ڕۆمانی گوڵی شۆڕان
ڕۆمانی گوڵی شۆڕان
نوسینی: هیوا گوڵ محه‌مه‌دی
ڕومانی گوڵی شوران له نوسینی ، نوسه‌ری هاوچه‌رخ و خاوه‌ن بیری ورد و داهینانی نوی ، كاك عه‌تا نه‌هایی ، دووهه‌م به‌رهه‌م یان ڕومانی ژماره دوویه‌تی. ئه‌م بابه‌ته پیشكه‌شه به كاك عه‌تای خوشه‌ویست و هیوادارم به‌رده‌وام و به‌رقه‌رار بی بۆ پیشخستن و بوژاندنه‌وه‌ی ئه‌ده‌بیاتی نه‌ته‌وه‌كه‌مان...
.... ڕۆمانی گوڵی شۆڕان ، ڕۆمانێكی نوێیه، نه‌ك نوێ له نووسین به‌ڵكو نوێیه له داڕشتن، له ده‌ربڕینا، له ئاوڕدانه‌وه و ده‌رس وه‌رگرتنا. هه‌ڵوێسته‌كانی نوێن، كه‌سایه‌تیه‌كانی تازه‌كار و باس و خواسه‌كانی ، وت و وێژه‌كانی ، ڕوحه ون بووه‌كانی و ئازاره‌كانی هه‌نوكه‌یه، نه‌ك هی ئێستا بێ، به‌ڵكو كۆنه، كۆنه به‌ڵام نوێیه و له‌وه‌ی ئیستا و ڕه‌نگه دوایش ، به‌یانی دوو به‌یانی و حه‌وتووی داهاتوش هه‌ر ئاوا بێ ، كۆن نه‌بێ و هه‌موكاتێ هه‌ر نوێ بێ ، هه‌نوكه‌یی بێ...
ئه‌وكاته‌ی خۆشه‌ویستی ئه‌بێته كۆتری دڵ و وه‌ك هه‌مو دڵداره‌كانی ئه‌م كه‌ونارایه به شوێن هێلانه دا ئه‌گه‌ڕێ ، ئه‌وكاته‌ی كه دڵ و دڵدار خه‌ونی پێك گه‌یشتن و ده‌س له‌ملانی ئه‌بینن ، ده‌بێ شایی بگێڕن و بۆ شادبوونیان، شایی بگێڕردرێ، شاییه‌كی ئاسایی، ڕۆمانتیك و هێدی، به‌ڵام نه مۆمێك ده‌ئایسێ و نه په‌پوله‌یه‌ك باڵ لێ ئه‌دا و نه ده‌نگی هێمنی مۆسیقایه‌كی خوش وه‌ك شمشاڵه‌كه‌ی ده‌رویش عه‌بدوڵا یان وه‌ك هونه‌ری قاله مه‌ڕه، به‌ر گوێ ئه‌كه‌وێ ... زه‌ماوه‌نه‌كه ساده و ساكاره، ساده‌یه وه‌ك ڕه‌نگی به‌یان ، ده‌رونیان خاوینه وه‌ك ئاوی كانیاوه‌كه‌ی به‌رماڵان...
ده‌نگی له دوره‌وه به شارو گوندا ، به كۆڵان و ماڵ به ماڵی مه‌ڵبه‌ندا ،ئه‌گه‌ڕی ، ئیواره بێ یان به‌یانی، نیوه‌ڕۆ بێ یان نیوه‌ی شه‌و ، ئاهه‌نگی ده‌نگه‌كه له به‌ر دڵانه و دڵی مرۆڤ، چاوی ئاشق و هه‌ستی ڕێبوار ئه‌هه‌ژنێ ، ئه‌بزوینی و ڕائه‌په‌ڕینی...
به‌ڵام بۆچی لاس نه‌یتوانی گوڵی شوران به دیاری بو غه‌زاڵه چاوه‌ڕوانه‌كی بێنێ و له یه‌خه‌ی سینه‌پوشه‌كه‌ی بدا و ئاواته‌كه‌ی، داوایه‌كه‌ی ، خواسته‌كه‌ی، ویسته‌كه‌ی ، به جێ بگه‌یه‌نێ. داخوا نه‌گه‌یشت.. بۆ نه‌گه‌یشت.. ڕیگای لێ تێك چو یان له سه‌ر ڕیگا ڕوشتن به لا ڕێدا چو.. گوێی له‌م و له‌و گرت و بڕوای به خۆی نه‌بو...
بۆچی كاكه لاسی لاوچاك نه‌گه‌ڕایه‌وه، یان گه‌ڕاوه‌ته‌وه و دیار نیه، ونه له‌به‌ر ئه‌وه‌ی له‌گه‌ڵ ڕوحی دا لێك دابڕاون.. بۆچی نایه له شه‌وی په‌رده دا ده‌ستی شه‌نگه غه‌زاڵه‌كه‌ی بگرێ، به خۆی ڕه‌وا نابینێ یان پێی ڕه‌وا نابینن، ده‌نا وا وێ ده‌چێ پێیان ڕه‌وا نه‌بینیبێ و ئه‌ویش بڕوای به قسه‌ی ئه‌وان كردبی .....
تراژیدی لێك دا بڕان ، خۆ ون كردن ، له خۆ، له خودی خۆت یاغی بوون ، جه‌سته‌ی بێ ڕوح ، ڕوحی بی فه‌رمان، لێره‌یه و لێره‌ش نییه ، له خه‌ودایه و وا ئه‌زانێ و‌شیاره ، به ئازاره و هه‌ست به په‌تروكه‌ی برینه‌كانی ناكا، تراژیدی له دوای تراژیدی ، ئیتر بووه‌ته گاڵته ، ئیتر جێگه‌ی داخ نیه به‌ڵكو به‌شێكه له باسه‌كه له به‌سه‌رهاته‌كه...
ئیتر ئا لێره‌دا له خۆی دابڕا ، هه‌ر لێره‌ش دا له‌گه‌ڵ خه‌یاڵ یه‌كی گرته‌وه، خه‌یاڵ نا ، له‌گه‌ڵ خه‌ونا ، خه‌ونه ئاڵوزاوه‌كان ، ئه‌و خه‌ونانه‌ی كه هه‌زار جار تیایان دا كه‌وتی، كه‌وتیه خواری، به‌ریان دایته‌وه، تیان هه‌ڵدای، فڕێیان دای ، توڕیان هه‌ڵدای، ڕوت و قوتیان كردیته‌وه، پێت پێكه‌نین، گاڵته‌یان پێكردی، بچووكیان كردیته‌وه، قوڕیان هه‌ڵسو به سه‌رو چاوتا ، به چه‌پۆكه‌كانیان به ناخی ئاخیانا ڕۆ كردی، كه چی له ڕوو ناچی ، دیسان هه‌مان خه‌ون و هه‌مان سه‌رین و هه‌مان ڕوداو... تۆش ناجوڵێی ته‌نانه‌ت له خه‌ویشا هاواری ناكه‌ی، كه به‌ڵكو هاواره‌كه‌ت ببێته زریكه‌یه‌ك و ڕات چڵه‌كینی، وه ئاگات بێنی و له‌و گیژاوه ده‌رت بهینی... هه‌ر یه‌ك ناڵه ... هه‌ر یه‌ك هاوار... ڕاچڵه‌كانێ... هه‌ر ڕامانیك چاره‌نوسه‌‌كه‌ت ئه‌گوڕێ ... تو نه‌گۆڕ نیت، ژیان نه‌گوڕ نییه ، چاره‌نوس نه‌گۆڕ نییه، به‌ڵام له خه‌وا نا... نا ... نا
هیوا په‌ك كه‌وته‌یه، هیواكان په‌كیان كه‌وتووه، له كونجی ماڵه ڕوخاوه‌كه دا به ئاسته‌مێك ده‌بیندرێت و نوزه‌ی دێ. هیوا له ئازاری ڕوحی خۆیا له ئاڵۆزاوی ڕه‌وانی خۆیا له ته‌نیایی و بێكه‌سی و له بێ كه‌ڵكی خۆیا ، مه‌چه‌كی خۆی ئه‌كروژێ، ددانه‌كانی له گوشتی خۆی ڕۆ كردووه، برینه‌كه‌ی بۆگه‌نی كردووه ، هیوا بۆگه‌نی كردووه، بۆگه‌ن له ماڵی هیوا دا وه‌ك كه‌لاكی تۆپیو، وه‌ك مه‌ڕی مرداره‌وه بۆ هه‌مو ماڵه‌كه‌ی پڕ كردووه، كه‌سێك نه‌بوو، كه‌سێك نییه ، كه‌سێك نایه ، كه‌سێك نه‌هات ، ده‌ستی بگاته داوێنی بیری به‌رزی چاره‌سه‌ری ، بیرێك له‌م بۆگه‌نه بكاته‌وه...
ئه‌وكاته‌ی كه لاس وه‌ك بڕنه‌وه‌كه‌ی لا شانی ، سارد و سڕ و جارو باره گه‌رمایه‌كی خێرا به هه‌ناویدا تێ ئه‌په‌ڕێ ، ئه‌وكاته‌ی كه لاس پشتی له شار و ڕووی له نادیار كرد ... ئه‌وكاته‌ی كه لاس نه گوڵی شۆڕانی بۆن كرد و نه له خوشه‌ویستی غه‌زاڵ تیگه‌یشت، هیوا په‌ككه‌وته له دایك بوو، ددانی له گۆشتی خوی ڕۆ كرد، جه‌سته‌ی بریندار، برینه‌كانی خوێنیان لێهات ، خوێن به ناو حه‌وشه‌كه دا بڵاو بوه‌وه ، كه‌س نه‌یتوانی پاكی كاته‌وه ، كه‌س ئاوڕی لێ نه‌دایه‌وه ، كه‌س برین و خوێن و ددانه‌كانی ئه‌وی نه‌بینی ... سه‌ر ئه‌نجام بۆگه‌ن هه‌ستا ، بۆگه‌ن كه‌وته وه‌ڵات ، هیوا بۆگه‌نی كرد .....
وون بوون ، وون كردن ، خۆ نه‌ناسین ، جیابوونه‌وه ، دابڕان له خولیاكان ، له حه‌زه‌كان ، له جوانیه‌كان ، له كانیاوه‌كان له چۆمه‌كان له دار به‌ڕووه‌كان ، دابڕانه له خوت... تۆ ونی، تۆ نادیاری ، هه‌ناسه هه‌ڵ ئه‌مژی به‌ڵام نابیندرێی ، قسه ئه‌كه‌ی به‌ڵام كه‌س نایبیسێ، به چاوه‌كانت زرت و زیت چاو له چاویان ئه‌كه‌ی به‌ڵام به سه‌رتا باز ئه‌ده‌ن و چاوه‌كانی تۆ نابینن... تۆ ده‌مێكه مردوی، مردن جۆری هه‌یه ، مردن ته‌نیا كۆچ كردن له ژیان نییه ، تۆ له ژیانا مردوی ، به زیندویی ون كراوی ، تو ژماره نیت تو سیفری له هه‌ر كوێت دانێن به بی ژماره‌كان هه‌ر ده‌بیته‌وه سیفر ، هیچ... هه‌تا بنوسی سیفر هه‌ر ده‌بیته‌وه هیچ ........... هیچ............هیچ ، تو شارت به جی هێشت ، تو ماڵی خوتت ڕوخان تو بێ ماڵی ، تو ناونیشانت نیه ، تو نازانی بڵیی كێی ، چیی ، چیت ئه‌وێ ، به‌ره‌و كوی ئه‌چی ... تو ده‌بیته‌وه هیچ.............. هیچ
040803
نوسینی: هیوا گوڵ محه‌مه‌دی
ڕومانی گوڵی شوران له نوسینی ، نوسه‌ری هاوچه‌رخ و خاوه‌ن بیری ورد و داهینانی نوی ، كاك عه‌تا نه‌هایی ، دووهه‌م به‌رهه‌م یان ڕومانی ژماره دوویه‌تی. ئه‌م بابه‌ته پیشكه‌شه به كاك عه‌تای خوشه‌ویست و هیوادارم به‌رده‌وام و به‌رقه‌رار بی بۆ پیشخستن و بوژاندنه‌وه‌ی ئه‌ده‌بیاتی نه‌ته‌وه‌كه‌مان...
.... ڕۆمانی گوڵی شۆڕان ، ڕۆمانێكی نوێیه، نه‌ك نوێ له نووسین به‌ڵكو نوێیه له داڕشتن، له ده‌ربڕینا، له ئاوڕدانه‌وه و ده‌رس وه‌رگرتنا. هه‌ڵوێسته‌كانی نوێن، كه‌سایه‌تیه‌كانی تازه‌كار و باس و خواسه‌كانی ، وت و وێژه‌كانی ، ڕوحه ون بووه‌كانی و ئازاره‌كانی هه‌نوكه‌یه، نه‌ك هی ئێستا بێ، به‌ڵكو كۆنه، كۆنه به‌ڵام نوێیه و له‌وه‌ی ئیستا و ڕه‌نگه دوایش ، به‌یانی دوو به‌یانی و حه‌وتووی داهاتوش هه‌ر ئاوا بێ ، كۆن نه‌بێ و هه‌موكاتێ هه‌ر نوێ بێ ، هه‌نوكه‌یی بێ...
ئه‌وكاته‌ی خۆشه‌ویستی ئه‌بێته كۆتری دڵ و وه‌ك هه‌مو دڵداره‌كانی ئه‌م كه‌ونارایه به شوێن هێلانه دا ئه‌گه‌ڕێ ، ئه‌وكاته‌ی كه دڵ و دڵدار خه‌ونی پێك گه‌یشتن و ده‌س له‌ملانی ئه‌بینن ، ده‌بێ شایی بگێڕن و بۆ شادبوونیان، شایی بگێڕردرێ، شاییه‌كی ئاسایی، ڕۆمانتیك و هێدی، به‌ڵام نه مۆمێك ده‌ئایسێ و نه په‌پوله‌یه‌ك باڵ لێ ئه‌دا و نه ده‌نگی هێمنی مۆسیقایه‌كی خوش وه‌ك شمشاڵه‌كه‌ی ده‌رویش عه‌بدوڵا یان وه‌ك هونه‌ری قاله مه‌ڕه، به‌ر گوێ ئه‌كه‌وێ ... زه‌ماوه‌نه‌كه ساده و ساكاره، ساده‌یه وه‌ك ڕه‌نگی به‌یان ، ده‌رونیان خاوینه وه‌ك ئاوی كانیاوه‌كه‌ی به‌رماڵان...
ده‌نگی له دوره‌وه به شارو گوندا ، به كۆڵان و ماڵ به ماڵی مه‌ڵبه‌ندا ،ئه‌گه‌ڕی ، ئیواره بێ یان به‌یانی، نیوه‌ڕۆ بێ یان نیوه‌ی شه‌و ، ئاهه‌نگی ده‌نگه‌كه له به‌ر دڵانه و دڵی مرۆڤ، چاوی ئاشق و هه‌ستی ڕێبوار ئه‌هه‌ژنێ ، ئه‌بزوینی و ڕائه‌په‌ڕینی...
به‌ڵام بۆچی لاس نه‌یتوانی گوڵی شوران به دیاری بو غه‌زاڵه چاوه‌ڕوانه‌كی بێنێ و له یه‌خه‌ی سینه‌پوشه‌كه‌ی بدا و ئاواته‌كه‌ی، داوایه‌كه‌ی ، خواسته‌كه‌ی، ویسته‌كه‌ی ، به جێ بگه‌یه‌نێ. داخوا نه‌گه‌یشت.. بۆ نه‌گه‌یشت.. ڕیگای لێ تێك چو یان له سه‌ر ڕیگا ڕوشتن به لا ڕێدا چو.. گوێی له‌م و له‌و گرت و بڕوای به خۆی نه‌بو...
بۆچی كاكه لاسی لاوچاك نه‌گه‌ڕایه‌وه، یان گه‌ڕاوه‌ته‌وه و دیار نیه، ونه له‌به‌ر ئه‌وه‌ی له‌گه‌ڵ ڕوحی دا لێك دابڕاون.. بۆچی نایه له شه‌وی په‌رده دا ده‌ستی شه‌نگه غه‌زاڵه‌كه‌ی بگرێ، به خۆی ڕه‌وا نابینێ یان پێی ڕه‌وا نابینن، ده‌نا وا وێ ده‌چێ پێیان ڕه‌وا نه‌بینیبێ و ئه‌ویش بڕوای به قسه‌ی ئه‌وان كردبی .....
تراژیدی لێك دا بڕان ، خۆ ون كردن ، له خۆ، له خودی خۆت یاغی بوون ، جه‌سته‌ی بێ ڕوح ، ڕوحی بی فه‌رمان، لێره‌یه و لێره‌ش نییه ، له خه‌ودایه و وا ئه‌زانێ و‌شیاره ، به ئازاره و هه‌ست به په‌تروكه‌ی برینه‌كانی ناكا، تراژیدی له دوای تراژیدی ، ئیتر بووه‌ته گاڵته ، ئیتر جێگه‌ی داخ نیه به‌ڵكو به‌شێكه له باسه‌كه له به‌سه‌رهاته‌كه...
ئیتر ئا لێره‌دا له خۆی دابڕا ، هه‌ر لێره‌ش دا له‌گه‌ڵ خه‌یاڵ یه‌كی گرته‌وه، خه‌یاڵ نا ، له‌گه‌ڵ خه‌ونا ، خه‌ونه ئاڵوزاوه‌كان ، ئه‌و خه‌ونانه‌ی كه هه‌زار جار تیایان دا كه‌وتی، كه‌وتیه خواری، به‌ریان دایته‌وه، تیان هه‌ڵدای، فڕێیان دای ، توڕیان هه‌ڵدای، ڕوت و قوتیان كردیته‌وه، پێت پێكه‌نین، گاڵته‌یان پێكردی، بچووكیان كردیته‌وه، قوڕیان هه‌ڵسو به سه‌رو چاوتا ، به چه‌پۆكه‌كانیان به ناخی ئاخیانا ڕۆ كردی، كه چی له ڕوو ناچی ، دیسان هه‌مان خه‌ون و هه‌مان سه‌رین و هه‌مان ڕوداو... تۆش ناجوڵێی ته‌نانه‌ت له خه‌ویشا هاواری ناكه‌ی، كه به‌ڵكو هاواره‌كه‌ت ببێته زریكه‌یه‌ك و ڕات چڵه‌كینی، وه ئاگات بێنی و له‌و گیژاوه ده‌رت بهینی... هه‌ر یه‌ك ناڵه ... هه‌ر یه‌ك هاوار... ڕاچڵه‌كانێ... هه‌ر ڕامانیك چاره‌نوسه‌‌كه‌ت ئه‌گوڕێ ... تو نه‌گۆڕ نیت، ژیان نه‌گوڕ نییه ، چاره‌نوس نه‌گۆڕ نییه، به‌ڵام له خه‌وا نا... نا ... نا
هیوا په‌ك كه‌وته‌یه، هیواكان په‌كیان كه‌وتووه، له كونجی ماڵه ڕوخاوه‌كه دا به ئاسته‌مێك ده‌بیندرێت و نوزه‌ی دێ. هیوا له ئازاری ڕوحی خۆیا له ئاڵۆزاوی ڕه‌وانی خۆیا له ته‌نیایی و بێكه‌سی و له بێ كه‌ڵكی خۆیا ، مه‌چه‌كی خۆی ئه‌كروژێ، ددانه‌كانی له گوشتی خۆی ڕۆ كردووه، برینه‌كه‌ی بۆگه‌نی كردووه ، هیوا بۆگه‌نی كردووه، بۆگه‌ن له ماڵی هیوا دا وه‌ك كه‌لاكی تۆپیو، وه‌ك مه‌ڕی مرداره‌وه بۆ هه‌مو ماڵه‌كه‌ی پڕ كردووه، كه‌سێك نه‌بوو، كه‌سێك نییه ، كه‌سێك نایه ، كه‌سێك نه‌هات ، ده‌ستی بگاته داوێنی بیری به‌رزی چاره‌سه‌ری ، بیرێك له‌م بۆگه‌نه بكاته‌وه...
ئه‌وكاته‌ی كه لاس وه‌ك بڕنه‌وه‌كه‌ی لا شانی ، سارد و سڕ و جارو باره گه‌رمایه‌كی خێرا به هه‌ناویدا تێ ئه‌په‌ڕێ ، ئه‌وكاته‌ی كه لاس پشتی له شار و ڕووی له نادیار كرد ... ئه‌وكاته‌ی كه لاس نه گوڵی شۆڕانی بۆن كرد و نه له خوشه‌ویستی غه‌زاڵ تیگه‌یشت، هیوا په‌ككه‌وته له دایك بوو، ددانی له گۆشتی خوی ڕۆ كرد، جه‌سته‌ی بریندار، برینه‌كانی خوێنیان لێهات ، خوێن به ناو حه‌وشه‌كه دا بڵاو بوه‌وه ، كه‌س نه‌یتوانی پاكی كاته‌وه ، كه‌س ئاوڕی لێ نه‌دایه‌وه ، كه‌س برین و خوێن و ددانه‌كانی ئه‌وی نه‌بینی ... سه‌ر ئه‌نجام بۆگه‌ن هه‌ستا ، بۆگه‌ن كه‌وته وه‌ڵات ، هیوا بۆگه‌نی كرد .....
وون بوون ، وون كردن ، خۆ نه‌ناسین ، جیابوونه‌وه ، دابڕان له خولیاكان ، له حه‌زه‌كان ، له جوانیه‌كان ، له كانیاوه‌كان له چۆمه‌كان له دار به‌ڕووه‌كان ، دابڕانه له خوت... تۆ ونی، تۆ نادیاری ، هه‌ناسه هه‌ڵ ئه‌مژی به‌ڵام نابیندرێی ، قسه ئه‌كه‌ی به‌ڵام كه‌س نایبیسێ، به چاوه‌كانت زرت و زیت چاو له چاویان ئه‌كه‌ی به‌ڵام به سه‌رتا باز ئه‌ده‌ن و چاوه‌كانی تۆ نابینن... تۆ ده‌مێكه مردوی، مردن جۆری هه‌یه ، مردن ته‌نیا كۆچ كردن له ژیان نییه ، تۆ له ژیانا مردوی ، به زیندویی ون كراوی ، تو ژماره نیت تو سیفری له هه‌ر كوێت دانێن به بی ژماره‌كان هه‌ر ده‌بیته‌وه سیفر ، هیچ... هه‌تا بنوسی سیفر هه‌ر ده‌بیته‌وه هیچ ........... هیچ............هیچ ، تو شارت به جی هێشت ، تو ماڵی خوتت ڕوخان تو بێ ماڵی ، تو ناونیشانت نیه ، تو نازانی بڵیی كێی ، چیی ، چیت ئه‌وێ ، به‌ره‌و كوی ئه‌چی ... تو ده‌بیته‌وه هیچ.............. هیچ
040803
posted by Xalid Azizi | 01:23
0 Comments:
Post a Comment
Subscribe to Post Comments [Atom]
<< Home