كوردستان

kurdish weblog

My Photo
Name:
Location: Adelaide, SA, Australia

Wednesday, May 18, 2005

ڕێکخراوی به‌رگری له‌ مافی مرۆڤی کوردستان


Rekxrawi bergri le mafi mroviy Kurdstan

Posted by Hello


ڕاگه‌‌یه‌ندراوی ژماره‌ 7ی
ڕێکخراوی به‌رگری له‌ مافی مرۆڤی کوردستان
ڕێکخراوی به‌رگری له‌ مافی مرۆڤی کوردستان ڕاگه‌یاندراوی ژماره‌ حه‌وتی خۆی بڵاوکرده‌وه‌. ئه‌م ڕێکخراوه‌ ‌ ڕاگه‌یاندراوه‌که‌ی خۆی، که‌ کۆپیه‌کی به‌ ئێمه‌ش گه‌یشتوه،‌ ته‌رخانکردوه‌‌ بۆ به‌ هاناوه‌چوونی به‌ندکراوی مانگرتوو ڕه‌زا ئه‌مینی.

له‌ سه‌ره‌تای ڕاگه‌یاندراوه‌که‌یدا ئاوا ده‌نوسێ:
ڕه‌زا ئه‌مینی به‌ندکراوی مهابادی که‌ به‌تاوانی په‌یوه‌ندیی له‌گه‌ڵ حزبی دیموکراتی کوردستان گیراوه‌، بڕیاری بیست ساڵ به‌ندو دورخستنه‌وه‌ی بۆ به‌ندیخانه‌ی ته‌برێزی به‌سه‌ردا سه‌پێندراوه‌، وێڕای دوو به‌ندکراوی دیکه‌ به‌ناوه‌كانی هه‌ڵمه‌ت حه‌سه‌ن ئازه‌رپوو عه‌بدوڵڵا محه‌ممه‌دی له‌ دژی ئه‌و بڕیاری ناڕه‌وایه‌ی به‌سه‌ریاندا سه‌پێنراوه‌ له‌ ڕۆژی هه‌ینی ڕابردوه‌وه‌ بڕیاری داوه‌ مان له‌ خواردن بگرێ. به‌ پێی دوایین زانیاری که‌ به‌ده‌ستمان گه‌یشتوه‌و به‌ ده‌ربڕینی بنه‌ماڵه‌که‌ی، سه‌ره‌ڕای ئه‌وه‌ی مانگرتنه‌که‌ چۆته‌ ناو پێنجه‌مین ڕۆژی خۆی، به‌ڵام له‌گه‌ڵ گوێ پێنه‌دان و بێ موبالاتی ته‌واوی به‌رپرسانی به‌ندیخانه‌و ده‌سه‌ڵات به‌ده‌ستانی ناوچه‌یی‌ و دادوه‌ری ڕوبه‌ڕوو بۆته‌وه‌.

ڕێکخراوی به‌رگری له‌ مافی مرۆڤی کوردستان له‌کۆتایی ڕاگه‌یه‌ندراوی ژماره‌ حه‌وتی خۆیدا داوا له‌ کۆڕو کۆمه‌ڵی مرۆڤدۆستی ئێرانی و جیهانی ده‌خوازێ، که‌ ئه‌م مرۆڤه‌ به‌ندکراوانه‌‌ به‌ته‌نهایی نه‌هێڵنه‌وه‌.
ده‌قی ئه‌م ڕاگه‌یه‌ندراوه‌ به‌ فارسی لێره‌ بخوێنه‌وه‌

0 Comments:

Post a Comment

Subscribe to Post Comments [Atom]

<< Home