كوردستان

kurdish weblog

My Photo
Name:
Location: Adelaide, SA, Australia

Sunday, August 07, 2005

خۆ پیشاندانی کورده‌کانی ئوسترالیا

خۆپێشاندانى کورده‌کانى ئوسترالیا
بۆ پشتگیرىکردن له‌ ڕاپه‌ڕینه‌کانى ڕۆژهه‌لاَتی کوردستان

سیروان به‌رزنجی
Pukonline6-8-2005

سه‌رله‌به‌یانى زووى ڕۆژى (06.08.05) شه‌ممه‌ کورده‌کانى هه‌ر چوار پارچه‌ى کوردستان له‌شاره‌کانى سیدنى ومالبۆڕن به‌ڕىَ که‌وتن به‌ره‌و شارى کانبێڕاى پایته‌ختى ئوسترالیا و سه‌عات 11.30 ى یانزه‌ونیوى پێش نیوه‌ڕۆىهه‌مان ڕۆژ له‌ به‌رده‌م باڵیۆزخانه‌ى کۆمارى ئیسلامى ئێران یه‌کیان گرته‌وه‌وکۆبوونه‌وه‌ بۆ پشتگیرى کردن له‌ ڕاپه‌ڕینه‌کانى کوردستانى ڕۆژهه‌لاَت .
پێشه‌کى به‌ده‌قیقه‌یه‌ک وه‌ستان بۆ گیانى پاکى شه‌هیدان وپاشان به‌به‌رز کردنه‌وه‌ى ئالاَى پیرۆزى کوردستان و دروشمه‌کان که‌ به‌ زمانى کوردى و فارسى و ئینگلیزى نوسرابوون ده‌ستى پێکرد له‌گه‌ڵ سروودى ئه‌ى شه‌هیدان به‌ڕێوه‌ چوو که‌نزیکه‌ى دوو سه‌عاتى خایاند له‌ پێش باڵیۆزخانه‌که‌دا به‌ ئاماده‌ بوونى میدیا و که‌ناڵه‌کانى ڕاگه‌یاندن که‌ تیایدا که‌ناڵى ( ئه‌ى . بى .سى ) ته‌له‌فیزیۆنى ئوسترالى و ڕادیۆى (بى ئێف ئێم ) ى کوردى و ڕادیۆى (2000 ئێف . ئێم ) و ڕادیۆیه‌کى فارسى به‌شدار بوون ، ئینجا ووتارى کۆمیته‌ى هاوبه‌ش بۆ پیشتیوانى له‌م ڕاپه‌ڕینه‌ شکۆمه‌نداره‌ به‌ زمانى کوردى له‌ لایه‌ن کاک ( که‌مال هه‌ورامى ) و به‌زمانى ئینگلیزى له‌ لایه‌ن ( ڕۆزا خان ) خوێندرایه‌وه‌ که‌ ئاماژه‌ى به‌ داواکارى ئه‌م خالاَنه‌ ده‌کرد :

( 1 ) داوا له‌ هه‌موو داموده‌زگا ده‌وڵه‌تى و مه‌ده‌نى یه‌کان له‌ئوسترالیا وله‌ هه‌موو ڕێکخراوه‌به‌شه‌ دۆسته‌کان ده‌که‌ین که‌ ئه‌م په‌لاماره‌دڕندانه‌ى کۆمارى ئیسلامى ئێران بۆ سه‌ر خه‌ڵکىکوردستان مه‌حکوم بکه‌ن .

( 2 )ده‌ست به‌ جىَ هه‌موو گیراوه‌کانى ئه‌و کاره‌ساته‌ بىَ قه‌ید و شه‌رت ئازاد بکرێت .

( 3 ) ڕژێم ده‌بێت هێزه‌ سه‌ر کوت که‌ره‌کانى خۆى له‌ شاره‌کانى کوردستان بکێشێته‌ دواوه‌ .

( 4 )ناساندن و سزادانى قاتلى ( شوانه‌ى سه‌ید قادر ) و هه‌موو کوژراوانى ترى ڕاپه‌ڕینى کوردستان .

( 5 ) ڕژێمى ئیسلامى ئێران وه‌ک تاوانکار وجینایه‌تکار ده‌بىَ بخرێته‌ ژێر پرسیار و لێکۆڵینه‌وه‌و قه‌ره‌بووى ئه‌و زه‌ره‌رو زیانانه‌ى خه‌ڵکه‌که‌ بژمێرێته‌وه‌ …………………هه‌روه‌ها نامه‌ى ناڕه‌زایى به‌م بۆنه‌یه‌وه‌ له‌ لایه‌ن کۆمیته‌که‌وه‌ ئاماده‌ کرا به‌ هه‌ردوو زمانى کوردى و ئینگلیزى بۆ ئه‌وه‌ى بدرێته‌ باڵوێزخانه‌کانى ئه‌مه‌ریکا و به‌ریتانیا ویونایتد نه‌یشن وبیرۆى سه‌رۆک وه‌زیرانى ئوسترالیا به‌ڕێز ( جۆن هاوه‌رد ) .پاشان به‌ سروودى ئه‌ى ره‌قیب به‌ شێوه‌یه‌کى هێمنانه‌ کۆتایى به‌ خۆپێشاندانه‌که‌ هێنرا .

0 Comments:

Post a Comment

Subscribe to Post Comments [Atom]

<< Home