كوردستان

kurdish weblog

My Photo
Name:
Location: Melbourne, VIC, Australia

Sunday, May 30, 2004



له‌م ڕۆژه‌ چاره‌نوس سازانه‌دا گه‌ل چاوه‌ڕوان



هه‌ڵوێستێكی یه‌كگرتوو به‌هێزن



نوێكراوه‌ته‌‌وه!‌
ڕۆژه‌ چاره‌نوس سازه‌كان نزیك ده‌بنه‌وه‌. ڕژیمی سه‌ددام ڕووخاو كورد تا نوكه‌ش پابه‌ند
یی خۆی به‌ هاوپه‌یمانه‌تیه‌كه‌ی له‌گه‌ڵ ئه‌مریكاو هاوپه‌یمانان پاراستوه‌و له‌سه‌ر به‌ڵێنی خۆی سوره‌. سه‌ركردایه‌تی سیاسی كورد هه‌وڵێكی چڕو ژیرانه‌ی ‌داوه‌ تا ئه‌مڕۆ و به‌ له‌سه‌ره‌خۆیی ویستویه‌تی ئامانجه‌كانی نه‌ته‌وه‌كه‌مان و خۆزگه‌كانی مسۆگه‌ر بكات. تا ئه‌م كاته،‌ ته‌نیا ده‌سكه‌وت ڕه‌نگه‌ هه‌ر ڕووخانی ڕژیمی دیكتاتۆڕی به‌غاو چه‌سپاندنی فیدراڵی له‌ یاسای كاتی بۆ قۆناخی گواستنه‌وه‌ی ئیراك‌ بێت. كوردستان بۆ هێزه‌كانی هاوپه‌یمان له‌سایه‌ی ئاسایش و ئارامیه‌وه‌ بووه‌ جێگه‌ی پشودانی سه‌رباز و هێزه‌ مارینزه‌كانی ڕوخێنه‌ری ڕژیمی دیكتاتۆڕی. كوردان له‌ جیاتی گولله‌ به‌ گوڵ پێشوازیان لێان كردو تا ئێستا هه‌ر سپاسی ئه‌و چاكه‌یان ده‌كه‌ن كه‌ سه‌دامیان له‌ كۆڵ كردنه‌وه‌. به‌مه‌ش ڕك و قینی تێرۆریستان و هه‌موو عروبه‌ی شۆڤێنیستیان بۆ خۆیان كڕی. سه‌ره‌ڕای ئه‌وه‌ش نه‌سڵه‌مینه‌وه‌ چونكه‌ پێان وابوو ئه‌وه‌ی كردوویانه‌ ڕه‌وایه‌. 
ئه‌مڕۆژانه‌ وه‌ك ده‌بیستین و ده‌بینین گه‌مه‌یه‌كی ترسناك له‌سه‌ر داهاتووی ئێراك كه‌ تا ئێستاش باشوری كوردستانی پێوه‌ گرێدراوه‌ له‌ ئارادایه‌. ئه‌مریكا و بریتانیا له‌ ڕێگای نه‌ته‌وه‌یه‌كگرتوه‌كانه‌وه‌ ده‌خوازن هیواكانی كورد سه‌ر ببڕن و جارێكی دیكه‌ خه‌یانه‌ت له‌ نه‌ته‌وه‌ی زۆر لێكراوی ده‌ستی زلهێزه‌كان و ده‌وڵه‌ته‌ ڕه‌گه‌ز په‌ره‌سته‌كانی ناوچه‌ بكه‌ن. ئه‌خزه‌ر ئیبراهیمی نوێنه‌ری نه‌ته‌وه‌ یه‌كگرتوه‌كان كه‌ عه‌ره‌بێكی جه‌زائیریه‌و كۆنه‌ دۆست و لایه‌نگری سه‌دامه‌و‌، ئێستاكه‌ بڕواپێكاروی بووش و بلێریشه‌، چاره‌نوسی ده‌سه‌ڵاتی داهاتووی ئێراكی ده‌ستكردی كه‌وتۆته‌ ده‌ست و  به‌ ئاره‌زووی عرووبانه‌ی خۆی خه‌ریكی به‌ ئه‌نجامدانی به‌رپرسایه‌تیه‌كه‌یه‌تی.
ئه‌خزه‌ر بۆ خۆی هه‌ڕه‌شه‌یه‌ بۆ سه‌ر داهاتووی كوردان و نه‌ته‌وه‌ یه‌كگرتوه‌كانیش ڕابردوییه‌كی تاریكی له‌مه‌ڕ كێشه‌ی
 كورد هه‌یه‌، ئه‌مریكاو بریتانیاش كه‌ سه‌رچاوه‌ی زۆربه‌ی نه‌هامه‌تیه‌كانی گه‌لی مه‌‌بوون< چه‌رخی گه‌ردوون به‌ بارێكی دیكه‌دا سوڕاو له‌م ئاخر زه‌مانه‌دا بوونه‌ هاوپه‌یمانی كورد!‌ و كوردیش به‌ دڵه‌وه‌و به‌ترسه‌وه‌ ئه‌م هاوپه‌یمانیه‌ی په‌سه‌ند كرد. به‌ دڵه‌وه‌ له‌به‌ر ئه‌وه‌ی دیكتاتۆڕه‌كه‌ی به‌غا له‌ ناوبه‌رن و بۆ جارێكیش بێته‌ خۆزگه‌كانمان له‌بن سێبه‌ری هاوپه‌یمانه‌تیه‌ك دا بێته‌ دی و هه‌ست به‌ ئارامی بكه‌ین. پێشمان وابوو كه‌ چاوی قونجاوی جیهان له‌ ئاست نه‌هامه‌تیه‌كانی كورد هه‌ڵاتوون، ئیدی بۆیان ده‌ركه‌وتووه‌ كه‌ ئێمه‌ له‌به‌ره‌ی ڕه‌وایه‌تی داین. به‌ترسیشه‌وه‌، چونكه‌ ئه‌وان،‌ ئه‌مریكا و بریتانیا سه‌رچاوه‌ی نه‌هامه‌تی و بێبه‌ختیه‌كانی زۆربه‌ی گه‌لانی جیهان و كورد‌یش بوون، ئه‌مڕۆ كه‌ بۆ به‌رژه‌وه‌ندی خۆیان له‌ گه‌ڵمان هاوپه‌یمانن، سبه‌ی جارێكی دیكه‌ له‌گه‌مه‌یه‌كی دیكه‌ی به‌رژه‌وه‌ندییه‌كاندا بمانفرۆشن و خه‌یانه‌تمان لێ بكه‌ن. 
پاش ئه‌وه‌ی ئه‌مریكیه‌كان و بریتانیه‌كان له‌به‌ر سه‌ره‌ڕۆیی و كه‌م ئه‌زموونی و ده‌ستوو پێسپیلكه‌یی و  هه‌ڵه‌واشی كه‌ پێان وابوو هه‌موو چاره‌سه‌ریه‌ك له‌ لووله‌ی چه‌كه‌كانیاندایه‌، هه‌ربۆیه‌ دوچاری به‌گژا هاتنه‌وه‌ و بوون و ئاكاره‌كانیان بوه‌ هۆی زیندو كردنه‌وه‌ی به‌عسیه‌كان و عوروبه‌و كۆماری ئیسلامیش به‌ ئاشكراو به‌ نه‌هێنی كه‌وتنه‌ دنه‌دانی تروریستان و به‌كرێگیراوانی خۆیان.  هێزه‌كانی ئه‌مریكا و بریتانیا جێگه‌یان پێلێژ بوو تووشی هه‌ڵه‌شه‌یی و ده‌ستوو پێوونكردن بوون. له‌م به‌ستێنه‌وه‌ بوو كه‌ ئه‌مریكیه‌كان له‌ په‌له‌قاژه‌ پاراستنی گیانی سه‌ربازه‌كانیان و وه‌ده‌ركه‌وتن له‌و زۆنگ زه‌لكاوه‌ی تێی كه‌وتوون ئاماده‌ن هه‌موو شتێك بكه‌ن تا لێی ده‌رباز ببن. گوێ له‌ سیستانی بگرن و داوای لێبورن له‌ عه‌ره‌بان بكه‌ن و به‌عسیان بگێڕنه‌وه‌ و كوردی دۆستی گیانیشیان بكه‌نه‌ قوربانی مه‌به‌سه‌كانیان و عه‌ره‌بێكی كۆنه‌ دۆستی سه‌ددام ڕاسپێرن تا په‌لیان بگرێ و ڕزگاریان بكات. 
گه‌لۆ  له‌ هه‌لوو مه‌رجێكی ئاوادا كاتی ئه‌وه‌ نه‌ هاتوه‌ سه‌ركردایه‌تی سیاسی كورد به خۆیدا بچێته‌وه‌ و سنورێك بۆ ئه‌و گاڵته‌جاڕیه‌ دابنێن كه‌ وا خه‌ریكه‌ به‌‌چاره‌نوسی نه‌ته‌وه‌یه‌ك ده‌كرێت. ئه‌و به‌ ناو هاوپه‌یمانانه‌ خه‌ریكن وه‌ك مه‌ڕ ده‌مانكه‌نه‌ قوربانی و به‌ته‌ماشن هه‌ر بڵێین به‌ڵێ گه‌وره‌م!!. ئه‌گه‌ر سه‌ركردایه‌تی سیاسی كوردان هێڵێكی سوریان هه‌بێ ئه‌وا ئه‌مریكی و بریتانیه‌كان له‌ ڕێگای ئه‌خزه‌ری كۆنه‌ دۆستی سه‌ددامه‌وه‌ خه‌ریكن ده‌یبه‌زێنن. 
ئه‌رێ كاتی ئه‌وه‌ نه‌هاتوه‌ كوردان جارێك به‌ توندی پێ به‌ زه‌ویداده‌ن و بێژن زه‌وی خڕه‌. پاشه‌كشه‌ له‌وتوێژه‌كان له‌ ڕۆژی ئه‌مڕۆدا پێویستیه‌كه‌ بۆ پاشه‌كشه‌ پێكردنی ویستی نا دۆستان و شۆڤێنیزمی عاره‌بی و ئه‌خزه‌ری ده‌مڕاستیان.
له‌م ڕۆژه‌ چاره‌نوس سازانه‌دا گه‌ل چاوه‌ڕوانی هه‌ڵوێستێكی یه‌كگرتوو به‌هێزن له‌ لایه‌ن سه‌ركردایه‌تی سیاسی كوردستانه‌وه‌.



له‌ گه‌ڵاله‌ێ پێشنیار كراوی ئه‌مریكاو بریتانیا كه‌ كوردان ده‌یانخواست یاسایی كاتی بۆ قۆناخی گواستنه‌وه‌ به‌ڕه‌سمی بناسرێ و باسی بكرێ بۆ ئه‌وه‌ی خواستی فیدراڵی كوردان مسۆگه‌رو گه‌ره‌نتی بكرێ، كه‌چی نبوو. كوردان پێیان له‌سه‌ر سه‌رۆك یان سه‌رۆك شالیاره‌تی ئێراك داده‌گرت كه‌ به‌ر كورد بكه‌وێ كه‌چی ئه‌ویش فت. چاره‌نوسی كه‌ركوكیش دیار نیه‌و كورد ئه‌گه‌ر خه‌مسارد بێت و له‌م هه‌له‌دا مسۆگه‌ری نه‌كات ئه‌وه‌ ڕه‌نگه‌ ئه‌ویش هه‌ر فت بێت.



دوا هه‌واڵه‌كان ئه‌وه‌ ڕاده‌گه‌یه‌نن كه‌ وادیاره‌ سه‌ركردایه‌تی كورد نه‌ك هه‌ر ڕازیبوه‌، به‌ڵكوو ئاماده‌ی كار ئاسانیشن بۆ سه‌رۆكی نوێی ئیراك!. به‌پێی دوا هه‌واڵه‌كان گوایه‌ وشیار زێباری له‌ كابینه‌ی عه‌للاوی دا بكرێته‌ شالیاری به‌رگری و د.به‌رهه‌میش بكرێته‌ شالیاری ده‌ره‌وه‌. هه‌روه‌ها ده‌گوترێ كه‌ بۆ پۆستی سه‌رۆكی ئه‌نجومه‌نی ڕاوێژكاری و جێگری سه‌ركۆمار د. فواد مه‌عسوم و د. ڕۆژ پاڵێوراوی كوردن.



پێیده‌چێ كوردانیان به‌و پۆستانه‌ ‌ ڕازیكردبێ..!!

Saturday, May 29, 2004

شڤان په‌روه‌ر ده‌گه‌ڕێته‌وه‌ بۆ توركیه‌؟!


شڤان په‌روه‌ر له‌ هه‌وڵی گه‌ڕانه‌وه‌ بۆ توركیه‌!؟




حه‌سیب كاپڵانماوه‌یه‌ك له‌مه‌و پێش ده‌نگۆی ئه‌وه‌ هه‌بوو كه‌
هونه‌رمه‌ندی به‌ ناوو ده‌نگی كورد شڤان په‌روه‌ر به‌ نیازه‌ بچێته‌وه‌ بۆ وڵات(باكوری كوردستان). به‌ پێی هه‌واڵێك كه‌ سایتی ئاڤێستا وه‌شاندویه‌تی له‌ زمانی حه‌سیب كاپڵانه‌وه‌ نوسیویه‌تی كه‌ شڤان به‌م نزیكانه‌ وه‌ده‌گه‌رێ بۆ وڵات!. بێگومان هه‌موومان ده‌زانین له‌ باكوری كوردستان كه‌ له‌ بن ده‌سه‌ڵاتی توركاندایه‌ هێشتا بارودۆخ نه‌گۆڕاوه‌و نه‌ته‌وه‌ی كورد هه‌روا حاشای لێده‌كرێ و كورد له‌ دیاریكردنی چاره‌نوسی خۆیاندا سه‌ربه‌ست نین و سه‌ره‌ڕای هه‌وڵه‌كانی ڕژیمی ئاكێپێ بۆ به‌ ئه‌ندام بوون له‌ یه‌كیه‌تی ئوروپادا به‌ڵام گۆڕانكاریه‌كان كه‌ له‌ژێر پاڵه‌په‌ستۆی یه‌كیه‌تی ئوروپادا ده‌وڵه‌ت ده‌یهه‌وێ جێبه‌جێان بكات هه‌ر له‌سه‌ر په‌ڕن و به‌كرده‌وه‌ هه‌نگاوێكی بۆ هه‌ڵنه‌گیراوه‌.  گه‌لۆ شڤان له‌ سه‌رچی ئاواره‌و په‌ڕیوه‌ی هه‌نده‌ران بوو. ئایا ئه‌وه‌ی بوه‌ هۆی ئاواره‌ بوونی به‌ڕێز شڤان په‌روه‌ر له‌ گۆڕێ نه‌ماوه.‌ له‌ توركیه‌ كه‌ هێشتا ده‌سه‌ڵاتی ژێنڕاله‌كان قورسایی له‌سه‌ر ژیانی دیموكراتی و ئازادییه‌ گشتی و تاكه‌كه‌سیه‌كان ده‌كات و ده‌سه‌ڵاتداران بۆ ئه‌ندام بوون له‌ یه‌كیه‌تی ئوروپا ته‌نیا وه‌ك تاكتیك و بۆ خه‌ڵه‌تاندن له‌ گۆڕانكاریه‌ ده‌ستوریه‌كان ده‌ڕوانن و ئه‌وه‌ی كردویانه‌و ده‌یكه‌ن به‌ ووته‌ی ئوروپاییه‌كانیش ته‌نیا بۆ ڕازیكردن و چاوبه‌سته‌ نه‌ك وه‌ك پڕنسیپ و شتێكی جه‌وهه‌ری. له‌ لایه‌كی دیكه‌شه‌وه‌ كوشتن به‌ هۆی بكه‌ری نادیارو گرتن و ئه‌شكه‌نجه‌و ڕاوه‌دوونا هه‌روا به‌ خه‌ست و خۆڵی درێژه‌ی هه‌یه‌، ئه‌دی تۆ بڵێی شڤان به‌ ته‌مای چی ده‌یه‌وێ بگه‌ڕێته‌وه‌ وه‌ڵاتێك كه‌ هێشتا پێیده‌ڵێن به‌شێك له‌ توركیه‌و ناوهێنانی وشه‌ی كوردستان كه‌ شڤان27 ساڵه‌ گۆرانی بۆ ده‌ڵێ، بڤه‌یه‌كه‌ كه‌ به‌تاوان ده‌ژمێردرێ. كاتی خۆی له‌ وتوێژێكی به‌ڕێز شڤاندا ئاماژه‌ به‌وه‌كرابوو كه‌ شڤا ده‌خوازێ بچێته‌وه‌ بۆ توركیه‌و ته‌نانه‌ت هه‌ر پاش ئه‌و وتوێژه‌ نه‌خشه‌ێ كوردستانیش له‌سه‌ر سایته‌كه‌ی لابرا.


 وێنه‌ی شڤان له‌ سه‌ر گۆڤاری ئاكتوه‌لبۆ ئاگاداری زیاتری ئێوه‌ی هێژا ئه‌وه‌ به‌شێك له‌ وتووێژه‌كه‌ی ئه‌وكاتی ئه‌و گۆڤاره‌ توركیه‌‌ كه‌ له‌گه‌ڵ شڤان كردبووی و هه‌ر ئه‌وكات لێره‌ بڵاوم كرده‌وه، جارێكی دیكه‌ لێره‌ داده‌نێمه‌وه‌‌. یه‌كه‌م پرسیاری كۆڤاره‌كه‌ ئه‌وه‌یه‌ : تۆ كه‌نگێ ده‌خوازی بگه‌ڕێیته‌وه‌ بۆ توركیا؟ تو ده‌كاری پێمان بڵێی كه‌ی؟ شیڤانیش ئاوا ده‌بێژێ: تا ئێستا كاتی دیاریكراو نیه‌، لێ ده‌خوازم له‌ به‌هاردا له‌ توركیه‌ بم. ئه‌گه‌ر نها به‌رنامه‌ێ پێشوازیكردنێكی باش هه‌بێ و ده‌رفه‌تێكی لێهاتی بده‌نه‌ من، ئه‌زێ ده‌مه‌ك نزیدا ل تركیه‌یێ بم. یانی ئیدی به‌سه‌، ئه‌م كال دبن. تركیه‌ ژی ب مه‌ را دێ ویها كال ببه و ڤه‌مره‌؟ گه‌ره‌ك ئه‌م به‌ هیڤیه‌ك مه‌زن ده‌ركه‌ڤن ده‌ر. ئه‌م دوژمنێ هه‌ڤدو نین ن، مه‌ گه‌لێك هه‌ڤدو ئێشاند. ئه‌گه‌ر من ده‌ وه‌ختێدا سترانێن به‌رخودانێ دابه‌، ئه‌ڤ بۆ هاتنا باشبونا ڕۆژا ئیرۆ بوو. من بۆ فه‌همكرنێ، تێگهشتنێ وان سترانێن  گۆت، نه‌ بۆ په‌ڤچوونێ. ئیدی، شڤان په‌روه‌ر ل ده‌ر ه، نكاره‌ ڤه‌گه‌ره‌، گه‌ره‌ك نه‌به‌ گۆتن. یانی ڤه‌گه‌ره‌ تركیه‌یێ ژی، قه‌ت تشته‌ك نه‌كه‌ ژی، گه‌ره‌ك بزانبن ئ ببینن، پرسگرێك  وها تونه‌، نایه‌ دیتن. ته‌نێ ده‌سته‌ك براتی بۆ من  درێژكه‌ن. حه‌سره‌تا من بۆ وی وه‌ڵاتی هه‌یه‌ و بۆ وان ئنسانان. هه‌ر ڕۆژ، هه‌ر شه‌ڤ ب هیڤیه‌ك دژیم. هنه‌ك جاران ژ خه‌و ڕادبم و نكارم راكه‌ڤم ژی. دی ژیانا من هه‌موو ویسا ده‌رباس به؟ به‌ڵێ، ئه‌ز له‌ ئه‌وروپایێ مه‌، ل ئامریكایێ مه‌، له‌ دنیایێ ده‌ژیم... جیهێ ئه‌ز دچم، وه‌ك مالا منم، لێ دیسا ژی ئه‌ز نه‌ شاد م.  من خوه‌زلا، من بكاتبا ل گوندێ خو‌  ماڵه‌ك ئاڤاكرا، ل  ئورفایه‌ ماڵه‌ك چێكرا. من بكاربیا ل دیاربه‌كرێ ماله‌ك ئاڤاكرا، مالا من ژی، هێلینا من ژی هه‌با.


هه‌روه‌ها له‌ وه‌ڵامی پرسیارێكی دیكه‌دا كه‌ده‌بێژێ: تو ل هیڤیا بانگه‌كی؟ شڤانیش ده‌بێژێ: بانگه‌ك نه‌به‌ ژی، گه‌ره‌ك حازر بوونه‌ك هه‌به‌. چقاس د به، ئه‌ز ده‌گه‌ڕم وڵاتێ خوه‌. ل ستانبوڵێ، ل ڕوحایێ، له‌ وانێ و ل قارسێ ئه‌زێ بسترێنم.


له‌ به‌شێكی دیكه‌ی وتووێژه‌كه‌ی دا كه‌ له‌گه‌ڵ كێ ده‌خوازی كۆنسرت بده‌ی؛ ناوی یه‌كه‌م سه‌زه‌ن ئاكسۆیه‌. ناو براو ئه‌و به‌ هونه‌رمه‌‌دێكی باش و مرۆڤێكی ئێنترناسیۆناڵ و لیبڕاڵ ده‌زانێ و هه‌روه‌ها باسی ئیبراهیم تاتڵسس ده‌كا و به‌ هونه‌رمه‌ندێكی مه‌زن و داده‌نێ و ده‌ڵێ هاوشاریشمه‌، و ئێمه‌ پێكه‌وه‌ له‌ ستادیوما (دۆلما باهچه‌) كونسه‌رێك بده‌ین ، خراپ ده‌بێ؟


شڤان پێی وایه‌: توركیا كه‌وتۆته‌ سه‌ر ڕێگای ڕاست


كوردستانێكی ئازاد نایه‌ته‌خواستن، كۆمارێكی دیموكراتیك دێته‌ خواستن. دبێ وێ چاخێ ده‌هاپ ببێته‌ پارتیه‌كی توركیه‌. توركیه‌ قه‌ت نایه‌ته‌ پارچه‌كرن.


له‌ ستانبوڵ چوار ملیۆن كورد هه‌نه‌، مێرسین 70% كوردن، ئه‌ده‌نه‌50% كوردن، ما ترك و كورد هه‌ڤدو بكوژن؟


 


پاش چه‌ند مانگ جارێكی دیكه‌و ئه‌مجاره‌ له‌ زمان پارێزه‌ره‌كه‌یه‌وه‌ده‌نگۆی گه‌ڕانه‌و‌ه‌ی شڤان بۆ توركیه‌ بڵاو ده‌كرێته‌وه‌. دیاره‌ ئه‌و كات شڤان ئاكتوه‌لی به‌ درۆخسته‌وه‌و گوتی كه‌ گۆڤاری ناوبراو په‌یڤه‌كانی ئه‌وی شێواندوه‌ و وه‌ك خۆی بڵاوی نه‌كردۆته‌وه هه‌روه‌ها هونه‌رمه‌ندی گه‌وره‌ شڤان له‌ وتوێژێكیدا له‌ گه‌ڵ سایتی ئاموده‌ ده‌بێژێ ئه‌ز چ جاران ناچمه‌ توركیه‌ی نادیموكرات- ("Ez tucarî naçim Tirkiyeya nedemoqrat" ). سایتی ئاڤێستا ئه‌مڕۆ له زمانی حه‌سیب كاپڵانه‌وه‌ ئاوای نوسیوه‌:" پاش 27 ساڵ شڤانپه‌روه‌ر وه‌گه‌ڕه‌ توركیه‌. هونه‌رمه‌ندی ناوداری كورد پشتی بیست و حه‌وت ساڵ ، له‌ ڕێگای پارێزه‌ره‌كه‌یه‌وه‌ سه‌ردانی جێگا فه‌رمیه‌كانی كردوه‌ كه‌ ڕێگای گه‌‌ڕانه‌وه‌ بۆ وڵاتی بۆ بكرێته‌وه‌. پارێزه‌ری شڤان، حه‌سیب كاپڵان به‌ داخویانێكی نوسراوه‌ ئاشكرای كرد كه‌ ئه‌وان بۆ گه‌ڕانه‌وه‌ێ شڤان په‌روه‌ر بۆ وڵات كه‌ به‌ری ده‌ربه‌یا 12ی ئیلۆنێ له‌ وه‌ڵات ده‌ركه‌وتبوو هه‌تا ئێستا وه‌ك هاووڵاتی سوید له‌ ئوروپا ده‌دژی و ئه‌ڤه‌ 27 ساڵه‌ بێ ڕاوه‌ستان خه‌باتی هونه‌ری خۆی ددۆمێنه، سه‌ری له‌ ده‌زگاو سازی په‌یوه‌ندیدار داوه‌و پێواژۆی یاسایی و مافیه‌تی ده‌ست پێكردوه‌. كاپڵان هه‌روه‌ها دیاری كرد كه‌ بۆ ئه‌و مه‌به‌سته‌ سه‌ردانی سازی وه‌ك شالیاره‌تی هوندر، به‌رێوه‌به‌ری گشتی ئه‌وله‌كاری و والی ڕهایێ(ئورفا) كردوه‌. كاپڵان ئاوای گوت: ئه‌گه‌ر ئاسته‌نگی له‌ به‌رده‌م به‌ڕێز شڤان په‌روه‌ر ڕابن ئه‌وه‌ له‌ مانگی ئیلونێ دا وه‌گه‌ره‌ توركیا....."
ئێستا كه‌‌ حه‌سیب كاپڵان خه‌ریكی ڕێگه‌ خۆشكردنه‌ بۆ گه‌ڕانه‌وه‌ی به‌ڕێز په‌روه‌ر بۆ توركیه‌، بڵێی شڤان ئه‌مه‌شیان به‌درۆ بخاته‌وه‌ یان توركیه‌ی نادیموكڕات بوو بێته‌ دیموكراتیك و بارودۆخ گۆڕابێت. پرسیارێكه‌و وڵامه‌كه‌ی لای شڤانپه‌روه‌ری گه‌وره‌ هونه‌رمه‌ندی كورد.
" وا هاتن پێشمه‌رگێن مه‌...."

Friday, May 28, 2004

تاسه‌ی تاساو
نوسینی:‌ هیوا گوڵ محه‌مه‌دی



له‌ ناو ده‌ریای بیری قوڵی تاسه‌ی غوربه‌تێكی بێ كۆتایی یا هه‌ناسه‌م به‌ ئاسته‌م سینگی پڕ له‌ تاسه‌ی دوری 
ئازیزانی وه‌ڵاتی هه‌زاران ساڵه‌ی كۆیله‌یه‌تی به‌رز ئه‌كاته‌وه‌. كزه‌ی كڕیوه‌ی نه‌گه‌ڕانه‌وه‌ و نامۆیی وه‌ك زریانی ئێواره‌یه‌كی تاریكی ئه‌م زستانه‌ی وه‌ڵاتی سه‌رما لێداو هه‌ناومی ئه‌كرده‌ به‌سته‌ڵه‌كی سه‌هۆڵبه‌ندانی ئاواتێكی سه‌رمابرده‌ و به‌ هیواشی فرمێسكی قه‌تیس ماوی چاوانی مه‌وله‌ق لێداوی چاوه‌ڕوانیم له‌ ده‌ریای شینی حه‌ز و خۆزگه‌وه‌ به‌ سه‌ر گۆنای داته‌پیوی هێرش بۆ كراوی ساڵه‌ ها  ته‌مه‌نی پڕ له‌ نه‌گبه‌تیما هاتنه‌ خوار و له‌ سه‌ر سینگی هه‌ستی هه‌ناوی ئاخێكی بێ كۆتاییا چونه‌ ناو ڕوباری هه‌ر دیمه‌وه‌ی خه‌ونی خۆشی پاش ماندوویه‌تی سه‌فه‌ری وه‌دوا كه‌وتوی گه‌ڕانه‌وه‌ما.
 له‌ ته‌نیای ژیانی پڕ له‌ ژانی هه‌ڵبڕاویا، جارو باره‌ بزه‌ی خۆشی بیره‌وه‌ریه‌كی ڕابردووی دور ئه‌نیشێته‌ سه‌ر لێوه‌ بارگرتوه‌كانم كه‌ ته‌نانه‌ت له‌ سڕی كڕیوه‌ی ئه‌م سه‌هوڵ به‌ندانه‌ نه‌تواوه‌ی غوربه‌تا جوڵه‌ی نایه‌ و ته‌نیا بیری بیرم له‌ بۆ خۆی لێوی حه‌زی به‌ نازی نه‌وازیشی گوڵی گونای ئازیزێكی نه‌بینراوا ئه‌له‌رێته‌وه‌ و ئه‌ڵیی شنه‌ی شه‌ماڵێكی به‌ ئاسته‌مه‌ و چڵی گوڵ گرتویی دار هه‌نارێك ئه‌له‌رینێته‌وه‌.
 ئه‌وكاته‌ی كه‌ من كه‌وتمه‌ ناو كاروانی كاروانچیه‌كانی، كاروان كوژه‌ی نه‌هامه‌تی ژیانی بنده‌ستییه‌وه‌، بۆ خۆشی، بۆ خۆشه‌ویستی، بۆ كه‌س نه‌په‌ره‌ستی، بۆ جوانی په‌ره‌ستی، بۆ سه‌رمه‌ستی و هه‌ڵبڕان له‌ بن ده‌ستی و وه‌ك یه‌ك ژیان و سه‌ربه‌ستی، دنیایه‌كی جوان و ڕه‌نگین و ڕه‌نگاو ڕه‌نگم له‌ ناو بیر و مێشكی خۆما بنیات ئه‌ناو و له‌و دنیایه‌ دا حه‌ز كردن و حه‌ز لێكردن وه‌ك هه‌ڵبژاردنی میوه‌ی به‌ تامی باخ و باخچه‌ی ژیانێكی كراوه‌ی بێ كوت و به‌ند بو.
 به‌ڵام كاتێك ترێنی ژیانی پڕ له‌ كاره‌سات وه‌ك مارێكی به‌ ئازار پێچی ئه‌خوارد و خوار و خیچ ئه‌بوه‌وه‌ ده‌ست و قاچی بیری كراوه‌م كه‌وته‌ ناو كه‌له‌پچه‌ی شه‌رت و مه‌رجه‌ نه‌ ناسراوه‌كان و ئه‌و جا بۆ ده‌رچون له‌ ناو ئه‌و داوه‌ ناباوه‌ی كه‌ كه‌س نازانی بۆچی و چۆن و له‌كوێوه‌ هاتوه‌ كه‌وتمه‌ په‌له‌قاژه‌ ، كه‌چی وه‌ك له‌ ناو زه‌لكاوێكا گیرخواردو بم هه‌تا زیاتر ئه‌جوڵام زۆرتر ئه‌چومه‌ خوارێ و قوڕه‌كه‌ خه‌ستر ئه‌ی گرتم.
 ئاخ چه‌ند ناخۆشه‌ ئه‌وكاته‌ی كه‌ شه‌وه‌ی ناحه‌زی خۆبه‌ستنه‌وه‌ و نه‌زانین، نه‌زانانه‌ له‌ هه‌ست و هزر و ده‌رونت تێ ناگاو وه‌ك ئه‌وه‌ی دوو قوماشی لێك جیای له‌ به‌رده‌ستا بی ئاوا جیای دروست ئه‌كا و سه‌ری هه‌ست و زانینه‌ مرۆڤیه‌كان سه‌ركوت ئه‌كا و ناهێڵی سه‌ر له‌ خاكی به‌ پیتی خۆشه‌ویستی و حه‌ز و خوزگه‌ و ئه‌ڤینا بێنێته‌ ده‌ر.
 هۆ ئازیزه‌ نه‌بینراوه‌ ده‌ربه‌ند كراوه‌كه‌ی هێز و گۆڕ و تینی به‌رده‌وامی ژیان، ئه‌و كاته‌م دێته‌وه‌ بیر كه‌ من وه‌ك ئاده‌م و تۆش وه‌ك حه‌وا به‌ ڕوت و قوتی، به‌ پاكی و بێگه‌ردی هاتینه‌ ناو دنیای داپوشراوی خۆبه‌ستنه‌وه‌وه‌، په‌یامێكمان پێ بۆ، په‌یامی دڵداری و ئه‌وین ، په‌یامی سه‌رمه‌ستی بۆ ژین، په‌یامی دو مرۆڤی دڵ و ده‌رون پاكی خۆزگه‌ و ویستن.... به‌ڵام هه‌یداد، نه‌مانزانی كه‌ بۆ ئه‌و ویسته‌ سه‌ره‌تاییه‌ی دنیای ژینی كورتی تاسه‌و و حه‌زین، ده‌بێ وه‌ك عیسا له‌ خاج بدرێین، وه‌ك مه‌م و زین له‌ قه‌فه‌س و وه‌ك وه‌لی و شه‌م لێك دابڕێین.
 هۆ په‌پوله‌ی هه‌ڵفڕیوی باخی بێ گوڵ، په‌له‌ مه‌كه‌، بۆ كوێ ئه‌چی... تۆزێ ڕاوه‌سته‌ گوێم لێته‌..گوێم له‌ باڵه‌بانی ده‌نگی حه‌زینی دواین سه‌مفونیای ویستی به‌رده‌وامی ژینته‌ كه‌ له‌ گه‌روی برینداری جه‌سته‌ی لاواز كه‌وتوی نامورادیته‌وه‌ هاته‌ ده‌ر و داوای لێ بوردنی تاوانی نه‌كردوت كرد... به‌ڵام گیانه‌ گوێچكه‌ی به‌رانبه‌ره‌كه‌ت به‌ په‌ڕوكۆنه‌ی حه‌یا و شه‌ره‌فی هه‌زار ساڵه‌ی دۆڕاو ئاخیندراوه‌... به‌ڵام گیانه‌ ...له‌ بازاڕی بیری داگیر كراوی یاسای باوی ناباوی ده‌سكردی بنه‌ماڵه‌ و ... وشه‌ی لێبوردن وه‌ك گه‌وهه‌ری نه‌ناسراو بێ كڕیاره‌...بۆیه‌ قامكی ده‌ستێكی بێ هێزی جه‌سته‌یه‌كی بێ توانا فه‌رمانی له‌ دڵێكی پڕ ڕق و قین و بیرێكی نامۆ به‌ هه‌ست و سۆز و خۆشه‌ویستی یه‌وه‌ وه‌رگرت و له‌ لوله‌ی ده‌مانچه‌ی ده‌رون ته‌نگی هه‌ناو سارده‌وه‌ توزێك سوربی گه‌رمی به‌ هه‌ناوی بێ هاناته‌وه‌ كرده‌ خواری.
 دواین هه‌ناسه‌كه‌ت وه‌ك هه‌ناسه‌ی مریه‌م چوه‌ ناو سیه‌كانی مه‌سیحی ئه‌به‌دیه‌تی خۆشه‌ویستی  و خۆش ویستنه‌وه‌ و تا هه‌تایه‌ له‌ دڵی ئه‌ویندارانی ژینی سه‌ربه‌ست  و ڕێز لی گرتنا لی ئه‌دا و بۆ ساتێكیش ڕاناوه‌ستی.



تێبینی: ئه‌م په‌خشانه‌ پێشكه‌شه‌ به‌ فاتیمه‌ی شه‌هین داڵ و هه‌موو هاو چاره‌نوسه‌كانی. بێگومان كێشه‌ی فاتیمه‌  وهه‌مو ئه‌وانی تری وه‌ك ئه‌و، كێشه‌یه‌كی كۆمه‌ڵایه‌تیه‌ و ده‌رئه‌نجامی ئه‌و كولتوره‌ نابه‌جیه‌یه‌ی داسه‌پاوی داگیركه‌رانی نیشتمانه‌كه‌مانه‌.  ده‌نا كورد له‌ مێژوی خۆی دا و به‌ پێ گاتاكانی ئاڤیستای پیرۆز جیاوازی نه‌كردوه‌ له‌ نێوان ئه‌ندامانی كۆمه‌ڵ دا. به‌و هیوایه‌ی كه‌ له‌ بن ده‌ستی ڕزگاریمان بێت و بگه‌ڕینه‌وه‌ سه‌ر ئه‌سڵی خۆمان.