كوردستان

kurdish weblog

My Photo
Name:
Location: Adelaide, SA, Australia

Wednesday, December 14, 2005

خۆکوژیی خێزانێکی کورد

خۆکوژیی خێزانێکی کورد


به‌ پێی هه‌واڵی گه‌یشتوو، له‌ کرماشانه‌وه‌ شه‌وی پێنجشه‌ممه‌ 17/ 9/2705، 8/12/2005، خێزانێکی لێقه‌وماوی نه‌ته‌وه‌ بنده‌سته‌که‌مان که‌ بریتیبوون له‌ دایک و کچ و کوڕێک له‌ کاتێکدا 60تا90 له‌ سه‌دی له‌شیان سووتابوو، براونه‌ته‌ یه‌کێ له‌ نه‌خۆشخانه‌کانی کرماشان.

ئه‌م خێزانه‌ دانیشتووی شاری جوانڕۆی پارێزگای کرماشانن و ناوه‌کانیان بریتین له‌:

1- نوسره‌ت وه‌یسی، کچی مه‌حموود ته‌مه‌ن 40 ساڵ- دایک.
2- په‌روین سه‌عید نژاد کچی سه‌یدره‌زا و نوسره‌ت ته‌مه‌ن 23 ساڵ.
3- محه‌ممه‌د عه‌لی سه‌عید نژاد کوڕی سه‌ید ره‌زا و نوسره‌ت ته‌مه‌ن 18 ساڵ.

به‌ داخه‌وه‌ پاش رۆژێک به‌ربه‌ره‌کانێ له‌گه‌ڵ مه‌رگ، نوسره‌ت وه‌یسی که‌ 90 له‌سه‌دی له‌شی سووتابوو، گیانی سپاردووه‌ و کوڕوکچه‌ سووتاوه‌که‌شی بێکه‌س و ته‌نیا له‌ ژێر نه‌شته‌رگه‌رییدان.

ئه‌م ژن و منداڵانه‌ که‌ بێمێرد و باوک بوون، له‌ به‌ر ناله‌باریی بارودۆخی ژیان و بێده‌ره‌تانی و هه‌ژاریی، وێکڕا بڕیار ده‌ده‌ن خۆبکوژن. بۆیه‌ پێکه‌وه‌ ئاگر له‌ خۆیان به‌ر ده‌ده‌ن.

خۆکوژیی تێکڕایی ئه‌و خێزانه‌، له‌ جۆری خۆیدا کاره‌ساتێکه‌ و ئاکامی ده‌سه‌ڵاتی داگیرکه‌ری تاقمێک ئاخوندی دز و گه‌نده‌ڵ و مرۆڤکوژه‌.

خۆکوژیی له‌ وڵاتی ئێمه‌ بووه‌ته‌ دیاره‌یه‌ک و خێزانێکی کورد له‌ کاتێکدا خۆکوژیی ده‌که‌ن که‌ نیشتمانه‌که‌یان به‌ پیت و به‌ره‌که‌تترین خاکه‌ و خاوه‌نی نه‌وت و ئاو و زێڕ و ده‌یان ماده‌ی به‌نرخی دیکه‌یه‌. به‌ڵام له‌ جیاتی ئه‌وه‌ی هۆکاری تێری و ئاسوده‌یی و هیوا و دڵنیای بێ بۆ مرۆڤی کورد، لێی زه‌وتکراوه‌ و به‌ تاڵان ده‌برێ. هیوا به‌وه‌ی له‌ بنده‌ستی رێژیمی داگیرکه‌ردا، گۆڕانکاریی به‌ قازانجی خه‌ڵک رووبدا، خه‌یاڵی خاوه‌. بۆیه‌ بۆ کۆتایی هاتنی تاهه‌تایی مه‌رگ و کوشتار و وێرانی و نه‌خۆشی و قات و قڕی له‌ نێوان کورددا، ته‌نیا یه‌ک رێگا، رێگای رزگاریی یه‌کجارییه‌: سه‌ربه‌خۆیی و به‌ ده‌وڵه‌تبوونی کورد‌.

یه‌کێتی شۆڕشگێڕانی کوردستان، داخ و که‌سه‌ری خۆی له‌م رووداوه‌ دڵته‌زێنه‌ ده‌رده‌بڕێ و خه‌میی قورسی ئه‌م کاره‌ساته‌ ده‌کاته‌ هێزی خه‌بات له‌ پێناو رادانی داگیرکه‌ران و رزگاریی کوردستان.

یه‌کێتی شۆڕشگێڕانی کوردستان
22/سه‌رماوه‌زی/2705

0 Comments:

Post a Comment

Subscribe to Post Comments [Atom]

<< Home