كوردستان

kurdish weblog

My Photo
Name:
Location: Melbourne, VIC, Australia

Tuesday, April 25, 2006

په‌رتوکی کوردستان ناسنامه‌ی منه‌

په‌ڕتوکی كوردستان ناسنامه‌ی من به‌چاپ گه‌یشت

هاوڕێ قه‌ندیل
2006-04-24

ئه‌م په‌ڕتوکه‌ هه‌موو بواره‌کانی ناسنه‌مه‌ی نه‌ته‌ویی گه‌لی کوردستان هه‌ڵ ده‌سه‌نگێنێت و په‌رده‌ له‌سه‌ر زۆر شاراوه‌کان هه‌ڵده‌داته‌وه‌. ئه‌م په‌ڕتوکه‌ کورته‌یه‌که‌ له‌ ڕاستیه‌کان بۆ ڕاچڵه‌کاندنی ویژدانی مرۆڤایه‌تی ودڵۆپێکه‌ له‌ ناو ده‌ریای پڕناکۆک دا. نوسراوه‌یه‌کی ئاکادیمییه‌ و سه‌رچاوه‌یه‌کی گرینگه‌بۆ زانینی ڕاسته‌یه‌کان. دیارییه‌که‌ بۆ هه‌موو شۆڕشگێڕان و گیانبه‌ختکه‌رانی ڕێگای ئازادی و سه‌ربه‌خۆی کوردستان. خوێنه‌ران ده‌توانن له‌ ئامازۆن ئه‌م په‌ڕتوکه‌ به‌ده‌ست بخه‌ن.

www.amazon.co.uk

Nawi pertuk: Kurdistan Nasnamei Min

ISBN: 978-0-9552158-1-0

ئه‌م په ڕتوکه‌ هاوکات به‌ زمانی ئینگلیسیش له‌ لایه‌ن خودی نوسه‌ره‌وه‌ بڵاوکراوه‌ته‌وه‌.

Name of the book: Kurdistan My Identity

ISBN: 978-0-9552158-0-3

وڵامی شه‌رمێونانه‌ێ مسته‌فا هیجری

چه‌واشه‌ کردنی حه‌قیقه‌تی کوردستان:

نامه‌ی عه‌لیڕه‌زا ئه‌فشار بۆ سه‌رۆکی حدکا و وه‌ڵامه‌ شه‌رمێونه‌که‌ی کاک مسته‌فاهیجری


ڕێنێسانس ـ خوێنه‌ری هێژا، ئه‌م به‌ڵگانه‌ی خواره‌وه‌ وه‌رگێڕدراوێکی ده‌قاوده‌قن له‌ نامه‌ی عه‌لیڕه‌زا ئه‌میر نه‌زمی ئه‌فشار بۆ به‌ڕێز مسته‌فای هیجری، سکرتێری هه‌نوکه‌یی حیزبی دێموکراتی کوردستانی ئێران و وه‌ڵامی ئه‌و بۆ ئاغای ئه‌فشار. وه‌ک ئێوه‌ش له‌ خواره‌وه‌ ده‌بینن نامه‌ی ئاغای ئه‌فشار له‌ ڕووانگه‌یه‌کی ته‌واو براگه‌ورانه‌ و ته‌نانه‌ت به‌ترک کردنی کورد و به‌ئازه‌ربایجان کردنی کوردستان نووسراوه‌ و تێیدا کۆمه‌ڵێک سوکایه‌تی به‌ نه‌خشه‌ و ناوی کوردستان، سمایل ئاغای سمکۆ بیری کوردستانی بوون، پارتییه‌ کوردستانییه‌کان و ... هتد کراوه‌. به‌ڵام ئه‌وه‌ی زیاتر جێگای سه‌رنجه‌ وه‌ڵامه‌که‌ی ئاغای هیجرییه‌.

ئاغای هیجری، که‌ سه‌رۆکی حیزبێکی له‌مێژینه‌ی ناو سه‌کۆی خه‌باتی ئازادیی کوردستانه‌ و، به‌ گوێره‌ی بانگه‌شه‌کانی خۆی میراتگری کۆماری کوردستان و پێشه‌وا نه‌مره‌که‌یه‌تی، هیچ کاردانه‌وه‌ یان هه‌ڵوێستێک له‌ هه‌مبه‌ر به‌ ئازه‌ربایجان کردنی کوردستان و چه‌واشه‌ کردنی حه‌قیقه‌تی کۆماری کوردستان و ... هتد نیشان نادا و ده‌که‌وێته‌ پۆزیسیۆنی خۆپاراستنه‌وه‌. ناوبراو به‌وه‌شه‌وه‌ ناوه‌ستێ و وه‌ک ئاغای ئه‌فشار کوردستان به‌ ئازه‌ربایجان به‌ناو ده‌کا و ... نامه‌کان بخوێننه‌وه‌ و خۆتان بڕیار بده‌ن.

ده‌قی نامه‌کانئه‌من بانگه‌شه‌ ده‌ری فه‌لسه‌فه‌ی دیپلۆماسی و تاعامول له‌ مه‌سه‌له‌ی ترک و کورد دام نامه‌ی د.عه‌لیره‌زا ئه‌میر نه‌زمی ئه‌فشار بۆ سکرتێری گشتی حیزی دێمۆکراتی کوردستان
دۆستی به‌وه‌ج، جه‌نابی مسته‌فای هیجری سکرتێری گشتی حیزبی دێمۆکراتی کوردستانسڵاوی گه‌رمی من و نه‌ته‌وه‌ی ئازه‌ربایجان وه‌ربگرن. داوای سه‌رکه‌وتن بۆ ئێوه‌ و هاوڕێیانتان ده‌که‌م له‌ خه‌باتی به‌گوڕتان دا بۆ وه‌دی هێنانی مافی نه‌ته‌وه‌ی تێکۆشه‌ری کورد.
جه‌نابی هیجری، ئێوه‌ باش ده‌زانن که‌ له‌ ڕێبازی ئه‌و خه‌باته‌ حه‌قخوازانه‌یه‌دا، چ غه‌ره‌ز و ته‌ڵه‌که‌ خۆیان هه‌ڵاس داوه‌ بۆ ئه‌وه‌ی ئێمه‌، ئه‌گه‌ر به‌ ده‌ستی خۆشمان نه‌بێ، لانی که‌م به‌ده‌ستی یارانی خۆمان، به‌چۆک دا بهێنن.

من هه‌میشه‌ گووتومه‌ و نوسیومه‌ که‌ شێوه‌ی هه‌ره‌ هه‌رزان و هه‌ره‌ ئاسانی "دوژمن" به‌پێی هه‌ر مه‌رام و پێکهاته‌یه‌ک بێ، سازکردنی ته‌نگه‌ژه‌، بێرازی و پێک هه‌ڵپڕژان، له‌نێوان نه‌ته‌وه‌کانی غه‌درلێکراوی ترک و کورد ده‌بێ تا خوێنی پاکی ئه‌و دوو نه‌ته‌وه‌ شه‌ریفه‌، له‌ سه‌ر زه‌وی خۆیان، له‌ ئازه‌ربایجان و کوردستان جۆگه‌له‌ ببه‌ستێ و خه‌ڵقی نگریسی "کۆلۆنیالیزمی کولتووری، ئابووری، نه‌ته‌وه‌ی و نیزامی" ئاوبدا و به‌ به‌رهه‌مه‌ ژاراوییه‌کانی، جه‌وانانی ئێمه‌ "گێژ" کاو "سووکایه‌تی" به‌نه‌ته‌وه‌کانمان بکا و ئێمه‌ له‌و نه‌به‌رده‌ پیرۆزه‌ هه‌ته‌ڵه‌ بکاو ئاواته‌ نه‌ته‌وه‌ییه‌کانمان ئاو و ئاو به‌رێ. چ خۆشباوه‌ڕییه‌کی گرانبایی ده‌بێ ئه‌گه‌ر ساویلکانه‌، که‌ڵه‌ک و دۆڵاب نانه‌وه‌ی دوژمن وه‌ربگرین و ڕێگه‌ بده‌ین که‌ ئه‌وانه‌ی شه‌هید قازی محه‌مه‌د و شه‌هید فه‌ره‌یدوونی ئیبراهیمی یان ئیعدام کرد، ئه‌مڕۆ، به‌جیا جیا، نازن بۆ بکه‌ن و به‌جیا، جیا دۆستایه‌تیمان له‌گه‌ڵ بکه‌ن و گاڵته‌ به‌ بیروڕامان بکه‌ن. ئه‌وه‌ گرانباییترین و له‌قه‌ره‌بوو نه‌هاتووترین مه‌ترسی مێژووی نه‌ته‌وه‌کانی ئێمه‌ ده‌بێ. ئه‌گه‌ر بکرێ بپه‌ژریندرێ که‌ هێندێک له‌سه‌روبه‌نده‌کانی تایبه‌تی مێژوو، خاوه‌نی ناسکییه‌یه‌کی زیادتری ساسینه‌، بێگومان ده‌بێ پێی بنێین که‌ بۆ نه‌ته‌وه‌کانی ئێمه‌، ئه‌مڕۆ ڕۆژی "تاقیکردنه‌وه‌ی مێژوو"یه‌.

نه‌ته‌وه‌ی نه‌جیبی ئازه‌ربایجان کۆڵی گرانی "جوامێری و ناجوامێری مێژوو" و مێژووسازانی نه‌ته‌وه‌ی جۆر به‌ جۆری، به‌پشته‌وه‌یه‌، و له‌ ئاکامدا، به‌ وه‌بیرهێنانه‌وه‌ی ئه‌وان، شاد و مه‌لوول ده‌بێ.

دراوسێیه‌تی و هاوژینی چڕوپڕی نه‌ته‌وه‌کانی ترک و کوردیش دیاره‌، به‌رهه‌می بیره‌وه‌ری شیرین و دڵبزوێن و تاڵ و دڵ شکێن بوو. خودا لێخۆشبوو پیشه‌وه‌ری له‌ کاتی چوون بۆ تاران بۆ وتووێژ له‌گه‌ڵ قه‌وام، له‌ وه‌ڵامی نیگه‌رانییه‌کانی کاربه‌ده‌ستان، له‌ پای فڕۆکه‌ دا، له‌کاتێکدا ده‌ستی له‌سه‌ر شانی شه‌هید قازی محه‌مه‌د بوو، گوتی: ئه‌گه‌ر ئه‌من ئه‌مڕۆ، به‌پێداویستی ده‌چمه‌ تارانێ، جێگه‌ی نیگه‌رانی نییه‌، برای گه‌وره‌م قازی محه‌مه‌د له‌ ئازه‌ربایجانه‌. به‌ گوتنی ئه‌و ڕاستییه‌، خۆشحاڵم که‌ "بیره‌وه‌ریی مێژوویی" نه‌ته‌وه‌ی نه‌جیب و پێزانی ئازه‌ربایجان و کوردستان به‌دڵگه‌رمییه‌وه‌ له‌به‌ر چاو ده‌گرێ و ئه‌وانی وه‌کوو بیره‌وه‌رییه‌کانی "نه‌ته‌وه‌ی کورد" له‌بیره‌وه‌ری مێژوویی خۆی دا به‌زیندوویی ڕاگرتووه‌. هه‌روه‌ک چۆن که‌، به‌ دڵئاوایی و گه‌وره‌یی تایبه‌تی خۆیه‌وه‌، تاڵان و بڕۆکانی سمکۆ وه‌کوو "تاڵانکه‌ر و مرۆکوژێک" بێ پێوه‌ندی به‌ ناسنامه‌ی ئێتنیکی و نه‌ته‌وه‌یی وی، به‌ ئارشیڤێکی کارپێنه‌کراو ئاسپاردووه‌.

جه‌نابی هیجری، ئه‌من له‌به‌ر هۆی ناوچه‌یی، پیشه‌یی، بنه‌ماڵه‌یی و کاروکاسبی شه‌خسی، له‌گه‌ڵ زۆربه‌ی گه‌وره‌کانی عه‌شیره‌ته‌کانی دانیشتووی لێواری ڕۆژئاوای سه‌رزه‌وینی ئازه‌ربایجان، پێشینه‌ی ناسیاوی و دۆستایه‌تیم هه‌یه‌. من و ئه‌وان، هه‌ر دوولامان باش ده‌زانین که‌ ته‌نانه‌ت ئه‌و کاته‌ش که‌ ره‌سم نه‌بوو، ئه‌منیش به‌قه‌درایی ئه‌وان، له‌ غه‌درلێکراوییان دا ڕه‌نجم کێشاوه‌ و به‌ به‌رژه‌وه‌ندی و مافه‌ ڕه‌واکانیان گرێدراوم. هیوادارم ئێوه‌و هاوکارانتانیش ئه‌م وه‌بیرهێنانه‌وانه‌ هه‌ر به‌و چاکه‌ و دڵپاکی و دڵسۆزییه‌ لێک بده‌نه‌وه‌ که‌ ڕۆڵه‌کانی نه‌ته‌وه‌ی شه‌ریفی کورد، له‌سه‌رده‌شت، ساوجبلاغ، سڵدووز، مه‌رگه‌وه‌ڕ، ته‌رگه‌وه‌ڕ، سۆمای، برادۆست و که‌نار به‌ڕۆژ وه‌ریان ده‌گرن، و ئه‌گه‌ر ئه‌وانتان به‌ دڵ نه‌بوو، به‌لانی که‌مه‌وه‌ دڵگیر مه‌بن و ڕێگه‌ مه‌ده‌ن که‌ هه‌ڵومه‌رجی ده‌می و له‌ گۆڕانهاتووی جیهانی و به‌رژه‌وه‌ندی ده‌می جیهانمه‌داران، به‌ سه‌دان ساڵ هاوژینی ڕابردووی ئێمه‌ بئاڵۆزێنن و داهاتوومان وه‌گومان خه‌ن (.....)

من باش ده‌زانم که‌ له‌ناو هه‌موو نه‌ته‌وه‌یه‌ک دا "ئۆرتۆدۆکسی" وه‌ها هه‌ن که‌ نه‌خۆشانه‌ به‌ ئاواتی په‌ره‌پێده‌رانه‌و دوور له‌ عه‌قڵی خۆیانه‌وه‌ نووساون و پێشی هه‌موو جۆره‌ هێوری، ڕێککه‌وتن و دۆستایه‌تی ده‌گرن، هه‌ڵبه‌ت نه‌ته‌وه‌کانی ترک و کوردیش له‌و جۆره‌ نه‌خۆشی و نه‌خۆشانه‌ بێ به‌ش نین به‌ڵام سه‌رۆکایه‌تییه‌کان، ده‌بێ، به‌هه‌ست به‌ به‌رپرسیاریکردنی قورس، واقعی و هه‌ڵبژاردنی به‌رژه‌وه‌ندی شیاوی ده‌ست خستن، بخه‌نه‌ به‌ر له‌ ئاوات و ته‌مای دوو له‌ عه‌قل و محاڵ.

له‌ ده‌ساڵی ڕابردوو دا، ئه‌من وه‌کوو بانگه‌شه‌ده‌ری فه‌لسه‌فه‌ی خێرخوازی، دیپلۆماسی و ته‌عامول له‌ مه‌سه‌له‌ی ترک و کورد، نه‌خشه‌ی خه‌یاڵی، بۆ وێنه‌ "کوردستانی گه‌وره‌"م دیوه‌، و ئه‌وه‌م وه‌کوو کاروکرده‌وه‌ی تیژپه‌ڕانی نابه‌رپرسیار، پاساو داوه‌، راپۆرتی جێی بڕوام که‌ ده‌ڵێن ئه‌و نه‌خشه‌یه‌ له‌ هۆده‌ی کاری جه‌نابی بارزانی دا به‌ناوی "کردستان الکبری" هه‌یه‌، به‌ویستی ده‌ره‌وه‌ی سنووری بێگانان، لێک داوه‌ته‌وه‌، ته‌نانه‌ت هه‌مان نه‌خشه‌م له‌ هۆده‌ی کۆنفرانسی حیزبی دێمۆکراتی کوردستان له‌ ستۆکهۆڵم، به‌چاوی خۆم دیوه‌، و باوه‌رم هێناوه‌ به‌ شیکردنه‌وه‌کانی جه‌نابی خالیدی عه‌زیزی که‌ "ئه‌مه‌ داوای حیزبی ئێمه‌ نیه‌ و ناکرێ نکووڵی لێبکرێ که‌ ئێمه‌ش هێندێک تیژپه‌ڕمان ده‌نێو دا هه‌یه‌".

ئه‌من ته‌نانه‌ت، ئیئتیلافی ئێوه‌ و پان ئیرانیسته‌کانم له‌ پاریسیش، وه‌کوو بڕیارێکی "به‌په‌له‌و هه‌ڵپه‌، کورتبینانه‌ و ناناوه‌ندی" به‌حه‌وسه‌له‌ی ته‌واوه‌ وه‌، کرده‌وه‌کانی پ.ک.ک و پژاک یش، له‌ نییه‌ته‌کانی حیزبی دێمۆکراتی کوردستان به‌جیا ده‌زانم و قسه‌ی شه‌هید قاسملووم له‌ بیره‌ که‌ ئه‌وانی وه‌کوو گرووپی تێرۆریست ناساندووه‌. به‌ڵام بۆ پاساودانی چاوپێکه‌وتنی ئاغای رامبورد لوتفی پووری له‌ ئۆرگانی ناوه‌ندی حیزبی دێمۆکرات دا له‌ هه‌موو جۆره‌ چه‌کی ته‌عبیر و لێکدانه‌وه‌ و پاساودانی خۆشباوه‌رانه‌، چه‌ک کراوین و ته‌نانه‌ت نییه‌ت خۆشی من و گه‌وره‌یی نه‌ته‌وه‌ی کۆنه‌ساڵ و مه‌زنی ئازه‌ربایجان و نه‌ته‌وه‌کان و ده‌وڵه‌ته‌کانی ترکی دراوسێ، کایه‌ی "ئه‌من نه‌بووم ده‌ستم بوو" زیادتر له‌مه‌ به‌ شیاوی په‌ژاندن و ته‌حه‌مول کردن نازانن.

جه‌نابی هیجری، ئه‌من وه‌کوو دۆستێکی واقعی نه‌ته‌وه‌ی کورد، و هاوسه‌نگه‌ری ئێوه‌ له‌ ڕێبازی وه‌دیهێنانی مافی ره‌وای نه‌ته‌وه‌ ئێرانییه‌کان، له‌ جه‌نابی به‌رزتان چاوه‌ڕێ ده‌که‌م به‌ ده‌رکردنی ڕاگه‌یاندراوێک، گشت ئه‌و هه‌ست و کۆڵه‌ توند و نابه‌رپرسانه‌ تاوانبار بکه‌ن و بۆ هه‌میشه‌ کۆتایی بهێنن به‌ که‌تن و پیلانه‌کانی دوژمن که‌ له‌ ڕێگه‌ی هه‌ری کورته‌وه‌، له‌ زمان تیژپه‌ڕانی کورد و ترکه‌وه‌ مه‌یلی ده‌خۆین و گه‌وزاندنی سه‌رزه‌وی ئێمه‌ هه‌یه‌.
من آ‌نچه‌ شرط بلاغ است باتو میگویمتو، خواه له‌زسخنم پندگیرو، خواه ملال"من ئه‌وه‌ی ده‌بێ پێت بڵێم، پێت ده‌ڵێمئه‌تۆش یان به‌ گوێم بکه‌ و یان لێم زویر به‌"
بیسته‌می مارسی 2006
‌دۆستی ئێوه دهه‌لیره‌زا ئه‌میر نه‌زمی ئه‌فشارکۆمیسیۆنی دیپلۆماتیکی ئازه‌ربایجانی خواروو
سه‌رچاوه‌
--------------------------------------------
له‌ ئه‌زه‌ربایجان دا دوو نه‌ته‌وه‌ی ترک و کورد مه‌حکوومن به‌ ژیان به‌ ته‌نیش یه‌که‌وه‌

وه‌ڵامی سکرتێری گشتی حیزبی دێمۆکراتی کوردستان بۆ د. عه‌لیره‌زا نه‌زمی

ئاغای د. عه‌لیره‌زا نه‌زمی ئه‌فشار، دۆستی خۆشه‌ویست نامه‌ی پڕ له‌ مێهرو دڵسۆزانه‌ی ئێوه‌م پێگه‌یشت. له‌ ده‌ربڕینی هه‌ستی به‌رپرسیارانه‌تان له‌ پێوه‌ندی له‌گه‌ڵ پاراستن و به‌هێزکردنی دۆستی و برایه‌تی نێوان دوو نه‌ته‌وه‌ی ترک و کوردی دانیشتووی ئازه‌ربایجان سپاستان لێده‌که‌م و له‌که‌سێکی تێگه‌یشتووی وه‌ک جه‌نابی به‌رزتان جگه‌ له‌مه‌ چاوه‌ڕی ناکرێ.

من و حیزبه‌که‌م ڕابردووه‌کانی تاڵ و شیرینی که‌ ئه‌م دوو نه‌ته‌وه‌یه‌ له‌ ئازه‌ربایجان به‌یه‌که‌وه‌ تێیانپه‌ڕاندووه‌، پیلانه‌کانی حکوومه‌ته‌کانی تۆتالیتێری په‌هله‌وی و کۆماری ئیسلامی، ده‌ستێوه‌ردانه‌کانی بێگانه‌کان و کرده‌وه‌ و وتاری نابه‌رپرسیارانه‌ی تێژپه‌ڕانێک له‌ هه‌ردووک لادا بۆ سازکردنی که‌شوهه‌وای گرژ و چاندنی تۆوی دووبه‌ره‌کی له‌ نێوان هه‌ردوو نه‌ته‌وه‌ی کورد و ترک مان له‌ بیره‌ و له‌ دووپاته‌ بوونه‌وه‌یان هه‌میشه‌ نیگه‌ران و به‌په‌رۆشین.

له‌ ئازه‌ربایجان دا دوو نه‌ته‌وه‌ی ترک و کورد مه‌حکوومن به‌ ژیان به‌ ته‌نیشت یه‌که‌وه‌، هه‌ر بۆیه‌ حیزبی ئێمه‌ هه‌میشه‌ هه‌وڵی داوه‌ بۆ ڕاهێنراندنی هه‌ستی دۆستایه‌تی و دراوسێیه‌تی له‌نێوان ئه‌وان دا و هیچ ده‌نگێکی ناساز له‌ نێوان ئه‌واندا به‌ قازانجی هیچیانی نه‌زانیوه‌ و نازانێ. ئه‌من له‌و باوه‌ره‌دام که‌ به‌هێزکردنی ئه‌و هه‌سته‌ له‌ناو ئه‌واندا له‌سه‌روبه‌ندی هه‌نووکه‌ دا زیادتر له‌ ڕابردوو پێویسته‌ و ئه‌رکی پارتییه‌کان و که‌سایه‌تییه‌کانی به‌رپرسیاری ناوچه‌ له‌و ڕێبازه‌ دایه.

بڵاوکردنه‌وه‌ی وتووێژی رامبورد لوتفی پووری که‌ به‌وردی به‌ پێچه‌وانه‌ی سیاسه‌تی حیزب له‌و باره‌یه‌وه‌ دایه‌ له‌ ڕۆژنامه‌ی "کوردستان" دا هه‌ڵه‌یه‌ک بووه‌ له‌ لایه‌ن به‌شی ڕاگه‌یاندنی حیزبی ئێمه‌وه‌ کراوه‌ و ئێمه‌ هه‌ر به‌ ئاگاداربوون له‌و مه‌سه‌له‌یه‌ له‌ وێبسایتی حیزب دا ڕوونمان کرده‌وه‌ که‌ ئه‌و مه‌به‌ستانه‌ بۆ چوونی وتووێکاره‌که‌یه‌ نه‌ بیری حیزبی دێمۆکراتی کوردستانی ئێران و له‌ ژماره‌ی داهاتووی ڕۆژنامه‌ی "کوردستان" یش دا، ئه‌و ڕوونکردنه‌وه‌یه‌ بڵاو ده‌که‌ینه‌وه‌، بۆ ئه‌وه‌ی هیچ جۆره‌ گومانێک له‌و باره‌یه‌وه‌ له‌ ئارادا نه‌مێنێ.هه‌روه‌ها پێویست به‌ گوتنه‌ که‌سایه‌تی حیزبی دێمۆکراتبۆ به‌هێزکردنی چاکه‌ی دراوسێتی و هاوژینی له‌ نێوان هه‌موو نه‌ته‌وه‌ ئێرانیه‌کان به‌تایبه‌تی دوو نه‌ته‌وه‌ی ترک و کورد له‌وانه‌ له‌ سه‌رده‌مای حکوومه‌تی کۆماری کوردستان و حکوومه‌تی نه‌ته‌وه‌یی ئازه‌ربایجان له‌ ساڵانی 1324 – 1325 دا بۆ ئێوه‌ و هه‌موو برایانی ئازه‌ری که‌ ناسیاوێکی که‌میان له‌گه‌ڵ مێژووی ئه‌و ناوچه‌یه‌ هه‌بێ به‌ته‌واوی ڕوونه‌، بۆیه‌ هه‌ڵه‌ی ئه‌وتۆ له‌هه‌ر لایه‌که‌وه‌ ڕوو بدا نابێ ببێته‌ هۆی نیگه‌رنی. به‌تایبه‌تی ئه‌وه‌ی که‌ ئه‌و که‌سه‌ی وتووێژی کردووه‌ له‌ ئه‌ندامی ڕێبه‌رایه‌تی حیزب و سیاسه‌تدارێژی حیزب نیه‌.
دۆستی ئێوه‌مسته‌فا هیجری
26ی مارس، 2006
www.shamstabriz.com سه‌رچاوه‌
********************************************
ئه‌م بابه‌ته‌ له‌ سایتی ڕێنسانس‌ وه‌رگیراوه‌

Tuesday, April 11, 2006

خۆپیشاندان له‌ دژی میسر


له‌هه‌ژده‌هه‌مین ساڵڕۆژی ئه‌نفاله‌ به‌دناوه‌كان دا با له‌ به‌رده‌م باڵوێزخانه‌ی میسردا له‌به‌رلین به‌یه‌ك
ده‌نگ داوای چاره‌نووسی ١٨ كچی كۆیله‌كراوی كورد بكه‌ین

خوشك و برایانی خۆشه‌ویستی كورد
كه‌س وكاری سه‌ربه‌رزی شه‌هیدان

ئه‌م ساڵ له‌كاتیكا یادی شاڵاوه‌ ڕه‌شه‌كانی ئه‌نفال وئه‌و برینه‌ قوڵه‌ ده‌كه‌ینه‌وه‌ كه‌ به‌رله‌ ١٨ ساڵ كرایه‌ جه‌سته‌ی میلله‌ته‌كه‌مان، ڕژێمی ڕوخاو و داروده‌سته‌كه‌ی له‌ به‌رده‌م ئیراده‌ی میلله‌ته‌كه‌مان دا سه‌رشۆرانه‌ له‌ قه‌فه‌سی تاوانباری دا ڕا وه‌ستاون و چاوه‌رێ ی حوكمی مێژوو ده‌كه‌ن.. بۆیه‌ پێویسته‌ هاوكات له‌گه‌ڵ یادی‌ ئه‌نفال و دادگایی ئه‌و تاوانبارانه‌دا هیمه‌تی نیشتیمانی و نه‌ته‌وه‌ییمان بخه‌ینه‌ گه ڕوو له‌م یاده‌دا زریكه‌ی ١٨٢ هه‌زار ده‌نگی ئازادی خنكێنراو و تاوانی قڕكردنی به‌كۆمه‌لی میلله‌ته‌كه‌مان و به‌كۆیله‌ كردنی ١٨ كیژۆڵه‌ی كوردو فرۆشتنیان به‌ وڵاتی میسرو سوكایه‌تی كردن به‌ كه‌رامه‌تی نیشتمانیمانه‌وه‌ جارێكی تر بخه‌ینه‌ به‌رده‌م ڕای گشتی جیهان و بۆ ئه‌وه‌ی له‌ به‌رامبه‌ر مێژوودا خۆمان ڕوو زه‌رد نه‌كه‌ین با جارێكی تر یادی ئه‌نفال به‌رز ڕاگرین و پێكه‌وه‌ هه‌موو به‌ ده‌نگێكی یه‌كگرتوو له‌ وكیژه‌ بێ نازانه‌ بپرسینه‌وه‌ كه‌ له‌ گه‌له‌كه‌مان زه‌وتكراون و داوای چاره‌نوسیان بكه‌ین و ده‌نگی بێزاری و ناڕه‌زاییش بگه‌یه‌نینه‌ حكومه‌تی میسرو هه‌موو ئه‌و هاوكاری و یارمه‌تیانه‌شی ڕسوا بكه‌ین كه‌ له‌ دروستكردنی چه‌كی كیمیاوی دا پێشكه ش به‌ ڕژیمی سه‌دامی خوێنڕێژی كردووه‌ ..هه‌ر بۆیه‌ بانگهێشتتان ده‌كه‌ین بۆ خۆپیشاندانی ڕۆژی پێنج شه‌مه‌ ١٣/٤ تائێمه‌ش ده‌نگمان بخه‌ینه‌ پاڵ ده‌نگی ڕه‌وه‌ندی كورد له‌ ده‌ره‌وه‌ی ولات.

به‌ ئاماده‌بون و به‌شداری كردنتان ئه‌ركی نیشتمانی و نه‌ته‌وه‌یی خۆتان جێ به‌جێ ده‌كه‌ن .
شوێن و ئه‌درێسی خۆپیشاندانه‌كه‌:-
Roji: Penjsamme (Do. ) 13. April 2006 Katjmer: 12:30 Uhr
Adresse: Botschaft der Republik Ägypten
Stauffenberger Str. 6-7
10785 Berlin
U/S Potsdamer Platz
BUS 148

Kurdische Frauen im Exil e. V. ZOZK Kerkuk Solidarity
--------------------------------------------------------------------------------------
سبةي 12-4 خؤثيشاندان لة سويد و دانمارك بؤ بةردةم بالَويَزخانةي ميسر ساز دةكريَت

خۆپیشاندانێک بۆئه وه ی حکومه تی میسر به ڕه‌سمی داوای لێ بوردن له گه لی کورد بکا

له‌ درێژه ی چالاكییه‌ سه‌رانسه‌رییه‌كان بۆ دیاریكردنی چاره‌نووسی ئه‌و 18 كچه‌ی به‌ میسر فرۆشران , هه‌روه‌ها نارِه‌زایه‌تی له‌ هاوكاری سه‌ربازی حكومه‌تی میسر به‌رژێمی به‌عسی رِوخاو به‌تایبه‌ت چه‌كی كۆمه‌ڵكوژی كیمیاوی , ، خۆپیشاندانێک ساز ده که ین َله‌به‌رده‌م قونسلخانه ی میسر له شاری ستۆکهۆلم
ڕۆژ
‌ 2006/04/12
کاتژمێر 11:00-13:00
شوێن :
strand v 35
11456 stockholm که شوێنی زۆر به ی سه فاره ته کانه
له‌لایه‌ن ئه‌م لایه‌نانه‌وه‌ سازئه‌کرێت
و وه هه رچ رێکخراوو پارتێک ده یه وێت به شدار بێت زۆر خۆشحال ده بین

ناوه‌ندی هه‌ڵه‌بجه‌- چاک
ڕادیۆی ده‌نگی ژنان
ڕێکخراوی ژنانی کۆمه‌ڵه -سوید
گه‌شه‌ی ژنانی کوردستان
‌ڕێکخراوی خوێندکارانی کوردستان
لاواني سؤسيال ديموكراتي كورد


0736193769 chnor sadyq

0737589576 ronak hosman
0708891896 amina kaka bavah

0762611135 qader nader


ـــــــــــــــــــــــــــــــــــــــــــــــــــــــــــــــــــــ


بانگه‌واز بۆ خۆپیشاندان له‌ دانمارک
بۆ هه‌موو کوردی نیشته‌جێی دانمارک و دۆست و پشتگیرانی گه‌لی کورد

ناوه‌ندی هه‌ڵه‌بجه‌ دژ به‌ ئه‌نفالکردن و جینۆسایدی گه‌لی کورد-چاک- له‌گه‌ڵ کۆمیته‌ی حیزبه‌ کوردستانییه‌کان له‌ دانمارک هه‌ڵده‌سن به‌ سازدانی خۆپیشاندانێک بۆ ئاشکراکردنی چاره‌نوسی ئه‌و 18 پاکیزه‌ کورده‌ی که‌ فرۆشراون به‌ میسر، و به‌ جیهانیکردنی دۆزی ئه‌نفال.
به‌روار: 12 / 4 / 2006
کاتژمێر: 12.00 ی نیوه‌ڕۆ
ناونیشان .. له‌ به‌رده‌م وێستگای ئۆسته‌رپۆرت Østerport station کۆده‌بینه‌وه‌ و له‌وێشه‌وه‌ به‌ ڕێپێوان بۆ به‌رده‌م باڵوێزی میسر.

داوا له‌ هه‌موو کوردستانیانی نیشته‌جێی دانمارک ده‌که‌ین به‌شداری له‌و خۆپیشاندانه‌ بکه‌ن.

بۆ په‌یوه‌ندیکردن:
40509391 – 40369448 - 27578578
لیژنه‌ی سازدانی خۆپیشاندان

Sunday, April 09, 2006

سه‌رۆکی شاره‌وانی دیاربه‌کر، من سیاسه‌تڤانی کوردم

سه‌رۆكی شاره‌وانیی دیاربه‌كر:
"من خۆم پێ سیاسه‌تمه‌دارێكی كورده‌ تا تورك"
“به‌یه‌كه‌وه‌ ژیانی كورد و تورك مه‌حاڵه‌”


هه‌ولێرپۆست- سه‌رۆكی شاره‌وانیی دیاربه‌كر، ئۆسمان بایده‌میر له‌ دوای رووداوه‌كانی ئه‌م دواییه‌ی دیاربه‌كر و شاره‌كانی دیكه‌ی باكووری كوردستان كه‌ تێیدا 15 هاووڵاتیی كورد شه‌هید بوون و به‌ ده‌یانی دیكه‌ خرانه‌ به‌ندیخانه‌كانی حكومه‌تی توركیا گفتوگۆیه‌كی له‌گه‌ڵ رۆژنامه‌ی میللییه‌تی توركی ئه‌نجام داوه‌ و تێیدا بایده‌میر وێڕای مه‌حكومكردنی توندوتیژییه‌كانی ئه‌م دواییه‌ی ده‌وڵه‌تی تورك له‌ هه‌مبه‌ر خه‌ڵكی كورد، به‌ ڕاشكاوی رایگه‌یاند كه‌ ئه‌گه‌ر بمانه‌وێ به‌ راستی ته‌عبیر له‌ ناخی كورد بكه‌ین ده‌گه‌ینه‌ ئه‌و ئه‌نجامه‌ی كه‌ به‌ یه‌كه‌وه‌ ژیانی كورد و تورك مه‌حاڵه‌.
"من خۆم پێ سیاسه‌تمه‌دارێكی كورده‌ تا تورك"
له‌سه‌ره‌تادا رۆژنامه‌كه‌ پرسیاری ئه‌وه‌ له‌ بایده‌میر ده‌كات كه‌ له‌ نێوان سیاسییه‌كی كورد و تورك، خۆی پێ كامیانه‌؟ بایده‌میر ده‌ڵێ:" من وه‌ك كه‌سێكی كورد كه‌ باوه‌ڕم به‌ چاره‌سه‌ری ئاشتییانه‌ی كێشه‌ی كورده‌، خۆم پێ سیاسه‌تمه‌دارێكی كورده‌. من به‌ پشتیوانیی خه‌ڵك هه‌ڵبژێردراوم و هه‌رده‌م له‌گه‌ڵ خه‌ڵكی خۆمدام. له‌ رووداوه‌كانی ئه‌و دوایه‌شدا زۆر به‌ ڕوونی دیتمان كه‌ هێشتا له‌ناو توركیادا تێڕوانینێكی باڵاده‌ست له‌سه‌ر ئاستی سیاسی و كۆمه‌ڵایه‌تی هه‌یه‌ كه‌ باوه‌ڕی به‌ چاره‌سه‌ری ئاشتیانه‌ نییه‌ و له‌ به‌رامبه‌ردا توندوتیژی به‌ چاره‌سه‌ر ده‌زانێت و كوژرانی منداڵانی ته‌مه‌ن نێوان 7 تا 11 ساڵیش له‌ خۆپێشاندانه‌كان راستیی ئه‌و بیروبۆچوونه‌ی من ده‌رده‌خات."ئه‌و هه‌روه‌ها له‌ وه‌ڵامی ئه‌و پرسیاره‌یدا كه‌ ئه‌دی كوردیش به‌ شێوه‌ی توندوتیژانه‌ به‌ره‌نگاری حكومه‌ت نابنه‌وه‌، ده‌ڵێ:" راسته‌. به‌ڵام ده‌بێ له‌وه‌ش بكۆڵدرێته‌وه‌ كه‌ چ شتێك بووه‌ته‌ هۆی ئه‌وه‌ی كه‌ كورد توندوتیژی بنوێنێ و به‌رهه‌مهێنه‌ری ئه‌و توندوتیژی و په‌نابردنه‌ به‌ر چه‌كیش دیاری بكرێت. ئه‌وه‌ به‌ ته‌نها به‌ كورد ناكرێت."
"مه‌وداكانی به‌ یه‌كه‌وه‌ ژیانی كورد و تورك ته‌سك ده‌بنه‌وه‌"
بایده‌میر له‌درێژه‌ی قسه‌كانیدا سه‌باره‌ت به‌و هه‌ڵچوونه‌ ناسیۆنالیستییه‌ی كه‌ كورد و تورك تێیدا ده‌ژین ده‌ڵێ:" زۆر راشكاوانه‌ پێت بڵێم من سه‌رۆكی شاره‌وانیی دیاربه‌كر بووم، چوومه‌ ئه‌و شوێنه‌ی خۆپێشانده‌ران و پۆلیس له‌ به‌رامبه‌ر یه‌كتریدا وه‌ستابوون. له‌ پێشدا چوومه‌ لای پۆلیسه‌كان و ویستم قسه‌یان له‌گه‌ڵ بكه‌م، چونكه‌ كورد بووم وه‌ختابوو بمكوژن و هه‌ڕه‌شه‌ی كوشتنیان لێكردم. ئه‌وانه‌ پۆلیسی ده‌وڵه‌تی توركیا بوون. دواتر چوومه‌ لای خۆپێشانده‌ران له‌وێ بارودۆخ به‌ پێچه‌وانه‌وه‌ بوو. بۆیه‌ هه‌قمه‌ بڵێم خه‌ریكه‌ كورد و تورك بواری به‌ یه‌كه‌وه‌ ژیان له‌ ده‌ست ده‌ده‌ن و دوژمنایه‌تییه‌كی قووڵ دێته‌ ئاراوه‌. بۆیه‌ پێموایه‌ ده‌بێ سیاسه‌تمه‌دارانی هه‌ردوو لا زۆر به‌ جیددی بیر له‌ چاره‌سه‌ری بكه‌نه‌وه‌."
"په‌كه‌كه‌مان پێ مه‌حكوم ناكرێت"
نه‌سلی نوێی سیاسه‌تمه‌دارانی كورد كه‌ له‌ قاڵبی پارتی و رێكخراوی یاسایی له‌ توركیادا كار ده‌كه‌ن زۆر به‌ جیدی بیر له‌ چاره‌سه‌ری ئاشتییانه‌ی كێشه‌ی كورد ده‌كه‌نه‌وه‌، به‌ڵام له‌ ئه‌رزی واقیعدا ناتوانن به‌ سه‌ر 22 ساڵ له‌ بوون و ستراتیژییه‌ت و كاریگه‌رییه‌كانی په‌كه‌كه‌دا باز بده‌ن. په‌كه‌كه‌ وه‌ك هه‌قیقه‌تێك هه‌ر چه‌ند تاڵیش بێت له‌ زه‌ینی مرۆڤی كوردی باكوور جێگایه‌كی هه‌یه‌. به‌ڵام سیاسه‌تكاران و ده‌سه‌ڵاتدارانی توركیا به‌رده‌وام داوای ئه‌وه‌ له‌ سیاسه‌تمه‌دارانی كوردی ناو توركیا ده‌كه‌ن بێن په‌كه‌كه‌ مه‌حكوم بكه‌ن و نه‌فره‌تی بۆ بنێرن. بایده‌میر زۆر راشكاوانه‌ وه‌ڵامی ئه‌و داوایه‌ی توركه‌كان ده‌داته‌وه‌ و ده‌ڵێ:" شتێك كه‌ ده‌سه‌ڵات و كۆمه‌ڵگای توركیا تێیناگات ئه‌وه‌یه‌ كه‌ چاویان له‌وه‌یه‌ ئێمه‌ بێین په‌كه‌كه‌ و سه‌ركردایه‌تیی په‌كه‌كه‌ به‌ له‌عنه‌ت بكه‌ین، ئه‌وه‌ به‌ ئێمه‌ ناكرێت. چونكه‌ باردۆخی ناوچه‌كه‌ ئه‌وه‌ قه‌بوڵ ناكات. ئه‌وانه‌ی له‌ ریزی په‌كه‌كه‌دا شه‌ڕ ده‌كه‌ن له‌ سه‌ر مانگه‌وه‌ نه‌هاتوون، كوڕ ئه‌و خه‌ڵكه‌ن كه‌ ئێمه‌ له‌ ناویاندا سیاسه‌ت ده‌كه‌ین. بۆیه‌ به‌ قه‌ناعه‌تی من چاره‌سه‌ر ئه‌وه‌ نییه‌ ئێمه‌ بێین په‌كه‌كه‌ به‌ له‌عنه‌ت بكه‌ین."

ئینجا پرسیاری ئه‌وه‌ دێته‌ ئاراوه‌ كه‌ باڵی سه‌ربازیی په‌كه‌كه‌ به‌سه‌ر باڵی سیاسیدا كه‌ سیاسه‌تمه‌دارانی كورد له‌ناوخۆی توركیادا نوێنه‌رایه‌تیی ده‌كه‌ن، زاڵه‌. بایده‌میر ده‌ڵێ: "راسته‌ باڵی سه‌ربازی هه‌میشه‌ حه‌ز ده‌كات سیاسه‌ت كۆنترِۆڵ بكات، ئه‌وه‌ به‌ روخساری حكومه‌تی توركیاشه‌وه‌ دیاره‌ و ئه‌وه‌ له‌ شێوه‌ی هه‌ڵسوكه‌وتی سوپا له‌گه‌ڵ سیاسه‌تمه‌درانی توركیا بۆ په‌كه‌كه‌ ماوه‌ته‌وه‌. بۆیه‌ پێم وایه‌ بۆ ده‌ربازبوون له‌وه‌ ده‌بێ بزووتنه‌وه‌ی سیاسیی سیڤیلی كورد له‌ تروكیا بایه‌خی پێبدرێت و بهێنرێته‌ پێشه‌وه‌. چه‌ندین ساڵه‌ داوامان لێده‌كه‌ن كه‌ چه‌ك فڕێ بده‌ین و مه‌ده‌نیانه‌ سیاسه‌ت بكه‌ین، كه‌چی كه‌ هاتووین سیاسه‌ت بكه‌ین پێمان ده‌ڵێن:" ئێمه‌ ده‌سه‌ڵاتمان به‌سه‌ر ده‌سته‌ی ئه‌ركانی سوپادا ناشكێت"! و پێشمان پێده‌گرن. ئه‌وه‌ هیچ عه‌داله‌تێكی تێدا نییه‌."

له‌ كۆتاییشدا بایده‌میر داوا له‌ حكومه‌تی توركیا ده‌كات كه‌ بزووتنه‌وه‌ی سیاسیی كوردی له‌ توركیا به‌ ره‌سمی بناسێت و پێی شه‌رم نه‌بێت كه‌ له‌گه‌ڵی دانیشێت و دانی پێدا بنێت. بایده‌میر ده‌ڵێ ئه‌وه‌ ته‌نها رێگه‌ی به‌رگرتنه‌ له‌ به‌رزبوونه‌وه‌ی شه‌پۆلی ناسیۆنالیستییانه‌ی كورد و تورك و له‌ ناوبردنی زه‌مینه‌ی دوژمنایه‌تیی نه‌ته‌وه‌یی

Wednesday, April 05, 2006

فرا خوان به تظاهرات

فرا خوان به تظاهرات سرا سری در پشتیبانی از قیام ملت کرد در شمال کردستا ن .
با اهداء مقداری نا چیز از خون خود و جمع آوری کمک برای «آمیدی» ها ، همدردی خود را با هموطنا نمان نشا ن دهیم
قا بل توجه ملت مبارز و فداکار کرد در همه بخشهای کردستا ن !
احزاب، سا زما نها ی سیا سی ، محا فل روشنفکری و اجتما عی
!

قریب به دو هفته است قیام کردهای تحت ستم ترکیه ادامه دارد . رژیم ترکیه و مشخصأ « رجب طیب اردوغان » نخست وزیر ، فرمان گلوله باران کردن زنان و کودکان ومردم بیدفاع را داده است .
آنچه را که « اردوغان » بیان دا شته ، اعلان ژنو ساید ( پاکسازی نژادی ) خلق کرد است . شمار جانبا ختگان روز به روز در حال فزونی است . برای آنکه هموطنا ن خود را تنها نگذاریم ، فرا خوان پشتیبا نی همه جا نبه از خلق بپا خا سته خود و برگزاری آکسیون سراسری برای جمع آوری کمک و اهداء خون را برای زخمیها میدهیم .
متحد و یکپارچه اعتراضات خود را علیه سرکوب ملت کرد توسط رژیم ترکیه سازما ن دهیم .
مرکز حلبجه آما ده همه گونه همکاری برای حما یت از هموطنان کرد تحت ستم رژیم تر کیه است .
در همین حال از حکومت اقلیمی کردستان میخوا هیم در جهت مداوای زخمیها اقدام عا جل مبذول و مساعدت خود را از هموطنان بپا خا سته در ترکیه دریغ نورزد .

مرکز حلبجه ، علیه انفال و ژنو ساید خلق کرد ( چاک )
4 آپریل 2006

Tuesday, April 04, 2006

چاک - سه‌باره‌ت به‌ باکوری کوردستان

بانگه‌واز بۆ خۆپیشاندانی سه‌رانسه‌ری له‌ کوردستان و ده‌ره‌وه‌ بۆ پشتگیری له‌ ڕاپه‌ڕینی جه‌ماوه‌ری له‌ کوردستانی باکورسازدانی خۆپیشاندان ، کۆکردنه‌وه‌ی کۆمه‌ک ، به‌خشینی خوێن له‌ ژێر درووشمی ( خوێن بۆ ئامه‌دییه‌کان)

بۆ جه‌ماوه‌ری کوردستان له‌ هه‌موو پارچه‌کانی کوردستانحیزب ، ڕێکخراوی سیاسی و ڕۆشنبیری و جه‌ماوه‌ری و کۆمه‌ڵایه‌تییه‌کان
وا دوو هه‌فته‌یه‌ ڕاپه‌ڕینی جه‌ماوه‌ری کورد له‌ باکوری کوردستان درێژه‌ی هه‌یه‌ ، ڕژێمی تورکیا بانگه‌وازی ڕه‌وایی به‌ تیرۆری ژنان و مناڵان ده‌دات ، ئه‌وه‌ی له‌سه‌ر زاری ئه‌ردۆغانه‌وه‌ ده‌ربڕا ڕه‌وایی دان بوو به‌ جینۆسایدی گه‌لی کورد ، ژماره‌ی قوربانیان ڕۆژ له‌ دوای ڕۆژ له‌ به‌رزبونه‌وه‌دایه‌ .

بۆ ئه‌وه‌ی گه‌لی کورد له‌ باکوری کوردستان به‌ ته‌نیا جێ نه‌هێڵین ، بانگه‌وازی گه‌له‌که‌مان ده‌که‌ین بۆ پشتگیری هه‌مه‌ لایه‌نه‌ له‌ خه‌ڵکی کوردستانی ڕاپه‌ڕیو به‌ سازدانی خۆپیشاندانی سه‌رانسه‌ری و کۆکردنه‌وه‌ی کۆمه‌ک و به‌خشینی خوێن به‌ برینداران .با هه‌موومان پێکه‌وه‌ ناڕه‌زایه‌تییه‌کان ڕێک بخه‌ین دژ به‌ سه‌رکوتی ڕژێمی تورکیا ، ناوه‌ندی چاک ئاماده‌یی هه‌موو کارێکی هاوبه‌شه‌ بۆ پشتگیری له‌ گه‌له‌که‌مان له‌و پارچه‌یه‌ی کوردستان .

هاوکات داوا له‌ حکومه‌تی هه‌رێمی کوردستان ده‌که‌ین هاوکاری مادی خه‌ڵکی شاره‌ ڕاپه‌ڕیوه‌کان بکات و برینداره‌کانیان بۆ چاره‌سه‌ربکات .

ناوه‌ندی هه‌ڵه‌بجه‌ دژ به‌ ئه‌نفالکردن و جینۆسایدی گه‌لی کورد-چاک
3-3-‏2006‏‏

www.chak.info
chak_org@yahoo.com

ڕاگه‌یاندنی سایتی هه‌ڵوێست

حکوومه‌تی تورکییه‌ تێروریسته‌ نه‌ک گه‌لی کورد
ڕاگه‌یه‌ندراوی ده‌سته‌ی به‌رێوه‌به‌ریی سایتی هه‌ڵوێست

له‌سه‌ر ئاخێزه ‌جه‌ماوه‌ر‌یه‌کانی باکووری کوردستان

پاش کوژرانی 14 جه‌نگاوه‌ری پ ک ک له‌شه‌ڕ له‌گه‌ڵ سپای تورکییه‌ و گواستنه‌وه‌ی ته‌رمه‌کانیان بۆ شاره‌کان به‌مه‌به‌ستی ترساندنی خه‌ڵک ، ئه‌م حه‌ره‌که‌ته‌‌ به‌دژی حکوومه‌تی تورکییه‌ هه‌ڵگه‌رایه‌وه‌. واتا مه‌رگی ئه‌و 14 که‌سه‌ نه‌ک هه‌ر نه‌بووه‌ هۆی ترسانی جه‌ماوه‌ر، به‌ڵکه‌ بووه‌ هێزو گوڕێکی جه‌ماوه‌ری که‌ توانی ئاخێزێکی گشتی و ده‌ورێکی نوێی خه‌باتێکی رووده‌ر رووی جه‌ماوه‌ر له‌گه‌ڵ سپای داگیرکه‌ر بێنێته‌ گۆڕه‌پانی خه‌باتی باکووری کوردستانه‌وه‌. بۆیه‌ حکوومه‌ت له‌ ترسی ته‌شه‌نای حه‌ره‌که‌ته‌ جه‌ماوه‌رییه‌کان له‌ ته‌حویلدانی ته‌رمی هێندێک له‌و جه‌نگاوه‌رانه‌ به‌ که‌س و کاریان خۆی بوارد و هێزێکی زۆرتری رژانده‌ کوردستانه‌وه‌.

به‌ پێی راپورتی هه‌واڵده‌رییه‌کان و هه‌روه‌ها راپورتی ڕاگه‌یه‌نه‌ره‌کانی تورکیه‌ تا رۆژی 12ی خاکه‌لیوه‌ له‌ ناوچه‌ جیاوازه‌کانی باکووری کوردستاندا، لانی که‌م 7 که‌س کوژراون، 350 که‌س بریندار و سه‌دان که‌سیش ده‌ستگیر کراون. له‌ شاره‌کانی ئامێد(دیاربه‌کر) و باتمان پاش چه‌ند رۆژ تێکهه‌ڵ چوونی قورس له‌ نێوان کۆمه‌ڵانی خه‌ڵک(به‌ زۆری کچان و کوڕانی لاو)و هێزه‌چه‌کداره‌کانی حکوومه‌ت ،سه‌ره‌نجام حکومه‌تی نیزامی ڕاگه‌یه‌نراوه‌ و له‌ هات و چوی خه‌ڵکی شاره‌کانی دیکه‌ بو ئه‌م 2 شاره پیشگیری ده‌کریت. ئه‌م خوپیشاندانانه‌ هه‌روه‌ک باسکرا، له‌ روژی سێ‌شه‌ممه‌ و له‌ کاتی ئه‌سپه‌رده‌ کردنی ته‌رمی ژماره‌یه‌ک له‌و 14جه‌نگاوه‌ره‌ی "پ ک ک" له‌ شاری ئامێده‌وه‌ ده‌ستی پیکرد و له‌ درێژی خۆیدا، زۆر شار و شارۆچکه‌‌کانی باکووری کوردستانی گرته‌وه‌.

دیاره‌ کۆبوونه‌وه‌ ئیعترازییه‌کان هه‌ر له‌ کوردستان قه‌تیس نه‌مایه‌وه‌ و هه‌تا ئیستانبوول و ئانکارا و شاره‌کانی دیکه‌ی تورکییه‌ ته‌شه‌نای سه‌ند. ئه‌وه‌بوو‌ به‌مه‌به‌ستی پشتیوانی له‌ ئاخێزه‌کانی باکووری کوردستان هاونیشتمانانی کوردمان له‌ ستانبول، ئانکارا و وان و زۆر شاری دیکه‌ به‌ شیوه‌ی هاوکات ڕژانه‌ سه‌ر جاده‌ و شه‌قامه‌کان و ئیعترازی خۆیان نیشاندا. که‌له‌م شارانه‌ش ژماره‌یه‌کی نادیار کچ و کوری لاو گیراون.

له‌ سه‌ر ئه‌م حه‌ره‌که‌ته‌ جه‌ماوه‌رییه‌، روژی هه‌ینی سه‌روک وه‌زیری تورکیه‌ "ره‌جه‌ب ته‌یب ئه‌ردوغان" رایگه‌یاند که‌ هێزه‌کانی تورکییه‌ ئیجازه‌یان هه‌یه‌ ته‌قه‌ له‌و که‌سانه‌ بکه‌ن که‌ به‌ قسه‌ی ئه‌و بوونه‌ته‌ داوده‌ستی "تیرۆریزم" وجاریکی دیکه‌ ئاماژه‌ی داوه‌ که‌ خوپیشانده‌ران به‌توندی سزا ده‌درین. چونکه‌ ئه‌وان تیروریستن ! پاشان ئه‌ردوغان ده‌فه‌رمێ: "ده‌مه‌ویت بزانن ئیمه‌ ولاتی خومان به‌ پێی ئه‌م ئه‌ساسه‌ به‌ریوه‌ ده‌به‌ین و ئیجازه‌ ناده‌ینه‌ هیچ که‌سیک ئه‌م به‌شه‌ی ولاته‌که‌مان بکاته‌ جیگه‌یه‌ک بو به‌ریوه‌ بردنی عه‌مه‌لیات له‌ دژی تورکیه‌."
هاوکات ده‌وله‌تی تورکیه‌ ڕایگه‌یاند که‌ بریک له‌ یاساکانی خه‌بات له‌ گه‌ل تیروریسم له‌وانه‌ یاسای تایبه‌ت به‌ ده‌ستگیر کردنی خوپیشانده‌ران و به‌رانبه‌رکی له‌ گه‌ل نا ئارامیه‌کانی چڕ تر کردوه‌ته‌وه‌.که‌ ئه‌مه‌ش بێگومان ته‌نیا به‌دژی مافخوازیی گه‌لی کورد به‌کار ده‌هێنرێت.

بێگومان هه‌موو ئه‌و قسانه‌ که‌ پڕن له‌ درۆ و بوختانی دوور له‌ پره‌نسیپ و ئه‌خلاق، نیشانه‌ی ترسی ده‌سه‌ڵاتدارانی که‌مالیستی تورکه‌ که‌ له‌ زمانی ئه‌ردۆغانه‌وه‌ دێنه‌ ده‌ر. ترسێک که‌ ئه‌وه‌ چه‌ند رۆژه‌ سه‌رتاپای حکوومه‌تی تورکییه‌ی وه‌خۆ گرتووه‌ و نو‌ێنگه‌ی دیاری دوتوانین له‌ ڕاگه‌یه‌نه‌ره‌(فه‌رمی و نافه‌رمی)‌کانی ئه‌م وڵاته‌دا ببینین.

ئاشکرایه‌ که‌ فام کردنی ئه‌م ترسه که‌ به‌ درۆی دوور له‌ ئه‌خلاق په‌رده‌ی به‌سه‌ردا کێشراوه‌‌ زۆر گران نییه‌. حکوومه‌تی تورکییه‌ تا ئیسته‌شی له‌گه‌ڵ بێ بۆ به‌ربه‌ره‌کانێی هێزه‌ سیاسییه‌کان و هێزی چه‌کداریان،ئه‌و پاساوه‌ی هه‌یه‌ که‌ ئامریکا و ئورووپا ئه‌م تێکۆشه‌رانه‌ به‌ تیروریست ده‌ناسن. هه‌روه‌ها ئه‌وه‌شی کردووه‌ته‌ بیانوو که‌ حیسابی جه‌ماوه‌ری خه‌لکی باکووری کوردستان و ئه‌م که‌سانه‌ لێک جیاوازن . هه‌ر به‌و پێێه‌ش خۆی له‌ رێگا چاره‌ی کێشه‌ی کورد (به‌ بیانووی جۆربه‌جۆره‌وه‌) پاراستووه‌.به‌ڵام ئێسته‌ ده‌بینی که‌ کۆمه‌ڵانی خه‌ڵک هاو سۆزیی خۆیان بۆ گیانبه‌خت کردووه‌ی نیشتمانه‌که‌یان(وه‌ک له‌هه‌موو پارچه‌کانی کوردستان باوه‌) به‌و شێوه‌ به‌ ئاگاداریی هه‌موو جیهان ده‌گه‌یه‌نن،ناچاره‌ ئه‌مجاره‌ نه‌ته‌وه‌یه‌ک به‌ تیروریست و تێکده‌ر له‌قه‌ڵه‌م بدات. چوونکه‌ که‌مالیزم باش ده‌زانێ که‌ ئه‌م گه‌له‌ و پرسه‌که‌ی، گه‌وره‌ترین کۆسپه‌ بۆ گه‌یشتن به‌ئاواته‌ له‌مێژینه‌که‌یان واتا به‌ "ئورووپایی" بوون. هه‌ر ئه‌م پرسه‌یه‌ که‌ ئه‌وه‌ چه‌ندین ساڵه‌ تورکییه‌ی له‌ پشت ده‌رکه‌ی "کۆمه‌ڵگه‌ی ئورووپا"وه‌ ده‌سته‌و دۆعا راگرتووه‌ و به‌م زووانه‌ش ئه‌و ده‌رکه‌ی لێ‌ناکرێته‌وه‌.

حکوومه‌تی تورکییه‌ گه‌رچی هه‌موو کاتێک به‌ناوی شه‌ڕ له‌گه‌ڵ تیروریسم،خۆی له‌ چاره‌سه‌رکردنی کێشه‌ی کورد پاراستووه‌ و رۆژ ئاواش هاوده‌ردیان له‌گه‌ڵ کردووه‌، به‌ڵام هه‌ر له‌وکاته‌شدا پرسی کورد( به‌ بێ چاولێکردنی ئه‌وه‌ که‌ چ پارت و حیزبێکی سیاسی تێدا چالاکه‌)ئیمرۆ له‌ ئاستێکدایه‌ که‌ رۆژئاواش ده‌زانێ به‌بێ چاره‌ سه‌رکردنی ،سه‌قامگیریی له‌ ناوچه‌ ده‌سته‌به‌ر نابێ و ئه‌مه‌ له‌ قازانجی سیاسه‌ت و به‌رژه‌وه‌ندییه‌کانی ئه‌واندا نییه‌. هه‌ر ئه‌وه‌شه‌ که‌ داوایان له‌ تورکییه‌ کردووه‌‌ که‌ پێش چوونه‌ نێو کۆمه‌ڵگه‌ی ئورووپاوه‌ ده‌بێ کێشه‌ی"فه‌رهه‌نگیی" کورد چاره‌سه‌ر بکات. به‌ڵام که‌مالێزم گه‌رچی ڕاستیه‌کانی کۆمه‌ڵ سه‌ری وه‌به‌رد کوتاوه‌ و زۆر واقعییه‌ت و له‌وانه‌ بوونی نه‌ته‌وه‌یه‌ک به‌ ناوی کوردی پێ سه‌لماندووه‌، که‌چی ئه‌وه‌نده‌ له‌ شۆڤینیزمدا چه‌قیوه‌ که‌ به‌م حاڵه‌ حاڵه‌ توانای فام کردنی ئه‌و ڕاستییه‌‌ی نییه‌ که‌ چواندنی گه‌ڵیک به‌ تیروریست و کردنه‌ بیانووی بۆ کوشتاری رۆله‌کانی گه‌له‌که‌مان ،ئه‌وه‌نده‌ی دیکه‌ کێشه‌کان قووڵتر ده‌کاته‌وه‌ و هه‌ر به‌و ئه‌ندازه‌شه‌ شانسی گه‌یشتن به‌ ئاواته‌کانی که‌مالیزم(ئورووپایی بوونی تورکییه‌)نه‌گونجاوتر و دوورتر ده‌بێته‌وه‌.
حکوومه‌تی تورکییه‌ ده‌بێ ئه‌و ڕاستییه‌ ده‌رک بکات که‌ ره‌نگه‌ بتوانێ له‌گه‌ڵ پارتێک یا چه‌ند پارتی سیاسی به‌ربه‌ره‌کانێ بکات و ته‌نانه‌ت به‌سه‌یاندا زاڵ بێت. به‌ڵام ناتوانێ له‌ به‌رانبه‌ر ئیراده‌ی نه‌ته‌وه‌یه‌کدا بوه‌ستێ. حکوومه‌تی تورکییه‌ له‌مباره‌وه‌ به‌ختی خۆی تاقی کردووه‌ته‌وه‌ و شکستی هێناوه‌. ئه‌وه‌نه‌بوو نیزیک به‌ سه‌ده‌یه‌ک بوونی کوردی ئینکار ده‌کرد و به‌ تورکی "شاخستانیی" ناو ده‌بردن. ئیسته‌چی؟ مه‌گه‌ر هه‌ر ئه‌و "شاخستانیانه" نه‌بوون وه‌ک نه‌ته‌‌وه‌یه‌ک خۆیان به‌سه‌ر که‌ماڵیزمدا سه‌پاند؟ مه‌گه‌ر هه‌ر ئه‌وان نه‌بوون "نه‌ورۆز"یان وه‌ک ڕه‌مزی نه‌ته‌وه‌یی (به‌ خه‌بات و قوربانی) برده‌ نێو رۆژمێری مێژووی تورکییه‌وه‌؟ بێگومان ئه‌م گه‌له‌ ئه‌و هه‌ڵوێسته‌ به‌رواڵه‌ت توند و له‌ ناوه‌ۆکدا ترسنۆکانه‌ش که‌ ئه‌روغان ده‌ریبڕین، ده‌شکێنێ.

هه‌ر لێره‌ش دا ئیشاره‌ به‌ خاڵێک به‌ گرینگ‌ ده‌ز‌انین. که‌ ئه‌ویش سه‌رهه‌ڵدانی ناوبه‌ناوی هێندێک ده‌سته‌ و تاقمه‌‌ که‌ کرداری ناشارستانی و دوور له‌ پره‌نسیپی ئاشتیخوازانه‌ و ئینسانیی پرسی ره‌وای گه‌له‌که‌مان ئه‌نجام ده‌ده‌ن . ئه‌م تاقمانه‌‌ که‌ ناسراو نین و تا راده‌یه‌ک جێ گۆمانن، هه‌ڵده‌ستن به‌ کرداری تیروریستیی و دانانی بومب له‌ شوێنه‌ گشتییه‌کاندا. له‌م پێوه‌ندییه‌دا تاقمێک به‌ناوی "شاهینه‌کانی کوردستان" به‌رپرسایه‌تیی ته‌قاندنه‌وی بومبێکیان له‌ وێستگه‌یه‌کی ئوتوبووس له‌ ئیستانبوول وه‌ئه‌ستۆ گردووه‌ که‌ بووه‌ته‌ هۆی مه‌رگی که‌سێک و بریندار بوونی چه‌ند که‌س( ده‌نگوباسی بی بی سی)

ئه‌م کرداره‌ له‌ لایه‌ن هه‌ر که‌سێکه‌وه‌ بێ مه‌حکوومه‌. بێگومان کارێکی ئه‌وتۆ، واتا کێشانی بزووتنه‌وه‌ی گه‌له‌که‌مان بۆ شه‌ڕ له‌گه‌ڵ نه‌ته‌وه‌ی تورک و کاری تێروریستی، شیاوی بزووتنه‌وه‌ی ره‌وای گه‌لی کورد نییه‌.گه‌لێک که‌ خۆی هه‌مووکات قوربانیی تیروریسمی ده‌وڵه‌ته‌ داگیرگه‌ره‌کان بووه‌. هه‌ر حیزبێکی کوردی له‌ پشتی ئه‌م شێوه‌ کردارانه‌وه‌بێ . بێگومان ده‌بێ له‌ نیازپاکیی گومان بکرێ.دیاره‌ ئه‌گه‌ری ئه‌وه‌ش هه‌یه‌ ناوه‌نده‌ ئه‌منییه‌تییه‌کانی حکوومه‌ت ئه‌وکارانه‌ به‌ مه‌به‌ستی به‌دناوکردنی خه‌باتی ره‌وای گه‌له‌که‌مان ئه‌نجام بده‌ن. یا ئه‌وه‌ی هیندێک لاوی تووڕه‌‌ به‌و شێوه‌ هه‌نگاوانه‌‌ هه‌ستن . بۆیه‌ ده‌بێ هه‌ر لایه‌ن، حیزب و ده‌سته‌یه‌ک که‌ به‌شێوه‌یه‌ک به‌شداری خه‌باتی ئه‌م به‌شه‌ی وڵاته‌که‌مانه‌ وێرای مه‌حکووم‌کردنی ئه‌م شێوه‌ هه‌نگاوانه‌، هه‌ڵوێستی ڕاسته‌وخو بگرن و پێش به‌ ئیمکانی که‌ڵک وه‌رگرتنی ده‌سه‌ڵاتداران له‌ ئه‌م کرده‌وه‌ نا سه‌رده‌میانه‌،به‌ دژی ره‌وابوونی خه‌بات و خواستی گه‌له‌که‌مان بگرن.

سه‌رکه‌وی خه‌باتی گه‌لی کوردمان له‌ باکوور

بژی بزووتنه‌وه‌ی رزگاریی نیشتمانیی کوردستان بۆ گه‌یشتن به‌ مافی دیاریکردنی چاره‌نووس

ده‌سته‌ی به‌رێوه‌به‌ریی هه‌ڵوێست
12ی خاکه‌لێوه‌ی 2706

Sunday, April 02, 2006

له‌حزبی دیموکراتدا چ باسه‌؟

:له‌ سایتی دێمانه‌وه‌
له‌م ماوه‌دا گه‌لێک بابه‌ت نوسراون که‌ ئه‌و ڕاستیه‌ بێننه‌ زمان که‌ ئه‌و دۆخه‌ی ئه‌مڕۆ حزبی دیموکراتی تێکه‌وتووه‌ دۆخێکی ناسک و مه‌ترسیدارو له‌ هه‌مانکاتدا جێ داخه‌. له‌ بابه‌ته‌کانی ئه‌م هه‌فته‌یه‌ی دێمانه‌دا ئه‌م بابه‌ته‌م به‌رچاو که‌وت و به‌ باشم زانی لێره‌ داینێم.
--------------------------------------------------------------------
لایه‌نگری‌ له‌ قاسملووی‌ نه‌مر له‌ نێوان ڕاستی و هه‌ڵخه‌ڵه‌تاندندا
كاردۆ 2006.03.30

ئه‌گه‌ر په‌تپه‌تێنم پێ‌ نه‌كرابا ‌و چاره‌نووسم له‌ حیزبدا له‌ مه‌ترسیدا نه‌بووایه‌، ئه‌و قسانه‌م به‌ ئاشكرا له‌پشت میكرۆفۆن ده‌كردن ‌و مه‌منوونی‌ ئه‌و هاوڕێیانه‌یشم‌ ده‌بووم كه‌ خه‌لافی‌ ئه‌و قسانه‌یان پێ‌ سه‌لماندبام.

چه‌ند ساڵێكه‌ گروپێك له‌نێو حیزبی‌ دێموكراتی‌ كوردستانی‌ ئێران دا ناوی‌ پیرۆزی‌ قاسملوویان تا ئاستی‌ ئامرازێك بۆ گه‌یشتن به‌ مه‌به‌سته‌كانیان هێناوه‌ته‌خوار ‌و به‌داخه‌وه‌ وه‌كو كوتك بۆ كوتانی‌ ڕه‌قیبه‌كانیان ‌و بۆ عه‌وامفه‌ریبی‌ كه‌ڵكی‌ لێوه‌رده‌گرن. ئه‌م گروپه به‌ سه‌رۆكایه‌تیی‌ به‌ڕێز كاك مسته‌فا هیجری‌ به‌م تاكتیكه ‌و به‌ دروشمی‌ وه‌ك شایسته‌سالاری، جه‌وانگه‌رایی‌، مودیرییه‌ت، دیموكراسیخوازی له‌لایه‌ك و تیرۆری‌ كه‌سایه‌تیی ڕه‌قیبه‌كانیان ‌و بوختان ‌و شایعه‌سازی‌ له‌ دژی‌ موخالیفانیان له‌لایه‌كی‌ دیكه‌وه‌ توانیان به‌ چه‌شنێك ئاوه‌كه‌ قوڕاو بكه‌ن كه‌ زۆر به‌ ئاسانی‌ ماسیی‌ خۆیانی‌ لێبگرن. با بزانین ئه‌و دروشم و تاكتیكانه‌ دوای‌ نزیك به دوو ساڵ به‌ كوێ‌ گه‌یشتوون ‌و ئه‌و قۆڵه‌ چه‌ند توانیویه‌تی‌ قسه ‌و كرده‌وه‌كانی‌ د. قاسملووی‌ نه‌مر بكاته‌ ئولگو ‌و سه‌رمه‌شقی‌ كاری‌ سیاسیی‌ خۆی؟هه‌ر مرۆڤێكی‌ به‌ئینساف له‌نێو بزووتنه‌وه‌ی‌ كورددا ده‌زانێ‌ هیچ ڕێبه‌رێك به‌ڕاده‌ی‌ د. قاسملوو له‌سه‌ر جێگیركردنی‌ ئوسوڵه‌كانی‌ دیموكراسی‌ شێلگیر ‌و كاریگه‌ر نه‌بوو. له‌ڕاستیدا حیزبی‌ دێموكرات به‌ جورئه‌ته‌وه‌ ده‌توانم بڵێم دیموكرات ترین حیزبی‌ ناوچه‌ بوو ‌و له‌و باره‌یه‌وه‌ قه‌رزداری‌ د. قاسملوویه‌. له‌خۆڕا نه‌بوو نازناوی‌ "مامۆستای‌ دیموكراسی‌"یان پێدابوو. ئه‌و له‌سه‌ر ئه‌و باوه‌ڕه‌ بوو "هیچ نێعمه‌تێك له‌ جیهاندا له‌ دیموكراسی‌ به‌نه‌رختر نییه‌"‌و ده‌یفه‌رموو " ئێمه‌ دیموكراتین ‌و تاسه‌ریش ده‌بێ‌ دیموكرات بین". له‌ حاڵێكدا قاسملووی‌ نه‌مر پێی‌ وابوو كه‌ دیموكراسی‌ نابێ‌ بچێته‌ ژێر كاریگه‌ریی‌ خه‌بات بۆ مافه‌ نه‌ته‌وایه‌تییه‌كان ‌و مافه‌ چینایه‌تییه‌كان، ئه‌و گروپه‌ دیموكراسییان له‌نێو حیزبدا به‌ قوربانی‌ یه‌ك گروپ‌ ‌و له‌نیۆ خۆیشیاندا به‌ قوربانی‌ سكرتێر كردووه‌. داخوا ئه‌وانه‌ی‌ كه‌ڵك له‌ ناوی‌ پیرۆزی‌ قاسملوو وه‌رده‌گرن به‌ڕاستی‌ دیموكراتن؟ نزیك به‌ دوو ساڵه‌ به‌ڕێز كاك مسته‌فا سكرتێری‌ حیزبه ‌و چاره‌نووسی‌ حیزبی‌ له‌گه‌ڵ‌ چه‌ند كه‌سی‌ ده‌وروبه‌ری‌ به‌ده‌سته‌وه‌ گرتووه‌. له‌و ماویه‌دا كه‌ بۆ ژیانی‌ سیاسی‌ ماوه‌یه‌كی‌ زۆر نییه‌، ئه‌م حیزبه‌ به‌خێرایی‌ به‌ره‌و ته‌كڕه‌وی‌ ‌و فه‌ردپه‌رستی‌ چووه‌. كه‌م حیزب و هێزی‌ سیاسی‌ كه‌ به‌ كه‌ڵكوه‌رگرتن له‌ دروشمی‌ سه‌رده‌میانه ‌و دیموكراسی‌ ده‌سه‌ڵاتیان به‌ده‌سته‌وه‌گرتووه‌ ئاوا به‌خێرایی‌ پشتیان له‌ قه‌ول ‌و دروشمه‌كانیان كردووه‌. وه‌فاداری‌ به‌ ئوسوڵ و پره‌نسیپه‌كانی‌ حیزب جێی خۆیان داوه‌ به‌ وه‌فاداری‌ به‌ كاك مسته‌فا. به‌رده‌وام لایه‌نگره‌كانی‌ ئه‌و گروپه‌ ئه‌و پرسیاره‌ له‌و لاوه‌ به‌هه‌ست ‌و شۆڕشگێڕانه‌ ده‌كه‌ن كه‌ تازه‌ به‌رگی‌ پیرۆزی‌ پێشمه‌رگایه‌تی‌ له‌به‌ر ده‌كه‌ن: "تۆ كاك مسته‌فات خۆشده‌وێ؟‌" ‌و به‌م جۆره‌ تۆوی‌ نه‌فره‌ت ‌و كینه‌یان له‌ دژی‌ موخالیفانیان له‌ دڵی‌ پاك ‌و بێگه‌ردیاندا ده‌چێنن. هه‌ر وا بزانه‌ خۆشه‌ویستیی‌ سكرتێر به‌ندێكه‌ له‌ به‌رنامه ‌و ئه‌ساسنامه‌ی‌ حیزب!
له‌ كۆمه‌ڵه‌ وتارێكی‌ د. قاسملوودا كه‌ به‌ڕێز كاك كاوه‌ی‌ به‌هرامی‌ كۆی‌ كردوونه‌ته‌وه‌، وتارێكی‌ د. قاسملووی‌ نه‌مری‌ له‌ شاری‌ مه‌هاباد تێدایه‌ له‌ كاتی‌ قسه‌كانیدا خه‌ڵك تێكڕا ده‌ڵێن: "درود بر قاسملوو" به‌ڵام د. قاسملوو ده‌فه‌رموێ‌ "ئێمه‌ دروود به‌ر قاسملوومان نییه، فه‌ردپه‌رستی‌ له‌ حیزبی‌ ئێمه‌ جێگه‌ی‌ نییه‌." ئه‌مڕۆ ئه‌گه‌ر یه‌كێك خواینه‌خواسته‌ ڕه‌خنه‌ له‌ كاك مسته‌فا یان یه‌كێك له‌ نزیكه‌كانی‌ بگرێ‌ كارێكی‌ پێده‌كه‌ن با به‌ ده‌واری‌ شڕی‌ نه‌كردبێ‌. د. قاسملووی‌ نه‌مر له‌ 'كورته‌باس'دا له‌ باره‌ی‌ سۆسیالیزم باسی‌ ئه‌زموونی‌ شووره‌وی‌ ده‌كا كه‌ چۆن ک.ج.ب.، ده‌زگای‌ جاسووسیی‌ شووره‌وی‌، ببوو به‌ ئامرازی‌ ده‌ستی‌ حیزب ‌و حیزبیش ببوو به‌ ئامرازی‌ ده‌ستی‌ ستالین ‌و چۆن كه‌وته‌ گیانی‌ ئه‌ندامانی‌ حیزب ‌و ده‌ستیكرد به‌ ته‌سفیه‌ی موخالیفانی‌ ستالین. ئه‌مڕۆ به‌داخه‌وه‌ كۆمیته‌ی‌ ئه‌منییه‌تی‌ حیزبی‌ دێموكرات كه‌ دوای‌ ڕاپه‌ڕینی‌ كوردستانی‌ عێراق بۆ پووچه‌ڵكردنه‌وه‌ی‌ پیلانه‌كانی‌ كۆماری‌ ئیسلامی و پێشگیری‌ له‌ تیرۆری‌ ئه‌ندامانی‌ حیزب پێكهاتبوو ڕاست كه‌وتۆته‌ ئه‌م خه‌ته‌وه. ئه‌م ئۆرگانه‌ كه‌ پێشتریش به‌رپرسه‌كانی‌ له‌ لایه‌نگرانی‌ كاك مسته‌فا بوون كاری‌ بۆته‌ ئه‌وه‌ كه‌ هه‌ڵسوكه‌وتی‌ ئه‌ندامانی‌ حیزب بخاته‌ ژێر چاوه‌دێری‌ كه‌ پێشتر به‌ هیچ جۆر هه‌قی‌ ده‌خاله‌ت له‌ كاروباری‌ نێوخۆی‌ حیزبیدا نه‌بوو. هاتوچۆی‌ ئه‌ندامان ‌و كادر ‌و پێشمه‌رگه‌ی‌ حیزب به‌توندی‌ له‌ژێر چاوه‌دێریدایه‌ بۆ ئه‌وه‌ی‌ بزانن كێ‌ هاتوچۆی‌ موخالیفانیان ده‌كه‌ن كه‌ یان له‌ هه‌ڵسووڕێنه‌ران ‌و ڕێبه‌رانی‌ پێشووی‌ حیزب بوون یان تێكۆشه‌ری‌ له‌مێژینه‌ی‌ حیزبن. به‌تایبه‌تی‌ چاویان زیاتر له‌سه‌ر پێشمه‌رگه‌ تازه‌كانه‌ ‌و ئه‌گه‌ر هاتوچۆی‌ ئه‌و كه‌سانه‌ بكه‌ن بانگیان ده‌كه‌ن ‌و تێیان هه‌ڵده‌پێچن! به‌ قه‌ولی‌ مه‌هدیی‌ ئه‌خه‌وان "اگر دست محبت سوی‌ كس یازی‌ به‌ اكراه‌ اورد دست از بغل بیرون كه‌ سرما سخت سوزان است.''......................
كۆمیته‌ی‌ ئه‌منییه‌ت هه‌ر ماوه‌یه‌ك له‌وه‌ پێش ده‌سته‌گوڵێكی‌ به‌ ئاودا دا ‌و له‌ ئیقدامێكی‌ ئه‌منییه‌تیدا لیستێكی‌ له ڕووناكبیران ‌و خوێنده‌وارانی‌ نێو حیزب كه‌ له‌ خۆیان نه‌بوون دابووه‌ ئاسایشی‌ شاری‌ كۆیه‌ كه‌ گۆیا ئه‌وانه‌ مه‌دره‌كی‌ ساخته‌یان هه‌یه‌ ‌و كۆماری‌ ئیسلامی‌ ده‌یه‌وێ‌ مۆره‌ی‌ خۆی‌ بخزێنێته‌ نێو دانیشگاكانی‌ كوردستانی‌ عێراق. پاشان كه‌ ئاسایش له‌ مه‌سه‌له‌كه‌ی‌ كۆڵیه‌وه‌ ده‌ركه‌وت ئه‌وه‌ی‌ له‌ باره‌ی‌ ئه‌و لیسته‌دا ئیدیعای‌ ده‌كه‌ن فڕی‌ به‌سه‌ر ڕاستییه‌وه‌ نییه و ئه‌و پۆله‌ له‌و ڕووناكبیرانه‌ سه‌ربه‌رزانه‌ له‌‌و پیلانه‌ ده‌رباز بوون.......................
د. قاسملووی‌ نه‌مر مرۆڤێكی‌ ئازا بوو ‌و به‌ سه‌راحه‌ت ‌و به‌ ڕوونی‌ بیروباوه‌ڕی‌ خۆی‌ ده‌رده‌بڕی‌ ‌و بۆ جێگیركردنی‌ به‌رنامه‌كانی‌ خۆی‌ هیچ كات په‌نای‌ نه‌بردۆته‌ به‌ر باندبازی‌ و ده‌سته‌به‌ندیی‌ نهێنی‌ ‌و هه‌میشه‌ له‌ڕێگه‌ی‌ ئوسووڵ ‌و پره‌نسیپه‌كانی‌ حیزبه‌وه‌ به‌رنامه‌كانی‌ خۆی‌ ده‌چه‌سپاند؛ ئه‌هلی‌ ده‌سته‌به‌ندیی‌ نهێنی‌ نه‌بوو. ته‌كیه‌ كه‌لامی‌ وی‌ ئه‌وه‌ بوو "با به‌ سه‌راحه‌ت بگوترێ‌". به‌ڵام هه‌موو كادر ‌و پێشمه‌رگه‌ی‌ نێو حیزب چاك ده‌زانن له‌ كۆنفرانسه‌كانی‌ پێش كۆنگره‌ی‌ 13دا بوو كه‌ ده‌ركه‌وت حیزب بنكۆڵ‌ كراوه‌. كاك مسته‌فا هیچ كات ئاماده‌ نه‌بوو له‌سه‌ر به‌رنامه ‌و بۆچوونه‌كانی‌ نه‌ به‌ قسه‌ ‌و نه‌ به نووسراو بۆ به‌ده‌نه‌ی‌ حیزب بدوێ، هه‌رچی‌ كردبووی‌ به‌ نهێنی‌ ‌و به‌ دوور له‌ ڕێگه‌ی‌ ئوسووڵ و پره‌نسیپه‌كانی‌ حیزب كردی‌. له‌ كۆنگره‌ی‌ 12دا ئه‌م شێوه‌ كارانه‌ به‌ "خیانه‌ت به‌ خوێنی‌ شه‌هیدان" یه‌ك له‌وان خوێنی‌ د. قاسملوو، ناوی برابوو به‌ڵام كاك مسته‌فا و چه‌ند كه‌سێكی‌ نزیكی‌ كردیان. ئه‌مانه‌ كه‌ تازه‌ كاری‌ خۆیان كردبوو ‌و ئیدی‌ تازه‌ له‌ سه‌ركه‌وتنی‌ خۆیان دڵنیا بوون، ئینجا لێره و له‌وێ‌، دیاره‌ دیسان نه‌ك به‌ نووسراو و به‌ ئاشكرا به‌ڵكو هه‌ر به‌ شێوه‌ی‌ شایعه‌ هێندێك له‌ دروشمه‌كانیان دركاندن كه‌ ئیشاره‌یان پێكرا، زۆر باسی‌ شایسته‌سالاریان ده‌كرد.قسه ‌و نووسینه‌كانی‌ د. قاسملوو شوكور به‌شی‌ هه‌ره‌ زۆریان ماون. له‌ هه‌ر جێگه‌یه‌ك ‌و له‌ باره‌ی‌ هه‌ر شتێكدا دوابا، پیاو هه‌قی‌ بوو شانازی‌ به‌ وی ‌و به‌ حیزبه‌كه‌ی‌ بكا. به‌ڵام له‌گه‌ڵ‌ ئه‌وپه‌ڕی‌ ڕێز ‌و حورمه‌تمدا بۆ كاك مسته‌فا، پیاو شانازی‌ به كام نووسین، كام لێدوان و وتاری‌ بكا؟ وتووێژی‌ كاك مسته‌فا له‌گه‌ڵ‌ ته‌له‌ڤزیۆنی‌ ئه‌مریكا له‌ ساڵی ڕابردوودا له‌ بیر كه‌س نه‌چۆته‌وه‌. ئه‌وانه‌ی‌ دوو وتووێژه‌كه‌ی‌ كاك خالید عه‌زیزی‌ كه‌ له‌ژێر فشاری‌ كاك مسته‌فا ‌و ده‌وروبه‌ریدا ناچار بوو ده‌ست له‌ ئه‌ندامه‌تیی‌ كۆمیته‌ی‌ ناوه‌ندی‌ بكێشێته‌وه، دیوه‌، له‌گه‌ڵ‌ هی‌ كاك مسته‌فای‌ به‌راورد بكه‌ن و بزانن شایسته‌گی‌ له‌ كوێیه‌؟! ڕێبه‌رایه‌تیی‌ هه‌ڵبژێردراوی‌ كۆنگره‌ی‌ 13 له‌گه‌ڵ‌ كۆنگره‌كانی‌ پێشتر به‌راورد بكه‌ن له‌ حاڵێكدا كه‌ كۆمه‌ڵی‌ كورده‌واری‌ ڕۆژ له‌گه‌ڵ ڕۆژ به‌ره‌وپێش ده‌چێ، ئه‌م حیزبه‌ چۆن به‌ره‌و دواوه‌ گه‌ڕاوه‌ته‌وه‌؟ یان باشتر بڵێم ئه‌وانه‌ی‌ ته‌رد ‌و حه‌زف كران به‌ڕاستی‌ قابیلی‌ موقایسه‌ن له‌گه‌ڵ‌ ئه‌وانه‌ی‌ له‌ قۆڵی‌ كاك مسته‌فادا هاتنه‌سه‌ر؟ به‌ جورئه‌ته‌وه‌ ده‌ڵێم زیاتر له‌ 8 له‌ 10ی‌ ئه‌وانه‌ی‌ ڕووناكبیرن، قه‌ڵه‌مبه‌ده‌ستن، خاوه‌ن مه‌دره‌ك ‌و خوێندنی‌ به‌رزن له‌ حیزبدا خرانه‌ په‌راوێزه‌وه و ئه‌فرادی‌ خاوه‌ن ئه‌زموون ‌و لێهاتوو وه‌لانران ‌و كه‌سانێكیان له جێ‌ دانرا كه‌ به‌ هیچ جۆر جێگه‌ی‌ ئه‌وان پڕ ناكه‌نه‌وه‌. هه‌ر ئه‌و ڕێبه‌رایه‌تییه‌ی‌ به‌ دروشمی‌ شایسته‌سالاری ‌و نوێخوازی‌ هه‌ڵبژێردرا، خوێندنی‌ له‌ كادر ‌و پێشمه‌رگه‌ی‌ حیزب قه‌ده‌غه‌ كرد، چونكه‌ له‌ جیناحی‌ ئه‌واندا تاقه‌ یه‌ك نه‌فه‌ر هه‌بوو بخوێنێ له‌ حاڵێكدا له‌ سه‌رده‌می‌ د. قاسملووی‌ نه‌مر ‌و زۆر كۆنتریش له‌ سه‌رده‌می‌ پێشه‌وا قازی‌ محه‌ممه‌د (ئه‌و ڕێبه‌ره‌ی‌ دوای‌ 60 ساڵ‌ شه‌هیدبوونی‌ ئه‌م ده‌سته‌یه‌ كه‌یفی‌ پێنایه) ده‌یان‌ و سه‌دان كه‌س نه‌ك بۆ شوێنی‌ نزیك به‌ڵكو بۆ دوور به‌ مه‌به‌ستی‌ خوێندن به‌ڕێكران.
له‌ باره‌ی‌ مودیرییه‌تی‌ كاك مسته‌فاوه‌ كه‌ وایان بڵاوده‌كرده‌وه‌ مودیره ‌و سكرتێری‌ پێشوو، به‌ڕێز ماموستا حه‌سه‌نزاده، گۆیا مودیرییه‌تی‌ نه‌بووه‌، هه‌ر ئه‌وه‌نده‌ ده‌ڵێم كه‌ له‌وه‌ته‌ی‌ حیزبی‌ دێموكرات هه‌یه‌ به‌ڕاده‌ی‌ ئه‌و دوو ساڵه‌ له‌ خراپی و ئاژاوه‌ و‌ ناخۆشیی‌ نێوخۆدا نه‌بووه‌،‌ بێ‌ ئه‌وه‌ی‌ ئه‌م حیزبه‌ فشاری‌ ده‌ره‌كیی‌ له‌سه‌ر بێ‌. به‌ڵام سه‌رده‌می‌ مامۆستا به‌ پێچه‌وانه‌ بوو، حیزب وه‌ك ئێستا له‌ ئاسووده‌یی ‌و ڕاحه‌تیدا نه‌بوو ‌و قه‌ت تێكۆشه‌رانی‌ دێموكرات به‌و‌ هه‌مووه‌ بیر ‌و باوه‌ڕه‌ جیاواز ‌و متنوعه‌وه‌ ئاوا له‌په‌نا یه‌كتردا كۆ نه‌ببوونه‌وه‌.د. قاسملووی‌ نه‌مر سیاسه‌تمه‌دارێكی‌ به‌ئه‌خلاق بوو. ئه‌و ده‌یفه‌رموو جنێوفرۆشی‌ له‌ سیاسه‌تی‌ ئێمه‌دا جێی‌ نابێته‌وه و شانازیی‌ به‌وه‌ ده‌كرد كه‌ حیزب یه‌كه‌م هێزی‌ ئێرانی‌ بووه‌ ئه‌خلاقی‌ واریدی‌ سیاسه‌ت كردووه‌. حیزبی‌ دێموكرات له‌ژێر ڕێنوێنییه‌كانی‌ ویدا ته‌نانه‌ت ئاماده‌ نه‌بووه‌ جنێو ‌و قسه‌ی‌ سووك له‌ دژی‌ دوژمنیش به‌كاربێنێ،‌ چ بگا به‌ ڕه‌قیب ‌و موخالیف. به‌ڵام به‌داخه‌وه‌ جنێو، قسه‌ی‌ سووك ‌و هه‌تتاكی‌ به‌شێكن له‌ هه‌ڵسوكه‌وتی‌ ئه‌م گروپه‌یه‌. هێندێك كه‌سیان وا ڕاهێناوه‌ به‌ ناوی‌ پێشمه‌رگه‌ كه‌ قه‌ت پێم وا نییه‌ ئه‌و جۆره‌ كه‌سانه‌ لیاقه‌تی‌ پێشمه‌رگایه‌تیان هه‌بێ‌، به‌ حه‌ز ‌و ئاره‌زووی‌ خۆیان جنێو و قسه‌ی‌ ناشیرین به‌ كه‌سایه‌تییه‌ به‌رزه‌كانی‌ حیزب ده‌ده‌ن كه‌ له‌ ده‌ره‌وه‌ی‌ ئه‌م ده‌سته‌یه‌دان. ئه‌م به‌ناو پێشمه‌رگانه‌ نه‌ك هه‌ر سزا نادرێن به‌ڵكو پله‌یان ده‌درێتێ‌. له‌وه‌یش سه‌یرتر ئه‌وه‌یه‌ بۆ ئه‌وه‌ی‌ دڵنیا بن فڵان پێشمه‌رگه‌ له‌گه‌ڵ‌ موخایفه‌كانیانه‌ یان نا، داوای‌ لێده‌كه‌ن جنێو به‌ فڵان كه‌س بدات. ئه‌گه‌ر ئاماده‌ نه‌بوو جنێو بدا ئه‌وجار ڕقی‌ لێداده‌گرن. كار گه‌یشتۆته‌ جێگه‌یه‌ك له‌ كۆبوونه‌وه‌یه‌كی‌ به‌ریندا نزیكه‌ی‌ سێ‌ مانگ له‌وه‌ پێش كه‌ مامۆستا عه‌بدوڵڵا حه‌سه‌نزاده‌ ڕه‌خنه‌ی‌ له‌و كه‌سانه‌ ده‌گرت كه ئه‌و وه‌زوعه‌یان پێكهێناوه ‌و بانگه‌شه‌ی‌ بۆ یه‌كڕیزی‌ و پته‌وكردنی‌ ڕیزه‌كانی‌ حیزب ده‌كرد، كاك عیرفان ڕه‌هنموون هه‌ستا ده‌ستیكرد به‌ جنێو ‌و قسه‌ی‌ سارد ‌و سووك به‌ موخالیفانی‌ كاك مسته‌فا‌ و كاك مسته‌فای‌ به‌ ده‌ریا ته‌شبیه كرد‌ و موخالیفانیشی به ... (پێم شه‌رمه‌ بیڵێم) ته‌شبیه كرد ‌و كۆبوونه‌وه‌كه‌ی‌ شێواند. له‌ به‌رامبه‌ر ئه‌مه‌دا ژماره‌یه‌كی‌ زۆر له‌ كادر ‌و پێشمه‌رگه‌كان نامه‌یه‌كی‌ سكاڵایان به‌ ئیمزای‌ چه‌ندسه‌د كه‌س بۆ ده‌فته‌ری‌ سیاسی‌ نارد ‌و داوای‌ سه‌ركۆنه‌ی‌ ناوبراویان كرد. به‌ڵام دوای‌ ماوه‌یه‌ك به‌وپه‌ڕی‌ سه‌رسووڕمانه‌وه‌ نه‌ك هه‌ر ناوبراو له‌ گوڵی‌ كاڵتر پێ نه‌گوترا به‌ڵكو سێ‌ كه‌س له‌وانه‌ی‌ ئیمزاكانیان كۆكردبۆوه‌ له‌ لایه‌ن ئه‌و جیناحه‌وه‌ به‌ زۆره‌ملی‌ له‌ ئۆرگانی‌ خۆیان ده‌ركران ‌و نه‌قڵی‌ ئۆرگانی‌ دیكه‌ كران.
سانسۆر له‌ حیزبدا گه‌یشتۆته‌ ئه‌وپه‌ڕی‌ خۆی‌. جگه‌ له‌ خودی‌ كاك مسته‌فا ‌و چه‌ند كه‌سی‌ دیكه‌ به‌هۆی‌ جه‌وێك كه‌ پێكیان هێناوه‌ كه‌س ناتوانێ‌ له‌سه‌ر مه‌سه‌له‌ نێوخۆیی‌یه‌كانی‌ حیزب كۆبوونه‌وه‌ پێكبێنێ‌. ئه‌وه‌نده‌یش ته‌نیا بۆ پێهه‌ڵگوتن به‌ كار و كرده‌وه‌كانی‌ خۆیان ‌و دیكته‌كردنی‌ بۆچوونه‌كانیانه‌. سانسۆر گه‌یشتۆته‌ جێگه‌یه‌ك ته‌نانه‌ت مامۆستا عه‌بدوڵڵا حه‌سه‌نزاده‌ بۆخۆی‌ ‌و به‌ نزیكه‌ی‌ 45 ساڵ‌ خه‌بات ‌و 10 ساڵ‌ سكرتێریی‌ حیزب قسه ‌و نووسینی‌ لێ‌ سانسۆر ده‌كرێ‌. بۆ نموونه‌ په‌یامێكی‌ بۆ كۆنفرانسێك له‌ ئوسترالیا له‌سه‌ر كورد نارد كه‌ به‌ ده‌ستووری‌ كاك مسته‌فا ئیجازه‌ی‌ بڵاوبوونه‌وه‌ی‌ پێنه‌درا! نزیكه‌ی‌ مانگێك له‌وه‌پێش یه‌كێك هێرشێكی‌ تو‌ندی‌ كربووه‌ سه‌ر حیزب ‌و به‌یاننامه‌ی‌ كۆمیته‌ی‌ ناوه‌ندیی‌ حیزب ‌و وتووێژێكی‌ مامۆستا له‌سه‌ر كۆماری‌ كوردستان. مامۆستایش وه‌ڵامێكی‌ زۆر به‌پێزی‌ دابۆوه‌، به‌ڵام به‌وپه‌ڕی‌ سه‌رسووڕمانه‌وه‌ ئه‌و جیناحه نه‌ك هه‌ر توانای‌ وه‌ڵامدانه‌وه‌ی‌ نه‌بوو به‌ڵكو ئیجازه‌ی‌ نه‌دا له‌ ڕۆژنامه‌ی کوردستاندا چاپ بکرێ‌! هه‌ر له‌و ماوه‌یه‌دا له‌ حیزبی‌ دێموكراتدا دوو ئه‌ندامی‌ له‌مێژینه ‌و دوو ئه‌ندامی‌ پێشووی‌ كۆمیته‌ی‌ ناوه‌ندی‌ له‌سه‌ر نووسینه‌كانیان سه‌ركۆنه ‌و موحاكه‌مه‌ كران! (مه‌به‌ستم ته‌ئیید یان ڕه‌دی‌ نووسینه‌كانیان نییه‌).ئایا جێگه‌ی‌ داخ نییه‌ بۆ حیزبێك كه‌ هه‌میشه‌ مایه‌ی‌ فه‌خر ‌و شانازیی‌ ئازادیخوازان بوو، ئه‌مڕۆ له‌ سانسۆر ‌و پێشێلكردنی‌ ئازادیی‌ به‌یاندا ده‌یه‌وێ‌ لاسای‌ كۆماری‌ ئیسلامی‌ بكاته‌وه‌؟ (به‌ هیچ جۆر مه‌به‌ستم ئه‌وه‌ نییه‌ ئه‌وانه‌ دژی‌ كۆماری‌ ئیسلامی‌ نین).
وه‌زعی‌ ئه‌وانه‌ی‌ له‌ حیزبدا تیرۆری‌ شه‌خسییه‌ت ده‌كرێن‌ و بۆختان ‌و قسه‌ی‌ دزێویان بۆ هه‌ڵده‌به‌ستن به‌ڵام به‌هۆی‌ جه‌وێك كه‌ ئه‌م جیناحه‌ پێكیهێناوه‌ ده‌ خۆیان ڕانابینن دیفاع له‌ خۆیان بكه‌ن یان ئه‌وانه‌ی‌ گله‌یی ‌و ڕه‌خنه‌یان هه‌یه‌ ئه‌گه‌ر مه‌تره‌حی‌ بكه‌ن ڕوون نییه‌ چاره‌نووسیان له‌ حیزبدا چی‌ لێدێ‌، له‌گه‌ڵ‌ ڕووناكبیرانی‌ ئێران مقایسه‌ ده‌كه‌م: ئه‌وانه‌ی‌ ئاگاداری‌ وه‌زعی‌ ئێران هه‌ن ‌و ئاگایان له‌ نێوخۆی‌ حیزبیش هه‌یه‌ له‌ خۆیان بپرسن جگه‌ له‌ گه‌نجی‌ كه‌ مه‌سه‌له‌كه‌ی‌ بۆته‌ گرێكوێره‌، ئه‌و هه‌مووه‌ نامه‌ سه‌رئاوه‌ڵایه‌ له‌ دژی‌ خامنه‌یی‌ نووسرا، نووسه‌ره‌كانیان چیان له‌ده‌ستدا؟ فاتیمه‌ی‌ حه‌قیقه‌ت جوو له‌سه‌ر سه‌حنی‌ مه‌جلیس هیچی‌ بۆ خامنه‌یی ‌و جه‌ناحه‌كه‌ی‌ تێدا نه‌هێشته‌وه‌، كه‌ قسه‌كانی‌ به "انا للله‌ ‌و انا الیه‌ راجعون" ده‌ستپێكرد. قاسمی‌ شوعله‌ سه‌عدی‌ له‌ نامه‌ سه‌رئاوه‌ڵاكه‌یدا بۆ خامنه‌یی‌، چی‌ به‌ خامنه‌یی‌ نه‌كرد؟ ئایا له‌ ئێران ده‌ركرا؟ ‌و هیچی‌ له‌ده‌ستدا؟ ده‌یان ڕۆژنامه‌نووس، شاعیر ‌و كه‌سایه‌تی‌ هه‌ر به‌م شێوه‌یه‌. ئایا هه‌موویان گیران ‌و موحاكه‌مه‌ كران؟ ئه‌وه‌ له‌ حاڵێكدایه‌ كۆماری‌ ئیسلامی‌ كارنامه‌یه‌كی‌ ڕه‌شی‌ له‌ پێشێلكردنی‌ ئازادیی‌ به‌یاندا هه‌یه‌. ئایا نابێ‌ له‌ حیزبی‌ دێموكراتدا جێگه‌یه‌ك بۆ ده‌ربڕینی‌ بیر‌وباوه‌ڕی‌ جیاواز هه‌بێ ‌و موحاكمه‌ نه‌كرێن‌ و بێحورمه‌تی نه‌كرێ‌؟ ئه‌گه‌ر په‌تپه‌تێنم پێ‌ نه‌كرابا ‌و چاره‌نووسم له‌ حیزبدا له‌ مه‌ترسیدا نه‌بووایه‌، ئه‌و قسانه‌م به‌ ئاشكرا له‌پشت میكرۆفۆن ده‌كردن ‌و مه‌منوونی‌ ئه‌و هاوڕێیانه‌یشم‌ ده‌بووم كه‌ خه‌لافی‌ ئه‌و قسانه‌یان پێ‌ سه‌لماندبام. به‌ڵام خوێنه‌رانی‌ به‌ڕێز، خوا هه‌قه‌ نیوه‌ی‌ ئه‌و مافه‌ی‌ شوعله‌ سه‌عدی‌، حه‌قیقه‌ت جوو، هیدایه‌ت ‌و ئایتوڵڵا تاهیری‌ و ده‌یان نووسه‌ر ‌و شاعیر له‌ ئیراندا هه‌یانه، من ‌و هی‌ وه‌ك من له‌ حیزبی‌ دێموكراتی‌ ئه‌مڕۆدا لێی‌ بێبه‌شین.له کاتێکدا ڕێژیمی کۆماری ئیسلامی ڕێژیمێکی بێزراوه له‌ ئاستی نێونه‌ته‌وه‌یی و به‌تایبه‌تی له‌ بواری ئازادی بیروڕاده‌ربڕین و سانسۆردا و حیزبی دێموکرات به ئوسوڵ و پرینسیپه‌ دیموکراتیخوازه‌کانی له دونیادا ده‌ناسرێته‌وه‌. حیزبێك كه‌ خاوه‌نی‌ ئه‌و فه‌رهه‌نگه‌ دیموكراتیكه‌ بوو چی‌ لێهاتوه‌؟ ئه‌وكات مامۆستا عه‌بدوڵڵا حه‌سه‌نزاده‌ سكرتێری‌ حیزب بوو چه‌ندین جار له‌ كۆبوونه‌وه‌ی‌ گشتیدا ئه‌وانه‌ی‌ موخالیف بوون ‌و ره‌خنه‌یان هه‌بوو ده‌عوه‌تی‌ ده‌كردن بۆ پشت میكرۆفۆن و داوای‌ لێده‌كردن به‌ ئاشكرا ‌و به‌ زمانی‌ "متمدن"ـانه‌ بۆچوونه‌كانیان بڵێن ‌و ئه‌و قسه‌یه‌ی‌ ڤۆڵتێری‌ به‌ نموونه‌ دێنایه‌وه "ئه‌من ده‌مرم بۆ ئه‌وه‌ی‌ موخالیفم بتوانێ‌ قسه‌ی‌ خۆی‌ بكا". به‌ڵام ئه‌مڕۆ له‌ حیزبدا ئه‌و موخالیفه‌ ده‌بێ‌ بمرێ‌ ‌و قسه‌ی‌ خۆی‌ نه‌كا ‌و ئه‌وانه‌یش بخنكێن كه‌ ناتوانن قسه‌ی‌ خۆیان بكه‌ن. بۆیه‌ نامه‌وێ‌ بخنكێم ئه‌و چه‌ند دێڕه‌ ده‌لاقه‌یه‌كه‌ بۆ هه‌ناسه‌دانم تا له‌ حیزبدا نه‌خینكێم. كاتێكیش له‌ حیزبدا زانیان قسه‌كانت بۆنی‌ گله‌یی‌یان لێدێن‌ سووك ‌و هاسان پێت ده‌ڵێن "جا كاكه‌ بڕۆ، بۆ ناڕۆی‌؟" هه‌ر وه‌بزانه‌ ئه‌و حیزبه‌ مڵكی‌ ‌ئه‌وانه ‌و خوا بۆ ئه‌وانی‌ نازڵ‌ كردوه! كه‌ڵكوه‌رگرتنی فارس گوته‌نی ئه‌بزاری‌ له‌ ناوی‌ "قاسملوو" له‌ لایه‌ن ئه‌و جیناحه‌وه‌ ئه‌ونده‌ زه‌ق و به‌رچاوه‌ كه‌ هه‌ر كه‌س بیه‌وێ‌ به‌ ئاسانی‌ بۆی‌ ده‌رده‌كه‌وێ‌. بۆ نموونه‌ له‌سه‌روبه‌ندی‌ كۆنگره‌ی‌ 12 له‌نێو حیزبدا بیری‌ گۆڕینی‌ دروشمی‌ ستراتژیی‌ حیزب بڵاوببۆوه‌ كه‌ له‌ خودموختارییه‌وه‌ ببێته فیدرالیزم. ئه‌م جیناحه‌ هه‌ڵڵا ‌و هه‌نگامه‌یه‌كی‌ ساز كرد هه‌ر مه‌پرسه‌، كه‌ به‌ڵێ‌ له‌ سه‌رده‌می‌ د. قاسملووی‌ نه‌مردا دروشمه‌كه‌ "خودموختاری‌" بووه ‌و ده‌یانه‌وێ‌ بیگۆڕن ‌و ئه‌مه‌ "خیانه‌ته‌ به‌ ڕێبازی‌ قاسملوو." له‌ حاڵێكدا ئه‌مانه‌ لانیكه‌م ده‌بوا زانیبایان د. قاسملوو چل‌ و چه‌ند ساڵ له‌وه‌ پێش له‌ "كوردستان ‌و كورد"دا كه‌ زیاتر له‌ 30 ساڵ‌ ده‌بێ‌ مامۆستا عه‌بدوڵڵا حه‌سه‌نزاده‌ كردوویه‌ به‌ كوردی،‌ نه‌ك هه‌ر خودموختاری‌ به‌ڵكو سه‌ربه‌خۆیی‌ به‌ مافی‌ كورد ده‌زانێ‌ ‌و دوای‌ شۆڕشی‌ گه‌لانی‌ ئێرانیش له‌ نامه‌یه‌كدا بۆ ئایه‌توڵڵا خومه‌ینی‌ "فیدرالیزم" به‌ باشترین ڕێگه‌چاره‌ی‌ مه‌سه‌له‌ی‌ نه‌ته‌وایه‌تی‌ له‌ ئێراندا ناوده‌با. ئه‌وه‌ هیچ، له‌ كۆنگره‌ی‌ 13دا كه‌ له‌ دوو له سێی‌ نوێنه‌رانی‌ ئه‌م جیناحه‌ پێكهاتبوو له‌ كاتی‌ په‌سندكردنی‌ دروشمی‌ فیدرالیزمدا ئه‌مانه‌ هیچ موخالیفه‌تێكیان نه‌كرد. بۆ؟ چونكه‌ تازه‌ به‌ مه‌ڕامی‌ خۆیان كه‌ زۆرینه‌ی‌ كۆنگره‌ بوو، گه‌یشتبوون. بۆ ئه‌مه‌یان پێویستیان به‌ ئامرازێكی‌ وا نه‌مابوو. به‌ڵام بۆ مه‌به‌سته‌كانی‌ دواتریان وازیان هه‌ر نه‌هێناوه‌.نموونه‌یه‌كی‌ دیكه: له‌ سه‌روبه‌ندی‌ دوو، سێ‌ كۆنگره‌ی‌ ئه‌خیردا هێندێك له‌ لایه‌نگرانی‌ ئه‌م جیناحه‌ وته‌كانی‌ د. قاسملووی‌ نه‌مر به‌ ده‌نگی‌ خۆی‌ به‌ بڵندگۆ له‌نێو پێشمه‌رگه‌ تازه‌كاندا بڵاوده‌كه‌نه‌وه‌. به‌ڵام هه‌ر كه‌ ده‌نگه‌كانیان لێوه‌رگرتن ئیدی‌ خه‌به‌رێك له‌ وته‌كانی‌ قاسملووی‌ شه‌هید نییه. ئیدی‌ هه‌ر كه‌س تۆزقاڵێك حورمه‌تی‌ قاسملووی‌ له‌لا هه‌بێ‌ ئاوا ناسادقانه‌ كه‌ڵك له‌ ناوی‌ وه‌رناگرێ‌.له‌ كۆتاییدا حه‌قیقه‌تی‌ دیكه‌ یه‌كجار زۆرن به‌ڵام ئه‌وه‌نده‌ ده‌ڵێم دوو هه‌ڵوێستی‌ ئه‌م جیناحه‌ به‌راورد بكه‌ن بزانن چه‌نده‌ نیازپاكن‌ و چه‌نده‌ شایسته‌ی‌ ڕێبه‌رایه‌تیی‌ حیزبن. ئه‌م ڤیناحه‌ به‌وپه‌ڕی‌ شانازییه‌وه‌ هاوپه‌یمانه‌تیی‌ خۆی‌ له‌گه‌ڵ‌ پان ئیرانیسته‌كان ڕاگه‌یاند ‌و به‌توندییش دیفاعیان لێكرد ( ئه‌وانه‌ی‌ د. قاسملووی‌ نه‌مر به‌ شۆڤینیستی‌ ده‌زانین ‌و له‌ دژیان ده‌ینووسی‌) به‌ڵام ئه‌م جیناحه‌ كه ده‌بێ مه‌سئوولی‌ پته‌وكردنی‌ ڕیزه‌كانی‌ حیزبی بێ، قۆڵی‌ له‌ ته‌رد، حه‌زف، خستنه‌په‌راوێزی‌ غه‌یره‌ خودی، كه‌ به‌ ده‌یان كه‌س له‌ كه‌سایه‌تییه‌ سیاسییه‌كانی‌ حیزب به‌تایبه‌تی‌ ‌و كورد به‌گشتی ‌و خوێنده‌وار ‌و ڕووناكبیر ‌و تێكۆشه‌ری‌ ده‌یان ساڵه‌ی‌ تێدایه‌، ئاماده‌ی‌ هاوپه‌یمانه‌تی ‌و یه‌كڕیزی‌ نین.
-------------------------------------------------------------------------------------
چه‌ند پرسیارێک:
ئاکامه‌کانی کۆنگره‌ی سێزده‌ی حدکا، ئه‌م حزبه‌ به‌ره‌و کوێ ده‌با؟ ئایا حزبێک که‌ بۆ ئازادی خه‌بات بکات بۆ خۆی ئازادی پێشێل ده‌کات؟ ئه‌وده‌نگانه‌ی له‌ ڕیزه‌کانی حزبی دیموکراته‌وه‌ به‌رز ده‌بنه‌وه‌ ته‌نێ ئاکامی باڵبه‌ندییه‌کی رووت و قوته‌؟ ئه‌م دۆخه‌ تاکه‌ی درێژه‌ ده‌کێشێ؟ تۆ بڵێی که‌س هه‌بێت له‌ ناو حزبی ناوبراودا دڵسۆزانه‌و لێبڕاوانه‌ له‌ هه‌وڵی چاره‌سه‌ری ئه‌و دۆخه‌دا بن؟ ئایا مادام باڵی ده‌سه‌ڵاتدار که‌ ئه‌م حزبه‌یان به‌م ده‌رده‌بردوه‌ که‌ 'کاردۆ' نوسویه‌تی، باڵی بێده‌سه‌ڵات و وه‌لانراو چ پڕۆژه‌یه‌کیان پێیه‌ بۆ گه‌ڕانه‌وه‌ی حزبه‌که‌یان بۆ دۆخی ئاسایی؟!یانیش تۆ بڵێ ئه‌وانه‌ی که‌ ناوی باڵی دژبه‌ریان لێنراوه‌ هه‌روا دانیشن و ده‌ست له‌سه‌ر ده‌ست دانێن و چاوه‌ڕوانی کۆنگره‌یه‌کی دیکه‌ بن تا بتوانن له‌وێدا ڕه‌وته‌که‌ بگێڕنه‌وه‌ سه‌ر دۆخی ئاسایی خۆی؟!