كوردستان

kurdish weblog

My Photo
Name:
Location: Melbourne, VIC, Australia

Sunday, November 27, 2005

ئه‌وانه‌ی حیزبی دێموكرات ئه‌به‌نه‌ ژێر پرسیار

له‌ سایتی دێمانه‌ وه‌:
ئه‌وانه‌ی حیزبی دێموكرات ئه‌به‌نه‌ ژێر پرسیار
نوسینی: هیوا گوڵ محه‌مه‌دی


به‌ر له‌ 59 ساڵ حیزبێك بۆ چه‌سپاندنی دیموكراسی و پاراستن و فێركردنی ئازادی و ڕێزگرتن له‌ مرۆڤی كورد و پاراستنی مافه‌كانی، له‌ ڕۆژهه‌ڵاتی كوردستان هاته‌ ناو گۆڕه‌پانی خه‌باتی نه‌ته‌وه‌یی و مودێرنه‌وه‌ و به‌ پێشكه‌شكردنی به‌رنامه‌ و پرۆگرامی سیاسی و ئازدایخۆازانه‌ قۆڵی گۆڕانكاری و ڕێنسانسی له‌ كۆمه‌ڵگه‌دا هه‌ڵماڵی. ئه‌و كاته‌ كۆمه‌ڵگه‌ی كورده‌واری و هه‌لومه‌رجی ژیان له‌ كوردستان و جیهان دژوار و بێ ئیمكانات بوو. هه‌واڵه‌كان زۆر درنگ ده‌گه‌یشتن، یان هه‌ر نه‌ده‌گیشتن و گه‌لان ئاگایان له‌ یه‌ك نه‌بوو یان زۆر كه‌م ئاگاداری یه‌كتر بوون. 59 ساڵ دواتر و له‌ سه‌رده‌می مودرنیته‌ و ئینته‌رنێت و موبایل ته‌له‌فۆن و پێوه‌ندیگرتندا، هه‌ر هه‌مان حیزب له‌ گۆڕه‌پانی خه‌باتدایه‌ و هه‌ر هه‌مان به‌رنامه‌ و پرۆگرامی هه‌یه. به‌ڵام له‌ كرده‌وه‌ و پراكتیكدا به‌ ئه‌ندازه‌ی 59 ساڵ له‌مه‌وبه‌ر دیموكرات و زانستپه‌روه‌ر نییه‌.

حیزبی دێموكراتی كوردستانی ئێران وه‌ك هه‌ر حیزبێكی دیكه‌ی جیهان له‌ مروڤ به‌ تێگه‌یشتن و ئیستعدادی جیاوازه‌وه‌ پێكهاتوه‌ و كێشه‌ و ململانێی ناوخۆێی هه‌یه‌ و زوریش ئاسایی‌یه‌. ئه‌وه‌ی ئاسایی و دیموكراتیك نییه‌ ئه‌وه‌یه‌ كه‌ كێبه‌ركێكان له‌ناو حیزبدا له‌سه‌ر ئه‌ساسی به‌رژه‌وه‌ندی تایبه‌تی كه‌سه‌كانه‌ و ئه‌ساسێكی دیموكراتیك و پێشكه‌وتوانه‌ی نییه. زور كه‌س ته‌نیا بۆ گه‌یشتن به‌ پله‌ و پایه‌ ئاماده‌ن پاشقول له‌ هاوسه‌نگه‌ره‌كانی خۆیشیان بگرن و خۆ به‌ لایه‌نێكی دیكه‌دا هه‌ڵۆاسن و دووبه‌ره‌كێ بنێنه‌وه‌ و خۆیان بگه‌نه‌ مه‌قام.

زوربه‌ی كومیته‌كانی حیزب له‌ ده‌ره‌وه‌ی وه‌ڵات، به‌تایبه‌ت ئه‌وروپا، ئاخنراوه‌ له‌ كه‌سانی نه‌زان، ئاژاوه‌گێڕ و له‌پێناو قازانجی تایبه‌تی خۆیاندا بوونه‌ته‌ هۆی لاوازی ڕیزه‌كانی حیزب، و نه‌ كاری حیزبایه‌تی ئه‌زانن و نه‌ دڵسۆزی به‌ره‌وپێشچوونی كاره‌كانیشن. كه‌سانێك هه‌ن له‌ناو حیزبدا نه‌بوونیان زۆر باشتره‌ و بوونیان ته‌نیا زه‌ره‌ر له‌ حیزب و جووڵانه‌وه‌ ئه‌دات. كه‌سی وا هه‌یه‌ كه‌ ئێستاش نازانێ هه‌ڵۆێستێكی جوان و شۆڕشگێڕانه‌ بگرێ و هه‌ر كه‌س ڕه‌خنه‌یه‌ك له‌ حیزب یان سه‌رۆكی ئه‌و حیزبه‌ بگرێ به‌ جوێن و قسه‌ی ناشیرین هێرشی ده‌كاته‌ سه‌ر و گۆیا ئه‌یه‌وێ بیسه‌لمێنێ كه‌ زۆر دڵسۆزه‌. كه‌سی وا هه‌یه‌ كه‌ 20 یان 25 ساڵه‌ له‌ ئه‌وروپایه‌ و له‌ لایه‌ن حیزبه‌وه‌ بۆ خۆێندن هاتووه‌ كه‌چی نه‌ك هه‌ر هیچی نه‌خۆێندوه‌ به‌ڵكو هه‌ر وه‌ك 25 ساڵ به‌ر له‌ ئێستا بیر ده‌كاته‌وه‌ و ده‌ڵێی له‌ فریسیان (یه‌خچاڵ- سه‌لاجه‌)یان ناوه.

یه‌كیه‌تیی لاوانی حیزب وه‌ك چینی نوێ و به‌ره‌ی ده‌سه‌ڵاتداری داهاتووی ئه‌و حیزبه‌یه‌ و ده‌بێ كه‌س یان كه‌سانێكی به‌رپرس، لێزان و زانا به‌ڕێوه‌ی به‌رن، به‌ڵام یه‌كیه‌تیی لاوانی ئه‌و حیزبه‌ له‌ سوید كه‌وتووه‌ته‌ ده‌ست كه‌سێك كه‌ ئه‌وه‌ی نه‌یزانی و لێی حاڵی نه‌بێ كار و په‌روه‌رده‌كردن و گیانی نه‌ته‌وه‌یی و دیموكراتی و ئازدیخۆازیه. ئاخر كه‌سێك كه‌ تا دۆێنی له‌ شاره‌كانی توركیه‌دا گاڵته‌ی به‌ ڕێبه‌رایه‌تی حیزب ده‌كرد یان كه‌سێك كه‌ له‌ كاتی تیرۆركردنی دوكتور قاسملودا شیرینی ده‌به‌خشییه‌وه‌ له‌خۆشیان و یان كه‌سێ كه‌ هه‌وڵی ئه‌دا له‌ داموده‌زگای لایه‌نه‌كانی دیكه‌دا كار بكات ته‌نیا له‌به‌ر ئه‌وه‌ی ده‌ركه‌وێ و خۆی به‌ ناوی داتاشراوه‌وه‌ پێناسه‌ بكات، چۆن ئه‌توانێ به‌ره‌ی نۆێ و هیوای پێشه‌ڕۆژ په‌روه‌رده‌ بكات و یان كومیته‌ی حیزب به‌ڕێوه‌به‌رێ خه‌ڵك له‌ سه‌ور ڕێبازی ئازادیخۆازی كۆكاته‌وه‌؟ ئه‌وه‌ی كه‌ حیزبی دێموكرات ئه‌باته‌ ژێر پرسیاره‌وه‌ هه‌ر ئه‌و كه‌سانه‌ن كه‌ به‌ ناوی دڵسوزی بۆ حیزب و خۆشخزمه‌تی بۆ چه‌ند مه‌سئولێك له‌پێناو پله‌وپایه‌دا بێحورمه‌تی به‌ كه‌س و لایه‌نی دیكه‌ ده‌كه‌ن. ئه‌و كه‌سانه‌ دوژمنی حیزبن كه‌ له‌ نه‌زانیدا ماونه‌ته‌وه‌ و پێش ناكه‌ون و خۆیان پێش ناخه‌ن و په‌لاماری ئه‌م و ئه‌و ئه‌ده‌ن و له‌ ڕه‌خنه‌گرتن تێناگه‌ن و نازانن كه‌ ڕه‌خنه‌ گرتن دوژمنایه‌تی نییه‌ و به‌ پێچه‌وانه‌وه‌ ئه‌وانه‌ی ڕه‌خنه‌ی دڵسۆزانه‌ ئه‌گرن و لاوازییه‌كانی حیزب و به‌رپرسه‌كانی ده‌سنیشان ئه‌كه‌ن ئه‌یانه‌وێ كه‌ حیزب پێشكه‌وتو بێ و به‌خۆیابچێته‌وه‌.

حیزبی دێموكراتی كوردستانی ئێران كێشه‌ی هه‌یه‌ و كێشه‌كانیش پێۆیستیان به‌ چاره‌سه‌ری هه‌یه‌ و چاره‌سه‌ریه‌كه‌ش ئه‌وه‌ نییه‌ كه‌
كه‌سانێكی نه‌زان و هه‌لپه‌ره‌ست له‌ ئاوی لێڵ ماسی بگرن و كێشه‌كان قووڵتر بكه‌نه‌وه‌. حیزبی دێموكراتی كوردستانی ئێران چه‌ند جار له‌ كونگره‌كانی خۆیدا توشی لێكدابڕان هاتووه‌ و له‌ كۆنگره‌ی هه‌شتی ئه‌و حیزبه له 1988دا بوو به‌ دوو به‌شه‌وه‌. جیابوونه‌وه‌ی نیوه‌ی ئه‌ندامانی حیزب هۆێ زۆری هه‌بوون و یه‌كێك له‌وانه‌ داپۆشینی كیشه‌كان و به‌رزكردنه‌وه‌ی كه‌سانی هه‌لپه‌ره‌ست بوو، و نه‌بوونی فه‌زای ئازاد و ئیمكانی دیالۆگ و ده‌ربڕینی نه‌زه‌رات و بیروڕای جیاواز وای كرد كه‌ بگاته‌ لوتكه‌ی ته‌قینه‌وه‌ و به‌و لێكدابڕانه‌ش هه‌م حیزبی دێموكرات زه‌ربه‌یه‌كی كاریگه‌ری لێكه‌وت و هه‌م گه‌لی كورد تووشی نائومیدی و بێ باوه‌ڕی هاتن. به‌ڵام به‌خۆشییه‌وه‌ به‌ تێپه‌ڕبوونی زه‌مان هه‌ردوو باڵی حیزب یه‌كیان گرته‌وه‌ و گیانێكیان وه‌به‌ر جووڵانه‌وه‌كه‌ دایه‌وه. به‌ڵام به‌داخه‌وه‌ له‌وه‌ ئه‌چێ كه‌ ئه‌و یه‌كگرتنه‌ له‌سه‌ر ئه‌ساسی تێگه‌یشتنی قووڵی زانستیانه‌ نه‌بووه‌ و كه‌سانێك هه‌ن ئێستاش قه‌بوڵی ناكه‌ن كه‌ ئه‌و كه‌سانه‌ جیابوونه‌وه‌ بۆ ئه‌وه‌ی حیزب كێشه‌ی ناوخۆیی هه‌بووه‌ و له‌سه‌ر ئه‌ساسی چاره‌سه‌ركردنی كێشه‌كان و لێكحاڵیبوون یه‌كیان گرتووه‌ته‌وه‌.

هه‌ر دوو باڵه‌كه‌ی ناو حیزب ده‌بێ ئه‌وه‌ بزانن كه‌ ئه‌وان بۆ كار و كاسبی و به‌رژه‌وه‌ندی خۆیان نه‌هاتوون و له‌ ده‌وری ئه‌و ڕێبازه‌ كۆ نه‌بوونه‌ته‌وه‌ و گه‌لی كورد بۆ ئه‌وه‌ پشتیوانیان لێ ناكا كه‌ به‌ربنه‌ گیانی یه‌ك. ئه‌وان، واته‌ تاك تاكی ئه‌ندامانی حیزب، به‌رپرسیاری چاره‌نووسی نه‌ته‌وه‌كه‌یانن و ده‌بێ خۆپه‌روه‌رده و پێش بخه‌ن بۆ پێشخستن و پێگه‌یاندنی گه‌ل.

حیزبی دێموكرات و ڕێبه‌رایه‌تییه‌كه‌ی ده‌بێ بیر له‌وه‌ بكه‌نه‌وه‌ كه‌ چون ڕیزه‌كانی گه‌ل یه‌كبخه‌ن و جووڵانه‌وه‌ی ڕۆژهه‌ڵات هه‌نگاوی چاره‌نوسساز هه‌ڵگرێ و تیروریزمی ده‌وڵه‌تی كۆماری ئیسلامی ئێران ڕیسوا بكا و داموده‌زگای ڕاگه‌یاندنی به‌هێز و نه‌ته‌وه‌یی وه‌ك ڕادیۆ و ته‌له‌ڤزیۆن وه‌ڕێبخه‌ن. ده‌با سه‌ركردایه‌تی حیزب كار بداته‌ كارزان و به‌رژه‌وه‌ندی حیزب و گه‌ل پێش به‌رژه‌وه‌ندی و مه‌قامی تاكه‌كان بخا؛ ئه‌و كه‌سانه‌ تێبگه‌یه‌نێ كه‌ به‌ ناوی حیزبه‌وه‌ په‌لاماری ئه‌م و ئه‌و ئه‌ده‌ن و مه‌نتقی حاڵیبوون و دیالۆگیان نییه‌ و به‌ جنێودان و ناو و ناتۆره‌وتن به‌ خه‌ڵكی بیرجیاواز پرنسیپه‌كانی ئه‌و حیزبه‌ ئه‌به‌نه‌ ژێر پرسیار.

تێبینی: ئه‌م بابه‌ته له كاتژمێر 22:00، ڕێكه‌وتی 2005.11.26دا له‌لایه‌ن نووسه‌ره‌وه گۆڕانكاری تێداكراوه.
______________________________________________________________
تێبینی کوردستان وێبلاگ: هه‌روه‌ک له‌سه‌ره‌وه‌ ئاماژه‌ی پێکراوه‌ ئه‌م بابه‌ته‌ له‌ دێمانه‌وه‌ وه‌رگیراوه‌، به‌ڵام سایتی دێمانه‌ ئێستا بابه‌ته‌که‌ی لابردوه‌ و له‌وه‌ێ نه‌ماوه‌.

Friday, November 25, 2005

دێموکراتیزه‌ کردنی رۆژهه‌ڵاتی ناوه‌ڕاست

له‌ هه‌ولێر کۆنفرانسی "دێموکراتیزه‌ کردنی رۆژهه‌ڵاتی ناوه‌ڕاست
ئاسته‌نگه‌کان و روانگه‌ی داهاتوو
"


به‌پێی بڵاڤۆکێکی یه‌کیه‌تی شۆڕشگێڕان که‌ کۆپیه‌کیشی به‌ وێبلاگی کوردستان گه‌یشتوه‌، له‌ رۆژانی 19و 20ی نوامبری 2005دا له‌ هه‌ولیری پایته‌خت کۆنفرانسی " دیمۆکراتیزه‌ کردنی رۆژهه‌ڵاتی ناوه‌ڕاست، ئاسته‌نگه‌کان و روانگه‌ی داهاتوو" که‌ له‌ لایه‌ن ئه‌نستیتۆی کورد له‌ پاریس و وه‌زاره‌تی رۆشنبیری کوردستان، رێکخرا بوو، به‌ڕێوه‌چووه. پێشوته‌ی کۆنفرانس له‌ لایه‌ن به‌ڕێز " که‌نداڵ نه‌زان" سه‌رۆکی ئه‌نستیتۆی کورد له‌ پاریس پێشکه‌شکرا و به‌ڕێز عه‌دنان موفتی سه‌رۆکی پارلمانی کوردستان کۆنفرانسه‌که‌ی کرده‌وه‌. هه‌روه‌ها به‌ڕێز سامی شۆڕش وه‌زیری رۆشنبیری وتاری حکوومه‌تی هه‌رێمی کوردستان و وه‌زاره‌تی رۆشنبیریی خوێنده‌وه‌.

باسه‌کانی کۆنفرانس 7 ته‌وه‌ری به‌ ناونیشانه‌کانی: دۆزی دیمۆکراسی له‌ سه‌ده‌ی بیست و یه‌که‌مدا؛ رۆڵی کۆمه‌ڵگای مه‌ده‌نی و میدیا؛ چ جۆره‌ دیمۆکراسییه‌ک له‌ کۆمه‌ڵگه‌ی فره‌ییدا؛ رۆڵی دیاسپۆرا؛ رۆژهه‌ڵاتی ناوه‌ڕاست؛ پرۆسه‌ی سیاسی له‌ عێراقدا؛ ئه‌زمونی کوردستان له‌ عێراقدا؛ دیمۆکراسیی رۆژئاوا و دیمۆکراتیزه‌ کردنی رۆژهه‌ڵاتی ناوه‌ڕاستی له‌ خۆگرتبوو که‌ تێیدا 38 که‌سایه‌تی دیمۆکرات و ئازادیخواز به‌ پیشه‌ی جۆراوجۆر له‌ پارچه‌کانی کوردستان، ئاڵمان، هوله‌ند، فه‌رانسه‌، که‌نه‌دا، کۆبێک، کاتالۆن، ئیتالیا، سوید، بریتانیا، ئه‌مریکا، عێراق، بابه‌ت‌ و له‌ لێکۆڵینه‌وه‌یان له‌ سه‌ر پێشکه‌ش کرد. خاڵێکی سه‌رنجراکێش ئه‌وه‌ بوو که‌ هه‌موو ئه‌و به‌ڕێزانه‌ له‌ لێکۆڵینه‌وه‌کانیاندا بایه‌خێکی زۆریان به‌ ده‌وری کورد له‌ دیمۆکراتیزه‌ کردنی رۆژهه‌ڵاتی ناوه‌ڕاست دا بوو.

بڵاڤۆکه‌که‌ هه‌روه‌ها ئاماژه‌ به‌ به‌شداری یه‌کێتی شۆڕشگێڕانی کوردستان و حیزبی دیمۆکراتی کوردستان له‌ ڕۆژهه‌ڵاتی کوردستانه‌وه‌، له‌م کۆنفرانسه‌ دا ده‌کات که‌ بۆ به‌شداریی له ‌و کۆنفرانسه‌‌دا بانگهێشتی فه‌رمی کرابوون.

هه‌رو‌ها بڵاڤۆکی ناوهێنراو ئاماژه‌ به‌وه‌ ده‌کات که‌ شاندی یه‌کێتی شۆڕشگێڕانی کوردستان به‌ سه‌رۆکایه‌تی حسه‌ین یه‌زدانپه‌نا ئامادی ئه‌و کۆنفرانسه بووه.

یه‌زدان په‌نا له‌ به‌شێکی وته‌کانیدا ئاماژه‌ به‌وه‌ کردوه‌ که‌: سه‌ربه‌خۆیی کوردستان ده‌توانێ ده‌ورێکی گرینگی له‌ دیمۆکراتیزه‌ کردنی ناوچه‌که‌ هه‌بێ، چوونکه‌ یه‌کێ له‌ هۆکاره‌ بنه‌ڕه‌تییه‌کانی ئه‌و داخراوی و میلیتاریزم و تیرۆریزمه‌ ده‌وڵه‌تییه‌ی که‌ 4 ده‌وڵه‌تی ناوچه‌که‌ په‌یڕه‌ویان کردوه‌ و سه‌پاندوویانه‌، داگیرکردنی کوردستان و زه‌وتکردنی ماف و ئازادییه‌کانی بووه‌''

Tuesday, November 22, 2005

ڕاگه‌یه‌ندراوی به‌رێوبه‌ریی سایتی هه‌ڵوێست له‌سه‌ر پیلانی

ڕاگه‌یه‌ندراوی به‌رێوبه‌ریی سایتی هه‌ڵوێست
له‌سه‌ر پیلانی حکوومه‌تی ئێران دژی چالاکانی مه‌ده‌نیی کورد


به‌ گوێره‌ی ئه‌و هه‌واڵه‌ باوه‌ڕپێکراوانه‌ی که‌ به‌ هه‌ڵوێست گه‌یشتوون ، ده‌سه‌ڵاتدارانی ئێران له‌ رێگه‌ی به‌کرێگیراوه‌ جه‌لاده‌کانی خۆیانه‌وه‌ له‌ کوردستان ، به‌رده‌وام خه‌ریکی پیلان گێڕی و زه‌خت و زۆر دژی چالاکانی مه‌ده‌نی و باقی گیراوه‌کانی هاوینی ڕابردوون.
ئه‌م هه‌واڵانه‌ ڕاده‌گه‌یه‌نن که‌ جه‌للاده‌کانی سپا و ئیتڵاعات بۆ ئه‌م مه‌به‌سته‌ له‌ هاوکاری و هاوئاهه‌نگی ته‌واودان، و به‌ به‌رنامه‌وه‌ خه‌ریکی شکان یا پاسیف کردنی تێکۆشه‌رانی بزاڤی مه‌ده‌نین. له‌م پێوه‌ندیه‌دا که‌سێک به‌ ناوی خوازراوی "ره‌زوانی" وه‌ک سه‌ربازجوو ئه‌م ئه‌رکه‌ی وه‌ئه‌ستۆ گرتووه‌ . ناو براو هاوینی رابردوو ، پاش گیرانی چالاکانی رۆژنامه‌وان و باقی تێکۆشه‌ران ، ده‌سبه‌جێ له‌ زیندانییه‌کانی دیکه‌یان جودا ده‌کاته‌وه‌ وده‌یانگوێزێته‌وه‌ بۆ شوێنی تایبه‌ت به‌خۆی. که‌ له‌ ڕاستیدا ئه‌شکه‌نجه‌ خانه‌یه‌کی شاراوه‌ی دوور له‌ زیندانی گشتی و ته‌نانه‌ت ئیداره‌ی ئیتڵاعاته‌ . ره‌زوانی بۆ جێبه‌جی کردنی ئه‌رکه‌ جینایه‌تکارانه‌کانی چه‌ند تیمی جۆربه‌جۆری ئیتڵاعاتی ، خه‌به‌ر چینی و ئه‌شکه‌نجه‌چیی له‌به‌رده‌سدایه‌. که‌ ‌ ژماره‌یه‌کیان جاش و نیشتمانفرۆشن. بۆ ئاگاداریی زۆرتر ، ره‌زوانی له‌و که‌سانه‌یه‌ که‌ حکوومه‌ت له‌ ناوه‌نده‌‌ تایبه‌ته‌ ئیدئولوژیکییه‌کانی خۆیدا په‌روه‌رده‌ی کردووه‌. ناوبراو به‌باشی فێری کوردی کراوه‌ . شاره‌زای مێژووی گه‌لی کورده‌ و ئاشنا به‌ خه‌ت و رێبازی هێزه‌ سیاسییه‌کانی کوردستانه‌. هه‌روه‌ها شاره‌زایی له‌ وێژه‌ و ئه‌ده‌بیاتی کوردیدا هه‌یه‌ . دیاره‌ هه‌موو ئه‌م زانیاریانه‌ش بۆ شکانی قوربانییه‌کانی ( گیراوان و زیندانیان) به‌کار دێنێ .

له‌کاتی گرتنی چالاکانی مه‌ده‌نی له‌ هاوینی ڕابردوودا ،ره‌زوانی خۆی سه‌رپه‌رستیی لێپرسینه‌وه‌ و "بازجوویی" ئه‌م تێکۆشه‌رانه‌ی‌ وه‌ئه‌ستۆ گرتوه‌ . له‌ هه‌مان کاتیشدا هه‌ر خۆی به‌رێوه‌به‌ری سه‌ره‌کیی ئه‌شکه‌نجه‌ی له‌شی و ره‌وانی دژی ئه‌م چالاکانه‌ بووه‌ . له‌م ماوه‌دا ناوبراو له‌ هیچ چه‌شنه‌ ره‌فتار و ئه‌شکه‌نجه‌یه‌کی نائینسانی و ته‌نانه‌ت حه‌یوانی خۆی نه‌پاراستووه‌ .

سه‌رنجام که‌ پاش ئه‌شکه‌نجه‌و ئازاری زۆر هیچکام له‌ ئه‌م تێکۆشه‌رانه‌ ته‌سلیم نه‌بوون و هیچیان ئاماده‌ی "په‌شیمان بوونه‌وه‌" و وه‌ئه‌ستۆگرتنی تاوانی ناکه‌رده‌ نه‌بوون ؛ به‌ سازکردنی چه‌ندین په‌روه‌نده‌، به‌ شێوه‌ی کاتی به‌شێک له‌م خۆشه‌ویستانه‌ ئازاد کران ، پاش ئه‌م ئازادیه‌ کاتییه‌ش ره‌زوانی که‌وته‌ نانه‌وه‌ی داو و ده‌ستی به‌سه‌ر هه‌موو ده‌سنووس و کتێب و کامپیوتێری ئه‌م که‌سانه‌دا گرت و پێی نه‌دانه‌وه‌. به‌ناوی ئه‌وان و به‌ ئادره‌سی ئه‌وان په‌یام ونامه‌ و ته‌نانه‌ت بابه‌تی بۆ خه‌ڵکانی دیکه‌ ده‌نارد . ده‌ستی له‌ وێبلاگی هێندێکیان وه‌رده‌دا، بۆ خۆی کۆمێنتی له‌سه‌ر ده‌نووسی . که‌ نموونه‌ی وێبلاگی دوکتور تلووعی بوو . تا ئه‌وه‌ی به‌رێز تلووعی ناچار بوو وێبلاگه‌که‌ی دابخات . به‌ڵام ره‌زوانی به‌که‌ڵک وه‌رگرتن له‌ هه‌لومه‌رجی به‌رێز تلووعی، به‌ناوی ئه‌وه‌وه‌ وێبلاگی دیکه‌ی (به‌ هه‌مان ئادره‌س) کرده‌وه‌ . و به‌م شێوه‌یه‌ که‌وته‌ ناساندنی خه‌ڵک و کۆکردنه‌وه‌ی به‌ناو "مه‌دره‌ک" دژی ئه‌م خانمه‌ تێکۆشه‌ره‌. هه‌روه‌ها به‌ناوی ئه‌وانی دیکه‌ش‌ که‌ به‌ شێوه‌ی کاتی ئازاد بوون ، په‌یام بۆ ئه‌م‌لاوئه‌ولا ده‌نێرێ و به‌وشێوه‌ ده‌که‌وێته‌ ئیتڵاعات کۆکردنه‌وه‌. تا له‌ دادگایی کردنیاندا به‌دژیان وه‌ک به‌ڵگه‌ به‌کاریان بێنێ .

سایتی هه‌ڵوێست داواله‌ هه‌موو هاونیشتمانان ده‌کات له‌ هه‌ر رێگه‌یه‌که‌وه‌ بۆیان ده‌لوێ ئه‌م هه‌واڵانه‌ بڵاو بکه‌نه‌وه‌ . له‌هه‌مان کاتیشدا ،وریابن که‌ هه‌موو ئی-مایل(E-Mail) ئادره‌سه‌کانی ئه‌و خۆشه‌ویستانه‌ی که‌ گیراون له‌ لایه‌ن ره‌زوانی و تیمه‌کانییه‌وه‌ ده‌ستیان به‌سه‌ردا گیراوه‌ و "ره‌مزه‌کانی "یان شکاندووه و به‌ناوی ئه‌وانه‌وه‌ (بۆ مه‌به‌سته‌کانی خۆیان) که‌ڵکی لێ وه‌رده‌گرن. بۆیه‌ به‌هیچ شێوه‌یه‌ک به‌و ئادره‌سانه‌ پێوه‌ندی نابێ بگیتێت و ئه‌گه‌ریش په‌یامێکی ئه‌و به‌ڕێزانه‌تان پێگه‌یشت ، به‌ له‌به‌ر چاوگرتنی ئه‌وه‌ی که‌ ئادره‌سه‌ کۆنه‌کانیان هه‌مووی له‌ ئیختیاری ئیتڵاعات دایه، تا دڵنیا نه‌بن که‌ له‌لایه‌ن ئیتڵاعاته‌وه‌ نییه‌ ، وه‌ڵامی مه‌ده‌نه‌وه‌ . هه‌روه‌ها هه‌موو ئه‌و سایتانه‌ی که‌ لینکیان بۆ وێبلاگی دوکتور تلووعی داناوه ‌،ده‌بێ بزانن که‌ ئه‌و وێبلاگه‌، ره‌زوانی و تیمه‌ فه‌نی‌یه‌که‌ی دایاناوه‌ و دوکتور تلووعی هیچ ئاگای لێی نییه‌ .

بێگومان ئه‌رکی هه‌موومانه‌ به‌ هه‌ر شێوه‌ و رێگه‌یه‌ک که‌ بۆمان ده‌کرێ کۆڕ و کۆمه‌ڵه‌ جیهانییه‌کانی مافی مرۆڤ و رێکخراوه‌ ئینساندۆسته‌کان‌یش له‌م رێبازه‌ جاسووسی و جه‌نایه‌تکارانه‌یه‌ ئاگادار بکه‌ینه‌وه‌ .‌

به‌رێوه‌به‌ریی هه‌ڵوێست
1ی سه‌رماوه‌زی 2005

سه‌رهه‌ڵدان له‌ باکورو باشوری کوردستان هه‌روا درێژه‌ی هه‌یه‌

سه‌رهه‌ڵدان له‌ باکورو ڕۆژهه‌ڵاتی کوردستان هه‌روا درێژه‌ی هه‌یه‌

له‌ باکوری کوردستان ئه‌وه‌ زیاتر له‌ هه‌فته‌یه‌که‌ خۆنیشاندان و پێکهه‌ڵپڕژان له‌ گه‌ڵ هێزه‌کانی داگیرکه‌ر درێژه‌ی هه‌یه‌و هه‌روا کڵپه‌ش ده‌ستێنێ به‌ جۆرێک که‌ سه‌ره‌ڕای ئه‌وه‌ی پارلمانی تورکان بڕیاره‌ 22ی نۆڤێمبه‌ر سه‌باره‌ت به‌ هۆکاره‌کانی سه‌رهه‌ڵدان له‌ شاره‌کانی کوردستان بپه‌یڤێ، تین و گوڕی ڕاپه‌ڕین ئه‌ردۆغانی سه‌رۆک وه‌زیری تورکانی ناچار کرد به‌ شێوه‌یه‌کی کت و پڕ بچێته‌ شه‌مزینان. ئه‌وه‌ی ئه‌و چه‌ند ڕۆژه‌ له‌ باکوری کوردستان ڕوده‌دا له‌ چه‌ند ساڵی ڕابردوودا بێوێنه‌ بوه‌و شۆڕشێکی جه‌ماوه‌ری ڕێکخراوه‌ که‌ گشت شاره‌کانی باکوری کوردستان و ته‌نانه‌ت تورکیه‌شی گرتۆته‌وه‌. سه‌ره‌تای سه‌رهه‌ڵدانیش ده‌گه‌ڕیته‌وه‌ بۆ ئاشکراکردنی کرده‌وه‌ی تێرۆریستی هێزه‌ داگیرکه‌ره‌کانی تورک له‌ لایه‌ن جه‌ماوه‌ری شه‌مزینانی ڕاپه‌ڕیوه‌وه‌ کاتێک که بۆمبێکیان هه‌ڵدایه‌ په‌رتوکخانه‌یه‌کی ئه‌و شاره‌و له‌ ئاکامدا بۆ هۆی گیان له‌ ده‌ست دانی محه‌ممه‌د کۆرکماز. له‌و ڕۆژه‌وه‌ خه‌باتێکی مه‌دنی ده‌ستی پێکردوه‌ و تورکیای توشی له‌رزین کردوه‌.

ئه‌وه‌ دوو ڕۆژیشه‌ له‌ شاری مهاباد جارێکی دیکه‌ کرده‌وه‌ی تاوانکارانه‌ی داگیرکه‌رانی ئێران که‌ له‌ ئه‌نجامدا لاوێکی مهابادی گیانی له‌ ده‌ستدا، سه‌رهه‌ڵدانی لێکه‌وتۆته‌وه‌. به‌پێ هه‌واڵی ئاژانسه‌کان و بڵاڤۆکی حزبی دیموکرات و یه‌کیه‌تی شۆڕشگێران تا نوکه‌ش سه‌رهه‌ڵدان له‌ مهاباد به‌رده‌وامه‌. به‌ پێ نوێترین هه‌واڵه‌کان هێزه‌کانی داگیرکه‌ر نه‌یان هێشتوه‌ جه‌ماوه‌ر به‌شداری به‌خاکسپاردنی ته‌رمی ئه‌و لاوه‌ بکه‌ن. وه‌ک ده‌گوترێ هێزه‌کانی به‌ناو ئاسایش پارێز له‌ مۆڵگه‌یه‌کی تازه‌ دانراودا که‌ پاش سه‌رهه‌ڵدانی مانگی پوشپه‌ڕ له‌وێ وه‌ک مۆته‌که‌ قوتکراوه‌ته‌وه‌، ده‌یانهه‌وێ بێڕێزی به‌ ژنانی ئه‌و گه‌ڕه‌که‌ بکه‌ن و ئه‌و لاوه‌ش خۆی پێناگیرێ و به‌گژ هێزه‌کانی داگیرکه‌ردا ده‌چێت. هێزه‌ تاونباره‌کانیش ده‌ستڕێژی لێده‌که‌ن و پاش ماوه‌یه‌ک گیان ده‌سپێرێ. ئه‌م ڕوداوه‌ش هاوشێوه‌ی ڕوداوی پێشوه‌ پاش ئه‌وه‌ی ڕژیم تاوانێکی نامرۆڤانه‌ ئه‌نجامده‌دا جامی سه‌بری خه‌ڵکی وه‌زاڵه‌هاتوو ده‌ڕژێ و به‌گژ هێزی داگیرکه‌ردا دێنه‌وه‌.

ئه‌وه‌ی ئه‌و چه‌ند ڕۆژه‌ هێزه‌کانی تورک و ئێرانی له‌ کوردستان ده‌یکه‌ن ته‌نیا له‌ هێزێکی داگیرکه‌رو دوژمن به‌گه‌ل ده‌وه‌شێته‌وه‌.

جه‌ماوه‌ری سه‌رهه‌ڵداوی باکور بۆ جارێکی دیکه‌ش له‌ لایه‌ک توانیان به‌ ئاشکراکردنی تاونبارانی ده‌وڵه‌تی تورک ڕوی دزێوی ڕژیمی که‌مالیستی تورک زیاتر ده‌ربخه‌ن و شه‌رمه‌زاری بکه‌ن و له‌و لای دیکه‌شه‌وه‌ ئه‌و په‌یامه‌یان به‌ گوێی تورکیه گه‌یاند که‌ چیدی له‌ ژێر په‌رده‌و بیانوی بێجێ ناتوانن کێشه‌ی کورد بنگوێ بکه‌ن. بێگومان ئاشکراکردنی ئه‌و تاوانه‌ی هێزه‌ سیخوڕه‌کانی تورک له‌ لایه‌ن جه‌ماوه‌ری شه‌مزینانه‌وه‌ ئه‌و ڕاستیه‌ی جه‌خت کرده‌وه‌ که‌ ئه‌وه‌ ده‌وڵه‌تی تورکه‌ که‌ له‌ ڕێگای تێرۆری ده‌وڵه‌تی و حاشاکردن و بنپێکردنی که‌رامه‌تی نه‌ته‌وه‌یه‌که‌وه‌ گاڵته‌ به‌ هه‌موو پڕنسیپه‌ مرۆڤایه‌تیه‌کان ده‌کات. به‌ڵێ سه‌رهه‌ڵدانی ئه‌م جاره‌ی باکوری کوردستان زه‌نگێکی ڕاتڵه‌کێنه‌ربوو که‌ ئه‌ردۆغانی شڵه‌ژاندو ناچار به‌ کتوپڕی به‌ره‌و شه‌مزینان ڕۆیشت.‌ وه‌ک بی بی سی نوسیویه‌تی ئه‌ردۆگان له‌ شه‌مزینان گوتویه‌تی که‌" ئێمه‌ ده‌مانهه‌وێ به‌بێ له‌به‌رچاوگرتنی ڕه‌گه‌ز، مه‌زهه‌ب یان دین وه‌کوو برا شان به‌شانی یه‌کدی بژین. ئێمه‌ هه‌موومان هاووڵاتی کۆماری تورکیاین" . بێگومان ئه‌و په‌یڤه‌ له‌ وڵاتێکی دیموکراتی که‌ پاشڵی خاوێنه‌ نرخی هه‌یه‌و ده‌کرێ مرۆڤ بێژێ په‌یڤێکی بێ خه‌شه‌. به‌ڵام په‌یڤێک له‌ زمانی که‌سێکی وه‌ک ئه‌ردۆغان و سه‌رۆکی ده‌وڵه‌تێکی وه‌ک ده‌وڵه‌تی که‌مالیستی تورک که‌ هه‌شتا نه‌ود ساڵه‌ جگه‌ له‌ حاشاکردن و داپڵۆسین و بێڕێزی و هه‌وڵدان بۆ توانه‌وه‌ خاپورکردنی وڵاتی کوردان هیچ دیاریه‌کی دیکه‌یان بۆ کورد پێ نه‌بوه‌. له‌ وڵاتێک که‌ وشه‌ی کوردستان ته‌نانه‌ت بۆکه‌سێکی ناتورکیش به‌کارهێنانی بڤه‌ بێت ئیتر کێ ئه‌و وشه‌ داماوانه‌ی لێده‌کڕی. ته‌نیا چاره‌سه‌ری کێشه‌‌ی کورد دیانپێنان به‌ ڕاستینه‌ی کێشه‌که‌و که‌وتنه‌ ناو دیالۆگ له‌ گه‌ڵ نوێنه‌رانی گه‌ل بۆ چاره‌سه‌ری ڕاسته‌قینه‌ی کێشه‌ی تورکیه‌و کوردستانه‌. ئه‌ردۆغان هه‌ر چه‌ند ڕۆژ پێشتر له‌ دانمارک له‌ به‌ر بونی کوردێک له‌ ناو هه‌واڵنێره‌کاندا ڕوی نه‌هات ڕوبه‌ڕوی کامێراو مایکڕۆفۆنه‌کانیان ڕاوه‌ستێ ئیتر مرۆڤ چۆن ده‌توانێ ئه‌و لێدوانانه‌ به‌ عانه‌یه‌کیش بکڕێ. ئه‌ردۆغانێک که‌ له‌ ناچاریدا کێچی که‌وتۆته‌ که‌وڵی و په‌یڤان ده‌به‌شێته‌وه‌ ده‌نا له‌ ئارامیدا هه‌موو هزری پیلانگێڕانه‌ بۆ کپکردنی ده‌نگ و ڕه‌نگی کوردستانیه‌کان.

سه‌رهه‌ڵدانی خه‌ڵکی تێکۆشه‌ری مهاباد بۆ جارێکی دیکه‌ش ئه‌و ڕاستیه‌ی به‌گوێی ڕژیمی ئێراندا چرپانده‌وه‌ که‌ کوشت و بڕو زه‌برو زۆر ناتوانێ له‌ وره‌و هێزی مافخوازانه‌ی نه‌ته‌وه‌که‌مان که‌مکاته‌وه‌. ئه‌وان هێشتا له‌وه‌ی نه‌گه‌یشتوون ئه‌م نه‌ته‌وه‌ ئازادی خوازه‌ و مافی ده‌وێ، له‌ پێناوی ماف و ئازادییه‌کانیشی دا ده‌یان ساڵه‌ خه‌بات ده‌کا و هیچ هێزێکیش نه‌یتوانیوه‌ به‌چۆکی دابێنێ و تا گه‌یشتن به‌ ئازادیش به‌رده‌وام ده‌بێت. بێگومان پێامێکی دیکه‌ی ڕاپه‌ڕینی ڕوژهه‌ڵات ڕاتڵه‌کاندنه‌وه‌ی هێزه‌کانی ڕۆژهه‌ڵاته‌. په‌یامێک که‌ داوای یه‌کیه‌تی کارو هه‌ڵوێستیان لێده‌کات و لێانی ده‌وێ که‌ له‌جیاتی ده‌م له‌جه‌رگی یه‌کتر ژه‌ندن خه‌ریکی خۆڕێکخستنه‌وه‌و پته‌وکردنی ڕیزه‌کانی بزاڤی ڕزگاری خوازی نه‌ته‌وه‌که‌مان بن و چیدیکه‌ به‌ بڕوبیانوی بێجێ خۆ له‌و ویسته‌ ڕه‌وایه‌ نه‌دزنه‌وه‌.

سڵاو له‌ جه‌ماوه‌ری ڕاپه‌ڕیوی گه‌ل

Monday, November 21, 2005

راگه‌یه‌ندراوی یه‌کێتی شۆڕشگێڕانی

راگه‌یه‌ندراوی یه‌کێتی شۆڕشگێڕانی کوردستان سه‌باره‌ت به‌ تاوانی
شه‌هیدکردنی مامۆستا شێخ حه‌سه‌ن ره‌ستگار و کوڕه‌که‌ی

5 مانگ له‌مه‌وبه‌ر له‌ 5ی پووشپه‌ڕی 2705دا(26ی ژوئه‌نی 2005)، یه‌کێتی شۆڕشگێڕانی کوردستان له‌ راگه‌یه‌ندراوێکدا هه‌واڵی بێسه‌روشوێنکرانی مامۆستا شێخ حه‌سه‌ن ره‌ستگار و کوڕه‌کانی به‌مجۆره‌ بڵاو کرده‌‌وه‌: " به‌ پێی هه‌وڵێکی تایبه‌ت به‌ یه‌کێتی شۆڕشگێڕانی کوردستان له‌ کرماشان، مامۆستا شێخ حه‌سه‌ن ئیمام جومعه‌ی مزگه‌وتی سونییه‌کانی ده‌وڵه‌ت ئابادی کرماشان، له‌ 20 رۆژ له‌مه‌وبه‌ره‌وه‌ بێسه‌روشوێن کراوه‌".
به داخ و که‌سه‌ری زۆره‌وه‌، راده‌گه‌یه‌نین که‌ دوێنێ یه‌کشه‌ممه‌ ته‌رمی مامۆستا شێخ حه‌سه‌ن و هاشمی کوڕی له‌ باخچه‌ی پشت مزگه‌وته‌که‌ی دۆزراوه‌ته‌وه. به‌ ته‌رمه‌کانی ئه‌و باوک و کوڕه‌ نیشتمانپه‌روه‌ره‌وه‌ شوێنی گولله‌ی ده‌مانچه‌ دیاره‌.
حه‌سه‌ن و کوڕه‌که‌ی، ئاخرین جار که‌ له‌ ماڵ چوونه‌ته‌ ده‌رێ، به‌ ماشینێکی "پراید" بووه‌ که‌ به‌ناوی ئاژانسی تاکسیڕانییه‌وه‌ هاتبووه‌ دوی و بردبووی.
مامستا شێخ حه‌سه‌ن مامۆستایه‌کی ئایینی 80 ساڵه‌ی کورد په‌روه‌ر بوو. ساڵه‌ها بوو له‌ به‌رانبه‌ر پیلانه‌کانی رێژیمدا بۆ دووبه‌ره‌کیی نانه‌وه‌ی مه‌زهه‌بی و ئایینی له‌ نێوان رۆڵه‌کانی نه‌ته‌وی کورددا وه‌ک هاوسه‌نگه‌ری شه‌هیدی مامۆستا مه‌لا محه‌ممه‌دی ره‌بیعی راوه‌ستا بوو و هه‌موو رۆڵه‌کانی نه‌ته‌وه‌ی کوردی، به‌ هه‌ر جیاوازییه‌کی ئایینی و مه‌زهه‌بییه‌وه‌ بۆ یه‌کێتی و هاو پشتی هانده‌دا. حه‌ول و تێکۆشانی مامۆستا شێخ حه‌سه‌ن له‌م پێناوه‌دا، ببووه‌ هۆی تووڕه‌یی و ناڕه‌زایه‌تی به‌ڕێوه‌به‌رایه‌تی ئیتیلاعاتی رێژیم له‌ کرماشان و ئاخوند "زه‌ندی" نوێنه‌ری خامنه‌یی له‌ کرماشان. هه‌ر بۆیه‌ مامۆستا شێخ حه‌سه‌ن له‌ ژێر کوشارێکی به‌رده‌وامدا بوو بۆ داخستنی مزگه‌وته‌که‌ی.
به‌ڵام مامۆستای شه‌هید که‌ له‌ پێگه‌وجێگه‌ی خۆی بۆ وشیارکردنه‌وه‌ی رۆڵه‌کانی کورد و هاندانیان بۆ راوه‌ستان و کۆڵنه‌دان به‌رانبه‌ر دوژمنان، که‌ڵکی وه‌رده‌گرت، هیچکات ملی به‌و گوشارانه‌ نه‌دا و نه‌چووه‌ بن باری داخوازی دام و ده‌زگا و ناوه‌نده‌کانی دوژمنی داگیرکه‌ره‌وه‌.
رۆژی رابردوو، به‌ بڵاو بوونه‌وه‌ی هه‌واڵی دۆزرانه‌وه‌ی ته‌رمه‌کانی مامۆستا شێخ حه‌سه‌ن و هاشمی کوڕی، هه‌زاران که‌س له‌ رۆڵه‌کانی نه‌ته‌وه‌ی کورد له‌ کرماشان و ده‌وروبه‌ری به‌ جیاوازی ئایین و مه‌زهه‌به‌وه‌، له‌ به‌رده‌م مزگه‌وتی ده‌وڵه‌ت ئاباد و ماڵی مامۆستا کۆبوونه‌وه‌ و ته‌رمه‌کانیان به‌ خاک سپارد. هێزه‌کانی رێژیم که‌ ده‌یانزانی کاربه‌ده‌ستانی تیرۆریستیان چ که‌تنێکیان خوڵقاندووه‌، له‌ ترسی خۆپێشاندان و راپه‌ڕینی جه‌ماوه‌ریی، هه‌موو شه‌قام و کووچه‌ و کۆڵانه‌کانی ده‌وروبه‌ری مزگه‌وت و ماڵی شه‌هید مامۆستا حه‌سه‌نیان ته‌نی بوو.
دام و ده‌زگاکانی رێژیم بۆ به‌لاڕێدا بردنی بیروڕرای گشتی، هه‌ر له‌ پاش بڵاو بوونه‌وه‌ی هه‌واڵی دۆزینه‌وه‌ی ته‌رمه‌کان، به‌ که‌ڵک وه‌رگرتن له‌ شێوه‌کانی شه‌ڕی ده‌روونی، وای بڵاوده‌که‌نه‌وه‌ که‌ مامۆستا شێخ حه‌سه‌ن و هاشمی کوڕی له‌ ئاکامی کێشه‌ی خێزانییدا کوژراون. به‌ڵام مامۆستا شێخ حه‌سه‌ن و کوڕه‌که‌ی تیرۆر کراون و هیچ گومان له‌وه‌دا نییه‌ که‌ تیرۆری ئه‌و باوک و کوڕه‌ تاوانێکی رێکخراوه‌ و تیرۆری ده‌وڵه‌تییه‌.
یه‌کێتی شۆڕشگێڕانی کوردستان، وێڕای مه‌حکومکردنی ئه‌م تاوانه‌ تیرۆریستییه‌ی کۆماریی ئیسلامی، پرسه‌و سه‌ره‌خۆشیی پێشکه‌شی بنه‌ماڵه‌ و که‌سوکاری شه‌هیدان و خه‌ڵکی کرماشانی هه‌میشه‌ کوردستان و هه‌موو رۆڵه‌کانی نه‌ته‌وه‌که‌مان ده‌کا. هه‌ر له‌و کاته‌شدا داوا له‌ هه‌موو کۆڕ و کۆمه‌ڵه‌کانی لایه‌نگری پاراستنی مافه‌کانی مرۆڤ ده‌کا به‌رانبه‌ر به‌م تاوان و ده‌سدرێژییه‌ ده‌نگهه‌ڵبڕن.
یه‌کێتی شۆڕشگێڕانی کوردستان، داوا له‌ مامۆستایانی ئایینی کوردستان به‌ هه‌ر جیاوازییه‌کی دینی و مه‌زهه‌بی ده‌کا، وێڕای ده‌نگهه‌ڵبڕین له‌ دژی تاوانی تیرۆری مامۆستاشێخ حه‌سه‌ن و کوڕه‌که‌ی، وریای پیلانه‌کانی رێژیم بن له‌ نانه‌وه‌ی کێشه‌ و ناکۆکیی ئایینی و مه‌زهه‌بی و هه‌موو رۆڵه‌کانی نه‌ته‌وه‌که‌مان به‌ بێ له‌به‌رچاوگرتنی جیاوازیی ئایین و مه‌زهه‌بیان‌ بۆ کۆوه‌ بوون له‌ ده‌وری ته‌وه‌ری کورد بوون و کوردایه‌تی بانگهێشت بکه‌ن و به‌ یه‌کڕیزی و یه‌کده‌نگی به‌رانبه‌ر پیلانه‌کانی دوژمنی داگیرکه‌ر راوه‌ستن.

یه‌کێتی شۆڕشگێڕانی کوردستان
30/گه‌ڵارێزانی/2705
21/نۆڤمبه‌ری/2005

له‌ شه‌مزینان گه‌ل تێروریزمی ده‌وڵه‌تی تورکیان ئاشکرا کرد

له‌ شه‌مزینان گه‌ل تێروریزمی ده‌وڵه‌تی تورکیان ئاشکرا کرد
هیوا گوڵ محه‌مه‌دی

ده‌سه‌ڵاتدارانی تورک له‌وه‌ته‌ی به‌ شێوه‌ی مودێڕن حکومه‌ت ده‌که‌ن به‌ بێ جیاوازی له‌ کۆشتن و سه‌رکوتکردنی گه‌لی کورد دا یه‌ک سیاسه‌تیان هه‌یه‌ و ئه‌ویش سیاسه‌تی تۆقاندن و تێرور کردنه‌... له‌ دوای ساڵه‌کانی 80 وه‌ کۆشتنی نادیار و تێرور کردنی چالاکانی سیاسی و کوردایه‌تی کوردستان ، هێرش کردنه‌ سه‌ر ماڵ و دوکان و جێگای ژیانی هونه‌رمه‌ندان، نوسه‌ران و ڕۆژنامه‌وانان به‌ شێوه‌یه‌کی به‌رنامه‌ بۆ داڕێژراو و سیستماتیک به‌رده‌وامه‌ و هه‌مو کرده‌وه‌کانیش ده‌خرانه‌ ئه‌ستوی خه‌باتی گه‌لی کورد و پارتیا کارکه‌رێن کوردستان. ئه‌گه‌رچی له‌ کوردستان دا شه‌ڕ به‌رده‌وامه‌ و له‌ شه‌ڕیش دا لایه‌نی خراپ و کۆشتن و کاری ناڕه‌وا ڕوو ئه‌ده‌ن ، به‌ڵام لایه‌نی کوردی وه‌ک ئه‌سڵ و پرینسیپ هه‌وڵ و کۆششیان ئه‌وه‌ بوه‌ که‌ به‌ها مروڤایه‌تیه‌کان بپارێزن و په‌نا بۆ ڕه‌شه‌کۆژی و کاری تێروریستانه‌ نه‌به‌ن و ئه‌وه‌نده‌ی بۆ مافی نه‌ته‌وه‌ێی کورد خه‌باتی کردوه‌ ئه‌وه‌نده‌ش مافی به‌رابه‌ری بۆ گه‌لانی دیکه‌ مه‌به‌ست بوه‌ و له‌ پێناوی دا تێکۆشاوه‌...

به‌داخه‌وه‌م که‌ جوڵانه‌وه‌ی باکوری کوردستان و به‌تایبه‌تی پارتیا کارکه‌رێن کوردستان له‌ لایه‌ن تورکیه‌ و ئیمریکا و ئه‌روپاوه‌ به‌رچه‌سپی تێروریستانه‌یان لێ دراوه‌ و له‌وه‌ش داخدارتر ئه‌وه‌یه‌ که‌ لایه‌نی کوردی زوریشمان هه‌یه‌ ئه‌م زوڕنایه‌ لێ ئه‌ده‌ن و ئاو به‌ ئاشی داگیرکه‌ران دا ئه‌که‌ن.

ماوه‌یه‌ک به‌ر له‌ ئێستا خه‌ڵکی ڕاپه‌ڕیوی شه‌مزینان تۆانیان چه‌ند تێروریستێکی نێردراو له‌ لایه‌ن ده‌سه‌ڵاتدارانی سیاسی و سپاێی تورکیه‌وه‌ بگرن که‌ خه‌ریکی به‌ڕێوه‌بردنی کاری تێرور بون. کاتێک گه‌ل ئه‌و تێروریستانانه‌یان به‌ دیل گرت ، هێندێ به‌ڵگه‌ی وایان ده‌س که‌وت که‌ ئه‌گه‌ر مروڤایه‌تی واتادار بێت و ئه‌گه‌ر ئیمریکا و ئه‌روپا ڕاست بکه‌ن و مروڤ و مافی مروڤیان لا مه‌به‌ست بێت ئه‌وا هه‌ڵۆستیان ئه‌گرت و له‌ جیاتی کورد و جوڵانه‌وه‌که‌ی ، ده‌سه‌ڵاتداره‌ مروڤکۆژ و کورد کوژه‌کانی تورکیان ئه‌خسته‌ ناو لیستی تێروریست و داوایان ئه‌کرد که‌ ده‌بێ له‌ دادگایه‌کی ناونه‌ته‌وه‌ێی دا لێکۆڵینه‌وه‌یان له‌ گه‌ڵ بکرێ.
ئیمریکا وه‌ک وه‌ڵاتێک که‌ ئه‌یه‌وێ پێشڕه‌وی دیموکراسی و ئازادی و مافی مروڤ بکات له‌ جیهان دا نابێ له‌مه‌ زیاتر سیاسه‌تی بانێک و دوو هه‌وا به‌ڕێوه‌به‌رێ.

ئا له‌م کاته‌ ناسکه‌دا که‌ گه‌لی کورد به‌ به‌ڵگه‌وه‌ له‌ شه‌مزینان تێروریزمی ده‌وڵه‌تی تورکیه‌ی ئاشکرا کردوه‌ و به‌ شێوه‌یه‌کی دیموکراتی ڕژاونه‌ته‌ سه‌ر شه‌قامه‌کان و داوای ڕونکردنه‌وه‌ و به‌ دوا دا چونی ڕاستیه‌کان ده‌که‌ن ، تورکیه‌ داوای داخستنی ده‌نگی ئاشتی و ئازادی کاناڵی ڕۆژ تێڤێ ده‌کا و سه‌فیری ئیمریکاش له‌ ئانکارا زۆر نازانستیانه‌ و نامروڤانه‌ پشتی ئه‌و داوا ناڕه‌وایه‌ ئه‌گرێ و ئه‌م هه‌ڵۆێسته‌ نا به‌جیێه‌ش زه‌ره‌ر له‌ پرینسیبه‌کانی ئیمریکا ئه‌دا.

سه‌یرتر له‌ هه‌مو ئه‌مانه‌ ئه‌وه‌یه‌ که‌ هێندێ لایه‌ن و به‌ ناو که‌سایه‌تی کورد هه‌ن ، هه‌موو جارێ جوڵانه‌وه‌ی پارتیا کارکه‌رێن کوردستان به‌ تاوانبار ئه‌زانن. بۆ خۆیان له‌ ئیستانبول پاڵیان لێ داوه‌ته‌وه‌ و خاوه‌ن هه‌مو ئیمکاناتێکی خۆش گوزه‌رانین . که‌چی هه‌مو کاتێ له‌ جیاتی ئه‌وه‌ی داگیرکه‌ری وه‌ڵات ، واته‌ ده‌سه‌ڵاتدارانی تورک بده‌نه‌ به‌ر هێرش ، قه‌وانه‌ کۆنه‌که‌ لێ ئه‌ده‌نه‌وه‌ و ئه‌ڵێن : ئه‌رێ گه‌لو چۆنه‌ که‌ ئه‌و خه‌ڵکه‌ ده‌کوژرێن و پ ک ک وا ده‌کا و وای کردوه‌...

کاتێ که‌ پ ک ک ئاگربه‌سی ڕاگه‌یاند و داوای دیالوگی ئاشتیانه‌ی ئه‌کرد ، ئه‌م که‌سه‌ دابه‌ستراوانه‌ هات و هاواریان بو که‌ پ ک ک هاوکاری میتی تورکی ئه‌کا و جوڵانه‌وی کورد تێک ئه‌دات. هه‌رکه‌ پ ک ک ڕای گه‌یاند که‌ له‌ به‌رنامه‌ و پروژه‌ی ده‌وڵه‌تی تورک دا نیه‌ چاره‌سه‌ری کێشه‌ی کورد بکات و ئێمه‌ ناتوانین له‌مه‌ زیاتر چاوه‌ڕوان بین ، ئه‌م که‌سانه‌ ده‌نگیان به‌رز کرده‌وه‌ و وتیان پ ک ک بۆ تێکدانی ئه‌و ده‌سکه‌وتانه‌ی باشور شه‌ڕ ده‌س پێ ده‌کاته‌وه‌ و هاوکاری ده‌وڵه‌تی تورک ئه‌کات...
ئه‌و که‌سانه‌ که‌ ته‌نانه‌ت بنه‌ماڵه‌کانی خۆشیان له‌گه‌ڵ دا نیه‌ و گۆێ به‌ هه‌ڵۆێسته‌ نابه‌جیه‌کانیان ناده‌ن ، شه‌رم له‌ خۆیان ناکه‌ن که‌ وا له‌ به‌رانبه‌ر تێروری ده‌وڵه‌تی تورک دا بێده‌نگن و ئاو به‌ ئاشی میت و سوپای سه‌رکوتکه‌ری تورک دا ئه‌که‌ن و هه‌تا کات ده‌ڕوا زیاتر له‌ زه‌لکاوی خه‌یانه‌ت دا ڕوده‌چن.

ته‌نیا له‌ ساڵی 1991 ه‌وه‌ تا ئێستا نێزیک به‌ 200 که‌س له‌ خه‌باتگێڕانی کۆمه‌ڵایه‌تی ، سیاسی ، ڕۆشنبیری و ...کورد له‌ باکوری کوردستان بێ سه‌روشۆێن کراون یان پاش ڕفاندیان و دوای ئازار و ئه‌شکه‌نجه‌یه‌کی زور کوژراون و جه‌نازه‌کانیان فرێ دراوه‌ . به‌ ده‌یان کچی کورد له‌ به‌ندیخانه‌کان یان به‌ شێوه‌ی ناجوامێرانه‌ له‌ لایه‌ن چه‌ته‌کانی ده‌وڵه‌تی تورکه‌وه‌ ته‌جاوسی جسنیان پێ کراوه‌ . ئه‌مڕۆ له‌ شه‌مزینان سه‌رهه‌ڵدانی گه‌لی کورد جارێکیتر ده‌ستی پێ کدروه‌ته‌وه‌ و خه‌ریکه‌ سه‌رجه‌م باکوری کوردستان ئه‌گرێته‌وه‌ و ئه‌مه‌ش به‌رده‌وامی سه‌رهه‌ڵدانی 1991 و له‌وه‌ ئه‌چێ هه‌تا بێ فراوانتر ببێ و ئه‌مه‌ش بۆ چاره‌نوسی گه‌له‌که‌مان زور گرینگه‌ و کورد ته‌نیا به‌ سه‌رهه‌ڵدان ئه‌توانی ئیمریکا و ئه‌روپا ناچار بکات واز له‌ سیاسه‌تی نامروڤانه‌یان بێنن و له‌مه‌ زیاتر پاڵپشتی ئه‌و ده‌سه‌ڵات و سیستمه‌ نه‌که‌ن که‌ نه‌ مروڤ و نه‌ مافه‌کانی ئه‌پارێزێ ڕێزی بۆیان هه‌یه‌.
051118

Thursday, November 17, 2005

کیسه‌ڵه‌کان له‌ ئه‌ده‌ڵاید ده‌فڕن!

کیسه‌ڵه‌کان له‌ ئه‌ده‌ڵاید ده‌فڕن!

له‌ ڕوژانی شه‌ممه‌و یه‌کشه‌ممه‌وه‌، فیلمی "کیسه‌ڵه‌کانیش ده‌توانن بفڕن"، له‌ دروستکردنی فیلمچێکه‌ری به‌ناوبانگی کورد به‌همه‌ن قوبادی له‌ سینه‌ما نۆڤای شاری ئه‌ده‌ڵاید ده‌ست به‌ نیشاندانی ده‌کرێ و ڕۆژی چوارجار دوپات ده‌کرێته‌وه‌. نیشاندانی ئه‌و فیلمه‌ کوردییه‌ که‌ چه‌ندیین خه‌ڵاتی جیهانی به‌ده‌ستهێناوه له‌و دوو ڕۆژه‌دا به‌رده‌وام ده‌بێت. ئۆگرانی فیلم و سینما له‌م شاره‌ و کوردانی باشوری ئوسترالیا ئه‌وه‌ دوهه‌م جاره‌ له‌م شاره‌ ده‌رفه‌تی بینینی فیلمی کوردیان بۆ ده‌ره‌خسێ، ئه‌ویش فیلمێکی وه‌ک کیسه‌ڵه‌کانیش ده‌توانن بفڕن و کاتێک بۆ مه‌ستی ئه‌سپه‌کان که‌ هه‌ردووکیان کاری هونه‌رمه‌ندی گه‌نجی کورد به‌همه‌ن قوبادین. قوبادییه‌ک که‌ به‌هۆی ئه‌و کاره‌ سه‌رکه‌وتوانه‌ی ناوبانگی سنوره‌کانی تێپه‌ڕاندو بوو به‌ هونه‌رمه‌ندێکی جیهانی.

که‌واته‌ ئێوه‌ش ئه‌و ده‌رفه‌ته‌ له‌ده‌س مه‌ده‌ن و له‌ماوه‌ی ئه‌و دوو ڕۆژه‌دا ده‌رفه‌تێک بۆخۆتان بڕه‌خسێنن و‌ بۆ ئه‌وه‌ی بتوانن چاوی لێبکه‌ن.

کاته‌کانی نیشاندانی له‌ ڕۆژانی 17 تا 23ی نۆڤێمبه‌ر له‌ به‌یانی تا ئێواره‌ به‌م شێوه‌ی خواره‌وه‌یه‌: ‌
فیلمه‌که‌ 108 خوله‌که‌و یه‌کمجاره‌ لێره‌ نیشان ده‌درێ

شه‌ممه‌ و یه‌کشه‌ممه‌: کاتژمێر 11:30به‌یانی، 1.50، 6.50 ی دواینیوه‌ڕۆ و 9ی شه‌و

ناونیشانی سینه‌ما نۆڤا:
251 - 274 ڕاندڵ ستریت ، ئه‌ده‌ڵاید

Saturday, November 12, 2005

ئاگاداری بۆ کوردانی باشوری ئوسترالیا

ئاگاداری بۆ کوردانی باشوری ئوسترالیا

به‌ بۆنه‌ی هاتنی جه‌ژنی سه‌ری ساڵی زاینی، هونه‌رمه‌ندانی شاری سیدنی و ئه‌ده‌ڵاید ئاهه‌نگێکی موزیک و گۆرانی بۆ کوردانی باشوری ئوسترالیا به‌ڕێوه‌ده‌به‌ن.
ئاهه‌نگه‌که‌ له‌ ئێواره‌ی ڕۆژی 10ی دیسه‌مبه‌ری 2005 (شه‌وی شه‌ممه‌ له‌سه‌ر یه‌کشه‌ممه‌) کاتژمێری 6:30 خوله‌کی ئێواره‌ ده‌ست پێده‌کات.

هاتن بۆ هه‌موانه‌ و مناڵانی 6 بۆ 15 ساڵ به‌ ده‌ دۆلار و له‌وه‌ش به‌ره‌وسه‌ر به‌ 20 دۆلاره‌.
ناونیشانی شوێنی ئاهه‌نگه‌که بریتیه‌ له‌:

Dom Polski Centre
232 Angas St Adelaide

بۆزانیاری زیاتر پێوه‌ندی به‌ کارزان خۆشناو بکه‌ن به‌م ژماره‌ ته‌له‌فوونه‌: 0401066979

سه‌رچاوه‌: ڕادیۆی کوردی باشوری ئوسترالیا

Wednesday, November 09, 2005

ڕێبه‌رایه‌تی کۆنگره‌ی 13ی حزبی دیموکرات ده‌خوازێ

ڕێبه‌رایه‌تی کۆنگره‌ی 13ی حزبی دیموکرات ده‌خوازێ
جه‌لیل گادانی ناچار بکات نامه‌ی په‌شیمانی ئیمزا بکات

له‌ ڕێگای ته‌له‌فوونی دۆستێکه‌وه‌ ئاگادار کرام که‌ له‌ پلینۆمی کۆمیته‌ی ناوه‌ندی حزبی دیموکراتی کوردستاندا، بلاوکردنه‌وه‌ی به‌شی دوهه‌می کتێبی په‌نجاساڵ خه‌بات که‌ له‌ نوسینی جه‌لیل گادانیه‌، باسێکی گه‌رم و گوڕو چڕی لێکه‌وتۆته‌وه‌. به‌شی یه‌که‌می کتێبی په‌نجاساڵ خه‌بات گێڕانه‌وه‌ی مێژوی حزبه‌ به‌ زمانی به‌ڵگه‌نامه‌و بڵاوکراوه‌کانی حزبی دیموکرات تا کۆنگره‌ی هه‌شتی ئه‌م حزبه‌. سه‌ره‌تا ئه‌وه‌نده‌ی من له‌ نزیکه‌وه‌ لێی ئاگاداربووم ئه‌و کتێبه‌ هه‌موو یان به‌شێکی زۆری ڕوداوه‌کانی په‌نجا ساڵه‌ی حزبی له‌خۆ گرتبوو، به‌ڵام به‌هۆی پڕۆسه‌ی یه‌کگرتنه‌وه‌ی هه‌ردوو باڵی حزبه‌وه‌ نوسه‌ری کتێبه‌که‌ خۆی له‌ بڵاوکردنه‌وه‌ی ئه‌وبه‌شه‌ی که‌ به‌کۆنگره‌ی هه‌شت ده‌ست پێده‌کا پاراست. هه‌روه‌ک له‌ پێشه‌کی ئه‌و کتێبه‌دا گادانی بۆخۆی نوسیویه‌تی که‌: "بریاربوو نوسراوه‌که‌ له‌یه‌ک به‌رگدا چاپ بێ، به‌ڵام له‌ لایه‌ک له‌به‌ر نه‌بوونی که‌ره‌سته‌ و به‌رگری له‌ قه‌به‌ بوونی کتێبه‌که‌ و له‌ لایه‌کی دیکه‌ بۆ پاراستنی مه‌سڵه‌حه‌تی گه‌ل و به‌رژه‌وه‌ندیی خه‌باته‌ ڕه‌واکه‌مان کردمانه‌ دوو به‌رگ."

ئێستا وه‌ک ده‌رده‌که‌وێ به‌رگی دووهه‌می کتێبه‌که‌ که‌ باسی کۆنگره‌ی هه‌شت و ئاکامه‌کانی، هه‌ڵوێست گرتنی به‌شێکی به‌رچاو له‌ ڕێبه‌رایه‌تی حزب به‌ ناوی ڕێبه‌رایه‌تی شۆڕشگێر، دژکرده‌وه‌ی باڵه‌که‌ی دیکه‌ و ڕوداوه‌کانی دواییی تا په‌نجاساڵه‌ی حزب ده‌کات، بڵاوکراوه‌ته‌وه‌. هه‌ر ئه‌مه‌ش بۆته‌ هۆی ئه‌وه‌ی که‌ گۆڵمه‌زێکی نوێ له‌ ناو حزبی دیموکراتدا سه‌ر هه‌ڵدا. له‌ ڕاستیدا له‌ پاش کۆنگره‌ی سێزده‌وه‌ پێوه‌ندییه‌ نێوخۆییه‌کانی حزبی یموکرات توشی ئاڵۆزی بوه. ڕێبه‌رایه‌تی کۆنگره‌ی 13 تا ئێستاش نه‌یتوانیوه‌ بچه‌سپێ و به‌رده‌وام ده‌نگه‌ ده‌نگ و بۆڵه‌ بۆڵ لێره‌و له‌وێ ده‌بیسرێ و هه‌ڵسوکه‌وته‌کانی ناوحزبیش یه‌کڕۆژه‌ ده‌گه‌نه‌ ده‌ره‌وه‌ی حزب و ناو سایته‌کانی ئینترنێت.

ئه‌وه‌ی جێگای سه‌رنجه‌ ئه‌وه‌یه‌ که‌ حزبی دیموکرات نایه‌وێ ڕاستیه‌کانی مێژووی حزب بڵاوبکرێنه‌وه‌. به‌واتایه‌کی دیکه‌ ئه‌م حزبه‌ ده‌خوازێ ئه‌وبه‌شه‌ له‌ مێژووی بۆ خه‌ڵک بگێڕێته‌وه‌ که‌ به‌دڵی خۆیانه‌ و په‌ڵه‌و هه‌ڵه‌و که‌موو کوڕیه‌کانی تێدا وه‌دیار نه‌خرابن. به‌ش به‌ حاڵی خۆم له‌و بڕوایه‌دام که‌ مێژوو پێویسته‌ وه‌ک ئه‌وه‌ی بوه‌و ڕویدواه‌،‌ بنوسرێته‌ نه‌ک وه‌ک ئه‌وه‌ی به‌دڵی ئێمه‌یه‌. گه‌لێک لاپه‌ڕه‌ی مێژووی حزب هێشتا نادیارن و هێشتا په‌رده‌ی گومانیان له‌سه‌ره‌. له‌ زۆر شوێندا ڕاستیه‌کان شێوێندراون و به‌حه‌زی نوسه‌ران ڕاسکه‌وپاسکه‌ کراون. سه‌باره‌ت به‌ کۆنگره‌ی هه‌شت و ئاکامه‌کانی ئه‌وه‌ی تانوکه‌ من دیومه‌ ڕاستیه‌کان به‌دڵی نوسه‌ران نوسراون و ناکرێ وه‌ک به‌ڵگه‌ی مێژووی چاویان لێبکرێ. کۆنگره‌ی هه‌شت یه‌کێک له‌و کۆنگرانه‌یه‌‌ که‌ ئاکامه‌کانی ئیستاشی له‌گه‌ڵدا بێت حزب پێوه‌ی ده‌ناڵێنێ. دوله‌ت بوونی حزب، وازهێنانی ژماره‌یه‌کی زۆری کادرو پێشمه‌رگه‌ی حزب و دڵساردبونه‌وه‌ی جه‌ماوه‌ری گه‌له‌که‌مان، شه‌ڕی نێوخۆیی و یه‌کترکوژی، ئێعدامی کادرو ئه‌ندامانی حزب، دیارده‌ی لاده‌ر و فراکسیون که‌ ئێسته‌ش به‌رۆکی حزبی به‌رنه‌داوه‌........ ئه‌مانه‌و گه‌لێک ڕوداوی دیکه‌ له‌ ئاکامه‌کانی ئه‌و کۆنگره‌یه‌ن. له‌وه‌ش ده‌رچێ له‌ماوه‌ی ئه‌و له‌یه‌کدابڕانه‌دا هه‌ردوو باڵی حزب، به‌گه‌رمی خه‌ریکی تێکۆشان بوون و ده‌یان وسه‌دان کادرو پێشمه‌رگه‌ و ئه‌ندامی حزب گیانیان له‌ ده‌ستدا.

پاش یه‌کگرتنه‌وه‌ و وه‌ک گوترا"وه‌سه‌ریه‌ک که‌وتنه‌وه‌ی بنه‌ماڵه‌ی گه‌وره‌ی حزب" چۆن ده‌کرێ حاشا له‌ مێژووی به‌شێک له‌و بنه‌ماڵه‌یه‌ بکرێ. ئه‌گه‌ر له‌ ڕاستیدا ئه‌و یه‌کگرتنه‌وه‌ یه‌کگرتنه‌وه‌ بوه‌و بنه‌ماڵه‌ی گه‌وره‌ی حزب یه‌کی گرتۆته‌وه‌، چ لۆجیکێکی تێدایه‌ که‌ مێژووی به‌شێکی ئه‌و بنه‌ماڵه‌یه‌ به‌نه‌زانراوی و شاردراوه‌یی بهێڵرێته‌وه‌. ترس له‌ ئاشکرابوونی ئه‌و مێژووه‌ جگه‌ له‌ ده‌رکه‌وتنی کۆمه‌ڵێک ڕاستی که‌ ڕویانداوه‌ چیدیکه‌یه‌؟

ئێستا که‌ ده‌گوترێ کتێبه‌که‌ی گادانی وه‌شێنراوه‌ من دڵنیام هێشتا گه‌لێک ڕاستی دیکه‌ هه‌ن که‌ ئه‌و کتێبه‌ش نه‌یدرکاندون، به‌ڵام کۆمه‌ڵێک ڕاستی و به‌ڵگه‌ی تێدایه‌و لانی که‌م گێڕه‌ره‌وه‌ی به‌شێکی ئه‌و چه‌ند ساڵه‌ی ژیان و خه‌بات ئه‌و به‌شه‌ی حزبی دیموکراته‌.
وه‌ک ئه‌و دۆسته‌ له‌ ته‌له‌فوونه‌که‌دا باسیکرد گوایه‌ پلینوم پاڵه‌په‌ستۆی خستۆته‌ سه‌ر جه‌لیل گادانی بۆ ئه‌وه‌ی نامه‌ یان ڕاگه‌یاندراوێک ئیمزا بکات که‌ تێیدا نێوه‌ڕۆکی ئه‌و کتێبه‌ یان ئه‌وه‌ی به‌دڵی ڕێبه‌رایه‌تی کۆنگره‌ی 13 نیه‌ ڕتبکرێته‌وه‌ یانیش ڕاستبکرێته‌وه(نێوه‌ڕۆکی نامه‌که‌ تا ئێستا دیار نیه‌)‌. ده‌گوترێ ئه‌و دۆخه‌ جۆره ئاڵۆزیه‌کی ناوه‌ته‌وه‌.

ڕاستیه‌ک هه‌یه‌ که‌ دۆستانی حزبی دیموکرات پێویسته‌ بیزانن و سڵی لێنه‌که‌نه‌وه‌. شه‌شت ساڵ مێژووی حزبی دیموکرات شتێکه‌ بۆته‌ ڕابردوو. به‌شێکی زۆری ئه‌کته‌ره‌کان یان قاره‌مانه‌کانی ئه‌و مێژووه‌ ئێستا له‌ گۆڕه‌پانه‌که‌دا نه‌ماون. تاڵ یان شیرین، جوان یان ناشیرین، پاک یان قریژ ئه‌وه‌ی هه‌بوه‌ و ڕویداوه‌و گوتراوه‌و نوسراوه‌ له‌و شه‌ست ساڵه‌دا بوونه‌ مێژووی ئه‌و حزبه‌. جا شاردنه‌وه‌ی ڕاستیه‌کان و حاشاکردن له‌ به‌شێک له‌مێژووی حزبه‌که‌تان که‌ به‌دڵی ئێوه‌ نه‌بێ ناتوانێ هه‌توانی ده‌ردان و مایه‌ی پێشکه‌وتن و سه‌رکه‌وتنی حزب بێت. به‌ پێچه‌وانه‌ نوسینه‌وه‌ی ئه‌و مێژوه‌ وه‌ک خۆی، ده‌توانی له‌ پێش هه‌مواندا که‌ڵکی فره‌ی بۆ ئێوه‌ هه‌بێ و ئه‌زموونی لێوه‌رگیردرێ. له‌وه‌ش بترازێ گه‌ر ئێوه‌ بتانهه‌وێ یان نا، به‌دڵتان بێ یان نا، دڵنیابن که‌سانێک ئه‌و مێژووه‌ ده‌نوسنه‌وه‌ و ئه‌وه‌ی ئێوه‌ لێده‌ترسن و ناتانه‌وێ ئاشکرا بێت هه‌ر بڵاوده‌کرێته‌وه. گومانم نیه‌ که‌ ئێوه‌ش ئه‌وه‌ی ده‌زانن به‌ڵام به‌داخه‌وه‌ پێتان ناپه‌سه‌ندێنرێ که‌ له‌ زمانی که‌سێکی ناو ڕوداوه‌کان و ئه‌ندامێکی حزبه‌که‌تانه‌وه‌ بنوسرێته‌وه‌ که‌ زۆربه‌ی ته‌مه‌نی بۆ خزمه‌ت به‌ حزبه‌که‌ی خۆی و ئێوه‌ ته‌رخانکردوه‌و تا نوکه‌ش هه‌ر خزمه‌تی پێده‌کات‌.
تێبینی: وێنه‌کان له‌ ماڵپه‌ڕی ڕاستیه‌کان وه‌رگیراون

Tuesday, November 08, 2005

پارتی لیبرالی کوردستان

Thursday, November 03, 2005

گرتنی دوکتور که‌ماڵ پیلانه‌ دژ به‌ ماڵی بارزانی

گرتنی دوکتور که‌ماڵ پیلانه‌ دژ به‌ ماڵی بارزانی
هیوا گوڵ محه‌مه‌دی

له‌ کاتێک دا که‌ گه‌لی کورد چاوه‌ڕوانی سه‌فه‌ری به‌ڕێز مه‌سعود بارزانی سه‌رۆکی هه‌رێم بون بۆ ئیمریکا و ئینگلیس و هیوادار بون به‌ ده‌ستی پڕ و بیری فراوان بگه‌ڕێته‌وه‌ و به‌ گێانێکی له‌ خۆبردوانه‌ هه‌ڵس و که‌وت بکات بۆ پێشخستنی گه‌ل و وه‌ڵات.
له‌ کاتێک دا که‌ گه‌لی کورد به‌ تامه‌زروی و بێ تاقه‌تیه‌وه‌ چاوه‌ڕوانی یه‌ک خستنه‌وه‌ی ماڵی کوردن. له‌ کاتێک دا که‌ گه‌لی کورد هه‌مو هه‌ڵه‌ و که‌مو کۆڕیه‌کانی بنه‌ماڵه‌ی بارزانی ئه‌دایه‌ ده‌ستی فه‌رامۆشی و لاپه‌ڕیه‌کی نۆیان هه‌ڵ ئه‌دایه‌وه‌ له‌ سه‌ر ئه‌ساسی پاراستنی به‌رژه‌وه‌ندی نه‌ته‌وه‌ێی.

له‌ کاتێک دا خه‌ڵکی ئاواره‌ و په‌نابه‌ری وڵاتانی ئه‌وروپاێی و ئیمریکا وجیهان ئه‌یانه‌وێ ڕو له‌و به‌شه‌ نیوه‌ ڕزگارکراوه‌ی نیشتمانه‌که‌یان بکه‌ن و قۆڵی ئاوه‌دانکردنه‌وه‌ هه‌ڵماڵن و له‌ سایه‌ی یاسا و ده‌سه‌ڵاتی خۆماڵی دا ئاسوده‌ بژین ، که‌سانێکی هه‌لپه‌ره‌ست و کۆنه‌ به‌عسی و کۆنه‌ ئه‌نفالچی خه‌ریکی ئاژاوه‌گێڕین و که‌سێکی وه‌ک دوکتور که‌ماڵ یاساناس و سیاسه‌ت زانی به‌ جه‌رگ و بۆێر و خاوه‌ن هه‌ڵۆێست به‌ شێوه‌یه‌کی نا یاساێی و به‌عس ئاسا بێ سه‌رو شۆێن ئه‌که‌ن.

له‌وه‌ته‌ی ماڵی بارزانی هه‌ن هه‌تا ئه‌و کاته‌ی که‌ حه‌مه‌ سه‌عی حه‌سه‌ن و مه‌هاباد قه‌رداغیێان له‌ باوه‌ش گرت و پاره‌ و دولار بارانیان کردن به‌م ئه‌ندازه‌یه‌ بێ ڕێزیان پێ نه‌کراوه‌ و خه‌ڵک به‌ ئاشکرا باسی نه‌کردون . ئه‌مه‌ ئه‌وه‌ ئه‌گه‌یه‌نێ که‌ چ پیلانێک له‌ پشتی ئه‌و بێ ڕێزی و بێ حورمه‌تیانه‌وه‌ هه‌یه‌ که‌ به‌ره‌وڕوی ماڵی بارزانی ده‌بێته‌وه‌ ، خۆشیان به‌ خۆیان و ئه‌و پیلانانه‌ نازانن.

دوکتور که‌ماڵ سه‌ید قادر چه‌ند جارێکیتر گه‌ڕایه‌وه‌ کوردستان و که‌س باسی نه‌کرد و ته‌نانه‌ت جاری پێشو ، مه‌سرور بارزانی وتبوی که‌ دوکتور که‌ماڵ ڕاو و بوچونی خۆی ده‌ر ئه‌بڕێ و ئێمه‌ کارمان پێی نه‌داوه‌ و ئه‌و هه‌ڵۆێسته‌ش ڕێزی بنه‌ماڵه‌ی بارزانی زیاتر کرد و من بۆ خۆم بۆ جاری یه‌که‌م هه‌ستم کرد که‌ ڕێزیان لام هه‌یه‌ و خۆشحاڵ بوم که‌ ئه‌وانه‌ ئێستا بیر له‌ به‌رژه‌وه‌ندی نه‌ته‌وه‌که‌یان ئه‌که‌نه‌وه‌ و کێشه‌ی شه‌خسی خۆیان له‌ بیر ئه‌که‌ن.

به‌ڵام به‌ گه‌ڕانه‌وه‌ی هێندیێ که‌سی ئاژاوه‌گێڕ و چاوچنۆک و کۆڵه‌ نانی ، دوکتور که‌ماڵ به‌ شێوه‌یه‌کی ناشیرین گیراوه‌ و بێ سه‌رو شۆێن کراوه‌ و له‌و ڕۆژه‌وه‌ که‌ دوکتور که‌ماڵ گیراوه‌ خه‌ڵکی به‌ چاوی گومان و بێ ڕێزیه‌وه‌ سه‌یری بنه‌ماڵه‌ی بارزانی ئه‌که‌ن . ئه‌و بروسکه‌یه‌ی حه‌مه‌ سه‌عی حه‌سه‌ن بۆ به‌ڕێز بارزانی ده‌ربڕی گه‌لێ شته‌ ، له‌ لایه‌ک گاڵته‌ به‌ حکومه‌تی کوردستان ، ده‌زگای ئاسایش و بنه‌ماڵه‌ی بارزانی ئه‌کا و له‌ لایه‌کی تره‌وه‌ ده‌ڵێ که‌ من ئه‌توانم دوکتور که‌ماڵ ڕزگار که‌م و ؟؟؟
دوکتور که‌ماڵ بۆ خۆی به‌ پاره‌ی خۆی گه‌ڕاوه‌ته‌وه‌ کوردستان و ئاماده‌ بوه‌ بچێته‌ به‌رده‌م دادگا و وه‌ڵامده‌ر و به‌رپرسی نوسینه‌کانی خۆێ بێت. ده‌بو نێچیرڤان بارزانی نه‌هێڵێ که‌سانی هه‌لپه‌ره‌ست ئاگره‌که‌ خۆش که‌ن و له‌م هه‌له‌ که‌ڵک وه‌رگرن و له‌ ئاوی لێڵ ماسی بگرن و بنه‌ماڵه‌که‌ی ئه‌وانیش بخه‌نه‌ به‌ر زمانی خه‌ڵک.

ئاسایش بۆ ده‌ڕوات دوکتور که‌ماڵ ئه‌گرێ که‌ له‌ ژیانی خۆی و بنه‌ماڵه‌که‌ی دا یه‌ک ڕۆژ دژی جوڵانه‌وه‌ی گه‌لی کورد خه‌تا خه‌یانه‌تێه‌کیان نه‌کردوه‌ ، بۆ ناچن ئه‌نفالچی و کۆنه‌ به‌عسی و جاسوسه‌کانی به‌عس بێ سه‌رو شۆێن که‌ن.
بۆچی ئاسایش ناچی شێخ زاناکان و تێروریسته‌کان ڕاو بکا و بێ سه‌رو شۆێنیان بکات... گرتنی دوکتور که‌ماڵ نه‌ شانازیه‌ و نه‌ قاره‌مانه‌تی به‌ڵکو شه‌رمه‌ و شوره‌ێی، که‌سێ که‌ به‌ پاره‌ی خۆی بگه‌ڕێته‌وه‌ کوردستان و به‌ پاره‌ی خۆی تاکسی بگرێ و بێته‌ به‌رده‌م ئاسایش ، گرتن و بێ سه‌رو شۆێن کردنی نامروڤانه‌ ، ترسنوکانه‌ و نایاسێی یه‌...

گرتنی دوکتور که‌ماڵ گه‌وره‌ ده‌بێته‌وه‌ و کۆڕ و کۆمه‌ڵه‌ ناونه‌ته‌وه‌یه‌کانی تێوه‌ ئه‌گلێن و ئه‌مه‌ش له‌ سه‌ر حکومه‌ت و ده‌سه‌ڵاتی کورد ئه‌که‌ۆێ ، وه‌ک چۆن کرده‌وه‌کانی سه‌دام حسێن و دیکتاتوره‌کانی تری دنێا سه‌ری خۆاردن و به‌ر لافای گه‌ل که‌وتن...
ده‌با به‌ڕێز مه‌سعود بارزانی و بنه‌ماڵه‌که‌ی خۆیان له‌م شه‌رمه‌زایه‌ نه‌جات بده‌ن و ڕێگه‌ نه‌ده‌ن که‌سانی هه‌لپه‌ره‌ست به‌که‌کاریان بێنن. هه‌ر چ زوتر دوکتور که‌ماڵ ئازاد بکرێ و ڵێ گه‌ڕێن دادگا و دادوه‌ر کار و لێکۆڵینه‌وه‌ بکه‌ن ، نه‌ک هه‌ر دوکتور که‌ماڵ به‌ڵکو بگیرانیشی بدرێنه‌ دادگا.

ئه‌و جوره‌ مامه‌ڵه‌ و هه‌ڵس و که‌وت کردنانه‌ له‌ کورد و ده‌سه‌ڵاتی کوردی جوان نیه‌ و ڕه‌وایه‌تی به‌ کرده‌وه‌کانی داگیرکاران ئه‌دات.

051102
hiwagol@hotmail.com