه‌و دیهه‌وێ ڕێبه‌ریه‌كی لاو پێكه‌وه‌ بنێ، به‌ڵام پاش ده‌ركه‌وتنی ئاكامه‌كان پرسیار ئه‌وه‌یه‌ قادروریاو عوسمانی ره‌حیمیش پیرو په‌ككه‌وته‌ن و هیچیان له‌ باره‌یدا نیه!؟ بۆیه‌ ده‌نگیان نه‌هێناوه‌ یان خۆیان نه‌پاڵاوتوه‌.
ئه‌گه‌ر چی هێشتا زوه‌ بڵێین ئاكامه‌كانی كۆنگره‌ چی لێ شین ده‌بێته‌وه‌، به‌ڵام مسته‌فای هیجری پێشتر سكرتێر بووه‌ و زۆربه‌ی ئه‌ندامانی حزب ده‌یناسن و هه‌وڵه‌كانی پێش كۆنگره‌ 13ش بۆ خۆ سه‌رخستن له‌لایه‌ك و دیاركه‌وتنی ده‌نگی ناڕه‌زایه‌تی له‌ ناو ڕیزه‌كانی ئه‌و حزبه‌وه له‌لایه‌كی دیكه‌وه‌،‌ ئاماژه‌ی ئه‌وه‌یه‌ كه‌ گه‌لێك له‌ ئه‌ندامانی حزبی دیموكرات به‌ ئاكامه‌كانی كۆنگره‌ خۆشحاڵ نابن و یان لانی كه‌م به‌گومانه‌وه‌ سه‌یری داهاتووی حزبه‌كه‌یان ده‌كه‌ن.
ماوه‌ بڵێم هیوادارم مێژووی ڕووداوه‌ تاڵه‌كان دووباره‌ و چه‌ند باره‌ نه‌بێته‌وه‌ و چیدیكه‌ ڕۆڵه‌كانی گه‌له‌كه‌مان تووشی پێكهه‌ڵپڕژان و لێكترازان نه‌بنه‌وه‌ و ڕووداوه‌كانی ڕابردوو ببنه‌ وانه‌ و په‌ندو ئه‌زموونی بۆ داهاتوو لێوه‌رگیرێ.

ڕاگه‌یه‌ندراوه‌كه‌ی ك.ن حزبی دیموكرات لێره‌ بخوێنه‌وه‌<<<

حیزبی دیموكراتی كورستانی ئێران و چه‌ند سه‌رنجێك

نوسینی:هیوا گوڵ محه‌ممه‌دی

 

حیزبی دیموكراتی كوردستانی ئێران یه‌كێك له‌ حیزبه‌ سه‌ره‌كیه‌كانی ڕۆژهه‌ڵاتی كوردستانه‌ كه‌ تا ئێستاش زۆرایه‌تی خه‌ڵكی ئه‌و به‌شه‌ی نیشتمانی له‌گه‌ڵ دایه‌.بێگومان ئه‌م حیزبه‌ وه‌ك هه‌ر جه‌ره‌یانێكی سیاسی گۆڕه‌پانی خه‌بات هه‌م توشی كه‌ند و كۆسپ و هه‌م توشی هه‌ڵه‌ و كه‌م و كوڕی بووه‌. هه‌روه‌ها له‌ مێژووی كورد و كوردستان دا حیزبی دیموكراتی كوردستانی ئێران خاوه‌ن چه‌ندین شانازی نه‌ته‌وه‌یی یه‌، كه‌ بێگومان به‌رده‌وامی خه‌بات له‌ ڕۆژهه‌ڵاتی كوردستان بۆ گه‌یشتن به‌ ئازادی و دامه‌زراندنی كۆماری كوردستان به‌ سه‌رۆكایه‌تی پێشه‌وای نه‌مر و داڕشتنی خه‌بات له‌ سه‌ر ئه‌ساسی ڕه‌چاو كردنی پاراستنی مافی مرۆڤ و مافی ژنان و ...چه‌ند نمونه‌یه‌ك له‌وانه‌ن یه‌كێكی تر له‌ كاره‌ باشه‌كانی حیزبی دیموكرات په‌ره‌پێدان و زیندو ڕاگرتنی زمان و ئه‌ده‌بیاتی كوردی بووه‌ و له‌ لایه‌كی تره‌وه‌ زیندو ڕاگرتنی گیانی نه‌ته‌وایه‌تی له‌و به‌شه‌ له‌ وڵات مه‌دیونی خه‌باتی ئه‌م حیزبه‌یه‌. حیزبی دیموكراتی كوردستانی ئێران له‌ ماوه‌ی ته‌مه‌نی نێزیك شه‌ست ساڵه‌ی خۆی دا هه‌ر ده‌ ساڵ جارێك كه‌وتوه‌ته‌ ناو قه‌یرانێكی ناوخۆیی، كه‌ هه‌م زه‌ره‌ری له‌ به‌ره‌وپێشچونه‌كانی خه‌باتی ئه‌م حیزبه‌ داوه‌ و هه‌م كاریگه‌ری نیگاتیڤانه‌ی له‌سه‌ر خه‌باتی گه‌لی كورد هه‌بووه‌. من پێم وایه‌ به‌ر به‌ره‌كانی و مل ملانی ناوخۆیی ته‌نیا له‌ ناو حیزبی دیموكرات دا نیه‌ و له‌ ناو هه‌موو جه‌ره‌یانێكی سیاسی ، كۆمه‌ڵایه‌تی، كولتوری و ...هه‌یه‌ و ڕه‌وایه‌ و هیچ سه‌یر و سه‌مه‌ره‌ نیه‌. به‌ڵام به‌داخه‌وه‌ ئه‌م مل ملانیه‌ له‌ ناو ڕێزه‌كانی حیزبی دیموكرات دا هه‌ر گیز ڕواڵه‌ت و ڕه‌وت و ڕێگایه‌كی زانستیانه‌ و كراوه‌ی نه‌بوه‌. كێشه‌كان له‌ نێوان كه‌سانی سه‌ره‌وه‌ و خاوه‌ن ده‌سه‌ڵات دا برده‌وامه‌ تا ئه‌وكاته‌ی كه‌ به‌ ته‌واوی ئه‌ته‌قێته‌وه‌، له‌م باره‌وه‌ نمونه‌ زۆره‌ كه‌ من به‌ پێویستی نازانم ئیشاره‌یان پی بكه‌م، له‌ به‌ر ئه‌وه‌ ده‌بی مرۆڤ له‌ سه‌ر خاڵ به‌ خاڵی ئه‌و ڕوداوانه‌ ڕاوه‌ستی. به‌ بڕوای من ئه‌مجاره‌یان سه‌ركردایه‌تی حیزبی دیموكرات له‌ ناو قه‌یرانی مل ملانی ده‌سه‌ڵاتێك دایه‌ كه‌ ڕه‌جالی كار دار و مودیری بۆی نیه‌ و له‌وه‌ ئه‌چێ كه‌ شیرازه‌ی یه‌كێتی ئه‌م حیزبه‌ لێك بترازێنێ و خه‌باتی گه‌لی كورد تووشی لاوازی و بێ هێزی بكات. ئه‌و شێوه‌ خه‌باته‌ی كه‌ كاك بابا عه‌لی میهرپه‌روه‌ر هه‌ڵی بژاردوه‌، وه‌رچه‌رخانێكه‌ له‌ ئه‌قڵیه‌تی تاكڕه‌وی و خۆ به‌ زل زانی و گوێ نه‌دانه‌ ڕیزه‌كانی خواره‌وه‌ی حیزب و ئه‌كرێ به‌ لێ حاڵی بونه‌وه‌ سه‌رجه‌م ئه‌ندامانی حیزبی پاڵپشتی بن و وه‌ك ده‌سپێك و به‌ر له‌ گرتنی كۆنگره‌ ، باسه‌كان بخرێنه‌ سه‌ر ڕه‌واڵێكی عیلمی و دیالێكتیكانه‌ی ، ئاشكراو و شه‌فاف. سه‌رانی حیزبی دیموكرات ده‌بێ باش بزانن كه‌ به‌ له‌ به‌رچاو گرتنی به‌رژه‌وه‌ندیه‌ تاكه‌كه‌سیه‌كانیان زه‌ره‌ر له‌ جوڵانه‌وه‌ی نه‌ته‌وه‌یه‌ك ئه‌ده‌ن كه‌ پاڵپشتیانه‌ و چاوی هیوای تێوه‌ بڕیون، هه‌روه‌ها نابێ له‌بیریان بچێ كه‌ له‌ پێناو به‌رژه‌وه‌ندیه‌ بچوكه‌كانیانا ئه‌و حیزبه‌یان چه‌ند جارێ له‌ت كردوه‌ و به‌ هیچ ئاكامێ نه‌گه‌یشتوون و ئه‌مجاره‌ش نابێ كارێكی وا بكه‌ن ئه‌و مێژووه‌ به‌ شێوه‌یه‌كی كۆمۆدی دوباره‌ بێته‌وه‌. حیزبی دیموكرات ده‌بێ واز له‌ پاوانخوازی و خۆ به‌ زل زانی بێنێ. له‌م كۆنگره‌یه‌ دا به‌ گیانێكی پڕ له‌ خۆشه‌ویستی بۆ گه‌ل و نیشتمانه‌كه‌یان واز له‌ هێندێ دروشمی كۆن و له‌ كار كه‌وتو بێنن و هه‌روه‌ها داوای لێبوردن له‌ گه‌لی كورد بكه‌ن بۆ ئه‌و شه‌ڕه‌ ناوخۆیانه‌ی كه‌ كردویانه‌ وه‌ك شه‌ڕی كۆمه‌ڵه‌ و شه‌ڕ له‌گه‌ڵ ئه‌وبه‌شه‌كه‌ی حیزب دا كه‌ دوایی یه‌كیان گرته‌وه‌. ئه‌رك و به‌رپرسیاره‌تی حیزبی دیموكرات له‌م كاته‌ ناسكه‌ دا نابێ له‌ چوارچێوه‌ی كورسی سه‌ركردایه‌تی و مه‌یل و ویستی شه‌خسی دا قه‌تیس بمێنێ، به‌ڵكو ده‌بێ داڕشتنی شێوه‌ خه‌باتێكی نوێ و هاوچه‌رخ و نه‌ته‌وه‌یی بێ بۆ ڕوژهه‌ڵاتی كوردستان. سه‌ركردایه‌تی حیزب ده‌بێ واز له‌و بیركردنه‌وه‌ی كۆنه‌ بێنن كه‌ یان له‌گه‌ڵمانی و بێدنگی ، یان دوژمنی، هێندێك جار ڕه‌خنه‌گرێكی شاڕه‌زا سه‌د جار قازانجی زیاتره‌ له‌ هاوبیرێكی بێ بیر و بۆچون. هه‌روه‌ها له‌ دنیای ئه‌مڕۆی ئینتێر نێت و موبایل و ته‌له‌فون دا ناكرێ خۆ له‌ هه‌موو ڕاستیه‌كان لا بده‌ی و وا باشتره‌ به‌ بێ ترس و زانایانه‌ كێشه‌كان چاره‌سه‌ر بكرێن و گه‌ل ببێته‌ بناغه‌ی بیر كردنه‌وه‌ و هێز و ئاوڕ لێ دانه‌وه‌.  سه‌ركردایه‌تی حیزبی دیموكرات ده‌بێ له‌و ڕاستیانه‌ تێ بگه‌ن كه‌ ئیتر به‌ ته‌نێ نین له‌ گۆڕه‌پانی خه‌بات دا و له‌ به‌ر ئه‌و بۆشایه‌ی كه‌ دروس بووه‌ له‌ كه‌م ته‌رخه‌می ئه‌وان دا چه‌ندین جه‌ره‌یانی دیكه‌ سه‌ریان هه‌ڵ داوه‌ و له‌ داهاتوو دا له‌ كوردستانێكی ئازادا ئه‌كه‌ونه‌ به‌ربه‌ره‌كانێ و ئه‌مه‌ش حوكم ئه‌كا كه‌ حیزبی دیموكرات باشتر و وردتر له‌ داخواز و داواكاری گه‌ل تێ بگاو و هه‌نگاوی پێویست له‌ كاتی گونجاو دا هه‌ڵ هێنێته‌وه‌.هه‌روه‌ها ده‌بێ حیزبی دیموكرات ، ئه‌و جه‌ره‌یانه‌ سیاسیانه‌ی دیكه‌ی ڕۆژهه‌ڵاتی كوردستان ببینێ و له‌گه‌ڵیان دا هاوكاری و هاوخه‌باتی بكات له‌ سه‌ر بناغه‌ی به‌رژه‌وه‌ندی نه‌ته‌وه‌یی، كه‌ بێگومان ئێستا ئه‌وانیش به‌شێكی به‌رچاوی گه‌لیان له‌گه‌ڵ دایه‌ وه‌ك سازمانی كوردستانی  حیزبی كۆمونیستی ئێران(كۆمه‌ڵه‌) ، كۆمه‌ڵه‌ی شۆڕشگێڕانی كوردستانی ئێران، یه‌كێتی شۆڕشگێڕانی كوردستان ، پارتی ژیانی ئازادی كورستان ، خه‌باتی ئیسلامی و نه‌ته‌وایه‌تی و خه‌باتی شۆڕشگێڕ و ... كه‌وابو حیزبی دیموكرات وه‌ك جه‌ره‌یانێكی به‌رپرس ده‌بێ زیاتر قورسای بخاته‌ سه‌ر جۆشدانی خه‌بات و لێك حاڵی بوون و ڕێ پیشاندان و ڕێبه‌ری كردن به‌ره‌و سه‌رهه‌ڵدانی سه‌رتاسه‌ری . ئاڵای كورستان به‌ ده‌ستی ڕێبه‌ری حیزبی دیموكرات و یه‌كه‌م سه‌ركۆماری كوردستان پێشه‌وای نه‌مه‌ر هه‌ڵ كراوه‌، ده‌بێ حیزبی دیموكرات به‌ شانازیه‌وه‌ ئه‌و ئاڵایه‌ شه‌كاوه‌ ڕابگرێ و له‌ سه‌ر سه‌ری خۆی هه‌ڵدا. حیزبی دیموكرات یه‌كه‌م حیزبی كوردیه‌ كه‌ به‌رنامه‌یه‌كی سیاسی و دیموكراتیكانه‌ی بۆ پێشخستنی جوڵانه‌وه‌ی كوردی گه‌ڵاڵه‌ كردوه‌، زۆر پێویسته‌ كه‌ به‌رده‌وام بن له‌ ڕێزگرتن له‌ ئه‌سڵه‌ دیموكراتیكه‌كان و پاراستنی مافی تاك و گوێ گرتن له‌ ده‌نگه‌كانی ده‌ره‌وه‌ و ناوه‌وه‌. ئێستا كه‌ حیزبی دیموكرات ناتوانی ته‌نانه‌ت خێمه‌یه‌ك له‌ گۆشه‌یه‌كه‌وه‌ هه‌ڵدا به‌ بێ پرسی ئه‌م و ئه‌و و بستێ جێگای نیه‌ كه‌ سه‌ربه‌خۆ بی تێیدا نابێ هه‌مو كێشه‌كانی له‌ پێناو ئه‌وه‌ دا بێ كه‌ كێ ببێته‌ سه‌ركرده‌... له‌ كاتێك دا كه‌ گه‌لی كورد له‌ ناوه‌وه‌ی ڕۆژهه‌ڵاتی كوردستان له‌ هه‌ڵچون و كه‌ف و كوڵ دایه‌ ، له‌ سه‌ر ڕێبه‌رایه‌تی ئه‌م حیزبه‌ فه‌رزه‌ كه‌ شێوه‌یه‌كی نوێ و كاریگه‌ر بۆ خه‌بات بدۆزێته‌وه‌ و كارو كرده‌وه‌ و بیركردنه‌وه‌كانیان له‌ پێناو به‌ هێزكردنی بیری نه‌ته‌وه‌ی و مافخوازی دا بێ...  هیوادارم سه‌رانی حیزبی دیموكراتی كورستانی ئێران بتوانن به‌ له‌ خۆبوردویه‌وه‌ له‌ كۆنگره‌كه‌یان دا سه‌ركه‌وتوانه‌ به‌ ئه‌نجامی باش بگه‌ن ، واز له‌ ئه‌قڵیه‌تی تایفه‌ گه‌ری وه‌ ته‌وتئه‌ و باند بازی بێنن.