بۆچوونێک
بۆچوونێک!
ئه‌وه‌ی له‌خواره‌وه نوسراوه، ده‌قی بۆچوونێکه که له‌سه‌ر بابه‌تی" هه‌ڵپه‌ڕكێی كوردی له ده‌ره‌وه‌ی وڵات"که کاک سامڕه‌ند نوسیویه‌تی و له‌سایتی دێمانه بڵااوکراوه‌ته‌وه، داندراوه.
ده‌سته‌كانت خۆش كاك سامڕه‌ندی به‌ڕێز. هه‌ویره‌كه ئاو زۆر هه‌ڵده‌گرێ و گه‌ره‌كه زیاتری له‌سه‌ر بنوسرێ. به‌شه‌كانی ئه‌م نوسینه‌ی به‌ڕیزتانم هه‌مووی خوێنده‌وه. له گه‌ڵ به‌شیک له بۆچوونه‌كانت هاوده‌نگم. ئه‌وه‌ی گرنگه باسه‌كه له پێناوی پاراستن و په‌ره‌پێدانی هونه‌رێكی ڕه‌سه‌نی كورده‌واریه‌و هه‌وڵدانێكه بۆ ووشیاركردنه‌وه‌ی كۆمه‌ڵگای كوردی و ئه‌وانه‌ی ئه‌م هونه‌ره‌یان له گرێژه‌نه بردووه. تا ڕاده‌یه‌كی له‌گه‌یاندنی مه‌به‌سته‌كه‌تدا سه‌ركه‌وتوویت. له هه‌ندێك شوێندا پێویستی زیاتر قووڵبوونه‌‌وه به باسه‌كه‌دا ده‌بینرێ. ئه‌گه‌ر چی باسه‌كه‌م پێ گرنگ بوو، به‌ڵام شێوه‌ی نوسینه‌كه‌ت و گرنگی نه‌دانت به زوانی نوسینه‌كه‌ت جێ سه‌ر سوڕمان بوو. به‌ڕێزتان كه ئاوا به‌گه‌رمی هاوار‌تان لێ به‌رز بۆته‌وه كه هونه‌رێكی ڕه‌سه‌نی كورده‌واری به‌ره‌و شێواندن ده‌چێت كه هاوارێكی ڕه‌واو به‌جێیه، چما له ئاست زوانی نوسینه‌كه‌ت كه زمانی كوردییه هێنده كه‌م ته‌رخه‌میی و به‌ده‌ربه‌ستییه‌‌وه نیت. ده‌كرێ له‌لایه‌كه‌وه هه‌وڵی پاراستنی هونه‌رێكی كورده‌واری بده‌یت و له‌و لایتریشه‌وه كه‌مته‌رخه‌مانه ....په‌یڤه‌کان لێواولێو بێت له وشه‌گه‌لی عاره‌بی فارسێندراو. ئه‌ز جارێکی دیکه‌ش له‌م پێوه‌ندییه‌دا بۆچوونی خۆم بۆ دانای و سه‌رسوڕمانی خۆم بۆ نوسیوی. به‌ڕێزتان یه‌کێک له هونه‌رمه‌نده ده‌ست ڕه‌نگینه‌کانی بواری کاریکاتێرن و ئه‌و کارانه‌ی من بینومن به زمانێکی خویاو ڕوون مه‌به‌سته‌کانتی بۆ بینه‌رانی به‌رهه‌مه‌کانت ده‌رخستوه. به‌ڵام تێناگه‌م بۆ زمانی نوسینه‌که‌ت ئاوایه. سه‌رده‌می زوو هۆنه‌رانی کورد هۆنراوه‌کانیاین پڕ ده‌کرد له ووشه‌گه‌لی فارسی و به‌تایبه‌ت عاره‌بی. ئه‌و سه‌رده‌مه ئه‌وه باو بوو ئاماژه‌ی به‌توانایی و به‌هێزی هۆنه‌ره‌وه بوو! له یاری کردن به‌وشه‌کان و تێترینجاندینان له هۆنراوه‌ی هه‌ژگ وه‌سه‌ری کوردی. به‌ڵام ئێستا نه‌ک ئه‌وه له‌باو که‌وتوه به‌ڵکوو ئاماژه‌یه‌که بۆ که‌مته‌رخمی له ئاست زمانی کوردی که ساڵهای ساڵه توشی داهێزران و تاڵان و له‌ناوبردن بۆته‌وه. ئه‌مڕۆ که ئه‌و ده‌رفه‌ته بۆ زووانی کوردی ڕه‌خساوه‌و ده‌کرێ له پێناوی ساخکردنه‌وه‌و زیندووکردنه‌وه‌‌یدا قۆڵی بۆ هه‌ڵماڵین و لانیکه‌م ئه‌وه‌ی هه‌یه‌و تا ئێستا پارێزراوه، بیپارێزین، ڕه‌وا نیه له‌سه‌ر ده‌ستی که‌سانی وه‌ک ئێوه که ساڵانێکی دورودرێژ له پێناوی گه‌له‌که‌تان و زمانه‌که‌یدا کوێره‌وه‌ریتان کێشاوه ئا به‌و ده‌رده ببرێت. هیوادارم له‌وه‌ی که بێ په‌رده له‌گه‌ڵت ده‌دوێم دڵمه‌ند نه‌بیت. ئه‌گه‌ر هونه‌ری کوردی و له ناویشیدا هه‌ڵپه‌ڕکێ شێوێندراوه ده‌بێ ڕێگه‌ی لێبگیرێ و له‌و په‌یوه‌ندییه‌دا کاری مکور ئه‌نجام بدرێ. هه‌روه‌ک ده‌بێ بۆ زمانیش ئه‌م هه‌وڵه بدرێ و هه‌رکه‌سێک و به‌تایبه‌ت ئه‌وانه ده‌نوسن له‌و پێوه‌ندییه‌دا به‌رپرسیارن. ئه‌وه‌نده‌تان له‌بیر بێت که بۆ کوردی ده‌نوسن و خوێنه‌ره‌وه‌ی بابه‌ته‌کانتان کوردزمانن.
posted by Xalid Azizi | 16:24
0 Comments:
Post a Comment
Subscribe to Post Comments [Atom]
<< Home