دوو ئاگاداری

دوو ئاگاداری:

ئاگاداری ژنانی کوردی پارێزه‌ری مافی مرۆڤ و ئاشتی له‌ باکووری ئه‌مریکا و ئه‌وروپا

ئێمه‌ کۆڕی ژنانی کوردی پارێزه‌ری مافی مرۆڤ و ئاشتی له‌ باکووری ئه‌مریکا و ئه‌وروپا ( مافی ژنی کورد، مافی مرۆڤ) پشتیوانی خۆی له‌ رێپێوانی ژنانی شۆرشگێڕی ئێران له‌ رۆژی 22ی جۆزه‌ردان ، ده‌رده‌بڕین و پیرۆزبایی هه‌ڵبژاردنی ئه‌م رۆژه‌ وه‌ک رۆژی میللی یه‌کگرتوویی ژنانی ئێران له‌ سه‌رجه‌م ژنانی تێکۆشه‌ری ئێران و کوردستان ده‌که‌ین. ئه‌ندامانی رێکخراوه‌ی ئێمه له‌ ناو وڵات چالاکانه‌ له‌م رێپێوانه‌دا به‌شدار ده‌بن.


کۆڕی ژنانی کوردی پارێزه‌ری مافی مرۆڤ و ئاشتی له‌ باکووری ئه‌مریکا و ئه‌وروپا
مافی ژنی کورد، مافی مرۆڤ

*****************************************

ئاگاداریی ده‌سته‌ی به‌ڕیوه‌به‌ریی سایتی هه‌ڵوێست

ژنانی پێشره‌و و تێکۆشه‌ر له‌ ڕاگه‌یه‌ندراوێکدا ،ڕایانگه‌یاندووه‌ رۆژی 22ی جۆزه‌ردان له‌ تاران له‌ کۆبوونه‌وه‌یه‌کی هێمانه‌دا دا یادی خۆ پیشندانه‌که‌ی ساڵی پار ده‌که‌نه‌وه‌ و هاواری مافخوازیی خۆیان ده‌که‌ن. له‌م پێوه‌ندییه‌دا تا ئێستا چه‌ندین که‌سایه‌تی و ناوه‌ندی سیاسیی و فه‌رهه‌نگی و پارێزه‌ری مافی مرۆڤ له‌ ناوخۆ و ده‌ره‌وه‌ له‌م هه‌نگاوه‌ پشتیوانیان کردووه‌، سایتی هه‌ڵوێست وێڕای پشتیوانیی له‌م هه‌نگاوه‌ بوێرانه‌یه‌، داوا له‌ هاونیشتمانانی کوردمان به‌ ژن و پیاوه‌وه‌ (به‌تایبه‌ت له‌ تاران) ده‌کات به‌ پیری ئه‌م بانگه‌وازه‌ی ژنانی چالاک و مافخوازه‌وه‌ بچن و له‌ ئیعترازی ئه‌م ژنه‌ پێشره‌وانه‌دا شه‌ریک بن. له‌م پێوه‌ندییه‌دا چاوه‌ڕوانی له‌ خوێندکارانی کورد (کوڕ و کچ) زۆرتره‌. کات و شووێنی کۆبوونه‌وه‌ له‌ تاران:(کاتژمێر ۵ تا ۶ ی پاش‌نیوه‌رۆ له‌ مه‌یدانی حه‌وتی ‎ تیر)

ده‌سته‌ی به‌رێوه‌به‌ریی سایتی هه‌ڵوێست

توێژینه‌و‌ه‌یێكی مێژوویی و كۆمه‌ڵایه‌تی له ڕابووردووی كورد

به ‌مه‌به‌ستی نرخاندن و توێژینه‌وه‌ی كۆمه‌ڵێ خاڵی نیگاتڤ و ناڕاست سه‌باره‌ت به مێژووی نه‌ته‌وه‌كانی ڕۆژهه‌ڵاتی ناوه‌ڕاست به‌تایبه‌ت نه‌ته‌وه‌ی كورد به به‌رچاوگرتن و سوودوه‌رگرتن له سه‌رچاوه مێژوویه‌كان، ماڵی كورد و ئه‌ڵمان هه‌ڵده‌ستێت به سازكردنی كۆڕێك بۆ به‌ڕێز:

حه‌مه سدیق میرزا( سدیقی ئه‌مجه‌دی )

نوسه‌ری كتێبی " كورد و دیرۆكه تاڵانكراوه‌كه‌ی" و خاوه‌ن و وه‌رگێڕی چه‌ند به‌رهه‌می‌ دیكه‌ی مێژوویی.


ماڵی كورد و ئه‌ڵمان(مكا)

ڕۆژ: دووشه‌ممه، ڕێكه‌وتی ٢٠٠٦−٦−٥

كاتژمێر: ٣ ی دوای نیوه‌ڕۆ

شوێن:

Alte Feuerwache Köln(Projekt Raum) Melchiorstr. 3 50670 Köln 0221-973155-0

داوه‌تنامه‌ی کۆنگره‌ی چاک بۆ ڕۆشنبیران و هونه‌رمه‌ندان.

داوه‌تنامه‌ی کۆنگره‌ی چاک بۆ ڕۆشنبیران و هونه‌رمه‌ندان و دڵسۆزان و چالاکان له‌ کێشه‌ی ئه‌نفالکردن و جینۆسایدی گه‌لی کورد.

له‌ 30.5 تازه‌ کراوه‌ته‌وه‌

ئه‌گه‌ر چی ئێمه‌ ویستمان وه‌ک ڕێزێک هه‌موو ئه‌و که‌سانه‌ بۆ کۆنگره‌ی چاک داوه‌ت بکه‌ین که‌ به‌ شێوه‌یه‌ک له‌ شێوه‌کان دڵسۆزیی خۆیان له‌ کێشه‌ی جینۆسایدکردنی گه‌لی کورددا ده‌رخستووه‌‌، به‌ڵام زۆریی ژماره‌ی ئه‌و به‌ڕێزانه‌ی که‌ شایانی داوه‌تکردنن و مانه‌وه‌ی هه‌ندێکیان وه‌ک سه‌ربازێکی ون وای کردووه‌ که‌ مه‌حاڵ بێت بتوانین ناوی هه‌موویانمان به‌ بیردا بێت و بتوانین بیانخه‌ینه لیستێکی دیاریکراوه‌وه‌. بۆیه‌ لێره‌دا به‌م نامه‌یه‌ داوه‌تی هه‌موو ڕۆشنبیران و هونه‌رمه‌ندان و دڵسۆزان و چالاکان له‌ کێشه‌ی ئه‌نفالکردن و جینۆسایدی گه‌لی کورد له‌ هه‌ر چوار پارچه‌ی کوردستان ده‌که‌ین‌. تکایه‌ هه‌موو ئه‌و به‌ڕێزانه‌ی ئه‌م داوه‌تنامه‌یه‌ ده‌یانگرێته‌وه، ‌له‌ باری هاتنیاندا به‌ ئیمایل ئاگادارمان بکه‌نه‌وه‌.‌ ئه‌م داوه‌تنامه‌یه‌ جێی لیستی ناو داوه‌تنامه‌کانی تر ده‌گرێته‌وه‌.

پاش چوار ساڵ له‌ کار و چالاکیی به‌رده‌وامی (ناوه‌ندی هه‌ڵه‌بجه‌ دژ به‌ ئه‌نفالکردن و جینۆسایدی گه‌لی کورد-چاک) و پاش په‌ره‌سه‌ندن و گه‌شه‌کردنێکی به‌رچاو و به‌ده‌ستهێنانی کۆمه‌ڵێک ده‌ستکه‌وت، له‌ بواری ناساندنی جینۆسایدی گه‌لی کورددا و زیاتربوونی ئه‌رکه‌کانی و گه‌شه‌کردنی به‌شه‌کانی له‌ سه‌رانسه‌ری جیهاندا، بٌڕیارمان دا که‌ ئه‌مساڵ کۆنگره‌یه‌کی زیندوو له‌ وڵاتێکی ئه‌وروپیدا ببه‌ستین.
ئه‌م کۆنگره‌یه‌ له‌ وڵاتی ئه‌ڵمانیا له‌ شاری کۆڵن، له‌ 3 و 4 ی مانگی شه‌شدا ده‌به‌سترێت. به‌شی یه‌که‌می کۆنگره‌، که‌ سه‌رله‌به‌یانیی ٌڕۆژی یه‌که‌م ده‌بێت، بۆ کردنه‌وه‌ی کۆنگره‌ و مێوانانی به‌ٌڕێز و ده‌زگاکانی ٌڕاگه‌یاندن و په‌یامنێران ته‌رخان ده‌کرێت، بۆیه‌ (چاک) خۆی به‌ سه‌ربڵند ده‌زانێت که‌ بانگهێشتی به‌ٌڕێزتان بۆ ئه‌م کۆنگره‌یه‌ بکات. دڵنیاین که‌ کۆنگره‌که‌مان به‌ به‌شداری و ٌتێبینی و پێشنیاره‌کانی به‌ٌڕێزتان ده‌وڵه‌مه‌ندتر ده‌بێت. ئه‌گه‌ر له‌به‌ر هه‌ر هۆیه‌کیش بێت، نه‌تانتوانی له‌ کۆنگره‌دا ئاماده‌بن و ٌڕاسته‌وخۆ به‌شداری بکه‌ن، ده‌توانن له‌ ٌڕێگای ئیمایله‌وه‌، بروسکه‌ و نامه‌کانتان بۆ کۆنگره‌ بنێرن.

تکایه‌ بۆ ئه‌وه‌ی باجی تایبه‌ت به‌ هاتنه‌ ژووره‌وه‌تان بۆ ئاماده‌ بکرێت، پێش 2.6.2006 له‌ ئاماده‌بوونتان و بوون یان نه‌بوونی په‌یامی تایبه‌تیتان، ئاگادارمان بکه‌نه‌وه‌.

لێره‌دا به‌ داخه‌وه‌ ناچارین ٌڕای بگه‌یه‌نین که‌ له‌به‌ر ناله‌باریی باری ئابووری (چاک)، ناتوانین هیچ جۆره‌ خه‌رجێکی میوانانی به‌ٌڕێز له‌ ئه‌ستۆ بگرین.

ناونیشان و ڕێنمایی بۆ گه‌یشتن به‌ شوێنی کۆنگره‌ی چاک

کاتی کۆنگره‌

03.06.2006
کاتژمێر 10:00 ی به‌یانی

ناونیشان

Alte Feuerwache
Melchiorstr. 3
50670 Köln
Tel: 00 49- 221- 9731550

ڕێنمایی بۆ گه‌یشتن به‌ شوێنی کۆنگره‌

له‌ ده‌وروبه‌ری شوێنی کۆنگره‌که‌( Alte Feuerwache) جێگای ڕاگرتنی ئۆتۆمۆبیل که‌مه‌، له‌به‌ر ئه‌وه‌ ئامۆژگاریتان ده‌که‌ین که‌ هێڵه‌کانی هاتوچۆی گشتی ناو شاری کوێلن( کۆڵن) به‌کار بهێنن که‌ ئه‌مانه‌ی خواره‌وه‌ن:

1. ده‌توانن له‌ وێستگای سه‌ره‌کیی شاری کوێلنه‌وه‌ (Köln Hauptbahnhof) هێڵه‌کانی میترۆی 5 و 6 و 12 و 15 و 16 و 17 18 و 19‌ به‌کار بهێنن. له‌ دووهه‌مین وێستگا واتا وێستگای Ebertplatz داده‌به‌زن و به‌ ئاراسته‌ی Neusser Str. ده‌ڕۆن له‌وێوه به‌‌ 5 خوله‌ک به‌ پێ ده‌گه‌نه‌ جێگای مه‌به‌ست.

2. ده‌توانن له‌ وێستگای سه‌ره‌کیی شاری کوێلنه‌وه (Köln Hauptbahnhof) هێڵی هاتوچۆی خێرا واتا S-Bahn ژماره‌ S 6 , S 11 , S12 به‌کار بهێنن، تا وێستگه‌ی Hansaring له‌وێوه به‌‌ 5 خوله‌ک‌ به‌ پێ ده‌گه‌نه‌ جێگای مه‌به‌ست.

3. هێڵه‌کانی پاسی 134 و 148 به‌کار بهێنن تا وێستگای Ebertplatz له‌وێ داده‌به‌زن و به‌ ئاراسته‌ی Neusser Str. ده‌ڕۆین له‌وێوه به‌‌ 5 خوله‌ک به‌ پێ ده‌گه‌نه‌ جێگای مه‌به‌ست.

4. بۆ ئه‌و که‌سانه‌ی که‌ به‌ ئۆتۆمۆبێل دێن، ده‌توانن سه‌یری نه‌خشه‌ی هاوپێچ بکه‌ن.
بۆ زانیاری زیاتر تکایه‌ په‌یوه‌ندی به‌ یه‌کێک له‌م 2 ژماره‌ ته‌له‌فۆنه‌وه‌ بکه‌ن.

ڕوناک ئه‌حمه‌د 004917622389696

موحه‌مه‌د خه‌یروڵڵا 004917670083671

یان په‌یوه‌ندی به‌م ئیمایله‌وه‌ بکه‌ن، که‌ تایبه‌ته‌ به‌ کاروباری کۆنگره‌ی (چاک) chak_kongre@yahoo.com

ناوه‌ندی هه‌ڵه‌بجه‌ دژ به‌ ئه‌نفالکردن و جینۆسایدی گه‌لی کورد-چاک

لیژنه‌ی ئاماده‌کاری کۆنگره‌
30/5/2006