كوردستان

kurdish weblog

My Photo
Name:
Location: Adelaide, SA, Australia

Sunday, June 19, 2005

ڕێگریه‌کانی کۆماری ئیسلامی له‌ نوسه‌ری ناودار عه‌لی ئه‌شره‌ف ده‌روێشیان!

له‌و هه‌واڵه‌ خواره‌وه‌دا نوێترین ڕێگریه‌کانی کۆماری ئیسلامی له‌ جموجوڵه‌کانی نوسه‌ری خوشه‌ویست و ناوداری کورد عه‌لی ئه‌شره‌فی ده‌روێشیان له‌ ئێران به‌گه‌شتی و له‌ ڕۆژهه‌ڵات و باشوری کوردستان به‌تایبه‌تی بڵاوکراوه‌ته‌وه‌. سه‌رنجتان بۆ خوێنده‌وه‌ی ڕاده‌کێشم.

ناسری زه‌ره‌سشی له‌ به‌ندیخانه‌ی ئه‌وین مانده‌گرێت
تایبه‌ت/ به‌(ئاڵای ئازادی)

ناسری زه‌ره‌سشی ئه‌ندامی ده‌سته‌ی به‌ڕێوه‌به‌ری کانونی نوسه‌رانی ئێران و پارێزه‌ری هه‌ندێک له‌که‌سایه‌تیه‌ سیاسیه‌کان له‌ به‌ندیخانه‌ی ئه‌وینی تاران دژ به‌ بارودۆخی خراپی نێو ئه‌وزیندانه‌، مانی گرتوه‌و به‌یان نامه‌یه‌کی ده‌رکردووه‌ به‌ناوی (ماره‌سۆنی مه‌رگ)و سه‌ره‌ڕای ئه‌وه‌ی باری ته‌ندروستی زۆر خراپه‌، بڕیاری به‌رده‌وامبوونی له‌ مانگرتنه‌که‌ داوه‌.له‌نامه‌یه‌کی نوسه‌ری ناوداری کوردی ڕۆژهه‌لاَت عه‌لی ئه‌شره‌فی ده‌روێشیان که‌ بۆ کۆنفرانسی میدیای منداڵانی ناردوه‌ باس له‌وه‌ده‌کات که‌ زه‌ره‌سشی ئه‌وی به‌به‌رپرسی لیژنه‌ی مانگرتوان داناوه‌، بۆ ئه‌ومه‌به‌سته‌ش جه‌ماوه‌رێکی زۆرو به‌شێک له‌ نوسه‌رانی به‌هه‌ڵوێست، له‌به‌رده‌م زیندانی ئه‌ویندا کۆبونه‌ته‌وه‌، بڕیاره‌ تا ئازادی زه‌ره‌سشیش درێژه‌ی پێبده‌ن. سه‌باره‌ت به‌ به‌شدارینه‌کردنی له‌ کۆنفراسی میدیای منداڵان، ده‌روێشیان ده‌ڵێت(زۆر به‌داخه‌وه‌ که‌ نه‌متوانی یان باشتره‌ بڵێم: (نه‌یانهێشت!) ئاماده‌ی کۆنفرانسه‌که‌تان ببم. ئه‌مه‌ چه‌نده‌مین جاره‌ له‌ کوردستانی ئازاده‌وه‌ بانگهێشت ده‌کرێم، به‌لاَم حکومه‌تی ئێران ده‌بێته‌ ڕێگر له‌ هاتنی من بۆ کوردستانی ئازادو، ته‌نانه‌ت بۆ شاره‌کانی کوردستانی ئێران و، بۆ شاری کرماشانیش که‌ زێدی خۆمه‌ و ئه‌مجاره‌ش رووبه‌ڕووی هه‌مان گرفت بوومه‌وه‌).

0 Comments:

Post a Comment

Subscribe to Post Comments [Atom]

<< Home